Warar dheeraad ah ayaa waxaa laga helayaa dab xooggan oo saakay ka kacay bakhaar hubka lagu keydiyo kaasi oo ku yaalla deegaanka Docol ee gobolka Mudug. Dabkan oo loo maleynayo inuu koronto ka dhashay ayaa waxaa uu baab’iyey dhammaan hubkii halkaasi yaallay, sidey sheegeen dadka deegaanka. Wariyaheenna Cali Cayn ayaa soo sheegaya in Bakhaarkan uu ahaa mid ay hubka ku keydsan jireen dadka deegaanka, welina ay socoto baariraanka saxda ah ee waxa dabkan uu ka dhashay. Halkaan hoose ka dhageyso: https://goobjoog.com/wp-content/uploads/2019/04/WARIYE-CALI-CAYN-GAALKACYO.mp3 Goobjoog News Source: goobjoog.com

Dowladda federaalka ayaa u muuqata mid aan weli waxbo ka qaban cabashada ay soo jeediyeen agoonta ciidanka xoogga dalka oo muddo Afar bil ah aan wax gunno ah ka helin dowladda. Qaar ka mid ah hooyooyinka carruurta agoonta ah ee ay ka tageen askartii xoogga dalka ee dagaallada Al-shabaab kula jiraan ku dhintay ayaa u sheegay Goobjoog News, in caruurtooda aanay u hayn cunto, hoy iyo waxbarasho. Waxay sheegeen in mar hore la diiwaangeliyey, xitaa loo sameeyey xiisaabaad (Accounts) lacago loogu soo diro, balse aanay jirin wax ay arkeen muddo Afar bil ah. Madaxweyne Farmaajo iyo Ra’iisul wasaare Kheyre ayeey ka dalbadeen in sida ugu dhaqsiyaha badan ay wax uga qabtaan cabashadooda. Halkaan hoose ka dhageyso: https://goobjoog.com/wp-content/uploads/2019/04/Agoonta-Xoogga-Dalka-Ayaa-ka-dalbaday-Raisal-wasaaraha-in-loo-fasaxo-Gunooyi.mp3 Goobjoog News Source: goobjoog.com

(SLT-Gaalkacyo)-Warar dheerad ah ayaa kasoo baxaya dab khasaare gaystay oo maanta ka kacay Bakhaar lagu kaydiyo hubka oo ay leeyihiin ciidammada Galmudug kaas oo ku yaalla deegaanka Docol ee Gobolka Mudug. Deegaanka Docol ayaa qiyaastii 40km u jira Magalada Gaalkacyo,waxaana deminta dambkaas oo ka bilaamay koronto ku guulleystay Maamulka deegaanka Docol iyo qeybaha kala duwan ee Bulshada deegaankaas. Bakhaarka dabka uu ka kacay ayaa kayd hub u ahaay Ciidammada Maamulka gobolleedka Galmudug, balse waxaa lagu guuleystay daminta dabkaasi. Source

(SLT-Sri Lanka)-Ugu yaraan 100 qof ayaa lagu soo waramayaa in ay ku dhinteen tiro kalena ay ku dhaawacmeen qaraxyo ka dhacay kaniisado iyo iyo hoteello ku yaal dalka Sri Lanka. Ilaa lix qarax ayaa la soo sheegayaa in ay ka dhaceen kaniisado iyo hoteello ku yaal dalkaasi, xilli lagau guda jiro ciidda Masiixiga ee Easter. Qaraxyada ayaa la sheegayaa in ay ka dhaceen kaniisado ku yaal degmooyinka Kochchikade, Katuwapitiya iyo Batticaloa. Saddex qarax oo kale ayaa lagu soo waramayaa in ay ka dhaceen hoteellada Shangri La, Cinnamon Grand iyo Kingsbury oo dhammaantood ku yaal bartamaha magaalada caasimadda ah ee Colombo. Ilo wareedyo ayaa wakaaladda wararka ee AFP u sheegay in ugu yaraan 80 qof oo dhaawac ah la dhigay isbitaallada Colombo. Maanta oo Axad ah ayaa masiixiyiinta caalamka waxa ay xusayaan ciidda masiixiga ee Easter. Sawirro la soo dhigay baraha xiriirka bulshada ayaa muujinayay dhiig daadsan mid ka mid ah kaniisadaha la weeraray. Warbaahinta maxalliga ah ee dalka Sri Lankan ayaa sheegaya in dalxiiseyaal shisheeye ay suurtagal tahay in ay ka mid yihiin dadka ay dhibaatada ka soo gaartay qaraxyadani. Madaxweynaha dalkaasi Maithripala Sirisena ayaa warbixin qoraal ah oo uu soo saaray waxa uu shacabka ka codsaday in ay is dejiyaan oo ay baaritaannada ka caawiyaan laamaha ammaanka. Wasiirka maaliyadda ee Sri Lanka Mangala Samaraweera ayaa qoraal uu soo dhigay bartiisa Twitter waxa uu ku sheegay in weerarradani ay u muuqdaan kuwo aad loo soo qorsheeyay oo looga gollahaa dil, jahawareer iyo xasilloonidarro. Waxa uu intaa ku daray in weerarradaasi lagu laayay dad badan oo aan waxba galabsan. Ma jirta cid ilaa haatan sheegatay mas’uuliyadda qaraxyadaasi. Dalkaasi Sri Lanka waxaa u badan dadka aaminsan diinta Buudiistaha, waxaana dhawr jeer ay rabshado dhex mareen Muslimiinta iyo Buudiistaha. Rabshado dhacay bishii Maarso ee anadkii 2018 ayaa Buudiistuhu waxay gubeen masaajidda iyo hantida dadyowga Muslimiinta ahi, arrintaa oo sababtay in waddanka la geliyo xaalad deg deg ah. Sidoo kale waxaa jirtay cabsi ah in maleeshiyaadka kooxda la baxday dowladda Islaamka ee Daacish ay halis ammaan ka abuuraan dalkaasi Sri Lanka. Source

Muqdisho (Caasimada Online)-Ra’iisul wasaaraha Soomaaliya Xasan Cali Kheyre ayaa markii ugu horeysay wareysi uu bixiyay wuxuu kaga hadlay caburinta lagu eedeeyo inay ku hayaan siyaasiyiinta iyo shacabka Soomaaliyeed. Ra’iisul wasaare Kheyre ayaa sheegay in dad badan ay aamisan yihiin dowladda hadda jirtaa inay xoog u adeegsato shacabka, balse taasi ay tahay waxba kama jiraan, sida uu hadalka u dhigay. Wuxuu sheegay in amarka dowladnimo uu yahay in markii la doonayo in dhaqaalaha horumarin lagu sameeyo la fogaado musuq maasuqa,taasina ay hormuud u tahay la-xisaabtanka dowladda. Wuxuu sidoo kale sheegay in loo baahan yahay in dadka kala ogaadaan Maxaan xoog aheyn maxaase Xoog ah, sida uu hadalka u dhigay. “Waxaa Muhiim ah in dadka kala ogaadaan maxaa xoog ah maxaasne xoog aheyn, marka aad musuq maasuq la dagaalameyso waxaa dhacaya waxyaabo badan, waxaan balanqaaday inaan ciidamada dib u habeyn ku sameyneyno, waxaan balanqaadnay inaan dadkii hore ka duwanaan doono, waadna aragtaan inaan aniga iyo madaxweynaha wali wada joogto”ayuu yiri Xasan Cali Kheyre. Isaga iyo madaxweynaha Soomaaliya ayuu sheegay inay balan qaadeen waxyaabo badan oo ay ugu horeyso inay wada shaqeyn doonaan, walina ay wadadaasi ku socdaan sida uu hadalka u dhigay Xasan Cali Kheyre. https://www.caasimada.net/wp-content/uploads/2019/04/Kheyre.mp3Caasimada Online Xafiiska Muqdisho Caasimada@live.com

Wararka saaka ka imaanaya degmada Yubbe ee gobolka Sanaag ayaa sheegaya in shalay galab halkaasi lagu dilay taliye urur oo ka tirsan ciidamada Somaliland ee degmadaasi. Taliyaha oo magaciisa lagu koobay G/dhexe Nayjeeri ayaa sida la xaqiijiyay waxaa dilay askari ka tirsan ciidankiisa oo muran soo kala dhex galay inkastoo aan faahfaahin laga hayn waxa ay ku murmeen. Askariga oo isku dayay in uu goobta ka baxsado ayaa isna waxaa halkaasi ku toogtay ciidamada kadib rasaas mudda socotay oo ay is weydaarsadeen isaga iyo ciidamadii ceyrsaday. Faahfaahinta Puntland Post The post Mid kamid ah taliyaasha ciidamada Somaliland oo Yubbe lagu dilay appeared first on Puntland Post.

(SLT-Guddoomiyaha Ururka Majmaca Islaamka ee Culimadda Soomaaliya, Sheekh Yuusuf Cali Caynte ayaa la dhigay cisbitaalka Jamaacadda Al-azhar University Hospital ee Degmadda Nasar ee magaalada Qaahira, si looga daaweeyo dhaawacyo culus oo ka soo gaadhay qarax bishii la soo dhaafay ee March 28-dii ka dhacay magaaladdan Muqdisho. Hormuudka Jamaacadda Al-zahar, Dr, Maxamed Al-maharazaawi ayaa ku booqday Cisbitaalka, si uu u hubiyo xaaladda caafimaadka Sheekh Yuusuf Cali Caynte iyo inuu arko Adeegyadda Daaweynta ee uu u baahan yahay. Hadal ka soo baxay Xarunta Warbaahinta ee Al-zahar University ayaa lagu sheegay inay arrintaasi timid, kadib Jadwalka shaqo ee Iimaamka Weyn ee Al-azhar, Dr. Axmed Al-tayib, si loo daaweeyo Sheekh Caynte. Xarunta Warbaahinta Alazhar waxay sheegtay in markii uu Sheekh Yuusuf Caynte soo gaadhay Qaahira sida ugu dhaqsaha badan loogu sameeyey Baadhitaanadda muhiimka ah iyo barnaamijka daaweynta muhiimka ah in loo fidiyo. Cisbitaalka Jamaacadda Al-azhar ayaa loo aqoonsan yahay mid ka mid ah Cisbitaalaldda ugu waa weyn daalka Masar iyo guud ahaan dalalka Carabta. Source

Waxaa gebi ahaanba istaagay isku socodka ganagsiga iyo dadka dagmada Balad-xaawo iyo Kenya ka dib markii dowladda Kenya ay xirtay xadka ay la wadaagto Soomaaliya. Zaytuun Maxamed Cali oo ka mid ah dadka ku nool dagmada Balad-xaawo oo la hadashay Goobjoog News ayaa sheegtay in wax weliba ay istaageen sida ganacsiga, caafimaadka iyo waxbarashada, sidoo kale waxa ay sheegtay inaan labada shacab marna ayna kala maarmin dadkana isku baahan yihiin. “ Annaga wax badan aaan uga baahneyn oo xaga nolosha ah sida waxbarashada, daawada iyo ganacsiga ayagana waxa aan u gudbin jirnay caanaha iyo ganacsiga Xamar ka imaanaya runtii annaga iyo ayaga waan isku nooleen,” Zaynab Maxamed oo hadalkeeda sii-wadato ayaa sheegtay in caruurtii waxbarashada aadeysay iyo dadkii u shaqo tagi jiray dhanka Kenya iney xaafada joogaan ayna jirin wax dad ah ama ganacsiya oo gudbaayo dhanka Kenya. “ Wax gudbaayo ma jiraan waa rajo la’aan in illaahey uu nasri uu keeno maahane, ciidamadu xabad ayeey la taagan yihiin oo qofkii soo gudbo ay ku dhufanayaan, dadkii waxa ay ku qasbanaadeen iney guryahooda iska joogaan” Dhanka kale Zaynab ayaa meesha ka saartay in wax wada hadal ah ay dowladda Kenya la gashay maamulka dagmada Baladxaawo ama ay isku deyday inay hadalkooda dhageysato, lakiin waxa ay sheegtay in labada shacab ay saamayneyso xirnaashiyaha xadka. “ Nin dalkiisii xirtay oo adiga kula munaaqashoonaynin maxaad adiga u sheegi kartaa oo lagaa koobinaa , annaga hadda waan aamusanahay koleey waa lawada hadli doonaa baahida naheyso ayagana waa ay heysaa labada dhinacna waa laysku baahan yahay, lakiin waxaan rajo ka qabnaa in lawada hadli doono asbuucyada soo socda” Ugu danbeyn Zaynab Maxamed Cali ayaa sheegtay in dadka reer Balad-xaawoo ay heystaan macalimiin dhaqaatiir iyo ganacsataba lakiin dadku ayugu umuuqato inay wax waliba dowladda Kenya ay hoos fariistaan. “ Annaga macalimiin, dhaqaatiir, ganacsato intaba waan qabnaa lakiin dad ayaa ah kuwo aan u jeedin waxa ay heystaan kaliya waxaa u muuqda waa iney marwaliba tusaan Kenya inay baahanyihiin ma arkaan waxa illaahey ku maneystay dadkeena, waxa ayna rabaan kaliya inay wax walba u hoos fariistaan Kenya, runtii haddaan la helin xal anaga waxaan rabnaa inaan u wareegno dhanka dalka Itoobiya” Goobjoog News Source: goobjoog.com

Nin 50 Dal Soo Maray Oo Shirkadda Dahabshiil Ammaanay Axmed Cabdiweli Al Qaasimi oo ah nin reer Yamaneed ah ayaa soo gaadhay Somaliland. Ninkan oo afartii sanaba mar socdaala ayaa waddamo badan ku soo maray socdaal dhinaca dhulka ah isaga oo adeegsanaya Awr waxaanu socdaal ku gala bixin doona meelo ka mid ah dhulka Somaliland. Axmed Cabdiweli Al Qaasimi oo sita calanka Somaliland, calanka Yemen iyo astaanta shirkadda Dahabshiil Group ayaa telefishanka Universal u sheegay in uu shirkadda Dahabshiil dalal badan ku soo arkay waxaanu ammaanay masuuliyiinta shirkadda oo uu sheegay in uu maalgalin ka helay markii uu yimid Somaliland. “Socdaalkayga waxaan ka bilaabay Yemen, kadibna Ereteriya, Suudaan, Liibiya, Aljeeriya, Marooko, Lubnaan, Suuriya, Ciraaq, Urdun, Sucuudiga, Imaaraadka, Baxrayn, Qadar, Cumaan, Kuwayd, Baagistan, Hindiya, Bangaladheesh, Barma, Thailand, Malaysiya, Jabuuti, Kenya, Tansaniya, Musanbiik, Saambiya, Koonfur Afrika, yacnii dalal badan ayaan soo maray,” Sidaas ayuu yidhi Axmed Al Qaasimi. Al Qaasimi ayaa la waydiiyay sida ay ugu suuro gashay in uu wada maro dalal ku kala yaalla qaarado kala fog waxaanu ku jawaabay “Badda waxaan soo fuula doon meel ilaa meel kadibna waxaan lugeeyaa dhulka,” ayuu yidhi Axmed Al Qaasimi oo uu weheliyo Cabdulqafaar Al Qamari oo Hargeysa ka raacay waxa uu socdaal lug ah ku mari doona degaanno ka mid ah Bariga Somaliland waxaanu sharraxay ujeedada socdaalkiisa ee dalal kala duwan iyo Qaarado kala duwan uu ku maro “Waxay tahay aqoon korodhsi iyo ku cimro qaadasho barashada bani’aadamka iyo arlada iyo dabeecadda oo aan wax ka qoro oo aan sawiro oo ah wax qurux badan,” ayuu yidhi Al Qaasimi. Al Qaasimi oo 25 sanadood waday socdaalka ayaa sheegay in afar sanno marka uu hawlihiisa qabsadaba hal sanno safro waxaanu ka hadlay sababta uu u sito calamada Somaliland iyo Yemen “Waxaanu sidana calanka Somaliland iyo calanka Yemen oo is garab yaalla, waddan kasta oo aanu tagno waxaanu qaadana calankiisa, calanku wuxuu muujinaya nabad cid kasta oo nagu aragta waxba nama yeesho.” Waxa kale oo la waydiiyay sababta uu u sito astaanta shirkadda Dahabshiil Group waxaanu sheegay in uu ku soo arkay guud ahaan dalalka uu marayay haddana uu qaabilaad fiican kala kulmay “Waxaanu u mahadnaqayna Xaaji Maxamed Siciid Ducaale (Dahabshiil) iyo shirkadihiisa Dahabshiil Group oo aanu maalintii u horaysay u tagnay waxbaanay na tartay oo way na maalgalisay Dahabshiil, dallaayaddan iyo astaantan magaca shirkadda waxaanu u soo qaadanay waa nooc ka mid ah karaamaynta iyo mahadnaqa,” sidaas ayuu yidhi Axmed Al Qaasimi. Al Qaasimi ayaa marka uu ka laabto Somaliland waxa uu ka qayb gali doona tartan dhanka awrta ah oo sanadkan ka dhici doona dalka Imaaraadka Carabta. Qaran News

Dhuusomareeb (SMN) – Ciidamada ammaanka ee Galmudug ayaa baaritaano dheeraad ah ku haya gaari lagu soo dhex qariyay hub oo shalay lagau qabtay duleedka magaalada Dhuusomareeb ee xarunta maamulkaasi. Gaariga oo ahaa nuuca xamuulka ayaa la sheegay in alaab uu siday la soo dhex galiyay hubkaasi. Saraakiisha Galmudug oo la hadlay Warbaahinta ayaa waxa ay tilmaameen in weli ay baaritaan ku hayaan gaarigaasi, iyagoona gacanta lagu dhigay shaqsiyaadkii la socday. Halkan hoose ka dhageyso Warbixinta. https://www.radioshabelle.com/wp-content/uploads/2019/04/caligaab-gaari-xamuul.mp3 View the full article

Muqdisho (SMN) – Wasiir ku-xigeenka Wasaaradda Waxbarashada, Hiddaha iyo Tacliinta Sare ee Xukuumadda federaalka Soomaaliya Mudane Feysal Cumar Guuled ayaa kulan wadatashi ah la qaatay ardeyda fasallada 4-aad ee dugsiyada sare ee M/Muqdisho. Kulanka ayaa Waxaa ka qeyb galay Gudoomiyaha Jaamacadda Ummadda Soomaaliyeed maxamed Axmed Jimcaale iyo Agaasimaha Tacliinta sare ee wasaaradda waxbarashada Mudane Cismaaciil Yuusuf Cismaan. Hadafka kulanka ayaa ahaa sidii wasiir ku xigeenka wasaaradda waxbarashada uu u dhageysan lahaa Su,aalo weydiinta ardeyda ee ku aadan imtixaanka sanad dugsiyeedka kaas oo dhici doona bisha may oo maalmo kooban ay ka harsantahay iyo sidii uu faah faahin uga siin lahaa dadaalka wasaaradda waxbarashada ay ugu jirto horumarinta waxbarashada dalka. Wasiir ku xigeenka waxbarashada xukuumadda federaalka Soomaaliya Mudane Feysal Cumar guuleed ayaa sheegay in wasaaradda waxbarashada xoogga saareyso sidii loo heli lahaa dhalinyaro Soomaaliyeed oo waxbartay. Ardeyda fasallada 4-aad ee dugsiyada sare ee Magaalada muqdisho ayaa wasiir ku- xigeenka weydiiyay Su,aalo ku aadan imtixaanka iyo haddii ay dhacdo in ardaga uu imtixaanka gali wayo sababo caafimaad darteed iyo xirnaashaha wadooyinka magaalada Muqdisho. Mudane Feysal Cumar Guuled ayaa ardeyda ka qeyb galay kulanka u sheegay in wasaaradda waxbarashada ay diyaarisay dhammaan goobihii lagu gali lahaa imtixaanaadka sanad dugsiyeedka islamarkana aysan dhici doonin in arday wadada laga xiro. Wasiir ku xigeenka wasaaradda waxbarashada Mudane Feysal cumar Guuled ayaa tilmaamay in wasaaradda waxbarashada marnaba aysan ilaabi doonin horumarka ardayda Soomaaliyeed. Dhanka kale, Wasaaradda Waxbarashada.Hidaha iyo Tacliinta Sare ee Dowladda Federaalka Soomaaliya ayaa shaacisay jadwalka imtixaanka ardayda Fasaladda 12-aad ee Dugsiga Sare ee Sanadkaan 2018/19, ee galidoono Imitixaanka Shahaadiga ah. Sidoo kale, Wasaaradda Waxbarashada ayaa sheegtay in la diyaariyay oo mardhow ay ardayda la wadaagi doonto xarumaha imtixaanka ee Gobolka Banaadir. Halkan hoose ka Akhriso:- View the full article

Marka (SMN) – Dagaalamayaasha Al Shabaab ayaa xalay weeraray Abaaro 9:30 Fiidnimo deegaanka Golweyn oo dhinaca bari ka xiga M/Marka ee gobolka Shabeelaha Hoose. Weerarka kadib ayaa waxaa lagu soo warramayaa in dagaal fool ka fool ah oo u dhexeeya Ciidamada DFS iyo kuwa AMISOM oo dhinac ah iyo Al Shabaab uu ka dhacay deegaankaasi. Lama Oga Khasaaraha rasmiga ah ee ka dhashay Dagaalkaasi oo u dhexeeya Ciidamada DFS iyo Al Shabaab. Guddoomiyaha maamulka deegaanka Golweyn ee Gobolka Shabeelaha Hoose Maxamed Sheekh Cismaan Islow oo aan qadka Taleefanka kula xiriirnay ayaa tilmaamay in Al Shbaaab ay weerar ku soo qaadeen , hayeeshee ay iska caabiyeen islamarkaana xaaladdu haatan tahay mid degan isagoo meesha ka saaray in ay jiraan wax khasaaro ah oo ka dhashay dagaalkaasi sida uu hadalka u dhigay. Waxaana Guddoomiyuhu sheegay in weerarka ay ka soo qaadeen Al Shabaab dhinaca Beer Cali Shuut oo ah dhul beereed illaa 1 KM u jira deegaankaasi Golweyn. Dhinacooda Al Shabaab ma jiro wax war ah oo ay ka soo saareen weerarkaasi balse weerarkaan ayaa imaanaya xilli dhaqdhaqaaqyo Ciidan oo iska soo horjeeda ay Ciidamada DFS iyo Al Shabaab intuba ka wadaan Gobolka Shabeelaha Hoose. View the full article

Muqdisho ( Sh.M.Network):-Halkaan ka dhageyso Warka Subax ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/04/Warka-Subax-210419.mp3-web.mp3 View the full article

Ciidamada Mareykanka ayaa sheegay iney duqeyn ka fuliyeen gobolka Jubbada hoose gaar ahaan Jamaame iyaga oo halkaasi ku dilay 2 ka mid ah Al-shabaab. Mareykanka waxaa ay ku doodeen in Al-shabaab ay dib ugu celiyeen dooxada Jubbalad, iyaga oo intaasi ku daray in aaney jirin wax rayid ah oo duqeynta wax ku noqdey. William West, oo ah agaasime ku-xigeenka howl-galka AFRICOM ayaa ammaaney ciidamada Soomaalida iyo sida ay u gacan siiyeen kuwa Mareykanka. Goobjoog News Source: goobjoog.com

(SLT-Tripoli)-Dagaal culus ayaa ka qarxay koofurta magaalada Tripoli ee caasimadda dalka Liibiya ka dib markii xukuumadda ay Qaramada Midoobey taageerto ay ku dhawaaqday weerar rogaal celis ah oo ka dhan ah ciidamada uu hoggaamiyo janaraal Khalifa Xaftar ee duulaanka ku soo qadaay Tripoli. Dagaalkan ayaa imaanaya iyadoo maalmihii la soo dhaafay ay dhaqdhaqaaqyo kooban sameynayeen dhinacyada isku haya gacan ku haynta magaaladaasi Tripoli, waxaana muddada labada usbuuc ah ee ay dagaalada socdeen waxaa ku dhintay qiyaastii 220 qof. Ciidamada daacadda u ah janaraal Khalifa Xaftar ayaa billoowgii bishan weeraray xooggan waxa ay ku soo qaadeen magaalada Tripoli oo ay doonayeen in ay maamulkeeda gacanta ku dhigaan. Maalmo ka hor ayaa rai’salwasaaraha dowladda ay Qaramada Midoobay taageerto ee Liibiya ayaa cambaareyn adag dusha uga tuuray beesha caalamka. Source

(SLT-Muqdisho)-Ciidammada Mareykanka ee jooga Soomaaliya ayaa sheegay inay duqeyn ka geysteen degmada Jamaame ee Gobolka Jubada hoose halkaasoo sidoo kale ay sheegeen in Ciidamada AMISOM iyo kuwa Soomaalida ay qabsadeen aagag cusub. War ka soo baxay Taliska ciidamada Mareykanka ee Afrika (AFRICOM) ayaa lagu sheegay in duqeynta oo dhacday shalay lagu dilay laba dagaalyahan oo ka mid ah Al-shabaab. Waxaa kale oo lagu sheegay in howlgalkaas uu barbar socday mid dhulka ah oo ciidamada AMISOM iyo kuwa dowladda Soomaaliya u suurtageliyay inay Al-shabaab ka saaraan Jiinka wabiga Jubba. Ciidammada isku dhafka ah ayaa dhulka ay ka baxeen Al-shabaab ee Wabiga Jiinkiisa ah waxaa ay ka sameysteen difaacyo cusub sida lagu sheegay qoraalka Mareykanka. Source

Wasaaradda Waxbarashada Hidaha iyo Tacliinta Sare ee Dowladda Federaalka Soomaaliya ayaa shaacisay jadwalka imtixaanka ardayda Fasaladda 12-aad ee Dugsiga Sare ee Sanadkaan 2018/19, ee galidoono Imitixaanka Shahaadiga ah. Sidoo kale, Wasaaradda Waxbarashada ayaa sheegtay in la diyaariyay oo mardhow ay ardayda la wadaagi doonto xarumaha imtixaanka ee Gobolka Banaadir. Halkan Ka Akhriso Jadwalka: Source: goobjoog.com

(SLT-Hindiya)-Xaakimka ugu sarreeya Hindiya, Ranjan Gogoi, ayaa lagu eedeeyay inuu faro-xumeyn kula kacay haweeney ka shaqeyn jirtay maxkamada gudoomiyaha ka yahay. Haweeneyda oo 35 jir ah ayaa gudbisay dacwad ay ku sheegayso in bishii Oktoobar ee sannadkii hore uu xaakimka laba goor ku xadgudbay, xilligaasi oo ahayd waxyar uun kadib markii xilka loo magacaabay. Waxa ay intaa ku dartay in qoyskeeda la dhibaateeyay markii ay diidday faro-xumeynta uga timid xaakimka. Xaakim Gogoi oo war qoraal ah ka soo saaray eedeynta ayaa “si buuxda u beeniyay” waxaana uu ku tilmaamay isku day “xasillooni darro looga dhex abuurayo waaxda garsoorka”. Haweeneyda oo ah xaas la qabo, magaceedana aan la shaacin karin sida uu dhigayo sharciga Hindiya, ayaa sheegtay in faro-xumeynta ay dhacday 10-kii iyo 11-kii Oktoobar xilli ay ku sugnaayeen xafiis uu xaakimka ku leeyahay hoygiisa. Waxa ay ku andacooneysaa in xaakim Gogoi uu “xabadka geliyay, isla markaana uu ka taabtay meelo badan oo jirkeeda ah, isagoo isku dhajinaya”. Markii uu joojin waayay ayay sheegtay inay ku qasbanaatay inay iska riixdo. Haweeneyda ayaa sheegtay in Gogoi uu u sheegay in aanay cidna ku wargelin waxa dhexmaray, haddii kalena ay qoyskeeda la kulmi doonaan “dhibaatooyin waaweyn”. Waxa ay intaa ku dartay in saddex goor laga bedelay goobteedii shaqada oo loo wareejiyay meelo kale, ka hor intii aan bishii Disembar shaqada laga eryin. Waxa kale oo ay sheegtay in ninkeeda iyo walaalkeeda labaduba shaqadoodii laga jooiyay. Bishii Maarso ayaa nin kamid ah dadka ku nool magaalada Jhajjar waxa uu dacwad ka gudbiyay haweeneydan isagoo sheegay inay usoo celin weyday lacag laaluush ahaan ay uga qaadatay si ay shaqo uga raadiso maxkamada. Waa ay beenisay eedeyntaasi, waxaana ay sheegtay in isla bishaasi ay iyada iyo xubno ka tirsan qoyskeeda tageen saldhig boolis halkaasoo lagu aflagaadeeyay. “Waxay u muuqataa in cagajugleynta, dhibaatada iyo jirdilka aanay joogsan doonin ilaa iyo inta aan ka sheegayo halka uu arinka ka soo bilowday iyo ujeedada laga leeyahay,” ayay ku sheegtay warqada dacwada ah ee ay u dirtay maxkamada. Muxuu eedeynta ka yidhi xaakim Gogoi ? Qoraal ka soo baxay xafiiska xoghayaha guud ee maxkamada ugu saraysa Hindiya oo wakiil ka ah xaakimka ayaa ugu horreyn looga jawaabay eedeynta. Waxaa qoraalka lagu sheegay in eedeymaha ay “gebi ahaanba been yihiin, si buuxdana uu u beeninayo”. Waxaa lagu sheegay in haweeneyda “aysan fursad u heli karin inay si toos ah ula tacaamusho xaakimka ugu sarreeya dalka”. Qoraalka ayaa tilmaamay eedeynta laaluush qaadashada ah ee loo jeediyay haweeneyda, waxaana lagu sheegay “inay u muuqato in eedeymaha been abuurka ah looga gol leeyahay xeelad cadaadis lagu saarayo dacwadaha kala duwan ee ay billaabeen maxkamadaha.” Waxaa sidoo kale qoraalka lagu sheegay in haweeneydaasi shaqada laga eryay “iyadoo la raacayo hannaanka saxda ah” kadib markii lagu helay “hab-dhaqan aan habooneyn”. Xaakim Gogoi ayaa qudhiisa Sabtidii arintan uga jawaabay guddi gaar ah oo ka tirsan maxkamada ugu saraysa Hindiya. “Ma doonayo inaan sharafteyda hoos u dhigo oo aan ka jawaabo eedeymahan,” ayuu yidhi, isagoo intaa ku daray “Si xushmad leh ayaan ula dhaqmaa dhammaan shaqaalaha maxkamada ugu saraysa dalka.” Waxa uu intaa ku daray inay jiraan xoogag isku dayaya inay xasillooni darro ka dhex abuuraan garsoorka ayna jiraan xoogag waaweyn oo ka dambeeya eedeymahaasi ka dhanka ah. Source

Gaalkacyo (Caasimada Online)-Wararka ka imaanaya deegaanka Docol ee gobolka Mudug ayaa sheegaya inuu gubtay baqaar hubka lagu keydiyo oo ku yaala saldhiga dhexe ee deegaankaasi. Dabka ayaa bilowday waaberigii saaka, waxaana lagu waramayaa inaan la ogeyn waxyaabaha ka dambeeyay inuu dabka ka kaco qol ku dhex yaala saldhiga deegaanka Docol ee gobolka Mudug. Guddoomiye ku xigeenka deegaanka Docol Axmed Xuseen oo saxaafadda la hadlay ayaa sheegay in muddo lala tacaalayo daminta dabka ka kacay qeybta keydka hubka ee saldhiga deegaanka. Wuxuu sheegay inaysan heysan dab damis wanaagsan oo ay dabka ku daminayaan, waxaana dabka uu faafay kadib markii laga baqay in hubka qolka ku jira ay qaraxyo sameeyaan. Cabsi xoogan ayaa deegaanka ka jirta, waxaana socdo dadaalo ay wadaan dadka deegaanka, sida uu sheegay guddoomiyaha deegaanka Docol ee gobolka Mudug. Axmed Xuseen, wuxuu sheegay in hal ruux oo waxyeelo ay dabka kasoo gaartay loo qaaday magaalada Gaalkacyo si halkaasi loogu daaweeyo. La soco waxii kusoo kordhaa Insha allah Caasimada Online Xafiiska Mudug Caasimada@live.com

Muqdisho (Caasimada Online)-Warar dheeraad ah ayaa kasoo baxaya qaraxyo ka dhacay gobolka Shabeelaha Hoose, qaraxyadaasi oo lala eegtay ciidamo ka tirsan dowladda Soomaaliya. Qaraxa Koowaad ayaa ka dhacay deegaanka Sabiib ee gobolka Shabeelaha Hoose halkaasi oo dhawaan ciidamada dowladda Soomaaliya ay la wareegeen, waxaana ciidamada qaraxa lala eegtay xilli ciidamadu ay wadeen dhaq dhaqaaqyo ciidan iyo howlgallo ay ku baadi goobayeen Xubno ka tirsan Ururka Al-Shabaab. Wararka ka imaanaya deegaanka Sabiib ayaa sheegaya in qaraxa ka dhacay ay ku geeriyoodeen ku dhawaad lix askari oo ciidamada kamid ahaa, halka kuwo kalana ay dhaawacyo kasoo gaareen. Qaraxa ka dhacay Sabiib ayaa la sheegay inuu haleelay gaari dagaal oo ciidamada ay la socdeen, waxaana askarta dhaawacantay la sheegay in loosoo qaaday magaalada Muqdisho. Dhinaca kale qarax miinada nooca dhulka lagu aaso ah ayaa waxaa lala eegtay Gaari nooca booyada ah kaas oo la sheegay in uu shidaal u siday Ciidamada Bangaraafta ee Mareykanka uu tababaray,kuwaas oo ku sugan Saldhiga ay lu leeyihiin Garoonka Diyaaradaha Balli-doogle ee gobolkaasi Shabeellaha Hoose. Wararka aan heleyno ayaa sheegaya in qaraxaasi uu sababay dhimashada labo askari iyo dhaawaca labo kale, waxaana burburay Booyada uu qaraxa haleelay, sida ilo xog ogaal ah ay xaqiijiyeen. Saraakiisha ciidamada dowladda Soomaaliya ayaanan wali ka hadlin qaraxyada lagula eegtay Shabeelaha Hoose, waxaana masuuliyadda qaraxyada sheegtay Al Shabaab. Caasimada Online Xafiiska Muqdisho Caasimada@live.com

Qaran News

Muqdisho (Caasimada Online) – Qoyksa Marxuum Maxamed Cali Dacar oo ahaa siyaasi hore oo ka tirsanaa ururkii SYL iyo dowladii rayidka ayaa ka hadlay dhulka mirinaayada ee degmada Cabdi Casiis oo ay isku hayaan dowladda iyo Xaaji Muuse Suudi. Dhulkan oo ah xaruntii hore ee ciidamada badda (Ex-Marino) ayaa loo sheegay inuu Muuse Suudi ka guuro, si dowladda ay uga dhigto dhul safaaradaha caalamka ay degaan, ayada oo Muuse uu diiday isaga oo ku doodaya inay siisay dowladdii hore. Si kastaba, qoyska Maxamed Cali Dacar ayaa sheegay in dhulka la isku hayo uu ku jiro dhul uu lahaa aabahood, oo dowladda ay dooneyso inay dan-guud dhigto, halka Muuse Suudi uu isna xoog ku haysto. Cabdi Maalik Maxamed Dacar ayaa sheegay inay dhulkaasi ku leeyihiin laba boos oo dhinaca badda ka xiga xarunta uu Muuse Suudi degan yahay Gurigii taliyaha ciidamada Badad, waxaana dhacday inuu dhulkaasi la wareegay Muuse Suudi, kuna darsaday xarunta uu heysto. Cabdi Maalik Maxamed Cali Dacar oo ku sugan Mareykanka, ayaa faahfaahin ka bixiyey sida dhulkaasi uu aabihii ku milkiyey iyo waxa dhex maray iyaga iyo Muuse Suudi, isagoo caddeeyay in Guddoomiyaha xilligan ee G/Banaadir uu ka mid ahaa dadkii waanwaanta ka galay in dhulkooda looga qaado Muuse Suudi. Cabdimaalik ayaa soo bandhigaya dokumintiyo muujinaya lahaanshaha dhulkaas oo uu lahaa Aabihiis Maxamed Cali Dacar dhulkaas yeeshay sanadkii 1965, ayna lahaayeen muddo 54 sano ah. Qoyskan ayaa waxaa isugu darsantay iyadoo dhulkooda markii hore uu awood uga heystay Senator Muuse Suudi, kadibna ay Dan guud uu ka dhigay maamulka Gobolka Banaadir, waxaana hadda isku heysta dowladda Soomaaliya Senator Muuse Suudi. Hoos ka daawo Cabdi Maalik Caasimada Online Xafiiska Muqdisho caasimada@live.com

Magaalada Hargeysa oo is-fadeexaysay + Sawirro Caasimada Somaliland ee magaalada Hargeysa ayaa maalmihii dambe waxa ka curtay roobabkii Gu’ga, iyadoo maalintii Jimcihii uu ka da’ay Roob biyo badan dhigay. Roobkan Hargeysa ka da’ay Jimcihii ayaa waxa uu banaanka usoo saaray hab dhaqano caan ka ah Magaalada Hargeysa dhexdeeda oo Dadweynaha magaaladu ay sameeyan marka uu da’o roob weyn oo keena biyo badan oo qul-qula wadooyinka. Dadweynaha caasimada Hargeysa ayaa caado ka dhigtay marka uu roob weyn da’o inay biyaha roobka raaciyan qashinka guryahooda u yaala, kuwaasi oo u arka fursad ay iskaga fogeyn karaan qashinka tuban guryahooda. Waxa dhacda mararka qaar inay biyahaasi roobku ee xawliga u socdaa ay qashinka si toosa u gaadhsiiyan badhtamaha Magaalada, weliba iyaga oo dhex dhiga wadooyinka waaweyn ee ugu isticmaalka badan. Arrinkan ayaa fool-xumo ku ah Bilicda Hargeysa, kaasi oo muujinayana hab-dhaqanka Bulshada ku nool qaarkood, iyadoona dood ka dhex abuurtay Bulshada, gaar ahaan dadka isticmaala baraha bulshadu kuwada xidhiidha. Doodan ayaa ka dhalatay kadib markii Baraha bulshada lagu baahiyey sawirro muujinaya qashin badan oo Daadadku sidaan, kuwaasi oo tubnaa suuqa badhtanka Hargeysa. Bulshada qaar kamid ah ayaa u arka in Dadku xaq u leeyihiin inay qashinka raaciyan Biyaha roobka, haddii ay Dowladda hoose ee Hargeysa ay shaqadeeda gabtay, halka kuwa kalena ku doodayaan in Dadku si ka wanaagsan sidan ay qashinkooda iskaga fogayn lahaayen. Dadka arrinkan kaga hadlay Baraha Bulshada, qaarkood ayaa yidhi “Xashiishka aad roobka la sugaysaan reer Hargeysay, ka daaya shacabyahow mucaaridka iyo muxaafidkaba iskugu jira”. Halka, Dadka qaarkood ay iyaguna qabaan aragti midaa ka duwan oo ah in qashinka ay dadweynuhu raacinayaan biyaha roobka ay ahayd in xili horeba ay Dowlada Hoose ka qaado bulshada, iyaga oo Mas’uuliyada qashinka tuban caasimada dusha u saaray Dowladda Hoose ee Hargeysa. Dhinaca kalena, Dadyowga qaarkood ayaa iyaguna ku dhaliilay Xisbiga talada haya ee Kulmiye oo uu kasoo baxay Maayarka Hargeysa inay kaalinteedi ay gabtay. Dowladda hoose ee Hargeysa ayaa qandaraas ku siisay labo shirkadooda Nadaafada Magaalada, kuwaasi oo bil walba guri kasta $5 dollar kaga qaada qashinka, iyadoo hadana taasi jirto ilaa hadda malaha shirkadahaasi hab nidaamsan oo ay qashinka ku guraan. Sikastaba, Golaha deegaanka Hargeysa ayaa waxay ka koobanyihiin 25-xubnood, kuwaasi oo la doortay sannadkii 2012-kii, iyagoo markii wakhtigu ka dhamaaday muddo kordhin loo sameeyay sannadkii 2017-kii, waqtigaas oo bishii hore ee March ku idlaa, illaa iyo haddana weli waxay ku fadhiyaan sharci darro. Qaran News

Muqdisho (Caasimada Online) – Wasaaradda Betroolka iyo macdanta ee dowladda federaalka ah ee Soomaaliya ayaa la sheegayaa iney isku koobtey wax ka bedelka sharciga shidaalka, iyada oo shirkii ugu dambeeyey ee ka dhacay Djibouti 17-kii bishan aaney ka qeyb gelin dowlad goboleedyada. Waxaa goobta tagay wasaaradda Betroolka iyo Macdanta iyo guddiga kheyraadka dabiiciga ah iyo bey’ada ee golaha shacabka. Sida ka duwan Cahdi qarameedkii Embakasi 2004-tii, waxaa ku cad heshiiskii Baydhabo ee June 5, 2018 iyo xataa sharcigii 2008 ee dib u eegista lagu sameeyey in shidaalka ku jira dal bad iyo bariba ay leeyihiin shacabka Soomaaliyeed ayna wakiil uga yihiin dowladda federaalka ah iyo dowladaha xubnaha ka ah, qodobbadaas dastuurig a ah oo qasab uga dhigaya dowladda federaalka ah iney tallaabo walbo kala tashtaan dowlad goboleedyada. Haddaba xubno ka tirsan wasaaradda Betroolka oo nala soo xiriiray, isla markaana codsadey in magacooda la qariyo ayaa xaqiijiyey in wasaaradda Betroolka aaney casuumin dowlad goboleedyada, kooxdan oo su’aalo ka keenay sababta dowladda federaalka ah ay diyaarinta sharciga uga fogeyneyso dowlad goboleedyada iyada oo wasiirka wasaaradda Betroolka ku eedeeyey inuu iska indho-tirayo talooyin ay u soo-jeediyeen, waxaa ayna cabsi ka qabaan in ay dowladda federaalka ah isku koobto qandaraasyada xaraashka iyo guud ahaan arrimaha shidaalka. Dowladda federaalka ah ayaa la filayaa iney baarlamaanka federaalka ah hor geyso sharciga shidaalka ka hor bisha Ramadaan, si ay uga hor marto xilliga la shaacinayo shirkadaha ku guuleystay xaraashka oo ah November 7, 2019 iyo December 9, 2019 uu wasiirka saxiix doono heshiiska shirkadaha ku guuleystay iyada oo isla bishaas la hor-geyn doono golaha wasiirrada si uu u dhaqan galo January 2020-ka. Dhinaca kale, marka laga reebo sharciga shidaalka, jahawareer ayaa ka jira gudaha wasaaradda Betroolka ee dowladda federaalka ah, howlihii kale ee la xiriiray fududeynta ee hannaanka shidaalka waxaa galay gaabis kadib markii hal mar la ceyriyey 3 khabiir oo agaasimeyaal ka ahaa wasaaradda Betroolka. Khubaradan ayaa kala ah: Cabdulqaadir Abiikar Xuseen oo ahaa agaasimaha Arrimaha Tiknikada ama technical director Cabdulahi Xeydar oo isna ahaa Regulatory Director Cabduqadir Tahiil. Legal Director Si uu eedeymahan uu uga jawaabo, waxaan la xiriirnay wasiirka Betroolka iyo Macdanta ee dowladda federaalka ah ee Cabdirashiid Maxamed Axmed isaga oo ku jawaabay “ Ciddii sheegtay Information kaas haloo raadsado”! Caasimada Online Xafiiska Muqdisho caasimada@live.com

Hargeysa (Caasimada Online) ― Dr. Cali Khaliif Galeyr ayaa maanta mar kale ka hadlay heshiiskii u dhaxeeyey Khaatumo iyo Somaliland ee sanadkii 2017 ka dhacay magaalada Caynaba. Cali Khaliif, ayaa waxa uu sheegay in xiligan Somaliland looga baahan-yahay inay fuliso heshiiskii uu hore ula galay madaxweynihii hore ee Siilaanyo, wuxuuna yiri “Waayadan waxaad maqlayseen in qolyo khaatumo ah iyo qolyo guddi Somaliland ah oo wasiiro u badan uu wada hadal u socday, arimo cul-culusna waa ka wada hadalnay iyada oo ay jiraan qaar aanu heshiis ku gaadhnay,waxaana jiray heshiis aanu ku saxeexnay Caynaba 20 October 2017, kaas oo madaxweyne Siilaanyo saxeexay aniguna aan saxeexay baarlamaankuna ansixiyey”. “Hadaba dimuqraadiyadeena iyo is-xukunkeenu waaba inagu cusub yahay waana laga yaabaa in hawsha sidaas u dhacday ee madaxweyne saxeexay oo baarlamaanku ansixiyey in loo qaadanayo toos oo la hirgelinayo balse ma dhicin iyada oo labada madaxweyne ee la kala wareegay heshiisku ay xisbiga Kulmiye ahaayeen, waxay noqotay in hadana hawshaas oo culus darteed waxay dhabtu tahay in siyaasadu ay marmar sakal gasho bal markaa in siyaabo kale oo wax lagu xaliyo la raadiyaa, markaa waxaan is idhi armaa tabliiq siyaasi ahi wax soo kordhin karaan oo dadka shacabka ah ee Somaliland oo arimahani khuseeyaan armay fiican tahay inay war ka hayaan”. Galeyr ayaa waxa kale oo uu ka dhawaajiyey ineysan jirin wax mansab ah oo uu ka rabo Somaliland iyo Soomaliyaba, isagoona sheegay in Somaliland ay dagaal dad laayen ka geysteen deegaanada Khaatumo, wuxuuna yiri “Anigu Cali ahaan mansab aan Somaliland iyo Soomaaliya ka rabaa ma jiro, dhaqaale aan ka rabaana ma jiro laakiin waxa ii muuqata in somaliland iyo hogaamiyaha maanta jooga haddi aanay ka fiirsan arimaha gobolada Sool, Sanaag, Cayn iyo Boorama oo darafyada ah wax aynu xamar nidhaahno waan ula doodaynaa oo laynaga dhagaysanayaa ma jirto.” “Waa nala laayey soo maaha, waar Somaliland waa na laysay iyaga oo qabaa’il ah iyo ciidamo ahba oo hubkii Somaliland ayey magaaloyinkayaga kusoo galeen, waar anaga ayaa ku haysana maxaad noo layseen, balse anaga ayaa rabna Somaliland oo dantayada ka aragnay, meel kale oo aanu ku doorsanaynaana ma jirto”. Wuxuuna intaas kusii daray Cali Khaliif Galeyr “Haddii dhag loo dhigi waayo xitaa haddii aan anigu iska dhoofo oo aan iska tacabiro, waxa la yidhaa rayi wakhtigiisa yimid wax is hortaagi karaa ma jiro, waan ogahay oo fule xantiisa ma moogee cida odhanaysa Cali Khaliif yuu wataa Sool clan lama socdee waa beentood, fikirka dadkayagu rabaan waxa weeyaan in aanaan Somaliland iyo reer sheekh Isxaaq marti uma noqonayno ee waxbaanu wada yeelanaynaa ama waxba iskuma nihin”. Caasimada Online Xafiiska Hargeysa Caasimada@live.com