Wararka ka imaanaya gobolka Gedo ayaa waxay sheegayaan in diyaarado dagaal ay duqeyn ka geysteen deegaanno ka mid ah gobolkaasi. Duqeyntan ayaa waxay diyaaradahan la eegteen deegaanno hoostaga degmooyinka Garbahaarey iyo Cadalle ee gobolkaasi, waxaana halkaa ku sugnaa xubno ka mid ah Xarakada Al-shabaab. Goob joogayaal ayaa inoo sheegay in diyaaradahan meelaha ay duqeeyeen ay kala yihiin Warcaddey, Kurtun Dhooble iyoLibaaxlow. Lama oga illaa iyo hadda khasaaraha ka dhashay duqeyntan, iyadoo dhanka kalena aan la ogeyn diyaaradaha duqeyntan fuliyey dalka laga leeyahay. Warkaan wixii kusoo kordha kala soco wararkeena kale Goobjoog News Source: goobjoog.com

Garbahaarey (SMN) – Illaa lix xubnood oo ka tirsanaa Al Shabaab ayaa maanta siyaabo kala duwan isugu soo dhiibay Ciidamada dowladda federaalkas Soomaaliya. Xunahan ayaa waxaa ku jira labo sarkaal oo iska soo dhiibay gobolka Gedo, sida ay shaaciyeen saraakiil ka tirsan kuwa Milatariga Soomaliya oo ka howlgal degmada Doolow ee gobolkaasi. Magacyada saraakiishaasi ayaa lagu kala sheegay Farxaan Cabdi Maxamuud iyo Cabdullaahi Maxamed Maxamuud Sidoo kale saraakiisha Ciidamada dowladda aya intaasi ku daray in xubnahani ay la soo goosteen hubkoodii. Labo sarkaal oo kale oo ka tirsan Al Shabaab ayaa sidoo kale lagu soo warramayaa in ay isku soo dhiibeen Ciidamada dowladda ee ku sugan degmooyinka Garbahaarey iyo Baardheere ee isla gobolka Gedo, inkastoo aan la shaacin magacyada raggaasi. Dhinaca kale wararka laga helayo gobolka Hiiraan ee bartamaha Soomaliya ayaa ku warramaya in labo ka tirsanaa Al Shabaab ay isku soo dhiibeen Ciidamada nabad sugida dowladda ee ka howgala gobolkaasi. Magacyada raggan ayaa lagu kala sheegay Cabdinaasir Maxamed iyo Cali Dhuux Maxamed. Ma jiro illaa iyo hadda wax war ah oo ka soo baxay Xarakada Al Shabaab oo ku aadan xubnahaasi la sheegay in AY ka soo goosteen dhankooda. View the full article

(SLT-Muqdisho)-Wasiirka warfaafinta Soomaaliya, Daahir Maxamuud Geelle ayaa goor-dhow ku dhawaaqay inuu iska casilay xilkii uu ka hayey xukuumadda raysal wasaare Xasan Cali Kheyre. Daahir Maxamuud Geelle ayaa is-casilaaddiisa sabab uga dhigay kala duwanaansho dhinaca fikirka ah oo u dhaxeysa isaga iyo madaxda dowladda Soomaaliya. Source

Bariire (SMN) – Wararka ka imaanaya gobolka Shabeelaha Hoose ayaa sheegaya in maanta Ciidamada sida gaarka u tababaran ee Danab ay la wareegeen gacan ku heynta deegaanka Bariire oo qiyaastii 65 KM galbeed ka xiga magaalada Muqdisho Ciidamada oo dagaal xoogan ku qaaday deegaankaasi ayaa gabi ahaan ka saaray Xarakada Al Shabaab. Taliyaha Danab Gashaanle C/raxmaan sheekh Cumar (Jeeniqaar) ayaa xaqiijiyay la wareegitaanka Bariire, waxaana uu tilmaamay in haatan Ciidamada dowladdu baaritaano ay ka wadaan gudaha deegaankaasi. Sidoo kale wararka ayaa intaasi ku daraya in Ciidamadu ay ku sii siqayaan deegaano kale oo ka tirsan gobolka Shabeelaha Hoose. Ilo deegaanka ah ayaa Idaacadda Shabelle u xaqiijiyay in Ciidamadu ay hadda kaabiga ku hayaan degmada Awdheegle ee gobolkaasi. Muddooyinkii dambe Ciidamada dowladda aya kordhiyay howlgallada ka dhanka aha Al Shabaab ee ka socda koonfurta iyo bartamaha Soomaaliya. View the full article

Guddoomiyaha xisbiga mucaaradka ah ee Waddani Cabdiraxmaan Maxamed Cabdihlaahi (Cirro), ayaa taageerayaashiisa ugu baaqay in aanay ka qayb qaadan diiwaangalinta dhawaan komishanku uu doonayo inuu dalka ka qabto isaga oo ku eedeeyay doorashada lagu galaayo inay laba xisbi oo kaliyaati galayaan. Sida oo kale guddoomiye Cirro waxa uu sheegay in madaxweyne Biixi uu doortay in uu dadka dalka qayb ka mid ah madaxweyne u noqdo, isla markaasna qaybta soo hadhay aanay noqonayn bilaa madaxweyne.waxa uu si adag uga hadlay xaalada dalka isaga oo xukuumada ku eedeeyay inay qaaday wadadii kalitaska ugana digay in waanay wadadaasi Somaliland ka soconayan. Waxa uu arimahan ka sheegay guddoomiyaha xisbiga mucaaradka ugu weyn shir jaraa’id oo uu ku qabtay xafiiskiisa, waxaanu ugu horayntii hadalkiisa ku bilaabay tacsi uu u diray ehelada saraakiishii lagu laayay gobalka Sanaag “Waxaan tacsi qaran u dirayaa saraakiishii ciidanka Somaliland ee danbiilayaashu ku dileen gobalka Sanaag, qaranka iyo ehelkoodii iyo xaasaskoodiina waan ka tacsiyaynayaa waxa waajib ah in sharciga la horkeeno danbiilayaashaas waxaanse ka xumahay sida la sheegay in saraakiishaasi muddo shan cisho ah ay gurmad ka dalbanayeen Maxamed Kaahin oo ku mashquulsanaa doorashada labada xisbi qabanayaan, waxaan kaloo tacsi u dirayaa oday inagu weyn Suldaan Cabdilaahi Cabdi Koore oo ka mid ahaa odayaashii nabadaynta gobalka Sanaag oo ka soo baxay Sanaag markii arintani dhacday oo dhexda gaadhi kula dhacay kadibna geeriyooday.” Xaalada Somaliland Somaliland maanta waxay maraysaa marxalad adag oo aan ka qarsoonayan indhaha shacbiga reer Somaliland iyo indhaha beesha caalamka,Somaliland waxa ay ahaan jirtay oo lagu tilmaami jiray laanbad ka ifaysa Geeska Afrika, waxa ay heshay magaca iyo maamuus wanaagsan waxa ayaan daro ah in maanta karaamo beel ka mudantahay dad badan oo karaamayn jiray, karaamadaas iyo laanbada laga damiyayna waxa masuul ka ah oo sabab u ah xukuumada xisbiga KULMIYE, waxaad maanta ka warqabtaan xukuumadii KULMIYE waxa ku maqan dhamaan hantidii ma guurtada ahayd ee shacbigu lahaa, hantidii way socotay maanta waxaynu ka hortaaganahay nafihii shacbiga Somaliland. Dalka waan ka maqnaa xoogaa waxaan ka dhoofay iyada oo shacbigu ay la tiicayaan sicirbarar xadhkaa goostay waxaan soo noqday iyada oo wali shacbigu tiiraanyadii iyo cabashadii uu qabo, waxaan soo noqday iyada oo la yidhi doolarkii tobanka kun ahaa sideed kun ayuu tagay, dadkii doolarka haysan jiray mar kaliyaata ayay gacantooda ka waayeen halkii doolarba laba kun oo shilin, maceeshadii iyo badeecadii midna qiimahoda hal santi lagama dhimin,. Taas macnaheedu waxa weeye qof kastaa waxa uu waayay 20% waxii uu haystay dadkii mushaharkoodu uu ahaa lacagta Somaliland oo ay ugu badnaayeen dadka wax dhisa, dhismuhuna waa shaqo siiyaha ugu weyn Somaliland dhismihii waa uu istaagay sarifka awgii, waxaana ku dhacay dad badan shaqo beel, walina tiiraanyadaasi way taagan tahay xukuumadii qorshe la iman lahayd lagu badbaadiyana waxay ku mashquulsan tahay ku tacadiga shacbigeedii oo saxaafadu ugu horayso, kala qaybinta bulshada iyo dhul boob. Maadaama oo ay Ramadaan soo dhawdahay xukuumaduna ay waajibkeedu ahaa qorshe arinta lagu furdaaminaayo hase yeeshee aanu soo muuqan qorshe ay soo wado waxaan u soo jeedinaya shacbiga Somaliland inay iyagu isku naxariistaan oo qof waliba maadaama oo ay ramadaana inoo soo galayso uu jaarkiisa ogaado oo waxii uu ku tari karaayo uu ku taro, maanta shaqaalaha iyo ciidamada mushaharkoodu kuma filna, waxaan aad iyo aad u bogaadinayaa dhalinyaro is xilqaantay oo la sheegay in ay qaadhaan u ururinayaan qoysaska balbalaadhan ramadaanta, maadaama kaalintii ay xukuumadu gabtay ganacsatadana waxaan ku boorinayaa inay shacbigooda u naxariistaan. Arimaha Doorashooyinka Waxa aad ka warqabteen xisbiga Waddani inuu doorashadii ka tanaasulay markii komishanku uu ku dhawaaqay, intii ka danbaysay sanad iyo dheeraad waxa Waddani uu fadhiyay miiska wada hadalka ee asxaabta, waxaan u fadhinay in doorasho wakhtigeedii ku qabsoonta aynu helno, qabyada doorashadana la qabyo tiro oo ay ugu horayso cidii doorashada inoo qaban lahayd ama siidhwadayaashii ama garsoorayaashii ama komishankii oo si siman asxaabtu u soo xuleen dhexdhexaadna ah, waxaan filaynay sanad iyo badhkaas in arinta saami qaybiga oo go’aankeeda laga filaayay madaxweynaha ay wali ka soo bixi la’dahay guntigii madaxweynaha, xeerkii baarlamaanka ee doorashada in la ansaxiyo iska daaye wali golaha lama hordhigin, kootadii dumarka iyo dadka laga tiro badan yahay wali lama hirgalin, miisaaniyadii doorashadu ma jirto iyada oo intaas ay qabyo tahay iyad oo wadahadalkii asxaabtu ay socdaan waxaad ogtihiin in laba xisbi ay qol cidla ah isla galeen oo ay yidhaahdeen anaga ayaa doorasho qabsanayna arintaasi waa riyo maalmeed aan sinaba Somaliland uga hirgalayn. Walaalayaal waxa layaab leh ninka leh doosho ayaan qabanayaa ee Somaliland qoriga dabka ah kula wareegaya ee maalinba doonaya inuu meel ku dhajiyo inuu yahay wasiirkii ka masuulka ahaa amniga qaranka, arintaasi sharcina maaha caqlina maaha sinaba ugama suurtoobi karto Somaliland shacbigu waa yaaban yahay, beesha caalamkuna waa ay yaaban tahay, waxaan ka digaynaa arintaas sii wadisteeda, waxaad ka warqabtaan in labada xisbi ay Komishanka ku meeraysanayaan in komishankii madaxweynuhu u yeedhiyo in labada xisbi baarlamaanka tagayaan arintaas waxaanu ka digaynaa inay tahay dab Somaliland lagu dhajinaayo, waxa layaab leh in madaxweynii qarankan aynu u dooranay inuu hogaamiyo oo dalka uu mideeyo uu ka doorbiday inuu bulshada qayb ka mid ah madaxweyne u noqdo, hadduu madaxweynii qaranku inuu qarankan madaxweyne u noqdo uu ka doorbiday KULMIYE iyo UCID inuu madaxweyne u noqdo dalka intiisa kale madaxweyne la’aan mayso, hadii uu madaxweynuu ka doorbiday oo ay waajibkiisa ahayd inuu dalkan doorasho qaran u qabto oo asxaabtu u siman tahay oo uu go’aansado inuu KULMIYE iyo UCID inta kalena doorasho la’aan mayso, waxaan u sheegayaa shacbiga iyo umadda reer Somaliland in hadii xukuumadii iyo laba xisbi hadii ay yidhaahdeen dalka kala badh ayaanu ka tashanaynaa in aanay inta kalena talo la’aan doonin, waxaan u sheegayaa oo aan farayaa dhamaan taageerayaasha xisbiga Waddani haday joogaan gobal,degmo iyo goob In aanay marnaba aqbalin diiwaangalin iyo doorasho ay laba xisbi wataan, fariintaas ayaan gaadhiinayaa dhamaan taageerayasha xisbiga Waddani. Waxa aad ka warqabtaan intii ay xukuumadani jirtay inay tahay xukuumadii ugu tacadiga badnayd saxaafada,ganacsatada, samafalayaasha imikana waxay ku dartay hooyooyinka iyo umulihii arintaasi waxay muujinaysaa inay Somaliland qaaday tubtii digtaatooriyada waxaanan ka digayaa in aanay halkan digtaatooriyadi ka suurto galayn boqortooyana ka suurto galayn, mudadaas kooban hadaan ka soo qaado sanadkan oo kaliyaata 2019-ka waxa la xidhay inkabadan 15 saxafi, waxa albaabada loo xidhay Foore, waxa hanjabaad iyo digniin la siiyay tilifishano ka mid ah Somaliland oo uu ka mid yahay Saab iyo Star arintaas sii socodkeedu waxa uu dhalin karaa gadood shacbi, digtaatooriyadu dunida oo dhan way soo martay halkay ku danbeeyeena waad ogtahay. Waxaanu ka digaynaa in xukuumadu ay dhaqankaas badasho shacbiga ay masuulka ka tahayna ay hagardaamada ka dayso saxaafada dastuurku uu u baneeyay madaxbanaanidana ay madaxbanaanidooda siiso dalkana cadaalad ay ku hogaamiso. Wada hadalka Somaliland iyo Somaliya Adduunyadu taariikh ayay wada leedahay dawladnimadu waxay ku dhisan tahay aaminaada shacbigu aamino dawladiisa,waa arin ay dhamaan dalalku soo mareen dadka shacbiga ah markuu aamino dawladiisa iyo haayadihiisa dhamaan waxa uu u hogaansamaa amarada iyo shuruucda ka soo baxa laakiin marka uu lumiyo aaminaada xukuumada waxa bilaabma burbur dalalkaas waanay soo wada mareen. Xukuumada Somaliland iyada oo leh 50% shacbiga waan ka maarmay oo aan rumaysanahay in 50% ay tirsanaysaana aanay kalsooniba ku qabin waxaan qabaa in aanay ahayn wakhtigii ugu haboonaa ee ay ahayd inay Wadahadaladii Somaliland bilaabmaan anaga oo mabda’ ahaan ogol xisbi ahaan in la wada hadlo laakiin waxa ka horeeya inaan gurigeena hagaajino oo shabiga midayno in tacadiga,xeerjabinta,kutumashada shuruucda, xadhiga iyo jidhdilka shacbiga aynu markaas badalno oo inaga oo gudaha ka midaysan ayaynu gali karnaa aan la hadalno dalal kale, wakhtigay ku haboonaato in wadahadal la gaadho waxa loo baahan yahay in qorshii hore wax laga badalo loo xulo dad ka midho dhalin kara wadahadal kasta oo la galaayana waa inay u dhamaadaan matalayaasha shacbigu oo uu ka mid yahay xisbiga Waddani. Guddoomiye Cirro ayaa ay warbaahintu waydiisay su’aalo badan waxaana su’aalahaas ka mid ahaa hadii ay komishanka doonayaan in la kala diro sabaabta ay ugala bixi waayeen xubintii xisbiga Waddani ku lahaa oo wali ka mid ah? Todobada xubnoodba waanu eedaynay xubintayadu waa ay wanaagsantahay oo todobada ka mid maaha maanu odhan, markaas waxaanu jecelnahay todobaduba inay tagaan oo taayaduna ay ku jirto, imikana waxaanu taaganahay todobaduba ha tagaan. Qaran News

Muqdsiho (SMN) – Munaasabada Maalinta Shaqaalaha Adduunka ee 1-da May waxaan ugu hambalyeynayaa dhammaan shaqaalaha Soomaaliyeed oo maskax iyo muruqba geliyey dib u dhiska iyo horumarinta dalkeenna. Waxaan xasuusannahay dadaalladii wax ku oolka ahaa iyo doorkii taariikhiga ahaa ee shaqaalaha Soomaaliyeed ay ku leeyihiin sooyaalka dalkeenna, iyagoona saldhig u ahaa halgankii xurnimo doonka iyo aasaaskii qarannimadeenna. Inkastoo shaqaalaha Soomaaliyeed ay ku shaqeynayeen duruufo adag sanaddadii la soo dhaafay, haddana waxa ay muujiyeen hawlkarnimo iyo dhabar adayg, iyagoona fashaliyey yoolka argagixisada Alshabaab ee ku aaddan kala dhantaalidda rajada iyo yididiilada shacabka Soomaaliyeed. Waxaan ka tacsiyeynayaa waalidiinta iyo dhallinyarada Soomaaliyeed ee maskaxdooda iyo muruqooda iyagoo ugu adeegaya dalkooda iyo dadkooda ku naf waayey falalkii ay argagixsada soo maleegtay. Dowladdu waxa ay xoogga saartay dhammeystirka shirciga shaqaalaha oo xaqiijinaya in ay ku shaqeeyaan xuquuq dhammeystiran iyo deegaan shaqo oo fayoow. Sidoo kale, waxaan mudnaanta siinay kor u qaadidda fursadaha shaqo ee dhallinyarada iyo xaqiijinta mushaaarad ku filan nolashooda, taasoo aan uga golleenahay yareynta shaqo la’aanta ka jirtay dalkeenna. Waxaan dardar gelinaynaa dadaalladeenna ku aaddan xoojinta Iskaashatooyinka dalka, ururrada shaqaalaha iyo ururrada bulshada rayidka ah, si aan u adkaynno xuquuqda shaqaalaha, horumarka iyo wada jirka umaddeenna. View the full article

(SLT-Hargeysa)-Maayarka magaalada Ceerigaabo Ismaaciil Xaaji Nuur ayaa si kooban uga hadlay xaaladda degdegga ah ee madaxweynaha Somaliland ku soo rogay magaalooyinka Ceerigaabo, Ceelafweyn iyo Garadag waxaanu sheegay in uu arrintaasi saxaafadda ka maqlay haddana aanu wax tafaasiil ah ka bixinayn mawqifkiisa arrintan ku aaddan. “Adeeraw sidaad xaaladdaa degdegga ah u maqashay uun baan aniguna uga maqlay warbaahinta waxa jawaab ahna hada ka bixin maayo,” sidaas ayuu maayar Ismaaciil Xaaji Nuur u sheegay suxufi Badri Koosaar oo ka tirsan telefishanka Eryal oo khadka telefoonka kula hadlay. Badhasaabka gobolka Sanaag Maxamed Axmed Caalin Tiimbarow ayaa VOA-da u sheegay in ay hirgalinayaan xaaladda degdegga ah oo qayb ka ah dadaallada lagu sugayo ammaanka inta la soo qabanayo dablay hubaysan oo Salaasadii dilay laba sarkaal oo boolis ah. Madaxweyne Biixi ayaa u muuqda in aanay hayn xal ka duwan bandowda uu galiyay qaybo ka mid ah gobolka Sanaag waxaana arrintan ganafka ku dhuftay xisbiga WADDANI. Afhayeen Barkhad Jaamac Batuun ayaa baarlamaanka ugu baaqay in aanay kulankooda Khamiista ku ansixin xaaladdan degdegga ah. Source

Muqdisho (Caasimada Online) – Wasiirka warfaafinta Soomaaliya, Daahir Maxamuud Geelle ayaa goor-dhow ku dhowaaqay inuu iska casilay xilkii uu ka hayey xukuumadda ra’iisul Xasan Cali Kheyre. Daahir Maxamuud Geelle ayaa is-casilaaddiisa sabab uga dhigay kala duwanaansho dhinaca fikirka ah oo u dhaxeysa isaga iyo madaxda dowladda Soomaaliya. Xog ay heshay Caasimada Online ayaa sheegeysa in Daahir uu bilihii dhowaa aad uga soo horjeeday siyaasadda ra’iisul wasaare Xasan Cali Kheyre. Caasimada Online Xafiiska Muqdisho caasimada@live.com

Muqdisho (SMN) -Halkaan ka Dhageyso Warka Duhur ee Idaacadda Shabelle. Hoos riix si aad u dhageysato:- https://www.radioshabelle.com/wp-content/uploads/2019/05/Warka-Duhur-010519.mp3-vv.mp3 View the full article

(SLT-Hargeysa)-Ciidamada Booliska Soamliland ayaa xabsiga u taxaabay guddoomiyaha Garabka dhalinyarada xisbiga WADDANI Maxamed Sidiiq Dhamme sida ii xaqiijiyay afhayeenka xisbga WADDANI. Weli ma cadda sababta loo xidhay laakiin afhayeenka ayaa ii sheegay in Dhamme maalintii shalay qoray maqaal uu ku dhaliilayo madaxweyne Biixi, taasna ay u malaynayaan in loo xidhay. Source

(SLT-Hargeysa)-Suldaan Maxamed Suldaan Cabdiqaadir iyo Suldaan Cabdilaahi Cali Muuse, ayaa ka hadlay dilkii loo geystay labada Sarkaal, iyo dilkii ka horeeyey ee labada qof ku dhinteen ee ka dhacay isla Gobolka Sanaag, Waxayna Xukuumadda ugu baaqeen inay waajibkeeda ka gudato, oo dadkii dilalka geystay sida ugu dhakhsaha badan gacanta ugu dhigto sida ugu dhakhsaha badan, waajibkoodana mariso. Salaadiinta oo Wargeyska Geeska Afrika u waramay ayaa ugu horeyn Suldaanka guud ee Somaliland Suldaan Maxamed Cabdiqaadir oo ka hadlay arimahan ayaa yidhi “Dil aad iyo aad u fool xun, oo aan dhaqan inoo ahayn ayaa dhacay, ceeb baa dhacday, waana ayaan daro weyn in jid loo galo, oo la laayo Saraakiil CIidan oo wax dambiya oo ay galeen jirin, markaas Dawladdu waa inay sida ugu dakhsaha badan gacanta ugu soo dhigtaa dadkii dilka geystay ee Saraakiisha laayey, walibana waa in Shacabkuna Dawladda iyo Ciidanka la shaqeeyaan, oo dadka dilka geystay ay soo sheegaan meel kasta oo ay joogaan, waana in dadkaas gacan ku dhiiglayaasha marka la soo qabto, waa in sharciga la hor keena, waxaan kale oo aan aad u cambaaraynayaa dilkii kan ka horeeyey ee isna labada qof ku dhinteen, Dawladduna nabada ha adkayso, oo cid kasta oo dhib iyo colaad wada gacan bir ah wax ha kaga qabato”. Suldaan Cabdilaahi Cali Muuse ayaa isna yidhi “Nabadu waa qaali, ee ILLAAHAY xaqa ha ina garansiiyo, mar walbana samaha iyo wanaaga aynu ka shaqeeynayno, colaad iyo fidnadana looma baahna, ee aynu ka dheeraano, Dawladdu mar walba nabada ha ilaaliso, cid kasta oo dhib wadana wax ha ka qabato, bishiii khayrka badnayd ee Shabcaan ayeynu ku jirnaa, oo inoo dhammaynaysa, bishii Ramadaan oo ah bisha ugu khayrka badan bilaha ALLE ayaa iyana inoo soo galaysa, ee ALLE khayr ha inoogu soo galiyo, oo ALLE xumaanta iyo shaydaankaba ha inaga qabto,Saraakiisha la dilayna waxay ahaayeen Saraakiil Qaran ee ALLE ha u naxariisto, jannadiina ha ka waraabiyo, inagana samir iyo imaan ha inaga siiyo, cidda dishayna waa in la soo qabtaa”. Source

Hargeysa (Caasimada Online) ― Wararka ay Caasimada Online helayso, ayaa sheegaya in magaalo katirsan deegaanada Somaliland ay goordhoweyd ka bilowdeen mudaharaad balaadhan. Badhtamaha magaalada Boorama ayaa hadda waxa ka bilowday mudaharaad balaadhan oo ay dhigayaan dadweynaha reer Borama, kuwaasi oo ka biyo-diidan in talaabo adag ay Xukuumada Biixi ka qaadi waayey dadkii ka dambeeyay dilkii labada sarkaal. Wararka aan helayno ayaa sidoo kale sheegaya in dadweynahan ay taayiro ku gubeen wadooyin muhiim ah oo ku yaala badhtanka magaalada, iyagoona madaxa ku xidhnaa maro cas. Dadweynahan ayaa ka gadoodsan dilkii gobolka Sanaag loogu geystay Saraakiil katirsan Ciidanka Somaliland oo kasoo jeeday deegaan ahaan Gobolka Awdal. Dhinaca kale, Madaxweyne Muuse Biixi ayaa shalay kusoo rogay xaalad deg-deg ah degmooyinka ka tirsan Gobolka Sanaag, taasi oo ay daba socotay kadib dilkii Saraakiisha katirsanaa ciidanka Somaliland. Wixii kusoo kordha kala soco Caasimada Online Caasimada Online Xafiiska Hargeysa Caasimada@live.com

(SLT-Hargeysa)-Taliyeyaasha Ciidammada Booliska Iyo Millatary-ga Somaliland Oo Ka Hadley Xaladii Deg Deg Aheyd Ee Shalay Madaxweyne Biixi Soo Saarey, Halkan hoose ka DAAWO Source

Madaxweynaha Dowladda Puntland Mudane Siciid Cabdullahi Deni ayaa hambalyo ku aadan maalinta fasaxa shaqaalaha Adduunka May, 01, 2019 u diray dhammaan shaqaalaha Soomaaliyeed, gaar ahaan [...] Source

The UK-funded Energy Security and Resource Efficiency in Somaliland (ESRES) programme is giving more people across Somaliland access to affordable, clean and renewable energy. Source: Hiiraan Online

Waxaa laga yaabaa in dadka qaar aysan la socon in Abwaan Cismaan C/laahi Guure uu ahaa ninki lahaa fikradda iskaa wax uqabsada cusub ama “is xilqaan” oo ah ololaha ugu weyn ee ay dowladda maanta jirtaa ku dhistay qaar kamid ah xarumahi burburay ee dowladda. Waxay ahaataba, Abwaan Guure maanta waa la coleystay oo waxaa isaga oo dalka dibadda uga maqan laga qaaday xilkii agaasimaha golaha murtida!. waxaan maqli jiray ‘Kacaanku ilmihiisa yuu cunnaa’ Saxiibbayaal waxaan fursad uhelay maanta in aan qadka taleefoonka kula sheekeysto Abwaan Guure maareyihii hore golaha murtida Qaranka oo shalay xilki laga qaaday. Abwaan Guure ayaan ugu horeeyn weydiiyay sida ay wax u dhaceen? wuxuu iigu jawaabay ” Shalay saacaddu marka ay ahayd 1-di duhur-nimo waqtiga Muqdisho ayaa waxaa idaacadda Kulmiye (KNN) ka baxay war ku saabsan in uu socdo wadahadallo u dhaxeeya madaxda mucaaradka ,Maammul goboleedyada iyo Madaxweynaha oo ah in la baddalo RW Khayre. Abwaan Guure wuxuu yiri “qiyaastii wax yar kahor 1:30 waqtiga Muqdisho waxaa isoo wacay RW Khayre oo careysan wuxuuuna i faray in aan shaqada ka eryo wariyaha warka sheegay iyo agaasimaha idaacadda, islamarkaana aan raaligelin ka bixiyo warkaasi ka baxay Idaacadda”. Abwaan Guure wuxuu yiri “waxaan u sheegay raysil-wasaaraha in aan anigu awood u lahayn in aan shaqada ka eryo wariye ka shaqeeya KNN, kol haddii aanan hadda mas’uuliyadda idaacadda haynin, teeda kale idaacaddu xeer ayay leedahay, dalkana sharciga warbaahinta ee baarlamaanka la mariyay ayaa xaq usiinaya wariyaha in uusan sheegin ilo-wareedkiisa ilaa ay maxkamad ka codsato marka la horgeeyo. Abwaan Guure wuxuu yiri “ ugu yaraan 10 daqiiqo oo aan murmeynay waxba kalama dheefin, isaga oo careysan ayuuna Taleefoonka igu dhigay. kadib wax ka yar 5 daqiiqo waxaa isoo wacay Wasiirka warfaafinta Mudane. Daahir Maxamuud Geelle wuxuuna igu yiri “ Saxiib Abwaan Guure waxa aan kuu sheegayo ogoow wax lug ah kumma-lihi, laakin waa ammar la’iisiiyay, waxa uu ka soo baxay raysil-wasaare Khayre oo ifaray in aan xilka kaa qaado ee sidaa ula soco”! Abwaan Guure waxaan ku iri buu yiri “ Hagaag, mudane wasiir waajibkaaga guddo, waxaad iga dambeysaba waa deyrta maanta ahe, adiguba idaacad waad leedahay, xilna dalka waad ka haysaa ee la soco”. Intaas marki aan Daahir is dhaafsanay kadib wax aan dhameyn 10 daqiiqo gudahood waxaa warka xil kaqaadisteyda oo si deg deg ka muuqdo loo qoray, loogu daabacay wakaaladda wararka ee SONNA ee oo ku hadasha afka xukuumadda. Marka aan leeyahay deg deg ka muuqdo waxaa masuuliyadda leyga qaaday lagu sheegay agaasimihii golaha ‘martida’ halki ay ahayd golaha ‘murtida’!. FG: Waa inti aan ka qoray Abwaan Guure, dhinac kale warkooda mahayo, mana helin wali. W/Q: Ayaanle Xuseen Cabdi @hanoolaato.com

(SLT-Hargeysa)-Xisbiga mucaaridka ah ee WADDANI wuxu si adag uga soo horjeestay xaaladda deg-dega ah ee la geliyey ee deegaanada gobalka Sanaag. Xisbigu waxa kale oo uu jawaab adag ka bixiyey hadalkii Wasiirka Warfaafinta Somaliland, waxaana uu sheegay in hadalkaasi xurmo darro iyo meel ka dhac ba uu ku ahaa qaranka Somaliland, Halkan hoose ka DAAWO Source

Cabdirisaaq Xuseen Tahliil (Calool Geel) Maxkamadda sare ee ciidamada qalabka sida ee Soomaaliya ayaa maanta oo Arbaco ah go’aan ka soo saartay kiiskii Cabdirisaaq Xuseen Tahliil (Calool Geel) oo labo jeer oo hore Puntland ku xukuntay dil toogasho. Maxkamadda sare ee ciidmada Soomaaliya ayaa maanta amartay in si deg-deg ah xabsiga looga sii daayo Cabdirisaaq Xuseen Tahliil, hadii aysan jirin dambiyo kale oo loo haysto, waxay sidoo kale amartay in uusan ka bixi karin magaalada Muqdisho muddo labo (2) sano ah. Sidoo kale Maxkamadda ayaa ku amartay ciidamada amniga in ay si gaar ah ula socdaan dhaq-dhaqaaqiisa ku dhawaad shan sano (5) iyo in uu todobaadkiiba mar iska diiwaan geliyo xarunta dambi baarista Boliiska (CID), sida uu u sheegay warbaahinta guddoomiyaha Maxkamadda sare ee ciidamada qalabka sida ee Soomaaliya Janaraal Liibaan Cali Yarow. Puntland iyo Ina Calool Geel Markii ugu horeysay xukuumaddii Cabdiraxmaan Faroole ayaa 17-kii November 2012 magaalada Gaakacyo ku qabatay Cabdirasaaq Xuseen Tahliil (Calool Geel) oo la sheegay in uu ahaa madaxii dhaqaalaha iyo saadka Al-shabaab ee gobolka Mudug, waxaana la sheegay xiliga la qabtay in uu waday boorso ay ku jiraan walxaha qarxa islamarkaana uu qirtay inuu yahay Al-shabaab. Maxkamadda ciidamada Puntlnad ayaa 2-kii March 2013 Cabdirasaaq Xuseen Tahliil ku diray xukun dil ah, waxaana xukunkaasi sababay in labo qof shacab ah oo reer Puntland ah lagu afduubo koonfurta magaalada Gaalkacyo ee Galmudug. Kadib doorashadii Madaxweyne Gaas 2014-kii, ayaa xasbiga laga siidaayay Cabdirasaaq Xuseen Tahliil (Calool Geel) , waxaana qaab nabad ah la isku dhaafsaday Calool Geel iyo dadkii shacabka ahaa ee lagu haystay Koonfurta Gaalakcyo. Cabdirasaaq Xuseen Tahliil (Calool Geel) ayaa lagu eedeeyay siideyntii sii kadib inuu ka dambeeyay qaraxyo iyo dilal ka dhacay gudaha Puntland gaar ahaan magaalada Gaalkacyo iyo sidoo kale isku dhacyadii dhexmaray Puntland iyo Galmudug. Sidoo kale ina Calool Geel ayaa mar la sheegay in lagu dilay weerarkii 28-kii September 2016 ciidamada Puntland oo kaashanaya diyaaradaha dagaalka Mareykanka ay ka fuliyeen meel bariga uga beegan Gaalkacyo, kaas oo lagu beegsaday koox lagu tuhunsanaa in ay ka tirsanaayeen Al-shabaab. Puntland ayaa markale 23-kii July 2017 Cabdirasaaq Xuseen Tahliil (Calool Geel) iyo saddex qof oo kale ku qabatay howlgal ay si wada jir ah u fuliyeen ciidamada sirdoonka Puntland iyo Galmudug, kaas oo laga fuliyay Koonfurta magaalada Gaalkacyo. Puntland ayaa markale xukun dil ah ku riday 12-kii bishan November, 2018 Cabdirasaaq Xuseen Tahliil (Calool Geel), sida uu sheegay Gudoomiyaha maxkamada ciidamada gobollada Bari iyo Sanaag ee Puntland G/sare Cawil Axmed Faarax. Koonfurta magaalada Gaalkacyo ee Galmudug waxaa 13-kii bishan November, 2018 ka dhacay mudaharaad kooban oo ay dhigeen dad u badan dhalinyaro, kaas oo looga soo horjeeday xukunka Puntland ku riday Cabdirasaaq Xuseen Tahliil oo ay ku sheegeen in uu ahaa nin ganacsade ah. 17-kii November 2018 ayaa Cabdirisaaq Xuseen Tahliil (Calool Geel) oo dil toogasho ku xakunaa laga duuliyay magaalada Boosaaso, isagoo lagu wareejiayay dowladda Federaalka Soomaaliya, waxaana amarkaas bixiyay Cabdiwali Maxamed Cali Gaas. Ugu dambeyna Maxkamadda ciidamada qalabka sida ee Soomaaliya oo dhowr jeer u fariisatay kiiska Cabdirisaaq Xuseen Tahliil (Calool Geel) ayaa maanta sii daysay. PUNTLAND POST The post Cabdirisaaq Xuseen Tahliil oo la sii daayay, laguna amray in uusan 2 sano ka bixin Muqdisho appeared first on Puntland Post.

Madaxda Wasaaradda Maaliyadda ee Gobolka Mudug ayaa magalada Galkacyo kawada ololaha Cashuurta Gaadiidka ee sedex bilood-laha ah . Ciidanka ilaalada Cashuurha ee dowlada Puntland Ayaa [...] Source

In kasta oo aynu ku jirno bilihii khayrka laha Ramadaana sanka inoo saarantahay hadana Xaalada Dalkaygii Somaliland ku sugan yahay ayaa marar badan ku odhanaysa midh iyo laba ka dheh. Xukuumadda uu hoggaamiyo Madaxweyne Muuse Biixi Cabdi ilaa bilawgii Xukunka ay qabteen laba sanno ku dhawaad Mucaarid iyo Muxaafid waxa marageeda laysku raacay inay farsamo xuntahay. Dhacdooyin badan oo maarayn kaliya u baahnaa ayay Xukuumadda Muuse Biixi is maqiiq ku gashay kuwaas oo natiijo la’aani ka dhalatay. Midan iminka ee Xaalada Deg Deg ah lagu galiyay Gobolkii Sanaag ayaa u danbaysay. Madaxweynuhu amar adag ayuu bixin laha lagu soo qabto danbilayaashi Sarakiisha laayay, adduunka oo dhan way ka dhacaan shilal noocan oo kale ahi, talaabadii ku haboonayd maha Bandow iyo awood Millatari oo ahayd halkii u danbaysay ee Madaxweynaha iyo Qaranku miciin san la hayeen… Duufaano iyo Dabaylo inamay rogin alle haynaga hayee,, layskumana rogman oo xaaladu faraha kamay bixin, koox shar wadayaal ah ayaa faldanbiyeed gaystay waxayna ahayd in la soo qabto oo cadaaladda la mariyo.. Midda kale waxa weeye farsamo xumadaas ayay Af-soomaali xumo ku darsatay Xukuumadeeni. Xalay waxa hadlay Wasiirka Warfaafinta Maxamed Muuse Diiriye, dee anigu Wasiir Qaran la hadlaaya meesha kuma arkayn ee Nin ka soo kacay Marfash oo wixii Marfashka shubaaya ayuunban u arkaayay. Kulaha “Dadkii Gobta aha way qanci jireen “ Yaa markaa gun gunuunucaysa ah. ? Isagu markaana UDUB tii Guul wadaynta la daxalaysatay ayuu aha oo TV-ga Qaranka ayuu joogay, KULMIYE yihii Axmed Siilaanyo ee 2003-doorashada galayna Rer ma ahayn WADDANI-ga 2017-kii doroashada galayna rer ma ahayn oo Somaliland oo dhan ayuu aha.. Masuuliyiinta Xukuumaddeena iyo ilaa Madaxweynaha mararbadan aamuska u Khayr badan, waayo looma wada dulqaadan karo farsamo xumo iyo Af-somaali xumo wada socda.. Tusan .. Muniir Axmed Cigaal Sweden .. Source

(SLT-Doha)-Dalka Maraykanka iyo ururka Daliban ee ayaa yeeshay wareegii 6aad ee kulan u socday tan iyo bishii July, kaas oo lagu raadinayo xal laga gaadho dagaalka Afghanistan. Masuuliyiin ka kala socda Ururka Daalibaan iyo dalka Maraykanka ayaa kulankan kaga wadaxaajoonaya arimaha dalka Afghanistan, sida uu warbaahinta u xaqiijiyey Afhayeen ka tirsan ururka Daliban maanta oo arbaca ah, waxaana labada dhinac ay cusboonaysiiyeen sidii loo dhaqaajin lahaa nabad ku soo dabaalida dalkaasi. Zabiullah Mujahid ayaa u sheegay Wakaalada Wararka ee AFP oo uu soo xigtay Telefishanka HCTV “Wareega lixaad ee wadahadalada ayaa maraykanka iyo Taiban uga bilawday maanta magaalada Doxaha ee dalka Qatar,” Inkastoo Wafaarada Maraykanku uu ku leeyahay Kabul aanay wax war ah oo degdeg ah ka soo saarin, Balse waaxda arimaha dibada ee dalka Maraykanka ay sheegtay in ergooyinkooda nabad raadiska Afghanistan ahi, Zalmay Khalilzad, ay socdaal ku tagi doonaan Doxa bishan si ay ula kulmaan Taliban, Maraykankuna uu raadinayo in la soo afjaro dagaalka dheeraaday ee dalkaasi Afghanistan ka socda. Kulankii shanaad ee wadaxaajoodka nabada, ayaa bilaabmay bishii February iyo March oo socday 11 maalmood, inkastoo kulankaasi hore uu ku soo dhamaaday natiijo la’aan ayaa hadana labada dhinac waxa ay wada saxeexeen Hanaan qabyo ah oo ay ku jireen in Ciidamada Maraykanka laga saaro Afghanistan, halka Talibana ay balan qaaday in dhulkooda Afghanistan aanay u ogolaan doonin kooxaha Caalamiga ah ee Argagixisada loo yaqaano. Source

Muqdisho (Caasimadda Online) – Maxkamadda sare ee Ciidamada qalabka sida ayaa go’aan ka soo saartay Kiiska C/risaaq Xuseen Tahliil oo loo yaqaano Ina Calool Geel, kaasoo labo jeer ay Maxkamad ku taal Puntland ku xukutay dil toogasho ah. 11-kii November 2018 ayay Maxkamadda Darajada Koowaad ee Ciidamada Qalabaka Sida Puntland ayaa ku riday Xukun dil ah Eedeysane Cabdirisaaq Xuseen Tahliil (Ina Calool Geelle), wixii xilligaas ka dambeeyay ayay soo qaateen Qareenada difaacayay Eedeysanaha rafcaan kaasi oo la keenay Maxkamadda Sare Ee Ciidamada Qalabka Side ee heer Federaal Fadhigeeda Muqdisho. Inkastoo kiiskan muran ka dhex abuuray degmada Gaalkacyo ee u kala qeybsan maamulada Galmudug iyo Puntland kiiska Cabdirisaaq hadane Xafiiska Xeer Ilaalinta Ciidamada Qalabka Side ayaa isku howlay baaritaanka eedeymaha loo heysto oo ah arrimo arga-gixisanimo. Xafiiska Xeer Ilaalinta oo safar ku bixiyay baarista kiiskan ayaa 24-kii bishii Sedaxaad codsaday in la hor geeyo Maxkamadda sare ee ciidamada qalabka sida, laba isbuuc kadib Maxkamadda Sare Ciidamada Qalabka Side ayaa sedax jeer oo kala ah 6-13-27 bishii na dhaaftay u fariisatay eedda Cabdirisaaq Xuseen Tahliil (Ina Calool Geelle). Mudda 21-cisha ah oo ay Maxkamadda Sare kiiskan ku dhex jirtay, waxa ay Guddoonka Maxkamadda Sare Ee Ciidamada Qalabka Sida ku bixiyeen dadaal fara badan oo ah hubinta Eedda arga-gixisanimo ee Eedeysanaha u xirnaa weliba horay loogu soo xukumay balse buray markii ay aqbashay rafcaanka Maxkamadda Sare. 5-cisha kadib Maxkamadda Sare ee Ciidamada Qalabka Side ayaa go’aan ka soo saartay Cabdirisaaq Xuseen Tahliil, waxaana ay Maxkamadda Sare amartay in si deg-deg ah looga daayo xabsiga hadii aysan jirin dambiya kale, waxa ay sidoo kale amartay in uusan ka bixi Karin magaalada Muqdisho muddo 2-sano ah, ugu dambeyn Maxkamadda ayaa ku amartay ciidamada amniga in ay si gaar ah ula socdaan dhaq-dhaqaaqiisa ku dhawaad 5-sano iyo in uu todobaadkiiba mar iska diiwaan geliyo Xarunta Dambi Baarista Boliiska CID, sida uu u sheegay warbaahinta guddoomiyaha Maxkamadda Sare Ee Ciidamada Qalabka Sida jenaraal Liibaan Cali Yarow. Kiiska Cabdirisaaq Xuseen Tahliil ayaa soo jiitamayay tan iyo dabayaaqadii July 2017. Caasimada Online Xafiiska Muqdisho Caasimada@live.com

(SLT-Sweden)-Wasiirka arrimaha dibadda Swedan Margot Wallström ayaa sheegtay in dalkeeda uu sii wadi doono in dal madax banaan u aqoonsado Falastiin iyo taageerada uu u Hayaan. Waan ku faanayaa go,aanka ay Swedan ugu aqoonsatay dal madax banaan Falastiin sanadkii 2014-tii ayey tiri Wallström oo ka soo muuqatay Tv-ga qaranka Swedan oo loo yaqaan (SVT). Waxay intaa raacisay in dalal badan ay qaateen si la mid ah Swedan oo noqotay dalka ugu horeeyay oo Yurub ah oo dowlad u aqoonsada Falastiin. Wasiirada arimaha dibeda Swedan ayaa intaa ku dartay in ay sii wadi doonaan taageerada shacabka iyo dalka Falastiin. 30-kii bishii October sanadkii 2014 kii ayaa dowlada Swedan waxay si rasmi ah ugu dhawaaqday in Falastiin ay u aqoonsan tahay dal iyo dowlad madax banaan. Si kastaba ha ahaatee hadalkaan ayaa waxaa aad uga carooday xukuumada Tel A Source

Somali military has delivered food aid to villagers in Lower Shabelle region weeks after the government took control of the areas. Following operations to defeat al-Shabaab fighters, Somali forces recaptured two villages in the outskirts of Mogadishu this month. The villages include Sabiid and Anole located near Afgoye town, about 30 KM northwest of Mogadishu, the Somali capital. In an efforts to boost interaction between the army and locals, the forces distributed food in the villages ahead Muslim holy month, Ramadan. The distribution took place on Wednesday evening. The move comes at a time Somali government vowed to step up operations to liberate villages controlled by al-Shabaab. The group which lost control of the capital city in 2011 still mans remote villages in southern Somalia. Its members carry out deadly attacks in main towns. On Wednesday, the group targeted a car belonging to Bari governor with explosives in Bosaso town. According to sources, the governor, Yussuf Mohamed was not in the car. The blast killed three of bodyguards. View the full article

(SLT-Adhaama)-Madaxwaynaha DDS Mustafe Cagjar ayaa maalintii shalay gaadhay magaalada Adhaama ee degaanka Oromiya, madaxwaynaha iyo waftigiisa ayaa si wayn loogu soo dhaweeyay Adhaama iyadoo shacabka magaaladaas ay waddooyinka taagnaayeen iyagoo caleemo qoyan wata. Soo dhawaynta Madaxwayne Mustafe ayaa sidoo kale waxaa ka qayb qaatay masuuliyiinta u saraysa Dawladda degaanka Oromiya oo u horeeyo madaxwaynaha degaanka Oromiya Shimalis. Madaxwaynaha ayaa ka qeybgalaya kulanka maanta ka furmaya Adhaama ee loogu xaadhayo nabad waarta oo ka dhex dhalata Soomaalida iyo Oromada oo muddooyinkii dambe colaad ka dhaxaysay. Madaxwaynaha dowlada deegaanka Soomaalida mudane Mustafe Muxumed Cumar iyo waftigii uu hogaaminayay ayaa gaadhay caasimada deegaanka Oromiya ee magaalada Adama halkaa soo siwayn ay uugu soo dhaweeyeen mas’uuliyiinta sare ee deegaanka Oromoda uu horkacayo madaxwaynaha deegaanka Oromiyae Shimallis Abdiisaa,waxana waftiga madaxwaynaha loo soo galbiyay dhanka magalada Adama halkaaso ay maanta uu kaga qayb gali doonaan shirka nabadaynta labada shacab. Source