Deeq A.

Nomad
  • Content Count

    208,333
  • Joined

  • Last visited

  • Days Won

    13

Everything posted by Deeq A.

  1. Wasiirka Gaashaandhiga UK oo xilka looga qaaday sir uu dusiyay Gavin Williamson ayaa la eryay xilka wasiirka gaashaandhiga ee UK kadib baaritaan lagu ogaaday in uu bixiyay sir qaran oo la xidhiidhta shirks Golaha Amniga Qaranka. War laga soo saaray xafiiska Raysal wasaare Theresa May ayaa lagu sheegay in Williamson uu lumiyay kalsoonida Raysal wasaaraha. Baaritaanka ayaa dabo-socda kadib markii dibada loo dusiyay xog la xidhiidhta in shirka telfoonada ee Huawei loo oggolaado UK si ay gacan uga geysato dhismaha adeegga internetka UK ee 5G. Williamson oo ahaa wasiirka gaashaandhiga ee Boqortooyada Ingiriiska ilaa 2017dii ayaa beeniyay in uu xogtaas dibada u dusiyay.Laakiin Raysal wasaare May ayaa u sheegtay wasiirka la eryay oo ay la kulantay xalay inay heyso cadeymo waa weyn oo muujinaya in uu yahay qofka xogta qarsoodida ah dibada dhigaya. Kahor inta aan xilka laga qaadin, wasiirka wuxuu diiday codsiga Raysal wasaaraha ee ahaa in uu iscasilo isaga oo sheegay inay taasi ka dhignaaneyso in uu aqbalay eedaha loo jeediyay. Wuxuu sheegay in uu kalsooni weyn ku qabi lahaa baaritaan qotodheer oo rasmi ah oo lagu ogaanayo qofka dusiyey sirta shirka golaha amniga qaranka. Penny Mordaunt oo horey u ahayd wasiirka horumarinta caalamiga ah ayaa loo magacaabay wasiirka cusub ee gaashaandhiga. Waxay noqoneysaa haweeneydii ugu horreysay ee xilkaa qabata Qaran News
  2. Hargeysa (Caasimada Online) ― Guddoomiyhii hore ee gobolada Awdal, Gabiley, Sool iyo Maroodi-jeex, Mudane Mustafe Cabdi Ciise “Mustafe Shiine”, ayaa si adag uga hadlay dilkii loo geystay Saraakiil ka tirsan Ciidanka Somaliland. Mustafe Shiine ayaa Madaxweyne Biixi ku dhaliilay inuu xilka ka qaadi waayey Mas’uuliyiin uu sheegay inay ku fashilmeen sugidii Amniga, Isagoona ku tilmaamay xaalada deg-dega ah ee Muuse Biixi kusoo rogay deegaano katirsan Gobolka Sanaag, inay tahay mid indho-sarcaad ah oo ujeedo kale laga leeyahay. Mustafe Shiine ayaa sidoo kale wuxuu Muuse Biixi ugu baaqay inuu iska casilo xilka uu qaranka u hayo, isagoona ka dhawaajiyey inuu xilkii ku cuslaaday oo wadankiina uu galiyey xaalada adag oo halis ah, wuxuuna yiri: “Madaxweynuhu halkii uu amar bixin lahaa, isla markaana uu xilka ka qaadi lahaa Wasiirka arrimaha gudaha iyo Taliyihii booliska, iyo cidii nabad-gelyadu khuseysay, maadama oo labadan Sarkaal muddo shan cisho ku dhow soo cabanayeen oo ay lahaayen waa nala dilaya ee la ogaa loona gurman waayey, halkii ragaana xilka laga qaadi lahaa, kuwii dileyna amar lagu bixin lahaa oo lasoo xidhi lahaa, ayuu wuxuu aayar iska yidhi bandow baan galinayna gobolka Sanaag, taasi oo aan u arko arrin indho-sarcaad loogu dhigayo eheladii Marxuumka iyo dadka guud ahaan reer Somaliland” “Labadaa nin ee la dilay anigu waxan u arkaa inay dileen dad daalimiin ah oo ka xaq-daran, laakiin waxan arkaya haddana dowladii iyo Madaxweynihii qaranka ee dayacay labadan nin amaankoodii intay noolaayen, inuu hadana uu rabo inuu nagu maaweeliyo bandow ban soo rogay iyo orod, halkii ay aheyd inuu talaabooyin qaado oo maantaba xilka uu ka dajiyo ragan dayacay ee ay u soo sheegen in la dilaayo”. “Markaa intii wax loo qaban lahaa intay noolaayen markii la dilayna, intay toos u abaari laheyd raggii dayacay ayaa qab-qab la doonaya iyo war-saxafadeedyo lasoo saaro oo gobol baa bandow la galiyay la yidhaahdo, iyada oo aan la eegayn waxa ka imanaya” Wuxuuna intaas kusii daray “Marka bandowga la galinayo waa xaalad nabad-galyo oo caam ah ama musiibo caama ay dhacdo, midna ma dhicin, dadka waxbaa laga qaban karaa, dadka wax dilay waa in lasoo qab-qabtaa, kuwa kale ee reeraha ah ee deegaanka wada dagan waa in talaabo adag laga qaada oo xukuumiya, looma baahna in lala wareego maamulka gobolka oo la yidhaahdo maayirka iyo badhasaabka waxa xilkoodi wadaya Taliyayaal, oo xukunka la rabo in dad loogu dhuunto, oo la xidh-xidho laguna tacadiyo, markaa wax ka weyn baa ii muuqda aniga, aan aheyn labada nin ee la dilay”. “Madaxweynaha waxaad mooda in xilkii qaranku ku cuslaaday, kursigii uu ku fadhiyayna uu ku balaadhay, waxaan odhan lahaa ha iska casilo xilka uu qaranka u hayo, ma wadi karayo hadey sidaa tahay, dalkiina halis buu maanta ku jiraa, inuu baaba’o”. Mustafe Shiine ayaa wuxuu ugu dambeyntii sheegay in Bandowga Madaxweyne Biixi ku soo rogey deegaanada katirsan gobolka Sanaag, in looga dan-leeyahay cabudhinta taageerayaasha xisbiga Waddani, wuxuuna yiri: “Malaha himika mucaaridada culus ee ka timid xisbiga Waddani baa la leeyahay taageeradiisa Gobolka Sanaag ku badan oo la doonaya in loo mar-marsiyoodo, talaabooyinka Waddani ku dhawaaqayo in aan la qaadin ayaa laga hortagayaa oo Militeri loo isticmaalaya”. “Madaxweyne Muuse Biixi waxaan u sheegayaa ciidanku wuxuu awood leeyahay intay cadaalad jirto, Hadii askariga taangiga uu wataa Madaxweynihiisu cadaalad darro sameynayo oo dulmi iyo kibir falayo, waxba tari maayo taangigaasi, waxa ku filan qoriga uu sito inanka u dagaalamaya xuquuqdiisa”. Caasimada Online Xafiiska Hargeysa Caasimada@live.com
  3. Somaliland Muuse Waa Kaa! Waxaan canbaareynayaa, Xadhiga Xaqdarrada ah ee Damiirxumadda ah, ee loo gaystey Hooyooyinka Danyarta ah, ee caruurtoodda Magafe ku haysto Liibiya, waa wax laga yaqyaqsooddo, Gefkaa loo geystey hooyooyinkaa, wax soo moodey in Madaxweyne Muuse uu ka caawiyo Cabashadooda, Waxaa ku fileyd oo keli ah Hooyo waxba idiinma qaban karno. Caqligii iyo Garashadii meeday? waxaan canbaareynayaa Xadhiga Gudoomiyaha Dhalinyardda Xisbiga qaranka ee Waddani DHAMME, oo ah sarkaal Xasaanadd leh, oo Dembi looga Dhigayo aragtitaadda facebook aad ku qortey , Madaxweynaha ayaa ka Xanaaqey, Taloow Muuse ma Ogyahay in Dastuurka uu madaxweynaha ku yahay u baneeyey XORRIYADDA HADALKA Fadlan Sharafta Jamhuuridda barakeysan ee Somaliland ha ku cayaarina, waa la ogyahay inaan Shacabku aqbali karin KELITALIYE iyo CAR-JUUQ-DHEH. Waxaan Canbaareynayaa Xaaladda Degdegga ah ee la doonaayo in Gobalka Sanaag la Saaro, waa dhacdo ugub ah, muddo 30 sanno ku dhow oo Somaliland jirtey ma dhicin,waa sax in cadaaladda la hor keeno ciddii ka danbeysay dilkii labadda Sarkaal ee ciidanka Qarranka, tacsina waxaan u dirayaa ehelkee iyo qaraabaddii iyo qarranka somaliland. Laakiin fashilka sugidda amaankoodda waxaa leh cidda xilka u haysa qarranka. marxuumiintu allah ha u naxariistee waxay dalbaneey ciidaan xoojin ah, dheg jalaq looma siin. in markaa fashilka xukuumadda ummad dhan Xaalad Degdega loo Geliyaa waa xaaraan. Waxaan canbaareynayaa xadhiga cabudhinta, jidhdilka loo geysto, Saxaafadda Xorta ah ee Somaliland, Xadhiga COLDOON waa sheeko Facebook oo muuse Ka xanaaqey Distoorka ayaa u baneeyey qofkasta oo Somaliland Xarriyadda HADDALKA, Waxaa yaab leh, in Xukuumadda Madaxweyne Muuse ay mashquul ku tahay Facebook, iyo maxaa la iga sheegay. Madaxweyne Muuse biixi, wuu ku fashilmey Taladda Dalka, Muuse ma aha Madaxweyne Qarran oo Aragti Fog leh. waa Hogaamiye Kooxeed, Muuse waxuu ku fashilmey hooyooyinkaa u soo caowdey ee la xidhxidhaayo, waa Ogtihiin talaabadduu qaadda waa fashil ceeb iyo fadeexad. Doorashooyinka waa ku fashilmey ma qaban karro,Dalkii xaaladd degdeg ah ayuu geliyey oon hore u dhicin GUUSHA madaxweynaha, qabyaaladd iyo kala qabinta shacabka somaliland, Hanti boob, Dhulka Ina xassan Dalab, SIXIR BARAR, Biyo la’aan jirta Xarrun Boqortooyo ka dhiso Xaafaddiina Xarraf, Xadhig, Cabudhin, Xaaladd Degdeg ah waddanka geli, Dadka qaar ku sheeg waa argagixiso, waa Somaliweyn, waxyaabaas iyo kuwa ka sii liita ayuu Madaxweynuhu GUUL u arkaa. Qaran News
  4. Nairobi (Caasimada Online) – Dowladda Kenya ayaa sheegtay in ay tallaabo adag ka qaadeyso dadweynaha xiriirka la leh Al-shabaabka dagaallada iyo afduubka ka geysta Gobolka Soomaalida. Maxamuud Biriq oo ah madaxa amniga Gobolka Soomaalida ee Kenya ayaa sheegay in dadka shaqsiyaadka ama kooxaha taageerada farsamo u fidiya ay wajihi doonaan awoodda sharciga Kenya. Maxamud waxaa uu sheegay in dhawaan Ciidamada oo Roondo ka sameynayay Keynta Boonu ay gacanta ku dhigeen 20 caagadaha Jiirigaannada ah oo Cunto laga buuxiyay kuwaas oo dhulka lagu qariyay. Biriq ayaa sheegay in jirigaannada ay ku jireen Saliid, Sokor, Bariis, Digir iyo cuntooyin kale,kuwaas oo uu sheegay in shaqsiyaad degaanka ah ay u qarinayeen AL-shabaab. Waxaa uu maamullada degaanka u sheegay in ay yihiin Indhaha dowladda,waxaana uu ka dalbaday in ay feejignaan dheeraad ah muujiyaan. Maxamuud ayaa intaas ku daray in Al-shabaab ay ka faa’ideystaan xilli roobaadka oo ay fursad u helaan in dhul ballaaran ay ku lugeeyaan maaddaama Ciidamada dowladda aysan gaari karinwaddooyinka qaar ee burbursan. Caasimada Online Xafiiska Nairobi caasimada@live.com
  5. Ma Dhabaa In Badhasaabkii Gobolka Awdal Saqdii Dhexe Ee Habeen Hore Tikniko Lagaga Soo Guureeyay Boorama?, Dhaawac Noocee Ah Ayayse Arintaasi Dawladnimadda Ku Keenaysaa?. Warar lagu kalsoon yahay oo naga soo gaadhay xarunta Gobolka Awdal ee Somaliland ayaa noo xaqiijiyay in Habeen hore saqdii dhexe gaadiid Tikniko ah lagaga soo guureeyey Badhasaabkii Gobolkaasi Cabdi Shaqaabe. Arintan ayaa la ogaaday, islamarkaana soo shaac baxday kadib markii ay Shalay Warbaahinta Gobolkaasi ka hawlgashaa tagtay Xafiiska Gobolka Awdal si ay u soo xaqiijiyaan jiritaanka warkaasi, kadib markii uu Badhasaabku dadka telefoonka kala hadla uu u sheegayay inuu ku sugan yahay Boorama oo aanu dhanna uga bixin, waxaanay soo ogaadeen in Badhasaabkii iyo dadkii ehelkiisa ahaa ee halkaasi kula sugnaa in Habeen hore saqdii dhexe gaadiid tikniko ah guuri lagaga soo saaray Boorama. Arintan ayaa sida wararku ay sheegayaan ka dhalatay kadib markii laba Sarkaal oo ka tirsan Ciidamada Somaliland oo kasoo jeeda Gobolkaasi dil foolxun Doraad loogu gaystay Degmooyinka Gar-Adag iyo Ceel-Afweyn, islamarkaana ay dilkaasi fuliyeen maleeshiyo hubaysan oo ay isku hayb yihiin Badhasaabka Gobolkaasi Cabdi Shaqaabe, arintaasina ay saamayn kuyeelatay Amniga Badhasaabka, sidaana ay Xukuumaddu guure ugaga soo saartay Boorama. Haddaba waxay la isweydiinayaa, saamayn noocee ah ayay Talabadani ku yeelanaysaa Geedi socodkii iyo hanaankii horusocod ee Dawladnimada Somaliland. Waa markii ugu horaysay ee ay arin noocan oo kale ah ka dhacdo Somaliland intii ay jirtay. Dhinaca kale dad Hargeysa ku arkay badhasaabka ayaa shabakadda Wararka ee Caroog u xaqiijiyay. Qaran News
  6. Madaxweyne Muuse Biixi Oo Ay Horyaalaan Laba Go’aan Oo Adag Inuu Qaato, Kuwaasi Oo Sahli Kara Inuu Isku Badbaadiyo, Kagana Baxo Xaaladda Adag Ee Soo Waajahday (Maxay Yihiin?”. Madaxweynaha Somaliland Mudane Muuse Biixi Cabdi ayaa waxa horyaala labad daran mid uun inuu qaato kuwaasi uu kaga gudbi karo caqabadaha Amni iyo inuu dalka ku soo dabaalo Xaalad deganaanshiyo ah. Madaxweyne Biixi ayaa ka fiirsanaya inuu labaddan go’aan ee horyaala uu mid uun qaato kuwaasi oo ka dhashay xaaladdihii ugu dambeeyay ee dalka ka dhacay. Madaxweyne Biixi ayaa war horyaala 1- Inuu Xilka ka Qaado Wasiirkiisa Arimaha Gudaha Maxamed Kaahin Axmed Iyo Inuu waayo Kalsoonidii Reer Awdal ay Ku Qabeen Dawladdiisa. Labadan go’aan waa kuwo si gaar ah isha loogu hayo inuu ku ciiro saaxiibkiisii ay muddada dheer soo wada shaqaynayeen, Kursigan uu ku fadhiyo Muuse Biixi-na nafhur badan usoo galay iyo inuu isku diyaariyo buuq aamin daro oo kaga yimaada Shacbiyadda Gobolka Awdal. Arintan ayaa salka ku haysa oo ka dhalatay laba Sarkaal oo kasoo jeed Gobolka Awdal oo si foolxun ay maleeshiyo beeleed ugu dileen Degmadda Gar-Adag iyo Ceel Afweyne, dadkaasi oo ay ehel dhaw yihiin Wasiir Maxamed Kaahin. Sidoo kale Wasiir Maxamed kaahin ayaa aad loo saluugsan yahay doorkiisii masuuliyadeed uu ee saraakiishaasi ku bad baadin lahaa maadaama oo ay muddo saddex cisho ah kasoo gar gaar dalbayeen, waxaanay qabaan reer Awdal inuu Wasiirku door shariif ah ku leeyahay foolxumada dhacday, iyagoo eedayn u soo jeediyay Wasiirka. Dad badan ayaa aaminsan inuu Muuse Dawladdiisa ku badbaadin karo inuu Xilka ka qaado Maxamed kaahin si uu uga fakado kalsooni daro kaga timaada Dadyawga Gobolka Awdal oo isku xidhay inuu Muuse Biixi kala doorto inuu go’aan cad oo uu ku bogsiinayo arintan dhacday ku talaabsado iyo inay Reer Awdal go’aan ka qaataan Guud ahaa Qadiyadda Somaliland sida ay Warbaahinta ka sheegeen. Waxay reerkaasi hore u tabanayeen arimo door ah oo Magaca Somaliland kaga yimid oo ay samir ku badesheen, taasi oo ay saacadihii lasoo dhaafay warbaahinta lasoo fadhiisteen. Qaran News
  7. Hargeysa (Caasimada Online) ― Taliyayaasha ciidamada Somaliland ee Milatariga iyo Bileyska ayaa goordhoweyd warbaahinta la hadlay, iyaga oo sheegay inay sida ugu dhakhsaha badan ay u fulinayaan go’aankii Madaxweynaha Somaliland. Madaxweyne Muuse Biixi ayaa shalay xaalad deg deg ah kusoo rogey deegaano ka tirsan gobolka Sanaag oo bilihii u dambeeyay ay ku soo noq-noqonayeen falal Amni-darro. Taliyaha Ciidamada Somaliland Sareeye Gaas Nuux Ismaaciil Taan iyo Taliyaha ciidamada Bileyska Sareeye Gaas Cabdilaahi Fadal Iimaan oo maanta sida wada-jir ah shir jaraa’id ugu qabtay magaalada Hargeysa ayaa sheegay in cid kasta oo ka hor timaada awaamiirtaasi ay talaabo sharci ah ka qaadayan. Taliyayaashan ayaa sheegay in Saddexdaasi degmo ee xaalada deg-dega ah lagu soo rogay ay ka shaqeynayaan amarada ciidamada oo kaliya, iyagoona faray dadweynaha deegaamadaasi inay u hogaansamaan awaamiirtaas. Taliye Sareeye Gaas Cabdilaahi Fadal Iimaan oo ugu horeyntii ka hadlay shirkaasi jaraa’id ayaa wuxuu yiri “Maadaama oo ciidamada loo xilsaaray nabadgalyada guud labadan ciidan iyo ciidamada kale ee qalabka sida iyo kuwa kale ee amniga iyagoo dhamaantoodba iskaashanaya oo gacan kala helaya inay hawlgal adag si ay nabadgalyada u sugaan ay galaan heegankaa”. “Ciidamadu waxay qaban karaan oo ay xayiri karaan dhaqdhaqaaqa gaadiidka cid kasta oo looga shakiyo inay nabadgalyada khatar ku tahay. Waxay qaban karaan cid kasta oo ciidamadaa amniga sugaya is-hortaagta ama ficilo borobogaandhe ah ama kicin ah ku kacda”. Wuxuuna intaas kusii daray “Waxa degmo kasta maamulkeeda iyo hawlaheeda gacanta ku haynaya saddexdaa bilood ciidamada qalabka sida ee ciidanka Milatariga iyo ciidanka Bileyska oo hay’adaha kale ee amniga kaashanaya, sadexdaasi degmo ay amarka u qaataan sida loo siiyo”. Taliyaha Ciidamada Qaranka ee Milatariga Sareeye Gaas Nuux Ismaaciil Taani oo sidoo kale isagna ka hadlay shirkaasi jaraa’id ayaa wuxuu yiri “Madaxweynaha Somaliland Muuse Biixi Cabdi waxa uu soo saaray xeer saddex degmo oo gobolka Sanaag ah xukun degdeg ah lagu soo rogay mudo saddex bilood ah, runtii dhulkaasi qaarna Sanaag yihiin qaarna Sool yihiin ilaa 2017 dhibaato ayaa ka taagnaa”. “Intaaba ciidamada somaliland haday bileys yihiin iyo haday milatari yihiinba hawl badan ayaa ku baxday oo dhib badan ayaa naga qabatay, dawladduna dhaqaale badan ayay galisay”. Caasimada Online Xafiiska HargeysaCaasimada@live.com
  8. Kooxda Barcelona ayaa lug lagashay kama dambeynta (final-ka) tartanka kooxaha Yurub ee UEFA Champions League-ga. Barcelona ayaa cashar lama ilaawaan ah gagideeda Camp Nou ugu dhigtay kooxda Liverpool, kadib markii ay 3-0 ugu awood sheegatay kulankii lugta hore ee afar dhamaadka tartankan, iyadoo Lionel Messi-na uu wacdaro dhigay. Luis Suarez Luis Suarez ayaa goolka furitaanka qeybtii hore ee ciyaarta u dhaliyay kooxdiisa Barcelona, halka Lionel Messi uu laba gool raaciyay qeybtii dambe, waxayna ahayd markii ugu horeysay oo Messi gool ka dhaliyo Liverpool. Lionel Messi Sidoo kale Messi ayaa kulankan gaaray goolkiisii 600 ee heerka kooxaha, wuxuuna barbareeyay Cristiano Ronaldo oo dhawaan gaaray. Kooxda Liverpool ayaa sameysay isku dayo dhowr ah oo qaarkood goolal loo filan karay, balse ma dhicin in ay soo taabato shabaqa Barcelona. Barcelona oo rajo weyn ka qabta in ay u soo baxdo kama dambeynta tartankan, ayaa kulanka dambe tagi doonta gagida Anfield, inkastoo Liverpool ay rajadeedu aad u liidato, hadana wax walba waa dhici karaan. Labadan kooxood ayaa kulanka dambe ciyaari doona todobaadka dambe maalinta Tallaadada 7-da bishan May 2019. PUNTLAND POST The post Barcelona oo u awood sheegatay Liverpool appeared first on Puntland Post.
  9. Rep. Ilhan Omar (D-Minn.) on Tuesday criticized President Trump’s January 2018 remarks calling Haiti, El Salvador and some African nations “shithole countries.” Speaking alongside activist Angela Davis and other black progressives such as Rep. Ayanna Pressley (D-Mass.) at a rally outside the Capitol, Omar defended her birth country of Somalia. “And I also, also happen to be a refugee and an immigrant from what they call one of the shithole countries,” Omar told the crowd, according to a Facebook video. “The reality is, that shithole country raised a very proud, dignified person.” “Our circumstances might not always be perfect,” Omar continued. “But that doesn’t lessen our humanity, and I am not in the business of defending mine.” Tuesday’s rally was billed the #WeStandWithIlhan rally in support of Omar, who was the subject of recent criticism from conservatives and Trump himself over her comments about 9/11 and others about Israel. Omar, one of the first two Muslim women elected to Congress, was also the subject of a video tweeted by the president which interspersed her remarks about civil rights for Muslims in America after 9/11 with footage of the Twin Towers falling in the attacks. The freshman lawmaker was also the target of a display set up by Republicans in the West Virginia Statehouse that surrounded her photo with images of the 9/11 attacks and the text “Never forget” and “I am the proof — you have forgotten.” Democratic presidential candidates including Sens. Cory Booker (D-N.J.) and Bernie Sanders (I-Vt.) have accused Republicans of stoking Islamophobia with their criticism of the freshman Democrat. “The criticisms of Congresswoman Omar, what Donald Trump has been saying about her, is reprehensible, it is trafficking in Islamophobia, and it should be condemned by everyone,” Booker said last month. Source: The Hill
  10. Golaha wasiirada Puntland oo shiraya 1 May 2019 Garoowe Shirkii golaha wasiirada Puntland ee todobaadlaha oo gelinkii dambe ee shalay ka qabsoomay caasimadda Garoowe, ayaa looga hadlay dhowr qodob oo kala ah: amniga, safarkii madaxweynaha ee dalka dibaddiisa, waxqabadkii xukuumadda ee todobaadkan iyo arrima kale. Madaxweynaha Puntland oo golaha warbixin ka siiyay safarkiisi dibadda, ayaa si faahfaahsan uga hadlay arrima u soo qabsoomay safarkiisa, sida lagu sheegay war-murtiyeed ka soo baxay shirkaasi. Wasaaradaha Arrimaha gudaha, Maaliyadda, Kalluumeysiga, iyo Duulista hawada, Amniga iyo Warfaafinta ayaa iyagana shirka looga dhegaystay warbixinno la xiriira shaqooyinkooda . Sidoo kale, madaxweynaha iyo ku xigeenkiisa ayaa golaha xukuumadda amray in si dhammaystiran ugu diyaar-garoban shirka wada-tashiga xukuumadda Federaalka iyo dowlad goboleedyada oo Garoowe lagu qabanayo. Halkaan ka akhriso PUNTLAND POST The post Qodobada looga hadlay shirkii todobaadlaha ee golaha wasiirada Puntland appeared first on Puntland Post.
  11. Sidda dadka caadiga ah oo kale , Dawladuhuna waxay leeyihiin labba gacmood , labadaas gacmood oo kala ah gacan qabow iyo gacan kulul . Gacanta kulul ee dawladnimo waxaa laggu tilmaamaa adeegsigga cudud ciidan , xayiraad dhaqaale iyo muquunin awoodeed , hassa yeeshee gacanta qabow ee dawladnimo waxa weeyaan ,adeegsigga xirib siyaasadeeed , farsamooyin aqooneed iyo horumarin bulsho . Xaaladda Gobolka Sanaag . Denbiyadda iyo aqoonta ku saabsan marka lagga hadlayo , waxaa jirra qaaciidooyin xisaabeed oo la isticmaalo , kuwaasoo laggu soo saaro heerka uu marayo denbigu iyo helista xalka ku haboon . Qaacidada koowaad , Tiradda denbiyadda dhacay ayaa loo qaybiyaa tiradda dadwaynaha , ka dibna waxaa laggu sameeyaa is barbar dhig . Dhinaca kale , helista sababaha keenaya denbigu waxay kusoo baxdaa , daarasadaynta iyo falanqaynta denbiyadda dhaca iyadoo lagga eegayo . – Dhinaca Deegaanka , -Bulshadda , – Dhaqaalaha , iyo Caafimaadka . Hadaba hadii aynu xalaadan Sanaag usoo noqono , sababaha keenaya korodhka denbiyaddu waxay soo gelyaan qodobadan aynu soo sheegnay oo dhan . Sanaag Deegaan ahaan waa degaan dib uga dhacsan wadanka intiisa kale , Dhaqaaluhu wuu liitaaa , Bulshadda heerkeeda aqooneed iyo tacliimeed ma horimarsana , Caafimaad ahaana , waxaa ku batay Goboladda Barri oo dhan oo Sanaagna ku jirto Mukhaadaraadka kala duwan . Sidaa markay tahay , Gobolka Sanaag wuxuu u baahan yahay in Dawladdu u adeegsato gacanteeda qabow ee dawladnimo ( Soft Power) , sidaa awgeedna aanay adeegsan gacanteeda adag ee dawladnimo ( Hard power) . Si arrintaas loo xaqiijiyana waxaa muhiima . 1- In la dejiyo Istaajiyadda dawladeed ee gacanta qabow ee dawladadeed oo isugu jirta waqtiga dhaw iyo waqtiga dheer . 2- In la xoojiyo horumarinta haayadaha Nabadgelyadda Gobolka , sidda Booliska , Sirdoonka , Jeelasha iyo Garsoorkana , madaxda hogaaminaysaana ay noqdaan kuwo aan gebe ahaanba u dhalanin gobolkaas . 3- In la xoojiyo maamulka dawliga ah ee goboladaas , dib u dhiskiisa iyo horumarintiisana loo xilsaaro xubno ka tirsan goleyaasha oo muddo halkaas fadhiista . 4- Galaangalka bulshadda , turxaansaarista iyo isu soo dhawaynta qabaa’ilka . 5- iyo isticmaalka wacyi gelinta bulshadda haday noqoto dhinaca Miidiyaha , Culimadda, shir-hawleedyadda iyo abaabulka bulshadda . 6- La dagaalanka mukhaadaraadka iyo maandooriyaha . 7- Ugu danbayn hadii la doonayo xakamaynta denbiyadda iyo yarayntooda ,waxaa lagama maarmaan ah in Dhaqaalaha iyo aqoonta deegaanaddaa kor loo soo qaado , horumarkana loo adeegsado la dagaalanka denbiyadda , maxaa yeelay denbiyaddu waxay ku bataan aduunka oo dhan meelaha dib u dhacay . W/Q: Ahmed Nour Guruje Source
  12. “Niyad-jabka shaqada laga qaado, dhiig-karka iyo hurda xumadu waxay keenaan dhimashada kediska ah”, Cilmi-baadhe Jarmal ah ayaa soo weriyey. Cilmi baadhistan waxaa lagu sameeyey ‘2000’ laba kun oo qof. Kuwaas oo horay u qabay dhiig-karka nooca heerkiisu sarreeyo. Sidoo kale, dadkaasi waxay hayeen shaqooyin niyad-jab iyo hurdo xumo ay ka qaadeen. Cilmi baadhsitu waxay cadaysay, “Saddex laab dadkaasi waxay u leedmeen wadno xanuun marka loo eego dadkii haayey shaqooyinka fudud horena u seexan jiray”. “Ugu badnaan 50% boqolkiiba konton, dadka waaweyni waxay qabeen dhiig-kar”, sidan waxaa yidhi, Dr. Gregg Fonarow, oo ka ah bare sare qaybta wadnaha ee jaamacadda California, Los Angeles. Shaqooyinka niyad-jabka keena, dhiig-karka iyo hurda xumado waxay xidhiidh la leeyihiin in ay keenaan wadna xanuunka, faaliga, wadna-is-staagga iyo kelyaha oo fadhiista (kidney failure), waxa sii raaciyey Dr. Fonaraw. Dr. Karl Heinz Ladwig, waa bare sare kana tirsan qaybta caafimaadka deegaanka ee jaamacadda Technical university for Munich. Waxa uu yidhi, “Hurdada waa in wakhti la siiyaa si’ jidhku u kaydsado tamar ku filan is-kagana saaro welwelka kasoo gaadhay shaqada adag, taas beddelkeeda hurdo la’aantu waxay keentaa in jidhku heliwaayo tamar-kaydsan(stored energy)”. Sidoo kale waxa uu raaciyey, “Daraasado badan oo kale waxay xaqiijiyeen in uu xidhiidh ka dhexeeyo shaqada aan nafsadda loo hayn, hurdo yaridda iyo wadna xanuunka, daraasadahanina may qeexin sida ay hurdo la’aantu u sababto xanuunada wadnaha”. Marka la eego daraasaddan, cilmi baadhayaashu waxay sheegeen in shaqada karaahiyada ah ee shaqaaluhu ka cabanayaan ay keento in shaqaaluhu uu dalbado waxyaabo ka maqan, laakiinse, loo shaqeeyuhu uu uga garaabi waayo; isaga oo cadaadis badan ku haaya inta badan shaqaalaha. Taasina ay dhaxalsiiso in shaqaaluhu uu dareemo dhiirrigelin la’aan uu kale kulmo booskiisa aakhirkana ay shaqadaasi keento stress joogta ah. Mika Kivimaki, waa bare sare oo ka tirsan Jaamacadda University College London, qaybta daraasadaynta xanuunada faafa (epidemiology), waxa uu walaac ka muujiyey halista caafimaad ee ay samayso shaqada adagi. Waxa uu yidhi, “Cilmibaadhisihii hore waxay xoogga saarayeen dhibaatada ay leedahay shaqada culayska ahi” Ugu danbayn waxaynu ka faa’iidaysanaynaa daraasaddan in aynu ka feejignaano isku buuqa tira-beelka ah iyo hurdo la’aanta joogtada ah inaga oo caafimaadkeena eeganayna. Sadam Osman kaabashFekerka aqoonyahanka:Hargeisa, SomalilandDegmada: Maxamed mooge. sadamkabash99@gmail.com Source
  13. Aniga iyo Xasan Cali Geeseey ayaa Talaadadii shalay 9:00am waxa aan u tagnay Danjire Daahir Maxamuud Geelle oo maanta xilkii wasiirnimo kategey . Waxa aan ugu tagnay qaybta hoyga u ah oo kudhextaal wasaaradda Warfaafinta, si wanaagsan ayuu noo soo dhoweeyey, maaddaama aan u tagnay isaga oo aan weli shaqada soo gelin waxa aan wada fariisanay qolkiisa fadhiga, wax lacabo ayuu noo dalbay kaddibna howshii aan u soconay ayaan u sheegnay waana naga aqbalay, kaddibna sheeko u muuqatay sagootis oo aad u macaan ayuu noo billaabay! Lebbis aan Rasmi ahayn ayuu xirnaa, si kalsooni badan ku dheehan tahay ayuu wax badan oo kusaabsan Siyaasadda iyo saxaafadda noogu sheegay, hadallada wasiirka waxa aan ka fahmay qof ahaan in uu aad uga walaacsan yahay heerka ay wax marayaan iyo sida uu qof ahaan doonayo in xukuumaddu u shaqeyso. “Koobka haddii biyo lagu shubo oo uu nus yahay kawarrama haddii qof ku yiraahdo:-Nus ayuu soo dhaafi waayey! Qof kalana ku yiraahdo Nus ayuu soo gaaray?, Malaha waxa fiican qofka kuyiraahda waxa uu soo gaaray Nus, Suldada ama dowladdu waxa ay jeceshahay qofka yiraahda dowladduu howshii laga rabay Nus ayay qabatay balse ma jecla qofka yiraahda howshii laga rabay waxa ay soo dhaafi weysay Nus“. Su’aashaas ayuu ninba mar weydiiyey Xasan iyo Aniga, balse waxa naga yaabiyey sida uu u bayaamiyey mashaakilka iyo waxa taagan iyo sida xal kagaariddu u tahay gaabis, waxa uu nagala hadlay Wrabaahinta gaarka ah iyo waxa ay ugu fadhiso dhismaha dowladda Soomaaliyeed, waxa ay qaban karto iyo waxa warbaahinta dowladdu fulin karto balse lagayaabo in ay ku adkaadaan warbaahinta madaxa bannaan. Miis yar oo horyiil waxaa u saarnaa Nuqulka Buugga Fire and Fury oo Af carabi ku qoran, buuggaas waxaa qoray Michael Wolff, Fire and Fury waa Dab iyo Caro, taas ayaa aad iiga yaabisay, aniga oo dhiniciisa xigay ayaan soo qabtay buuggaas oo soo baxay 2018, markii uu arkay in aan isha la raacayo ayuu wax xoogaa faahfaahin iga siiyey, kaddibna waxa uu ku laabtay faahfaahin kusaabsan Warbaahinta iyo Siyaasadda. Waxa uu nooga sheekeeyey Warbaahinta Dadweynaha (Public Broadcast) iyo sida aanay suuragalba u ahayn in maanta dowladdu Radio Muqdisho ama Telefeshinka u rogto Warbaahin guud xilliga lagu jiro iyo xaaladda. Wax kale oo aad iiga yaabiyey qof ahaan ayuu nooga sheekeeyey waxaa kamid ahaa habka laga rabo xisbiga ama kooxda xukunka haya in ay u dhaqmaan kaas oo ah iskuwad iyo isku hayn, waxa uu tusaale u soo qaatay Oday reer u ahaa Nabaddoon oo maalin soo istaagay in uusan nabaddoon u ahayn Jufo kamid ah Beesha sidaas awgeedna ay tahay in Jufadaasi iska tagto oo reerka kabaxdo, Qabiilkii ayaa fariistay oo iskudayey in ay Nabaddoonka qanciyaan una sheegaan in uu reerka isku hayo iskuna wado balse waa diiday, waxa uuna ku adkeystay in uusan marna Jufadaas u ahaan doonin Nabaddoon! Odayaashii ayaa qaatay shir gaar ah waxa ayna go’aan ku gaareen in Nabaddoonka iyo Jufada uu diiddan yahay sinneyn haddii mid baxayana ay tahay in Nabaddoonku baxo maaddaama waxa xilka yimid ay isaga yihiin. Waa loo yeeray nabaddoonkii waxaana loo sheegay si wadajir ah in isaga xilka loo dhiibay iyada oo Jufada uu diiddan yahay ay beesha kamid tahay, sidaas awgeedna haddii uusan iskuwad iyo iskuhayn lahayn in isaga xilkii Nabaddoonnimo laga qaaday ayna tahay in uu raadsado cid uu qayb eryo qaybna nabaddoon u noqdo. Waxa uu Daahir noogu soo xiray in Dowladdu tahay iskuwad iyo isku hayn haddii ay taas weydana cidda tegi doonta ee fudud ay tahay iyada! Halkaas markuu marsiinayo ayaa qof la ballansanaa u yimid, kaddibna inta istaagay oo nasoo dhoweeyey ayuu na macasalaameeyey. Soo dhoweynta iyo hadalka Daahir Maxamuud Geelle waxa aan u fahamnay sagootin si aan u weydiinana waa garan weynay WQ: Axmed C. Guutaale Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid
  14. (SLT-Hargaysa) Cabdillaaji Jaamac oo kamid ah Haldoorka iyo ganacsatada Somaliland ayaa tilmaamay in aanay cadaaladda iyo sharciga midna ku haboonayn xaalada deg dega ah ee Madaxweyne Muuse Biixi ku soo rogay Gobolka Sanaag. Sidaana wuxuu ku Sheegay qoraal uu ku baahiyay bartiisa Facebook-ga kaas oo u dhignaa sidan . COLLECTIVE PUNISHMENT In qofkii Dembi galay la soo qabto wixii ku caddaada ee uu mutaystana Sharciga hortiisa lagaga gooyo waa KOW. in Ciddii xumaanta taageeraysa ama Gacan siinaysa ama si uun uga qayb qaadanaysa laga horjoogsado sida ugu munaasibsan iyana waa LABA. Laakiin in Gobol iyo Degmooyin idil oo cid waliba (Sheikh iyo Shariif) ku nooshahay la yidhaahdo waxa lagu soo rogay Xukun Milatery ( MARTIAL LAW ) waxaan u arkaa arrin aan Cadaalad iyo Sharci midna ku qotomin, waa arrin u muuqan kara Ciqaab Wadareed ama COLLECTIVE PUNISHMENT, العقاب الجماعي kaas oo Xaaraan ku ah Sharciga Islaamka iyo Qaanuunka Caalamiga ah labadaba. Waar ha laga fiirsado wax aynu maqalnay uun oo aynaan cidhibtooda dambe mahadin doonin Abdulahi Jama Source
  15. Hargeysa (Caasimada Online) ― Xog ay helayso Caasimada Online, ayaa sheegaya in Guddoomiyihii gobolka Awdal Cabdiraxmaan Axmed Cali, uu maanta si dhuumasho ah uga baxay caasimada gobolkii uu ka talinayay. Guddoomiyaha ayaa waxa soo food-saartay cabsi balaadhan, kadib markii bulshada reer Awdal ay ka gadoodeen dil loo geystay Saraakiil ka tirsan ciidamada Somaliland oo deegaan ahaan ka soo jeeday Gobolka Awdal. Sida ay Caasimada Online u xaqiijiyeen Shaqaale ka tirsan Xafiiska Maamulka Gobolka Awdal, Guddoomiyaha ayaa saaka aroortii si dhuumasha ah uga baxay magaalada Boorama, isagoo u baqoolay caasimada Somaliland ee magaalada Hargeysa. Saaka ayaa waxa magaalada Boorama ka bilaabmay mudaharaado balaadhan oo looga soo hor-jeedo dilkii gobolka Sanaag loogu geystay Saraakiil katirsan Ciidanka Somaliland oo kasoo jeeday deegaan ahaan Gobolka Awdal. Guddoomiyaha gobolka Awdal ayaa waxa uu ka soo jeeda deegaan ahaan bariga Burco, kaasi oo saaka door-bidey inuu ka cararo gobolkii uu ka talinayay, intii uu wax ka qaban lahaa tabashooyinka iyo mudahaarada gil-gilay magaalada Borama. Xaalada amni ee magaalada Boorama iyo guud ahaan gobolka Awdal ayaa hadda ah mid degan, inkastoo laga cabsi qabo inay ka dhacaan falal amni daro. Caasimada Online Xafiiska Hargeysa Caasimada@live.com
  16. Gudoomiyaha Garabka dhalinyarada xisbiga mucaaridka ah ee Waddani Maxamedsidiiq Dhame ayaa ka hadlay xaalada deg dega ah ee madaxweyne Muuse Biixi ku soo rogay sadex degmo oo ka tirsan gobolka Sanaag. Gudoomiye Dhame ayaa war qoraal ah oo uu soo saaray shalay ayaa ugu baaqay shacabka gobolaka Sanaag inay ka horyimaadaan amarka madaxweynaha, waxaanu Muuse Biixi u soo jeediyey inuu is casilo. Qoraalkaasi oo dhamaystiran waxa uu u dhignaa sidan hoos ku xusan. “Kibirka iyo kalitalisnimada Muuse Biixi Gobollada Bari yaanay aqbalin, suuragal maaha bandooda iyo cabudhinta Millatari ee Saddexda bilood la dul-dhigay. Xilka qaranka KULMIYE ayaa dayacay, aminga, dawladimada, caddaalada iyo sinnaanta shacabka iyagaa ku fashilmay hays casilaan, Muuse Biixi khibrad aan ahayn qabayaald, qoqob, dumin iyo dagaallo sokeeye ma hayo! Waa in heeryada dulmiga layska rogaa oo bulshada Somailand baraarugtaa. Qaran News
  17. Somaliland: Information Minister Verbally Attacks Waddani’s Cirro Hargeisa,(Qaran news)-The Somaliland Information minister, Mohamed Muse Dirie, taking a page from his predecessor, Abdirahman Abdillahi “Guri’Barwaqo” gave an interview in which he verbally attacked the chair of Waddani, Abdirahman Mohamed Abdillahi “Cirro” in language rarely heard from a senior official. The new minister, formerly from the Home Office, accused the chair of Waddani “of still being sore about losing the last presidential elections by 80 thousands votes, whilst former president Ahmed Mohamed Mohamud “Silanyo” accepted a loss on less than 80 votes”. The minister also stated that the “parliamentary and local elections will take place and if Waddani candidates want to take part, they should do so under the umbrella of either Kulmiye and UCID”. The administration of President Muse Bihi Abdi has seen the post of information minister occupied by two men, who are close the president, and are not known for their discretion, deftness and verbal control, traits which are essential for a post which seriously influences the national mood. In other parts of the world, the post of information minister is given to educated and articulate people in order to get your message across, it is not currently the case in Somaliland. The last Somaliland minister of this post who gave a good account of himself or herself, was Abdillahi Mohamed Duale from the Dahir Rayale Kahin administration. Qaran News
  18. Enjineer Abdullahi Ali Hassan ayaa maanta shaacin rasmi ah oo kasoo baxday xafiiska ra’iisul wasaare Xasan Cali Kheyre loogu magacaabay wasiirka wasaaradda ganacsiga iyo warshadaha. ayaa wuxuu ka mid yahay aqoonyahanadii waxgalka ahaa ee wixii ka dambeeyay burburkii dowladdii dhexe ee Soomalia 1991 u istaagay dhinaca horumarinta bulshada rayidka ah iyo u adeegida shacabka Soomaaliyeed ee ay aafeyeen dagaalada sokeeye, dowlad la’aanta, fatahaada, abaaraha iyo gaajada isagoo ku howlanaa gargaarka beni’aadinimada iyo samatabixinta bulshada dhibaateysan 20 sano ee la soo dhaafay. Waxbashadiisa asaasiga iyo mida sare wuxuu kusoo qaatay magaalada Muqdisho, halka waxbarashadiisa jaamacadeed uu ka qalin jabiyay jaamacadda State University Of New York ee Suny Albany, wuxuuna macallin uu kasoo noqday jaamacaddii Ummadda Soomaaliyeed oo ay isaga iyo aabihiis macallimiin ka wada ahaayeen allaha u naxariistee Prof. Cali Xasan. Laga soo bilaabo sanadkii 1990 ilaa iyo hadda waxa uu ku howlanaa u gargaaridda dadka Soomaaliyeed ee dagaalada iyo abaaraha saameeyeen. wuxuuna mudooyinkii u danbeeyay ahaa agaasimaha Hay’adda Waxbarashada iyo Hormarinta ee marka magaceeda la soo gaabiyo loo yaqaano CED oo ah hay’ad maxalli ah oo ka shaqeeysa arimaha gargaarka bani’aadanimada. Mudadii aadka u fogeyd wuxuu ku lug lahaa arimaha samafalka iyo gargaarka bani’aadanimada Eng. Cabullahi Cali Xasan waxa uu wax la taaban karo u qabtay shacab farabadan oo Soomaaliyeed oo aad u liitay kuwaaasi oo u badnaa haween, caruur iyo dad da’ ah. Enjineer Abdullahi ayaa lagu yaqaan inuu yahay hoggaamiye nadiif ah oo la imaan kara isbedel muuqda iyo horumar howsha loo igmaday. Waa aqoonyahan qunyarsocod ah, howlkar ah, go’aan qaadasho leh oo balamadana ku fiican wuxuuna ka tirsan yahay bulshada rayidka ah. Dadka yaqaan Aqoonyahankaan ayaa ku sifeeyey in uu yahay shaqsi isku darsaday diin jacayl, wadaninimo, daacadnimo, hoggaan suuban, aqoon iyo howlkarnimo waxyaabaha lagu soo xushayna ay u badan yihiin intaas. Waa shaqsi waayo arag ah, bisayl siyaasadeed iyo mid aqooneed intaba u leh maamulka iyo hoggaaminta, isla markaana isku darsaday khibrad maamul iyo mid hoggaamineed oo waqti dheer ah. Ugu danbeyntii, Eng. Abdullahi ayaa waxaa uu ka mid ahaa murashaxiintii madaxweyne ee 2017-kii, balse u tanaasulay isagoo eegaya danta dalka iyo dadka Soomaaliyeed iyo xiligii lagu jiray ee kala guurka. W/qoray: Cali Muhiyaddiin Cali Muxiyaddiin@hotmail.com
  19. Muqdisho (PP) ─ Kulan ay maanta ku yeesheen Muqdisho shan xisbi oo ka mid ah xisbiyada ugu miisaanka culus dalka ayaa waxay kasoo saareen baaq wadajir ah, kaasoo ay, kaasoo ku aadanaa arrimaha amniga iyo siyaasadda dalka. Xisbiyada baaqa wadajirka ah soo saaray ayaa waxay kala ahaayeen; UPD, Himilo, Wadajir, NDP iyo Ilays, waxaana war-saxaafadeedkooda oo dhawr qodob ka kooban ay diiradda ku saareen arrimaha amniga dalka, iyo sidoo kale xaaladda siyaasadeed oo meel aan la filayn gaartay. Sidoo kale, Bayaanka ayaa looga dalbaday dowladda Somalia inaysan dhicin wax muddo kororsi ah, isla markaana doorashada madaxtinimada Somalia ay ku dhacdo waqtigeeda oo aysan ka dib dhicin. Dhanka kale, Arrimaha Amniga mar ay ka hadleen ayay Madaxda Dowladda Federaalka Somalia iyo Dowlad-goboleedyada uga dalbadeen inay si wadajir ah isaga kaashadaan dagaalka ka dhanka ah Al-sShabaab, isla markaana ay sameeyaan ciidammo suga amniga dalka. Ugu dambeyn, Xisbiyada dalka ayaa waxay dhawaan isugu yimaadeen kulan uu qabtay xisbiga Himilo Qaran oo uu hoggaamiyo Sheekh Shariif, iyagoo si aad ah u dhaliilay dowladda, kana dalbaday inay wax qabato ammaanka, isla markaana ay caddeyso nooca ay noqon doonto doorashada dhici doonta. Haddaba, AKHRISO; Bayaanka ay wadajirka u soo saareen xisbiyada siyaasadeed ee dalka PUNTLAND POST The post Xibiyada siyaasadeed ee dalka ka jira oo soo saaray Maanta War-murtiyeed Wadajir ah appeared first on Puntland Post.
  20. Waxaan hambeyeynayaa Shaqaale weynaha Soomaalilaand meelkasta oo ay joogaan waxaanan ku hambalyeynayaa Maalinta shaqaalaha Adduunka 1may 2019 , sanado badan ku gaadha caafimaad iyo cimri dherer. Shaqaaluhu waa dhiiga dhaqaajiya shaqada, waa Wajiga shaqada, waa quruxda shaqada, waanna Lafdhabarta hawlaha shaqada, sida loo daryeelo ayuunbay shaqada iyo waxqabadkoodu ku xidhan yahay waxaan soo jeedin lahaa in shirkadkasta oo waddanka ka shaqaysa iyo dawladuba ay shaqaalahooda u Gargaaraan oo ay siiyaan Adeegyadda qofka shaqaalaha ahi xaqa u leeyahay sida Caafimaadka , Fasaxa, Wakhtiyadda Dheeraadka ah ee ay Shaqeeyaan kana ilaaliyaan Waxkasta oo ka mamnuuca qofka shaqaalaha ah sidoo kalena siiyaan waxkasta oo sharciga shaqaalaha ee heer caalami uu xuquuq u siiyey kana reebaan waxkasta oo sharcigu u diiday. Waxaan in badan arkayay Shaqaale weynaha soomaaliland oo aan lahayn Urur ay ku midaysan yihiin dhammaantood insha Allah waan se rajeynayaa in la sammayn doonno waxaanan in badan qorsheeyay inaan ku dhawaaqo se wali waxba iima suura galin Caqabado jira awgood, waanse waddayaa ilaa intaan arkaayo urur ay ku midaysan yihiin, muhiimaddu waa in shaqaale kasta hello xuquuqdiisa iyo waxa ka maqan iyo waxa isaga xaq loogu leeyahay si dhinackastaa xaqiisa iyo xuquuqdiisa u hello. Haddaba adigu haddii aad shaqaale tahay Maxaa kaaga meel yaalla midawga shaqaale weynaha? Sanadguuro wanaagsan dhammmaantiin. Gmail: Farxaanmxd@gmail.com Facebook: Rakad Mxd Sultan Qaran News
  21. Hargeisa, (Qaran news)-The Chief of the Somaliland Defence Forces, Major-General Nuuh Ismail Tani and the Commissioner of the Somaliland Police Force, Major-General Abdillahi Iman Fadal gave a joint press conference in Hargeisa to talk about the imposition of Emergency Law in the three towns Erigavo, El-Afwein and Garadag. Speaking to the gathered press, the Generals gave a briefing over the tragic events of the last few days which led to the death of two Somaliland officers from Police and Custodial Corps. The two offers were slain in an ambush by unknown assailants. The two generals outlined the nature of the Emergency Law, which according to them will leave the administrations of the three towns in their hands of the Military, Police and other branches of the security services. The Generals appealed for the residents of the three towns and all Somalilanders to work with the security services to maintain law and order and strengthen the peace in the country. The Generals also appealed for the Somaliland media to be more accurate in their reports and to inflame the situations with unconfirmed news. However, it is worth noting that despite the appeal from the two commanders, it is precisely because of the lack of disclosure from the administration that leads to speculations and supposition on behalf of the media. If the administration and the armed forces were more forthcoming by issuing clarification and press briefings it would be easier for the media to be more accurate in their reports. The last few years has seen continues conflict in that part of Somaliland between neighboring communities which has severely tested the administration and armed forces to the limit. Sadly, before the tragic murder of the two officers, thanks in part to extensive negotiations led by the government, community elders and activist, the situation appeared to be taken a turn for the better. Unfortunately, the recent tragic events have now spread the tentacles of the conflict across Somaliland. Qaran News
  22. (SLT-Hargeysa)-Ciidammada booliska Somaliland ayaa sheegay in sababta ay u xidheen Maxamed Siddiiq Dhamme oo ah guddoomiyaha garabka dhalinyarada xisbiga WADDANI ay tahay ka dib markii uu ka hor yimid amarkii madaxweynaha, isla markaana uu dadweynaha gobolka Sanaag uu ku dhiirrigaliyay kicin-dadweyne. Afhayeenka ciidanka Booliska Gaashaanle Sare Faysal Xiis Maxamed ayaa sheegay in sifo sharci ah loo maray xadhiga sarkaalkaas mucaaridka ah, Halkan hoose ka DAAWO Source
  23. (SLT-Hargeysa)-Magaalada Hargeysa waxaa maanta xabsiga loo taxaabey ku dhawaad 30 hooyooyin ah, kuwaasi oo dawladda Somaliland ka codsaday in laga caawiyo sidii ubadkooda oo uu haysto Magafaha Liibiya loogu soo dayn lahaa. Hooyooyinka xabsiga loo taxaabey ayaa iskugu yimid mid ka mid ah waddooyinka suuqa Hargeysa, iyagoo sitay boodhadh ay ku qoran yihiin; “Waxaan ka codsanaynaa dawladda sharafta leh inay wax nagala qabtaan sidii aan uga soo saari lahayn dhalinyarada godka madow ee Liibiya ku jirta” Halkan hoose ka DAAWO Source