Muqdisho (Caasimada Online) – Guddiga madaxa-bannaan ee doorashooyinka qaranka ayaa shalay diiwaan-geliyey xisbi siyaasadeed cusub oo la magac baxay Xisbiga Awoodda Shacabka (People’s Power Party). Guddoomiyaha guddiga doorashooyinka qaran Xaliima Ibraahim Ismaaciil ayaa shahaadada aqoonsiga KMG ee diiwaangelinta guddoonsiiyay Cabdullaahi Cilmi Xaaji Ereg oo ah Guddoomiyaha KMG ee xisbigan. Xisbiga awoodda shacabka waxaa hoggaaminaya, guddoomiyihii hore ee gobolka Banaadir mudane Thaabit Cabdi. Guddoomiye Thaabit oo la hadlay ayaa sheegay sababta ay xisbigan cusub ee PPP u aasaaseen iyo ujeedkooda. “Dal waxaa uu horumaraa marka awoodda shacabka la siiyo, dal aanu dadkiisa awood laheyn ma horumaro, awoodsiinta umadda Soomaaliyeed ayaan ka shaqeyn-doonnaa” ayuu yiri Thaabit Cabdi. Cabdi, oo haatan dibadda ku maqan waxaa uu intaasi raaciyey in dhowaan la qaban-doono xafladda daahfurka xisbiga taasi oo ka dhici-doono caasimadda Muqdisho. Caasimada Online Xafiiska Muqdisho caasimada@live.com

Qaran News

Addis Ababa (Caasimada Online) – Ra’isal wasaaraha Dalka Ethioia Abiye Axmed ayaa qaaday tallaabo lama filaan oo ka yaabisay shacabka Itoobiya kadib markii uu ka dalbaday Dalka Zimbabwe in ay dib ugu celiso Ethiopia Hoggaamiyihii hore ee dalkaas, Mengistu Haile Mariam. Mengistu Haile Mariam, ayaa u baxsaday dalka Zimbabwe sanadkii 1991-dii markii uu bur buray taliskiisii, waxaana uu Zimbabwe ku noolyahay ilaa hadda. Abiye Axmed oo ka hadlayay munaasibadda xorriyadda hadalka ee 3-da May ayaa ka dalbaday Dowladda Zimbabwe in ay ku wareejiso hoggaamiyaha hore. Mengistu Haile Mariam, ayaa lagu heystaa dagaalladii uu geliyay Ethiopia iyo baabi’intii kooxaha mucaaridka ahaa ee dowladdiisa diiddanaa. Waxyaabaha lagu heysto waxaa ka mid ah dagaalkii uu la galay Soomaaliya, dagaalkii Eritrea ay kaga go’day Ethiopia iyo gacantii adkeyd ee uu kula dhaqmay siyaasiyiinta mucaaridka ah. Abiye ma sheegin in la maxkamadeynayo Mengistu Haile Mariam, waxaase uu dowladda Zimbabwe ku joogaa magangelyo siyaasadeed. Caasimada Online Xafiiska Addis Ababa Caasimada@live.com

Qaran News

Qaran News

Muqdisho (Caasimadda Online) – Waaxda Difacaa Maraykanka ee “The Pentagon” waxay soo saartay qoraal lagu xaqiijinayo tiradda dadka rayidka ee ay Hawlgalladda Milliteriga Maraykanka sannadkii la soo dhaafay ee 2018-ka. Warbixin ay Waaxda Difaaca Maraykanka soo saartay ayey ku sheegtay inay 120 qof oo rayid ah dileen, 67 kalena ku dhaawaceen duqeym oay ka geysteen dalalka Somalia, Iraq, Syria iyo Afganistan, waxayna tirooyinkaasi aad uga hooseeyaan tirooyinka ay Kooxaha u dooda Xuquuqda Aadanaha soo saareen. Warbixin-snnadlaha ee Waaxda Difaaca oo loo gudbiyey Kongareeska Maraykanka ayaa waxa uu muujinayaa in ku-dhawaad 800 oo qof oo rayid ah la dilay Hawlgalladii ay Maraykanka ka fuliyeen dalalkaasi sannadkii 2017-kii, kaasi oo qeyb ka ahaa Hawlgalkii Isbahaysiga Mraaykanka ee ka dhanka ahaa Dagaalamayaasha Kooxda Daacish ee ku sugan dalalka Syria iyo Iraq. Warbixinta “The Pentagon” waxaa lagu sheegay in Hawlgalladda ay sannadkan ka fuliyeen dalka Afganistan ku dileen 76-qof oo rayid ah, iyadoo duqeymahalaga fuliyey dalalka Syria iyo Iraq la sheegay in lagu dilay dad tiradooda guud dhan tahay 42-qof. Warbixinta “The Pentagon” oo ka koobnayd qiyaastii 20-bog waxaa lagu sheegay in Duqeymihii ay sannadkii hore ka fuliyeen Somalia ay ku dileen labo rayid oo keliya, taasi oo aad uga fog tiradda guud ee ay Hay’addaha Xuquuqda Aadanaha shaaciyeen sannadkii hore. Hay’adda Amnesty International UK waxay bishii March 20-dii soo bandhigeen Warbixin ay Cinwaan uga dhigeen: , The Hidden US War in Somalia” oo la micno ah “Dagaalkii Qarsoonsaa ee Maraykanka ee Gudaha Somalia”, kaasi oo lagu faahfaahiyey duqeyn ay Maraykanka ku dileen dad rayid ahaa. Warbixintaasi waxaa lagu xusay in 14 qof oo rayid ah la dilay, halka 8 kalena lagu dhaawacay 5 ka mid ah 100 Duqeyn oo ay Maraykanka ka geysteen Somalia tan iyo bishii March ee sannadkii 2017-kii. Warbixinta waxaa lagu sheegay in shantaa duqeyn ay Diyaraadaha Dorniska Maraykanka ee Reaper iyo kuwo kale ka fuliyeen qeybo ka tirsan Gobalka Sh/hoose, waxayna duqeymahaasi u muuqdaan kuwo xadgudub ku ah Sharuucda Caalamiga ee Xuquuqda Aadanaha iyo in laga yaabo inay yihiin Dembiyo Dagaal. Dhinaca kale, Hay’adda Amnesty International USA waxay soo dhaweeyeen Warbixinta ay Waaxda Gaashaandhigga Maraykanka ka soo saareen khasaarihii dadka rayidka ka soo gaaray Hawlgalladii ay sannadkii hore ka fuliyeen dalal ay Somalia ku jirto. Agaasimaha Ammaanka ee Xuquuqda Aadanaha ee hay’adda Amnesty International USA, Daphane Eviatar waxa sheegtay in ay nasiib-xumo tahay in Warbixinta Waaxda Difaaca soo saartay ay weli ka hooseyso tirada dadka rayidka ee ay khasaaraha ka soo gaareen Hawlgalladda ay Maraykanka hoggaaminayaan, khaas ahaan wararka ku aadan khasaaraha soo gaaray rayidka ku nool dalalka Somalia iyo Syria. Waxay ku baaqday in loo baahan yaha in tallaabooyin dheeraad ah la qaado, si loo yareeyo khasaaraha dadka rayidka ka soo gaara Duqeymaha Maraykanka. Radio Dalsan

Guddoomiye Cirro oo la qaxweeyay Shacabka Degmada Maxamuud Haybe – Hargeysa+ Sawirro Guddoomiyaha xisbiga mucaaridka ah ee WADDANI Dr. Cabdiraxmaan Maxamed Cabdillaahi Cirro ayaa waxaa uu galabta la shaaheeyey shacabka degmada Maxamuud Heybe, waxa uu tagay maqaaxida caankaa ee Jiic-aboorka ee magaalada Hargeysa. Qaran News

Hargeysa (Caasimada Online) ― Xisbiga Mucaaridka ah ee Waddani ayaa maanta si adag uga hadlay xariga ay ciidamada boolisku kula kaceen Guddoomiyaha garabka dhallinyarada ee xisbiga, Maxamed Sidiiq Dhamme oo ciidamadu xireen 3-cisho ka hor. Guddoomiyaha Xisbiga Waddani Md. Cabdiraxmaan Maxamed Cabdillaahi (Cirro) ayaa War-saxaafadeed ka soo saaray xariga Mas’uulkan isagoona ka dhawaajiyey in boolisku ay jidh-dileen Guddoomiye Dhamme. War-saxaafadeedkan oo uu ku saxiixan-yahay Guddoomiye Ciro, ayaa baaq loogu diray Hay’adaha Caalamiga ah iyo Komishanka Xuquuqal iisaanka Somaliland, wuxuuna u dhignaa sidan: “Waxa si Sharci-darro ah oo argagax leh loo xidhay Guddoomiyaha Garabka dhallinyarada heer Qaran ee Xisbiga WADDANI, ahna xubin ka tirsan guddiga fulinta ee Xisbiga WADDANI, Mudane Maxamed Sidiiq Dhamme, Taariikhdu markay ahayd 1-da bisha shanaad, 2019, Xadhiggiisu wuxuu ahaa mid baal-marsan Xeerarka iyo Shuruucda Qaranka u yaalla. Maxamed waxa la xidhay iyadoon loo jarin Waaran Qabasho oo Maxkamad awood u lihi u soo saartay, sida oo kale markii Ciidanku qabanayeen waxa loo geystay Jidh-dil. Sida uu dhigayo Xeer Lr 14/2001 Qodobkiisa 20-aad Farqaddiisa 1-aad, waxa meel lagaga dhacay isla-markaana ixtiraam-darro ku ah Xisbiyada Qaranka in Xasaanaddii Xisbinimo ee uu lahaa Masuulka Xabsiga ku jiray waxa laga qaaday Xorriyaat-kiisa aasaasiga ah ee Maxbuusnimo: 1 – Waxa loo diiday inay soo booqdaan Eheladiisa iyo Xisbigiisiiba. 2 – Waxa laga mabnuucday in cuntadii si toos ah loogu geeyo 3 – Waxa lagu xidhay Qol madow oo keli ku yahay oo aan lahayn laydh isla-markaana ay nadaafaddiisu aad u liidato. 4 – Sidoo kalena, muddadii uu hadda xidhnaa waa uu katiinadaysnaa. Dhammaan Tacadiyadiisa waxay baal-marsan yihiin Dastuurka Jamhuuriyadda Somaliland Qodobkiisa 27-aad darqaddiisa 1-aad, sida oo kalena Ciidanka Boolisku waxa uu ku gefay isla qodobka 27-aad, farqaddiisa 2-aad ee Dastuurka Jamhuuriyadda Somaliland. Sidaa darteed waxa aanu ugu baaqaynaa Komiishanka Qaranka ee xuquuqda Aadamaha Somaliland inay sida ugu dhakhsaha badan guddi baadhiseed ugu dirto Tacadiga lagula kacay Masuulkan Xisbiga ka tirsan isla-markaana soo hubsato bed-qabka masuulkan iyo Fayo-dhowrka Goobta uu ku xidhan yahay-ba. Ugu dambayn, waxaanu ogaysiinaynaa Hay’adaha Caalamiga ah ee u dooda xuquuqda aadamaha iyo kuwa ka hawl-gala Jamhuuriyadda Somaliland inay il-dhow kula socdaan Tacadiyada joogtada ah ee lagu hayo guud ahaan Muwaadiniinta Somaliland, gaar ahaan Masuuliyiinta Xisbiga WADDANI oo uu Boolisku Somaliland hoggaankiisu caadaystay isla-markaana bartil-maameedsaday inuu goor kasta xadhig aan sharci ahayn kula kaco Masuuliyiinta Xisbiga WADDANI iyo Muwaadiniinta kale ee Jamhuuriyadda Somaliland, Xisbi ahaan waxa aanu qabnaa in Tallaabooyinkan boolisku qaadayaan ay u muuqato inuu xisiga Bar-tilmaameedsanayo isla-markaana uu lumiyey dhexdhexaadnimadii looga baahnaa”. Caasimada Online Xafiiska Hargeysa Caasimada@live.com

Qaran News

Sida ummad kasta oo ka jirta dunida, ummadda Somaliland waxay u qaybsantahay Rayid iyo Ciidan. Rayidku waa shacabka caadiga ah ee aan hubka sidan. Ciidanku waa ciidamada hubka sida ee loo yaqaan Ciidamada Qalabka Sida. Ciidamada Qalabka Sida ee Somaliland waxay u xilsaaranyihiin, waajibkooduna yahay inay difaacaan dalka iyo dadka iyo inay sugaan nabadgelyada gudaha, waxayna u kala baxaan: Xoogga Dalka Somaliland, Ciidanka Boliiska Somaliland, Ciidanka Asluubta Somaliland iyo Cutubyada u tababaran hawlaha gaarka ah. Qofka ciidanka ah maalinta uu isu diiwaangesho ciidamada, tababar qaato, dirayska ciidanka xidho ee uu u dhaarto dalka iyo dadka Somaliland waxaa uu ka baxaa qabiil iyo qabyaalad, waxaa uu ka baxaa mag qabiil kala qaato, waxaa uu ka baxaa qabiil sheegasho, waxaa uu ka baxaa aargoosi qabiil. Waxaa uu wataa summadda iyo astaanta qaranka oo huwan sharafta wadaninimada ku salaysan difaaca iyo sugidda nabadgelyada ee dalka iyo dadka. Ciidamada Qalabka Sida ee Somaliland QABIIL MA LEH EE WAXAY LEEYIHIIN QARAN. Haddii ciidamada dal la beeleeyo ama la qabiileeyo laguma tilmaamikaro ciidan qaran waayo waxay lumiyaan astaanta iyo niyadda wadaninimo ee ay ku difaacaan dalka iyo dadka kuna sugaan nabadgelyada gudaha si ummadoodu ugu seexato nabadgelyo, ugu shaqaysato nabadgelyo, ugu safarto nabadgelyo dalka dhexdiisa, dalkuna ugu horumaro nabadgelyo. Ciidamada Qalabka Sida ee Somaliland waxay leeyihiin qawaaniin u gaar ah oo lagu maamulo laguna hoggaamiyo ciidanimadooda, kala dambayntooda iyo hawlgalkooda. Waxay kale oo leeyihiin maxkamado u gaar ah ciidamada (kana duwan maxkamadaha rayidk ah) oo lagu qaado haddii xubin ka mid ah Ciidamada Qalabka Sida dembi gasho. Dhawaan waxaa gobolka Sanaag lagu dilay laba sarkaal oo ka tirsanaa Ciidanka Boliiska Somaliland. Labadaas sarkaal kama dhiman qabiil ama beel ee waxay ka dhinteen qaranka Somaliland iyo Ciidamada Qalabka Sida ee Somaliland. Xukuumadda Somaliland ayaa ka mas’uul ah inay soo qabato dembiilayaasha dilkaas foosha xun gesytay lana saaro maxkamadda Ciidamada Qalabka Sida ee Somaliland. Dil waa ka dhacaa dal markasta ama rayid ha noqdo ama ciidan ha noqdee. Haddii dil ka dhaco dal waxaa mas’uuliyadda wax-ka-qabashada leh xukuumadda dalka ka jirta iyada oo adeegsanaysa sharciga dalka iyo Ciidamada Qalabka Sida. Maaha wax caadi ah in Gobolka Sanaag lagu soo rogo “Xukun Deg Deg Ah” sida ay ka socdaan gobolka dagaallo sokeeye oo lagu riiqday ama lagu baaba’ay. Marka dhibaato weyn ka jirto gobolka oo nabadgelyada dadka gobolka oo dhan wada saamaysa, dadka ayaa taageera in lagu soo rogo xukun deg deg ah si ay u nabadgalaan ugana badbaadaan dhibaatada. Gobolka Sanaag waa caadi, dilkuna waa dhacaa. Xukunka deg dega ah ee lagu soo rogay Gobolka Sanaag waxaa uu muujinayaa labada arrimood ee kala ah: In Xukuumadda Somaliland aanay adeegsankarin sharciga dalka iyo Ciidamada Qalabka Sida si ay uga hawlgasho, degdegna wax uga qabato dhibaato kasta oo timaada iyo in Beesha Caalamku u aragto in Somaliland aanay ka jirin nabadgelyo taas oo dhaawac ku ah sumcadda dalka. Waxaa xaaraan ah in la siyaasadeeyo arrimaha Ciidamada Qalabka Sida ee Somaliland sida dilka saraakiishaas, waxaa kale oo xaaraan ah in madaxda dhaqanka Somaliland ka hadlaan arrimaha ciidamada, dilkaasna uga hadlaan sida rag laga dilay beel. Labadaas arrimoodba waxay dhaawac ku yihiin summadda, astaanta iyo waajibaadka Ciidamada Qalabka Sida ee Somaliland oo ah CIIDAN QARAN oo heegan u ah difaaca iyo nabadgelyada dalka iyo ummadda Somaliland. Madaxda dhaqanku waa inay ka baxaan siyaassadda dalka iyo arrimaha Ciidamada Qalabka Sida ee Somaliland kuna ekaadaan hawshooda dhaqanka ee beelaha ay u xilsaaranyihiin (Rayidka). Nolosha Ciidamada Qalabka Sida waa ka duwantahay nolosha rayidka ah waxaana kala duway shuruucda, qawaaniinta iyo waajibaadka ay kala leeyihiin. Ciidamada Qalabka Sida oo la siyaasadeeyo ama la beeleeyo waa dembi, ciddii gashana loo baahanyahay in lagu qaado. Xukuumadda Somaliland waa inay dadka Somaliland ku wacyigelisaa isla markaana bartaan in Ciidamada Qalabka Sida ee Somaliland ay yihiin ciidamo qaran oo ka caagan in loo nisbeeyo beel ama qabiil si loo ilaasho loona dhawro niyadooda wadaninimo ee ay ciidamadu ku difaacaan dalka iyo dadka kuna sugaan nabadgelyada gudaha. Waa in Golaha Guurtida iyo Golaha Wakiilada Somaliland ay sharci qaran oo adag ka soo saaraan in la siyaasadeeyo ama la beeleeyo Ciidamada Qalabka Sida ee Somaliland. Waa in la mamnuuco in madaxda dhaqanka ee dalka ay asalba ka hadlaan arrimaha Ciidamada Qalabka Sida ee Somaliland kuna ekaadaan hawlaha dhaqanka ee ragidka ah. Arrimaha Ciidamada Qalabka Sida waxaa iska leh oo qudha xukuumadda ka jirta dalka, madaxda Ciidamada Qalabka Sida iyo maxkamadaha Ciidamada Qalabka Sida. Shacabka Somaliland waa inay markasta qalbiga ku hayaan jacaylka iyo taageerada Ciidamada Qalabka Sida ee Somaliland oo naftooda u hura difaaca iyo nabagelyada dalka iyo dadka. Ciidamada Milatariga Somaliland waxay saldhig milatari ka samaysankaraan gobolkasta iyo meelkasta oo dalka ka mid ah maadaama ay yihiin ciidan qaran oo u xilsaaran difaaca dalka iyo dadka. Ibrahim Hassan Gagale Email: ibrahimgagale@gmail.com Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Farriin ku Socota Xisbiyada iyo Xukuumada 18 May ka hor Shacbigu Muxuu Sugayaa ? Asalaamu Calaykum Waxaa hubaal ah in maalmihii iyo usbuucyadii la soo dhaafay ay Dalkeena ka jireen Murano iyo gulufyo siyaasadeed oo dhawaaqoodu uu sarreeyo oo u dhaxeeya Xukuumada iyo Xisbiga UCID oo isku dhinac ah iyo Xisbiga WADANI oo dhinaca kale ah, waxaanay arrimahani soo jiitamayeen tan iyo intii ay dhacday doorashadii Madaxtooyada inkastoo dhawaanahan uu sii xoogaystay muranka Siyaasadeed ee u dhexeeyay Xukuumada iyo Xisbiga mucaaridka ah ee Wadani. Waxaan shaki ku jirin in ay Waajib tahay oo ay Danta guud ee Qaranka ku jirto in la soo afjaro khilaafkaas walaaca ku abuuray Shacbiga, waxaana lagama maarmaan ah in qof kastaa uu Masuuliyadiisa qaato sidii Xal looga gaadhi lahaa muranka jira oo khasaare iyo dib u dhac ku keenaya Dalkeena. Hadaba waxaan soo jeedin lahaa qodobadan hoos ku qoran oo aan filayo inuu Xal u yahay khilaafka jira. Waxaan si Xushmad leh uga codsanayaa Xukuumada iyo Xisbiga Wadani inay fiiro dheer u yeeshaan qodobadan. 1. Waxaan soo jeedinayaa in sida ugu dhakhsaha badan ay kulan u yeeshaan Madaxweynaha Jamhuuriyada Somaliland Mudane Muuse Biixi Cabdi iyo Gudoomiyaha Xisbiga Mucaaridka ah ee WADANI Mudane Cabdiraxmaan Cabdilaahi Cirro iyaga oo aan cid kale wehelin labadooda, si sarraaxad lehna ay isu waraystaan iyaga oo aan cid kale wehelin. 2. Aniga oo sharaf u haya Gudiga Doorashooyinka Qaranka, sidoo kale qirsan inay qarankooda u shaqeeyeen una qabteen doorasho Xor iyo Xalaal ah, Aniga oo aqaan Sharafta iyo dhawrsanaanta iyo Akhlaaqda Xubnaha Gudiga Doorashooyinka iyo inay yihiin dad ka fayow musuq iyo xumaan. Aniga oo qiraya inay Sharci ku joogaan, sharcina ay ku tagi karaan, aniga oo qiraya inaanuu jirin Dembi ay galeen oo lagu Xajiimeeyo. Hadana waxaan cidina ka qarsoonayn inay yihiin Furaha Xalka Koowaad ee dhibta Dalka ka taagan ee caqabada ku ah qabsoomida doorashada. Waxaan si Sharaf iyo Xushmad iyo Walaalnimo ku jirto aan uga Codsanayaa inay DUCO qaataan oo ay iyagu iskood isu Casilaan maadaama waxa u hadhsani ay yihiin bilo yar oo kooban. Walaalayaal DUCO qaata oo Fure u noqda xallinta khilaafka jira. Waxaa hubaal ah in ay Taariikhdu idin Xusi doonto. Waad ogsoon tihiin in Madaxweynaha iyo Xukuumaduba ay qirsan yihiin sharciyadiina iyo shaqada fiican ee aad Qaranka u qabateen. Walaalayaal DUCO qaata oo iskiin isu Casila oo Shacbiga ka Farxiya bisha Ramadaan. Waxaana Qaranka ku Waajiba in Bilaha Xilkiina ka hadhay Mushahar iyo gunnaba la idin siiyo oo si sharaf leh la idiin anbo-bixiyo. 3. Xisbiga WADANI waxaa ku waajib ah inuu ka Tanaasulo shuruudaha kale ee uu hoosta ku wato ee ay ka mid tahay in Xubnaha Gudiga la Kordhiyo. Waxaa kale oo Xisbiga Wadani ku Waajib ah inuu Iimaansado oo uu laabta usii daayo in laga helay doorashadii oo uu Dalka Madaxweyne ka yahay Mudane Muuse Biixi Cabdi oo doorasho Xor iyo Xalaal ah ku soo baxay. Xisbiga Wadani waxaa ku Waajib ah inuu ka gudbo Hiirtaanyada iyo Hibashada ay ku reebtay Doorashadii laga helay. Waxaana ku Waajib ah inay Xukuumada kala shaqeeyaan hawlaha Qaranka Muhiimka u ah. 4. Xukuumada waxaa ku Waajib ah inay si degenaan iyo ka fiirsasho aad u badani ay ku jirto ay u maarayso arrimaha Xasaasiga ah, isla markaasna ay u Talo badsato arrimaha saameynta weyn yeelan kara. Ugu danbayn waxaa lagama maarmaan ah oo ay Shacbiga reer Somaliland ay ka sugayaan Xukuumada iyo Xisbiyada Mucaaridka ah inay degdeg u kulmaan oo ay Xal ummada ka farxiya soo saaraan inta aan la gaadhin maalinta Qaranimada ee 18ka MAY. Somaliland ha Guulaysato. Amb. Kaysar Cabdilaahi Maxamed Qaran News

Muqdisho (Caasimada Online) – Wararka naga soo gaaraya magaalada Garowe ee caasimadda Puntland ayaa waxa ay sheegayaan in madaxda ku sugan halkaas ay u kala jabeen labo garab. Ra’iisul Wasaaraha Soomaaliya Xasan Cali Kheyre ayaa billaabay kulamo kala duwan oo la yeelanaayo madaxda dowladda taageersan dowladda ee HirShabeelle iyo Koonfur Galbeed, isaga oo ku qancinaya in ay taageeraan go’aamada ay dowladda dhexe shir geyso. Sida aan xogta ku helnay, Kheyre ayaa rumeysan in haddii xitaa mid ka. id ah labadan maamul uu la safta maamullada kale in dowladda looga adkaan doono shirka. Waxa uu si gaar ah uga cabsi qabaa madaxweynaha HirShabeelle, oo bilihii dhowaa marar badan cambaareeyey dowladda, inkasta oo uusan si toos ah uga soo horjeesan. Dhinaca kale, waxaa Iyana kulamo gaar ah ay leeyihiin Madaxda Puntland, Jubbaland iyo Galmudug, oo isku dhinac ah, islamarkaana doonaya inay dowladda si kulul ugu weeraraan shirka. Shirka oo markii horeba aan lahayn ajande cad, ayaa waxaa hadda la rumeysan yahay in xoogiisa uu noqon doonoa doorashada 2021, kadib sharcigii muranka dhaliyey ee doorashada oo ay ansixyeen golaha wasiirada. Waxaa sidoo kale jira warar sheegaya in madax goboleedyada ay dalban doonaan in dowladda ay ka dhex-baxdo ayaga iyo beesha caalamka, oo si toos ah ay deeqahooda u helaan, taasi oo dowladda aysan ogoleyn. Madaxweyne Farmaajo oo caawa tagay ayaa ku howlan isku soo dhaweynta Madaxda ku sugan magaalada Garoowe, waxaana uu ka cabsi qabaa in haddii shirka uu fashilmo uu dhaawac iyo magac xumo siyaasadadeed gaarsiin doono dowladda. Caasimada Online Xafiiska Garoowe caasimada@live.com

Somaliland: Ciidamada Qalabka Sida Qabiil Ma Leh Sida ummad kasta oo ka jirta dunida, ummadda Somaliland waxay u qaybsantahay Rayid iyo Ciidan. Rayidku waa shacabka caadiga ah ee aan hubka sidan. Ciidanku waa ciidamada hubka sida ee loo yaqaan Ciidamada Qalabka Sida. Ciidamada Qalabka Sida ee Somaliland waxay u xilsaaranyihiin, waajibkooduna yahay inay difaacaan dalka iyo dadka iyo inay sugaan nabadgelyada gudaha, waxayna u kala baxaan: Xoogga Dalka Somaliland, Ciidanka Boliiska Somaliland, Ciidanka Asluubta Somaliland iyo Cutubyada u tababaran hawlaha gaarka ah. Qofka ciidanka ah maalinta uu isu diiwaangesho ciidamada, tababar qaato, dirayska ciidanka xidho ee uu u dhaarto dalka iyo dadka Somaliland waxaa uu ka baxaa qabiil iyo qabyaalad, waxaa uu ka baxaa mag qabiil kala qaato, waxaa uu ka baxaa qabiil sheegasho, waxaa uu ka baxaa aargoosi qabiil. Waxaa uu wataa summadda iyo astaanta qaranka oo huwan sharafta wadaninimada ku salaysan difaaca iyo sugidda nabadgelyada ee dalka iyo dadka. Ciidamada Qalabka Sida ee Somaliland QABIIL MA LEH EE WAXAY LEEYIHIIN QARAN. Haddii ciidamada dal la beeleeyo ama la qabiileeyo laguma tilmaamikaro ciidan qaran waayo waxay lumiyaan astaanta iyo niyadda wadaninimo ee ay ku difaacaan dalka iyo dadka kuna sugaan nabadgelyada gudaha si ummadoodu ugu seexato nabadgelyo, ugu shaqaysato nabadgelyo, ugu safarto nabadgelyo dalka dhexdiisa, dalkuna ugu horumaro nabadgelyo. Ciidamada Qalabka Sida ee Somaliland waxay leeyihiin qawaaniin u gaar ah oo lagu maamulo laguna hoggaamiyo ciidanimadooda, kala dambayntooda iyo hawlgalkooda. Waxay kale oo leeyihiin maxkamado u gaar ah ciidamada (kana duwan maxkamadaha rayidk ah) oo lagu qaado haddii xubin ka mid ah Ciidamada Qalabka Sida dembi gasho. Dhawaan waxaa gobolka Sanaag lagu dilay laba sarkaal oo ka tirsanaa Ciidanka Boliiska Somaliland. Labadaas sarkaal kama dhiman qabiil ama beel ee waxay ka dhinteen qaranka Somaliland iyo Ciidamada Qalabka Sida ee Somaliland. Xukuumadda Somaliland ayaa ka mas’uul ah inay soo qabato dembiilayaasha dilkaas foosha xun gesytay lana saaro maxkamadda Ciidamada Qalabka Sida ee Somaliland. Dil waa ka dhacaa dal markasta ama rayid ha noqdo ama ciidan ha noqdee. Haddii dil ka dhaco dal waxaa mas’uuliyadda wax-ka-qabashada leh xukuumadda dalka ka jirta iyada oo adeegsanaysa sharciga dalka iyo Ciidamada Qalabka Sida. Maaha wax caadi ah in Gobolka Sanaag lagu soo rogo “Xukun Deg Deg Ah” sida ay ka socdaan gobolka dagaallo sokeeye oo lagu riiqday ama lagu baaba’ay. Marka dhibaato weyn ka jirto gobolka oo nabadgelyada dadka gobolka oo dhan wada saamaysa, dadka ayaa taageera in lagu soo rogo xukun deg deg ah si ay u nabadgalaan ugana badbaadaan dhibaatada. Gobolka Sanaag waa caadi, dilkuna waa dhacaa. Xukunka deg dega ah ee lagu soo rogay Gobolka Sanaag waxaa uu muujinayaa labada arrimood ee kala ah: In Xukuumadda Somaliland aanay adeegsankarin sharciga dalka iyo Ciidamada Qalabka Sida si ay uga hawlgasho, degdegna wax uga qabato dhibaato kasta oo timaada iyo in Beesha Caalamku u aragto in Somaliland aanay ka jirin nabadgelyo taas oo dhaawac ku ah sumcadda dalka. Waxaa xaaraan ah in la siyaasadeeyo arrimaha Ciidamada Qalabka Sida ee Somaliland sida dilka saraakiishaas, waxaa kale oo xaaraan ah in madaxda dhaqanka Somaliland ka hadlaan arrimaha ciidamada, dilkaasna uga hadlaan sida rag laga dilay beel. Labadaas arrimoodba waxay dhaawac ku yihiin summadda, astaanta iyo waajibaadka Ciidamada Qalabka Sida ee Somaliland oo ah CIIDAN QARAN oo heegan u ah difaaca iyo nabadgelyada dalka iyo ummadda Somaliland. Madaxda dhaqanku waa inay ka baxaan siyaassadda dalka iyo arrimaha Ciidamada Qalabka Sida ee Somaliland kuna ekaadaan hawshooda dhaqanka ee beelaha ay u xilsaaranyihiin (Rayidka). Nolosha Ciidamada Qalabka Sida waa ka duwantahay nolosha rayidka ah waxaana kala duway shuruucda, qawaaniinta iyo waajibaadka ay kala leeyihiin. Ciidamada Qalabka Sida oo la siyaasadeeyo ama la beeleeyo waa dembi, ciddii gashana loo baahanyahay in lagu qaado. Xukuumadda Somaliland waa inay dadka Somaliland ku wacyigelisaa isla markaana bartaan in Ciidamada Qalabka Sida ee Somaliland ay yihiin ciidamo qaran oo ka caagan in loo nisbeeyo beel ama qabiil si loo ilaasho loona dhawro niyadooda wadaninimo ee ay ciidamadu ku difaacaan dalka iyo dadka kuna sugaan nabadgelyada gudaha. Waa in Golaha Guurtida iyo Golaha Wakiilada Somaliland ay sharci qaran oo adag ka soo saaraan in la siyaasadeeyo ama la beeleeyo Ciidamada Qalabka Sida ee Somaliland. Waa in la mamnuuco in madaxda dhaqanka ee dalka ay asalba ka hadlaan arrimaha Ciidamada Qalabka Sida ee Somaliland kuna ekaadaan hawlaha dhaqanka ee ragidka ah. Arrimaha Ciidamada Qalabka Sida waxaa iska leh oo qudha xukuumadda ka jirta dalka, madaxda Ciidamada Qalabka Sida iyo maxkamadaha Ciidamada Qalabka Sida. Shacabka Somaliland waa inay markasta qalbiga ku hayaan jacaylka iyo taageerada Ciidamada Qalabka Sida ee Somaliland oo naftooda u hura difaaca iyo nabagelyada dalka iyo dadka. Ciidamada Milatariga Somaliland waxay saldhig milatari ka samaysankaraan gobolkasta iyo meelkasta oo dalka ka mid ah maadaama ay yihiin ciidan qaran oo u xilsaaran difaaca dalka iyo dadka. Ibrahim Hassan Gagale Email: ibrahimgagale@gmail.com Taariikh: May 4, 2019 Qaran News

Dalladda ururrada bulshada rayidka ah ee Puntland (PUNSAA) ayaa caawo soo saartay baaq ku wajahan shirka wada-tashiga ee u dhexeeya madaxda xukuumadda Federaalka Soomaliya iyo maamul goboleedyada oo sida qorshaysan maalinta berriya ka furmaya magaalada Garoowe. Dalladda ayaa madaxda shiraysa ugu baaqday in ay ka heshiiyaan qodobada ahmiyadda u leh dalka oo ay ku jiraan amniga Qaranka xeerka doorashooyinka dalka iyo dhammaystirka Dastuurka. Halkaan ka akhriso baaqa PUNTLAND POST The post Dalladda PUNSAA oo baaq u jeedisay madaxda ku shiraysa Garoowe appeared first on Puntland Post.

1 – Ajandaha uu lahaa kulanka Garoowe ayaa ahaa in ay madaxdu ka wada hadlaan sidii loo caddaynlahaa mawqifka doorashada soo socota ee dawladda soomaliya iyo hannaankeeda. In kasta oo markii shirka la shaaciyay aysan jirin hannaan sax ah oo loogu taloagalay doorashada soo socota, haddana waxaad mooddaa in ay madaxda dawladda federaalku jawaab ka dhigeen meel marintii ansixinta golaha wasiirradu ansixiyeen hannaanka xisbiyada iyo doorashada. Meel marinta sharcigan ayaa guud haan bedelay ajandihii shirka amase ka dhigay mid yareeya gaashaankii badnaa ee dawlad gobolleedyadu u siteen dawladda dhexe, waana macquul in ajande kale uu shirku isu bedelo. 2 – Arrinta kale ee lama filaanka ahayd ayaa ah in ra’isal wasaare Khayre uu Garoowe ka degay isaga oo aan wadan wax ciidan ah, balse uu door biday in uu amnigiisa u dhiibo ciidanka butlaan. Tan ayaa noqonaysa hal-qabsi weeyn oo uu ra’isal wasaaruhu ku hal-qabsan doono, tusinna doono maamul gobolleedyada in uu waajib yahay hirgalka nidaamka federaalku, sababta uu ciidanka isugu aaminayna ay tahay mid u ku caddaynayo in aysan jirin kala fogaansho siyaasaddeed, si taas la mid ahna uu madaxda maamul gobolleedyada ka codsado in ay sidaas mid la mid ah isugu soo aamminnaan ciidanka soomaliya oo ay yimaaddaan muqdisho iyaga oo aan wax baahi ciidan ah u baahnayn. 3 – Oggoolaanshaha bilaa shuruudda ah ee madaxda dawladda federaalku si wada jir ah uugu tageen Garoowe ayaa iyana ah mid si weeyn u bedelaysa fikirkii ahaa “mindi-mindi ku taagta” ee ay maamul gobolleedyadu ku hayeen dawladda dhexe, waana tallaabo la dhihikaro dawladda dhexe waxay tusaysaa bisayl siyaasaddeed. In kasta oo ay beryihii dambe soo baxayaan warar sheegaya in beesha caalamku dalwdda dhexe ka codsatay in ay ka qayb-galaan shirka Garoowe, haddana arrinkaas waxaan u arkaa mid ah waxba kama jiraan. Kulanka Garoowe waa mid dawladda hadda jirta u ah sahan siyaasaddeed oo ay ku doonayso meel marinta doorashada soo socota, waana tallaabo laga yaabo in ay ku doonayso xod-xodasho ay ku xod-xodato siyaasiyiin muhiim ah, taas oo ay kaga dhaadhiciso meel marinta qorshaha doorasho ee ay dawladdu soo jeedisay taas oo ay macquul tahay in ay hadhow sahasho muddo kororsiga dastuurku oggolyahay. Markasta dawladda dhexe Waxaa ay Garoowe la tegaysaa arrin ah canaan ay kala dul-dhacd maamul gobolleedyada taas oo ay ku dhaliilaan in aysan marnaba tix-gelin baaqyadii shirrarkii muqdisho, taas oo ay dawladda dhexe ku caddaynayso in shirarkaasi ay ahaayeen kuwo lagaga arrinsanlahaa xaaladda maanta Garoowe loo joogo iyo hannaanka geeddiga waddanka, in kasta oo aysan dawladda dhexe xilligaas ajandayaasha kulamadii fashilmay aysan ku jirin wax ku saabsan hannaanka doorashada waddanka, haddana dalwadda dhexe hirgelka kulamadaas ay macquul noqonlahayd in la isla soo hadal qaado hannaanka doorasho amase loo sameeyo kulan ku xigilahaa kuwaas. Si kasta kulanka Garoowe waa mid uu bedelmay ajandihii la shaaciyay, waana mid ay macquul tahay in meesha la keeno qorshayaal hore kulankoodu u baaqday taas oo ay dawladda federaalku wadatay. W/Q: Cumar Rodol Cumarrodol@gmail.com Hyderabad, India Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

RIYADH: Saudi Arabian moon observers said that there was no sight of the Ramadan crescent on Saturday, meaning millions of Muslims around the world will begin the holy month on Monday. The Islamic world follows a lunar calendar, and the traditional moon-sighting methodology can lead to different countries declaring the start of Ramadan a day or two apart This year, Ramadan will fall on long summer days for Muslims in the Northern Hemisphere. Fasting during Ramadan is one of the five obligatory pillars of Islam, along with the Muslim declaration of faith, daily prayer, annual charity – known as “zakat” – and performing the Hajj pilgrimage. Qaran News

MOGADISHU, May 4 (Xinhua) -- The Somali National Army (SNA) and the African Union Mission in Somalia (AMISOM) said Saturday they have embarked on a major road rehabilitation exercise in Middle Shabelle to ease movement of goods and services in the agriculture-rich region. Source: Hiiraan Online

It’s a particularly bright morning in Hungary and Somali-born model, Kafia Mahdi, is strutting her stuff. Under the clear blue skies, standing against the white stone walls of a Budapest statue, and clad in leopard-skin prints that appear to blend in with her melanin-rich skin, the twenty-year-old fast-rising model is all smiles as she strikes pose after pose for a fashion shoot. Source: Hiiraan Online

Mogadishu - The joint military operations involving the African Union Mission in Somalia (AMISOM) and Somali National Army forces will be conducted in compliance with international human rights law. Source: Hiiraan Online

Somaliland: Turkish Government Bans 18th May Celebrations Istanbul,(Qaran news)-The Turkish government has banned the Somaliland community in their country from celebrating the 28th anniversary of the reclamation of sovereignty on the 18th of May. The Somaliland community in Turkey have always gathered together to celebrate the 18th of May in the past in many of the major cities, such as Ankara and Istanbul, but according to the Somaliland community, pressure on the Turkish authorities to ban the celebrations this year came from the embassy of the weak federal government of Mogadishu. The ban comes at a time when Turkey wants to be seen as a fair arbiter in any future Somaliland-Somalia talks. Qaran News

(SLT-Hargeysa)-Guddoomiyhii hore ee gobollada Awdal, Gabiley, Sool iyo maroodi jeex, Mustafe Cabdi Ciise “Mustafe Shiine” ayaa ka hadlay hadal dhawaan ka soo yeedhay wasiirka wasaaradda arrimaha gudaha Maxamed Kaahin Axmed. Siyaasi Mustafe Shiine ayaa qoraal uu arrintaa kaga hadlay waxa uu ku yidhi: Maxamed Kaahin mid baan lee yahay wasiirkii Arr. Gudahana waan ahay raggaa la weeraray we Garadag lagala cararay ee Ceelafweyn la geeyay maan ogayn, adna ceeb bay kugu tahay qaranka ceeb bay ku tahay in aadan ka warqabin, haddii aad ku adkaysatana waa masuuliyad daro, waa inaad is baraxdaa oo taliyihii Iyo Badhasaabkii warkaa kuu soo gudbin waayay ay maantaba maxkamad saaraadaan, adiga iyo jananada ciidamaduba waa in aad is casishaan oo haddii madaxweynaha aad meesha la haysatid ee uu ku dhawraayo u fududee. Tan kale dafiraadani waxay dab ku sii shidaysaa Abtiyadaydii falka ay kuwooda xumi u soo jiideen iyo qoloda ay ka baxeen marxuumiintii dilka foosha xumi ku dhacay, hadalka xumi waxbuu sii fogeeyaa we ficil baa loo baahan yahay. Fadlan is casil. Source

Muqdisho (Caasimada Online) – Madaxweynaha maamulka Jubbaland Axmed Maxamed Madoobe oo gaaray magaalada Garowe ayaa ka hadlay isbadalada ka dhacay deegaanada maamulka Puntland, isaga oo si dadban u diray madaxda dowladda. Axmed Madoobe ayaa sheegay in muddada uu xilka hayay Puntland ay yeelatay seddex madaxweyne, waxaana uu xilka madaxweynaha Jubbaland qabtay iyadoo Puntland uu madaxweyne ka yahay C/raxmaan Faroole. Waxaa sidoo kale uu muddo la shaqeeyay madaxweyne Gaas, isaga oo hadda la shaqeynayo madaxweynaha Puntland Saciid Cabdullaahi Deni, taasi oo ka dhigan inuu yahay madaxweynaha ugu waqtiga dheer maamulada. Mar uu ka hadlayay madaxda isaga dambeysay maamulka Puntland ayuu sheegay in kaliya madaxda ay baneeyeen hogaaminta Puntland, balse uusan jirin isbadal ku yimid rabitaanka iyo qorshaha Reer Puntland. Wuxuu sheegay in hogaamiyaha Puntland Saciid Cabdullaahi Deni laga filayay, gaar ahaan dowladda, inuu ka duwanaan doono madaxdii ka horeysay, laakiin taasi aysan muuqan islamarkaana kaliya Puntland hogaanka uu iska badalay. “Waxaa intaan xukunka Jubbaland hayey isbedelay 3 M/weyne Puntland oo kala ahaa Faroole, Gaas iyo Dani, 3-doodaba magacyadii iyo shaqsigii uun baa isbedelay ee aragtiga siyaasada Puntland isma bedelin.”ayuu yiri Axmed Madoobe. Madaxweynaha Puntland ayaa markii la doortay dad badan waxay saadaalinayeen inuu isbadal ku dhici karo hanaanka uu ku hogaaminayo shacabka Puntland, islamarkaana uu saaxiib la noqon doono dowladda Soomaaliya, balse taasi ma aysan dhicin. Caasimada Online Xafiiska Muqdisho Caasimada@live.com

ASC, Wasiir labadaa talis Ciidan ayaa xukuma? Wasiirka Arrimaha gudaha iyo Amnigu uma hadal si masuuliyadeed. Wuxu ku hadlay hadalo isburinaya oo markhaati ma doon u ah sheekadii uu dhawan wasiirka arimaha dibada iyo Madaxweynuhu kala soo noqdeen imaaraadka .Arrintaas oo maalintii yaab badan bulshada ka dhex abuurtey. Maalintii ay soo laabteen waxa shirkaa jaraaid la inoogu sheegay in Imaaradka iyo Somaliland ka wada hadleen sidii loo xoojin lahaa amniga iyo la dagaalanka argagixisada.!! Cajiib. Goormay ka mid noqotey arga gixiso Imaaraat lagala hadlaa prioity ama muhiimada Somaliland? Hadaba akhristow hadalka Wasiirkan gudaha iyo ifafaalaha fool eriga xukunka degdega ah, eedaymaha u wasiirkani ku miisayo xisbiga iyo gudoomiyaha wadani iyo habka loo hagraday badbaadinta labadaa marxuum waxay ku arroraysaa in uu jiro wax qarsoon . Waxa la gelinayaa wadanka dagaal sokeeye oo aan laga wada tashan. Waxana lagu socdaa in lagu shaabadeeyo hogaanka xisbiga wadani nabad diid loona xalaalaysto xukun qarqooshka ay ku xidhanyihiin qaar badan oo ka mida hogaanka xisbiga oo u xidhan maxaad u hadashay. Waxan leehay waar waari mayside u tudh umada madaxweynoo adaa lagu doortey eh. Kuwan dabka kaa ag shidaya ee khibradooda maareynta bulshadu aanay dhaafsanayn Malcaamad Quraan iyo xero jabhadeed ha ku sii dayn dadkaaga. Mucaarid iyo muxaafidba adaa u madaxweyne ah. Wasiirku wuxu noo sheegayaa qabiilkiisa iyo ka Ciro. Meesha beesha dhexe keliya uma xidhnaa talada iyo qaranka waa la wada leeyahay ee kor u qaad bahasha. Arrinta degdega ah ama emergency rule maxaad u gelinweyday Kalshaale; Gabiley ; Berbera iyo sooltii boqolka nin maalin qudha ku dhinteen ee Ethopia looga soo gurmaday? Baroortu orgiga ka weyn. Wa bIlaahi Tawfiiq. H. Musa Qaran News

(SLT-Hargeysa)-Madax-Dhaqameedka Labadii Jufo Ee Ay Ka Soo Jeedeen Labadii Taliye Ee Gobolka Sanaag Lagu Khaarajiyey Oo War Cusub Oo Xasaasi Ah Soo Saaray, Halkan hoose ka DAAWO Source

(SLT-Hargeysa)-Xildhibaan Axmed Muuse Obsiiye (Xildhibaan Axmed Gacan), oo ka mid ah Xildhibaanada Golaha Guurtida ayaa farriin culus u diray Madaxweyne Muuse Biixi Cabdi, Halkan hoose ka DAAWO Source