Wasiiru dowlaha Arrimaha Dibadda iyo Iskaashiga Caalamiga Cabdulqaadir Axmed-kheyr Cabdi ayaa shalay oo Axad ahay ah ku qaabilay dhismaha Wasaaradda Arrimaha Dibadda Kaaliyaha Wasiirka Arrimaha Dibadda Masar Danjire Hamdi Loza, waxa ayna ka wada hadleen xoojinta xiriirka laba geesoodka iyo iskaashi wadaagga iyo sidoo kale arrimihii ugu dambeeyay gobolka iyo dunida. Soomaaliya waxa ay doonaysaa inay hore ugu dhaqaajiso xiriirka kala dhexeeya Masar dhinacyada kala duwan si kor loogu qaado wax wadaagga istiraatiijiga iyo in la qoto dheereeyo iskaashiga dhan kastaba leh, oo ay ka mid yihiin ammaanka, milatariga, waxbarashada iyo ganacsiga. Source: goobjoog.com

Maanta oo Isniin ah ayaa guud ahaan dalalka Islaamka ah waxaa laga sooman yahay maalinta Koowaad ee bisha barakeysan ee Ramadan. Madaxweynaha dowladda Federaalka Soomaaliya Maxamed Cabdullaahi Farmaajo ayaa ugu hambalyeeyay dadka islaamka ah, gaar ahaan shacabka Soomaaliyeed bilashada bisha barakaysan ee Ramadaan. Farmaajo ayaa kula dardaarmay Shacabka Soomaaliyeed in ay adkeeyaan walaaltinimadooda, taakuleeyaan dadka danyarta ah, lana shaqeeyaan laamaha ammaanka. Madaxweynaha Jamhuuriyadda Federaalka Soomaaliya ayaa sidoo kale Shacabka kula dar-daarmay in laamaha Amniga gacan lagu siiyo siday waajibaadkooda ugudan lahaayeen ayna u sugi lahaayeen Amniga,isagoo Hay’adaha Amnigana ugu baaqay inay u turaan Shacabkooda. Goobjoog News Source: goobjoog.com

Muqdisho (Caasimada Online)-Ururka Al Shabaab ayaa ku dhawaaqay inay heshiis muhiim ah la galeen beesha Biyamaal oo degta deegaano ka tirsan gobolka Shabeelaha Hoose. Beesha Biyamaal iyo Ururka Al Shabaab ayaa ka heshiiyay dagaalo ka dhacay deegaano ka tirsan gobolka Shabeelaha Hoose, dagaaladaasi oo hub ay ku kala qabsadeen labada dhinac. Warbaahinta Al Shabaab ayaa baahisay heshiiskaasi inuu ahaa mid labada dhinac ay gaareen, waxaana kamid ah in beesha Biyamaal ay ciidamadeeda kala soo baxdo dowladda Soomaaliya. Sidoo kale waxaa beesha Biyamaal laga doonayaa inay ku dhawad 200 oo qori ku wareejiyaan Al Shabaab, sida lagu sheegay qoraalka lagu baahiyay baraha Al Shabaab wararkooda lagu faafiyo. Sidoo kale waxaa beesha Biyamaal laga doonayaa inay ciidamada beeshooda ah ka saaraan safka hore ee Ciidamada AMISOM. Al Shabaab ayaa dhankooda balan qaaday inay Beesha Biyamaal u celin doonaan dhamaan waxii hanti ahaa ee laga qaatay beesha intii ay socdeen dagaalada ka dhacayay deegaanada Shabeelaha Hoose. Guddoomiyaha Shabeelaha Hoose ugu magacaaban Al Shabaab ayaa sheegay inay ka dalbanayaan beelaha Soomaaliyeed inay ku biiraan dhanka Al Shabaab islamarkaana heshiisyadaasi oo kale la galaan. Caasimada Online Xafiiska Muqdisho Caasimada@live.com

Madaxweynaha dalka Maraykanka Donald Trump, ayaa farriin uu xalay soo saaray muslimiinta dunida ku hambalyeeyay, bilashada bisha barakaysan ee Ramadaan oo maanta koow ah. Farriintan oo lagu daabacay bogga rasmiga ah ee aqalka cad, ayaa Trump si cajiib ah uga hadlay fadliga bisha barakaysan ee Ramadaan. “ Waxaan salaam diirran u dirayaa dhammaan muslimiinta u dabbaal-degaya bisha Ramadaan” ayaa Trump ku bilaabay farriintiisa. Mr Trump ayaa sheegay in Ramadaan tahay, markii Qur’aanka kariimka ah lagu soo dejiyay nebi Muxamed SCW, oo qoysaska iyo bulshooyinka muslimka ah ay ku maamusaan Qur’aan akhris, khushuuc iyo salad. “Ramadaanta, muslimiintu waxay soomaan laga bilaabo waaberka ilaa makhribka iyagoo Qur’aanka akhriya, shaqooyin wanaagsan qabta, dadka kalena u samafala, waxaana ay arrimahaasi u samaynayan, si ay u gaaraan safarka noloshooda ee ku jihaysan in ay naxariista Alle helaan” ayuu yiri Trump. “Bishan gudaheeda, dhammaanteen waxaan haysannaa fursad aan kaga fekerno nimcooyinka Alle na siiyay, waa in aan si wadajir ah uga shaqeynaa saaxiibnimada iyo kalgacaylka dhexdeenna ah, waxaan xaqiijin karnaa bulsho ku nool isku duubni iyo ixtiraam” ayuu sii raaciyay. Ugu dambeyntii, wuxuu farriintiisa ku geba-gabeeyay in isaga iyo xaaskiisa Melania, ay khayr badan u rajaynayaan muslimiinta dunida ee ay u bilatay Ramadaan. Halkaan ka akhriso farriinta PUNTLAND POST The post Trump: Waxan haysanna fursad aan kaga fekerno nimcooyinka Alle na siiyya appeared first on Puntland Post.

A month of fasting brings both challenge and rewards. Three Muslims explain how they combine its spirituality with their busy lives/Photograph: Suki Dhanda/The Observer Source: Hiiraan Online

(CNN)A new statement from Boeing indicates that the aerospace manufacturer knew about a problem with the 737 Max aircraft well before the deadly October 2018 Lion Air crash, but decided not to do anything about it. Source: Hiiraan Online

In the uprising against Omar al-Bashir in Sudan, the Saudi royal family see a portent of their own demise Source: Hiiraan Online

Golle ay ku mideysan yihiin xubno ka tirsanaa baarlamankii horre ee Puntland 2014-2019 ayaa shir ay isugu yimaadeen magaalada GAROWE kasoo saarey bayaan talo soo jeedin ah oo ku socda madaxda shirku uga socdo magaalada GAROWE. Bayaankan oo ka kooban dhawr qodob waxay mudanayaashii horre ee Puntland kula dardaarmey madaxda Soomaalida inay isu tanaasulaan kana soo saaraan shirka waxa dalka iyo dadkaba dan u ah. Halkan ka akhristo bayaanka PUNTLAND POST The post Bayaan tala-soojeedin ah oo ku socda shirka Garoowe appeared first on Puntland Post.

Muqdisho (Caasimada Online) – Ilo wareedyo lagu kalsoon yahay oo ku sugan Xafiiska Raysal Wasaaraha Soomaaliya Xasan Cali Kheyre ayaa noo xaqiijiyay in dhowaan xilka laga qaado doono taliyaha hey’adda Socdaalka iyo Jinsiyadda Soomaaliya Maxamed Aadan Koofi. Dadkaan aan la hadalnay ayaa noo sheegay in dowladda Soomaaliya ay qorsheysay xil ka qaadista Koofi dhowr bilood ka hor balse ay dib u dhigtay markii hakad ku yimid bixinta Baasaboorka Soomaaliya. Lama oga qofka lagu badali doono balse waxaa la sheegayaa in dowladda Soomaaliya ay diyaarisay sarkaalkii lagu badali lahaa taliyaha socdaalka Maxamed Aadan Koofi. Koofi oo markiisii hore Al-Shabaab ka tirsanaa ayaa dhowrkii sano uu halkaasi joogay waxyaabo badan ka qabtay waxaana la sheegaa in uu soo nooleeyay baasaboorka Soomaaliya. Dowlado badan ayaa aqoonsaday Baasaboorka Soomaaliga halka qaar kalane ay sheegayn in dhowaan ogolaan doonaan Baasaboorka Soomaaliga ah. Caasimada Online Xafiiska Muqdisho caasimada@live.com

Muqdisho (Caasimada Online) – Markaa maqasho dowladda iyo maamul Gobaleedyada waxaa kugu soo dhacaya Khilaaf, muran iyo is qab qabsi dano gaar ah ku dhisan, balse waxa xiga ee la is waydiiyo ayaa ah yaa xalin doona, ma Shisheeye mise dhaxdooda? Markii ugu horreysay odayaasha dhaqanka beelaha Soomaaliyeed ayaa wada isku daygii 1-aad ee lagu dhex dhexaadinaya dowladda iyo maamul Gobaleedyada markii ay ka soo laabtaan Shirka Garowe ee Puntland. Nabadoon Xasan Kacaan oo kamid ah odayaasha dhaqanka beelaha Soomaaliyeed ayaa Caasimada Online u sheegay in ay ku balameen shir ay isugu imaanayaasha odayaasha dhaqanka kadibna looga dhawaaqi doono shir wayne lagu heshiisiinayo dowladda iyo maamul Gobaleedyada si looga faa’iideesto waqtiga yar ee harsan. Nabadoonka ayaa sheegay in ay aad uga walaacsan yihiin xaaladda sitaasadeed iyo midda amni ee dalka, sidoo kalane ay rajo xumi ka qabaan in dalka doorasho ka dhici doonto sanadka 2021ka hadii aysan dhicin isbadal iyo wadashaqayn guud. “Waxaan ku ballanay in aan qabano shir kadibna aan ugu yeerno kulan ay isugu imaanayaan dowladda iyo maamulada waana go’aan aan gaarnay” ayuu yiri Nabadoon Xasan Kacaan. “Ciddii diido waxaan u arki doonaa caqabad mana aaminsani in ay jirto qof diidaya, maxaa yeelay meel fog ayaa ka keenay dowladnimada hadii aan nahay odayaasha dhaqanka ” ayuu hadalkiisa sii raaciyay Nabadoon Xasan Kacaan oo la hadlay Caasimada Online. Odayaasha dhaqanka beelaha Soomaaliyeed ayaa lagu eedeeyaa in ay ka gaabiyeen doorkii ay ku lahaayeen la socod-shada dowladda iyo ka warqabka caqabadaha ay wajahayso maadaama ay yihiin hogaankii soo dhisay dowladnimada Soomaaliya. Caasimada Online Xafiiska Muqdisho caasimada@live.com

Boosaaso (Caasimada Online) – Warar dheeraad ah ayaa laga helayaa duqeyn diyaarado dagaal ay ka fuliyeen deegaano ka tirsan gobolada Jubbooyinka iyo gobolka Bari. Diyaaradaha dagaalka ayaa duqeyn ka geystay saldhigyo kooxda Daacish ku lahaayeen gobolka Bari ee Puntland, waxaana duqeyntaasi lagu dilay saraakiil sar sare oo ka tirsan kooxda Daacish. Duqeymaha ugu badan ayaa ka dhacay deegaanada buuraha ah ee Isha Gaaca iyo Moqor oo qiyaastii 75km dhanka bari ka xiga magaalada Boosaaso ee xarunta gobolka Bari, waxaana ku sugnaa xubno ka tirsan Kooxda Daacish. Saraakiil ka tirsan Ciidamada maamul Goboleedka Puntland ee ku sugan dhulka Buuraleyda ah ee Gobolka Bari ayaa waxaa ay sheegeen inay ka war hayeen duqeyntaas,isla markaana lagu waxyeeleeyey Xubno ka tirsan Kooxda Daacish. 14-kii Bishii April ee Sanadkaan ayaa duqeyn diyaaradaha dagaalka dalka Mareykanka ay ka fuliyeen deegaan lagu Magacaabo xariiro oo ka tirsan Gobolka Bari ayaa waxaa lagu dilay kuxigeenkii hoggaamiyaha Kooxda Daacish-ta Soomaaliya. Dhinaca kale wararka ka imaanaya gobolka Jubbada Hoose ayaa sheegaya in diyaaradaha dagaalka ay duqeymo ka geysteen deegaano ka tirsan gobolka Jubbada Hoose. Duqeynta ayaa lala eegtay saldhigyo ciidamada Al Shabaab ku lahaayeen deegaan hoostaga degmada Jilib ee gobolka Jubbada Hoose. Caasimada Online Xafiiska Muqdisho Caasimada@live.com

Muqdisho (Caasimadda Online) – Wasaaradda Gargaagarka iyo Maaraynta Masiibooyinka Dawladda Soomaaliya iyo Wasaaradaha Gargaagarka ee Dowlad Goboleedyada oo ku shiray Xafiiska Ra’iisul Wasaaraha ayaa sheegay in dalku galayo Abaarro aad u daran sida saadaashu sheegeyso loona baahan yahay in arrintaas laga hortago. Wasiir ku xigeenka Wasaaradda Gargaarka iyo maareynta Musiiibooyinka Cabdirashiid Xasan ayaa sheegay in Madaxda Dowladda Soomaaliya ugu sareysa arrintan ay Baaq ka soo saari doonaan. “Waxaa arrintan baaq kasoo saari doona Madaxda Dowladda ugu sareysa sida Madaxweyne Farmaajo iyo Ra’iisul Wasaaraha dalka, waxaan kuu sheegi karaa hadda in dalka abaar dhibaatadeeda wadato ku soo socoto taasna waxa kaliya oo aan u baahanahay ayaa ah in aan ka hortagno”. Wasiirka Gargaarka ee Koonfur Galbeed Soomaaliya Cabdinaasir Cabdi Caruush ayaa tilmaamay in Koonfur galbeed tahay meelaha ugu badan oo dadka abaartu ku saameysay. “Koonfur Galbeed waa meelaha ugu badan oo dadku abaartu ku saameyso magaalada Beydhabo waxaa jooga Barakacayaal ka badan dadka deegaanka ah”. Wasiirada waxaa ay ugu baaqeen Ganacsatada iyo dadka wax heysta in arrintan sidii looga gaashaaman lahaa gacan ay ka geystaan. Xilli roobaadkii guga ee laheli jiray Bilahan ayaana wali la helin waxaana dhibaato xoogan kasoo yeereysaa dadka reer guuraaga ah ee deegaanadooda wali uusan roobkii guga uu san ka da’in. Caasimada Online Xafiiska Muqdisho Caasimada@live.com

Dhuusomareeb (Caasimada Online)-Wararka aan ka heleyno magaalooyin ka tirsan Galmudug ayaa sheegaya in maanta aan laga sooneyn maalinta Koowaad ee Bisha Ramadaan. Wararka aan ka heleyno magaalooyin Dhuusomareeb, Guriceel iyo Xeraale ayaa sheegaya in maanta aan halkaasi gabi ahaanba laga sooneyn maalinta Koowaad ee bisha Ramadaan, sida dadka deegaanka laga soo xigtay. Qaar kamid ah culumada ku sugan deegaanadaasi ayaa sheegay in bisha Ramadaan aysan arkin, islamarkaana maanta sidaasi darteed u soomi waayeen. “Culumada waxay sheegeen inay aragti ku soomayaan aragtina ku furayaan, sidaasi daraadeed maanta lagama soona Dhuusomareeb, Guriceel iyo Xeraale”Sidaasi waxaa yiri Wariyaha Caasimada Online ee Galmudug. Inta badan bisha Ramadaan deegaanada maamulka Ahlu sunna ayaa ka hara shacabka Soomaaliyeed, iyadoo taasi aysan aheyn markii ugu horeysan. Madaxda dowladda Soomaaliya ayaa ummadda Soomaaliyeed ugu hambalyeey bilashada Bisha Barakeysan ee Ramadaan, waxaana la ogeyn sababta shacabka Deegaanada Galmudug ku dhaqan aysan u raacin Ummadda Muslimiinta. Walow Degmooyinkaasi aan la sooneyn haddana waxaa maanta maalintii koowaad laga sooman yahay deegaano ka tirsan maamulka Galmudug. Caasimada Online Xafiiska Muqdisho Caasimada@live.com

Ceelbuur (Caasimadda Online) – Dagaalamayaasha Al-shabaab ee ku sugan ee degaano kamid ah Gobalada Mudug iyo Galgaduud ayaa kordhiyay Afduubka loo gaysanayo dhalinyarada ka yar 15 sano jirka si ay uga mid noqdaa dagaalamayaasha Alshabaab. Al-shabaab ayaa degaanada Ceeldheer, Ceelbuur Galcad, Galhariiri, iyo Masagawaay ka afduubtay dhalinyaro badan oo dhamaantood ka yar 15 sano jir sida uu noo sheegay Xildhibaan Maxamed Cabdulle Guure oo ka tirsan Baarlamaanka maamulka Galmudug. Xildhibaan Guure ayaa sheegay in ay soo furteen dhalinyaro badan kadib markii ay xariir la sameeyeen Xubno Al-shabaab halka qaar kalane ay Wali gacanta Alshabaab ku jiraan. Degmooyinka iyo degaanada ku yaala Gobalada Galgaduud iyo Mudug ee Ceeldheer, Xarardheere iyo Goobo kale Alshabaab waxay ku sugan yihiin muddo ka badan 10 sano waxaana lagu tilmaamaa in ay degmooyinkaas ay ka tirsan yihiin goobaha ay Alshabaab ku xidideesteen. Dadka ku nool degaanadaas uma ogola Carruurtooda Alshabaab, lamana soo baxsan karaan, sidoo kale ma awoodaan in ay Alshabaab carruurtooda ka difaacdaan maadaama aysan heli karin garab iyo taageero dowladeed waxayna dhaxda ugu jiraan Nolal Mugdi ah. Dadka ku nool Degaanadaas waxay dowladda dhexe ku leeyihiin Xildhibaano iyo Wasiiro, sidoo kale waxay qabaan ganacsato maal qabeena ah balse dhamaantood war kama haayaan degaanada ay ka soo jeedaan. Caasimada Online Xafiiska Muqdisho Caasimada@live.com

Wararka ka imaanayaa buuraleyda Cal-miskaad ee gobolka Bari ayaa sheegaya in halkaasi ay shalay duqeymo ka geysteen diyaaradaha dagaalka Maraykanka. Duqeynta oo sida la sheegay lala beegsaday xubno ka tirsan Daacish ayaa lagu garaacay buuraha Isha Gaaca iyo Moqor qiyaastii 75km dhanka bari ka xiga magaalada Boosaaso ee xarunta gobolka Bari. Balse waxaan weli faahfaahin laga helin in khasaare ka dhashay duqeyntaasi iyo haddii uu ka dhashay inta uu le’egyahay midna. Duqeynta ayaa ku soo beegmatay iyadoo halkaasi ay maalmihii u dambeeyay hawlgallo xiriir ah ka wadeen ciidanka PSF ee dowladda Puntland oo dagaal kula jira Daacish iyo Al-shabaab. PUNTLAND POST The post Diyaaradaha Maraykanka oo duqeeyay malayshiyaadka Daacish ee ku sugan gobolka Bari appeared first on Puntland Post.

Hargeysa (Caasimada Online) ― Xildhibaan Axmed Dirir Cali oo ka mid ah Mudaneyaasha Golaha Guurtida Somaliland, ayaa maanta si adag uga hadlay xaalada deg-dega ah ee Madaxweyne Muuse Biixi deegaano katirsan Gobolka Sanaag. Xildhibaanka ayaa sidoo kale ka hadlay dilkii loo geystay Saraakiil ka tirsan Ciidanka Somaliland, isagoona inqilaab ku sheegay xaalada deg-dega ah ee lagu soo rogay degmooyinka Gar-adag, Ceel Af-weyn iyo Ceerigaabo. Xildh. Dirir oo ka hadlaya arrimahaas ayaa wuxuu yiri “Saraakiisha Ciidanka ee la bartilmaameedsanayo maaha wax ugub ah ee hore ayay u dhacday, tan waxa ka horreeyay Taliyihii Qaybta Booliska ee Gobolka Saaxil Marxuum Casayr, Dawladdu way dedaashay way soo qabatay Nimankii dilka geystay, Maxkamaddaa la geeyay waana la xukumay” “Nasiib-daro’se illaa Maanta wax fulin ah lama samaynin oo go’aankii Maxkamadda lama raacin, haddii taa la raaci lahaa (la fulin lahaa) kumay dhiiradiin Maanta kuwa dilka geystay oo mabay hawaysteen inay Ciidan dambe soo hadal-qaadaan, laakiin taasaa keentay oo dhiirigelisay in la laayo saraakiisha”. Wuxuuna intaas kusii daray “Somaliland kama jirto xaalad nabadgalyo-darro, laakiin waxa ka jirta fulin la’aan, haddii waxa Maxkamaduhu jideeyeen la fulin waayo, nabadgalyada ayaa xumaanaysa”. “Xaaladda deg-degga ahi nabadgalyada inay xumayso mooyaane waxba ka tari mayso, waxay innagu celinaysaa halkii Somaliland maraysay 1988-kii. Inay Ciidamadu xukunka Gobolka la wareegaan waa inqilaab, inqilaabna Ansixin uma baahna, markaa in Goleyaasha la keeno ma ahayn”. Caasimada Online Xafiiska Hargeysa Caasimada@live.com

Maalinta barrito oo ah maalinimo Isniin ah ayaa laga Soomayaa iyo dunida Muslimka ah ka dib markii bisha Ramadaan cawa laga arkay gobalada qaar ee dalka iyo inta badan dunida muslimka ah. Madaxda ugu saraysa dalka sida Madaxweynaha, Raiisalwasaaraha iyo gudoomiya golaha shacabka ayaa si is ku mid shacabka Soomaaliyeed ugu hanbalyeeyay bilashada bisha barakaysan ee Ramadaan oo barriito ay tahay maalintii koowaad. Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa ugu hambalyeeyay dadka islaamka ah, gaar ahaan shacabka Soomaaliyeed bilashada bisha barakaysan ee Ramadaan. Maxamednaha ayaa kula dardaarmay Shacabka Soomaaliyeed in ay adkeeyaan walaaltinimadooda, taakuleeyaan dadka danyarta ah, lana shaqeeyaan laamaha ammaanka. Madaxweynaha Jamhuuriyadda Federaalka Soomaaliya ayaa sidoo kale Shacabka kula dar-daarmay in laamaha Amniga gacan lagu siiyo siday waajibaadkooda ugudan lahaayeen ayna u sugi lahaayeen Amniga,isagoo Hay’adaha Amnigana ugu baaqay inay u turaan Shacabkooda. Sidoo kale Raiisal wasaaraha Xukuumadda federalka ee Soomaaliya Xasan Cali Kheyre ayaa ugu hanbalyeeyay dhamaan dunida Islamka ah gaar ahaan shacabka Soomaaliyeed bilashada bisha Ramadaan, “Waxaan dhammaan shacabka muslimiinta ah gaar ahaan shacabka Soomaaliyeed ugu hambalyeynaayaa bilaawga bisha barakaysan ee Ramadaan. Waxaan leeyahay Ilaahay ha idiin dhib yareeyo Ramadaanka”, ayuu yiri Ra’iisul Wasaare Xasan Cali. Ra’iisul Wasaaraha ayaa ummadda Soomaaliyeed ugu baaqay in bishaan uga faa’iideestaan in ay isu soo dhawaadaan, dalkana u duceeyaan, Dhanka kale gudoomiyaha golahaa shacanka BJFS Maxamed Mursal Sheekh Cabdiraxmaan ayaa ugu hambalyeeyay dadka Muslimiinta ah, gaar ahaan shacabka Soomaaliyeed Dhalashada bisha barakaysan ee Ramadaan,waxa uuna ugu baaqay Shacabka Soomaaliyeed in ay mar walba midnimo muujiyaan sidoo kalena ay gar gaaraan dadka caawinta u baahan. ”Dhamaan waxaan u hanbalyeeynayaa Umadda Muslimka gaar ahaan shacabka Soomaaliyeed meel waliba ay adduunka ka joogaan bilashada bisha Ramadaan,Umadda Soomaaliyeed meelwaliba ay addunka ka joogaan waxaan ugu baaqayaa iney ayagu is gargaaraan. Goobjoog News waxa ay aqristayaasheeda iyo shabcabka Soomaaliyeed ay ugu hanbalyeeyneysaa bilashada bisha barakaysan ee Ramadaan. Goobjoog News Source: goobjoog.com

Gabayga Magaciisu waa KUMAA GOBA-KUMAA GUNA, wuxuu si qotodheer u taabanayaa sifooyinka gobanimo iyo gunimo ay kala leeyihiin iyo in cadaalad daradu ay ka mid tahay sifoyinka gunimada, gobanimadana lagu kasbado sharaf aduun iyo mid aakhiroba. Sidoo kale wuxuu xusayaa dhawr Abwaan magacyadoodii (AHN) iyo xasuus reebyadoodii. Waxa kala oo uu gabaygu ka digayaa kana talo bixinayaa cawaaqib xumada ka dhalan karta cadaalad darada, u sinaan la’aanshaha iyo ku tagri falka hantida umada. Hal-abuur: Omar Ali Abdi Magaca gabayga: KUMAA GOBA-KUMAA GUNA Epost:Omar.A.Abdi@gmail.com Taariikh: 05.05.2019 Aduunyadan samii gaabiyee xumuhu goobyaali Caqli gudhan wakhtiga kaa galaa waa gu kaa lumaye Waa geed qalalay aad caleen goobi dhaladiiye Tusaaluhu kuwuu gaar uyahay ways maan garane Gunimiyo waxay gobi tahaan kuu yar guud mariye Bal gudoon war gowdhliyo afxumo waa la gubanaaye Gobanimadu waa shay islaam loo garwaaqsadaye Waa waajibaad gaara iyo gudasho towxiide Galad weeye Eebuhu baxshoo gaar u leeyahay Ma goblamo midkii uu ilaah ugu gargaaraaye Guuluhu midkuu saamaxaa gaadha sharaftaase Marna nabada waa mid u guntaday gogoshu seexdaaye Godob li’ida weeyiyo waxaan shilimo goyneyne Gasiinkaa macaan kuu noqdiyo gama leylkiiye Gaadh iyo marwaa kuu difaac guudka kaa jira’e Gaashaan waxay kaaga tahay gocor tilmaantiise Magan loo gargaariyo marwaa kii magayno ahe Oo waa guul la soo hoysan karo goor cidhiidhi ahe Go’aan waa qadhaadh oo adayg kaaga soo go’a’e Gurmad weeye loo galo dan qaran amase tii guude Gudoon saxa aqoon weeye iyo garasho dheeraade Gacal waxay yihiin geesigoo gogol wadaagaane Waa geed ku baxa baa la yidhi dhiiga geesiga’e Gaari iyo halyey baw dugsi ah gawre dhaxameede Gabaadkii dabayl kaaceshiyo galangal weeyaane Shaal garabka kuu saaraniyo guudka waa sharafe Gurgurshaa hayina geedigiyo waa gardaadshaha’e Gurac laga ilaashiyo midnimo waa gadaafaha’e Runtoo gacan la siiyiyo xaqoo garab la saaraaye Waa geed goboo la hadhsadaa goor kuleyle ahe Midhaheeda waxa goosan kara amaba gaadhaaya Qofkuu Eebe garansiinayee waajibkeed guda’e Ma xaslado xigaalkii gujiyo xaasid gaamuray Aftartaa tilmaan gobanimaan kaaga soo guraye Gunimona waxay tahay hadaan gacan togaaleeyo Gefka waa islaam laga galiyo guule amarkiise Golqaniinka waa dulin arlada geliya weesaaqe Gabood falista iyo waa cadliga oo la gaasiro Garsoorkoo xaqii ka ambadiyo xaakin eex galaye Adigoo gasiin iyo u heli gogol inaad siiso Waa gaajobeel li’i martida goor xun kuu timiye Safar gudaya goobaar cidla’a waaka gees mara’e Gabayoox dhalaan iyo haween daadin waa geli’e Gayaxayn runtoo lagu xidhiyo waa gardiidnimo’e Denbi iyo nimaan eeba gelin gaalshirow dirada Gaagixinta waa qaran guntaday goynta waaxyaha’e Masuul gabey xilkii loo egmoo gole ka rooraaya Ka go’doonsha weeyaan dadkuu gaadhka ka ahaaye Kala geynta weeyaan xigaal goobo wada yaale Gashi iyo midkii aano gala godobta weeyaane Guux baa arlada kaaga baxa galow dhawaaqiise Waa qaan guntiga kuugu xidhan oon go’ayn abide Kumaa goba kuma guna kumaa heedhe garanwaaya? Afartaasna gaaguuf murtida gig iyo liishaan dhe Goolaaftankii ay gunimo gob is haleeleen dhe Gun nin yidhi gantaalkii ku dhacay galabsigiise dhe Gunimada gamuun lagu dhuftiyo runiyo guusheed dhe Gardarada ragaa ugu xidh-xidhan jeelka gudihiisa Garyaqaan u doodiyo dulmane gob iyo caadeed dhe Gabay uu abwaan xori tirshiyo gar iyo miisaan dhe Iska soo mar geestaad rabtiyo gabayadii Qaasim Galabsiga tixdii Ina Miriyo gabay awaadhkii dhe Gaheyr iyo sidii Ina Huriyo Galow la’aan Saalax Gamuute iyo geeraaraduu gaalka kula dooday Gudi baxay miduu Faarax Nuur talo ku gaadhsiiyey Garnaqsigii Qamaan iyo tixduu Cali garwaaqsiiyey Gaallays gunimo uu la dhacay godanihii Aadan (afqalooc) Gurmadkii Salaan uu col baxay gaan ku kala baajay Goohii Suldaan Timacadiyo gaaxdi ina Mumin Guubaabadii Gadhliyo Gaariyiyo geesigii sugule Dhoodaan tixdii gudbiyo saw ku garanmaayo Ma Gil-gilo duqaydiyo tixdii Maxamed Guuleed dhe Gidigood anaan magac dhebayn qalina gaadheynin Godka lagu janeeyadan waxaan maansadow geliyey Waa inaan wixii naga gedmaday gelino diinwaane Gundhig iyo markhaatay u tahay goor la soo maraye. Oo waa godol xusuusiyo murtida gurada noo taale. Waxaanse gabay ku soo koobayaa yey ku gees marine Gafanuhu gabaaray marwaa dhuubanoo godane Gosha wuxuu ka buuxshaa khalqiga dhiig ka soo go’aye Markase uu golaha buuxsadaa haraga giijaaye Gudi baxay rag guurtiya markii golaha loo saaro Oo aad gudoonshaha u tahay gar iyo xeer beegti Lama gowdhiyee hadalka waa xubinta uun gooye Gubni ciidan guuto iyo gaas ururo gaadiid ah Ujeedada ragaas loo guree looga dhigay geeshka Waa inay dab gaadhliyo noqdaan kii difaac gala’e Mar haday gadaal ugu noqdaan gurada mooskooda Oo uu jananku giiryaale yahay fulin go’aan leexsan Gobanimiyo way naaqista sharaf la gaadhaa dhe Kumaa guna kumaa goba kumaa heedhe garanwaaya? …….Wa bilaahi towfiiq…..Gabayga Magaciisu waa KUMAA GOBA-KUMAA GUNA, Qaran News

Madaxweynaha Dowladda Puntland Mudane Siciid Cabdullaahi Deni oo ugu hambalyeeyey ummadda Islaamka ah, shacabka Soomaaliyeed, gaar ahaan Shacabka reer Puntland dhalashada bisha barakaysan ee Ramadaan. Source

Garowe (Puntlandi) Wasiirka cadaalada iyo arrimaha Diinta ee dowladda Puntland, Cawil Sheikh Xaamid, ayaa maanta isugu yeernay imaamyada Masaajidada kuyaala Garowe, si uu ugu wargeliyo in [...] Source

Garoowe (Caasimada Online) – Wada-hadallada madaxda dowladda federaalka iyo madax goboleedyada ayaa dib u billaabmay caawa kadib markii galabta qorax dhici loo hakiyey salaadda maqrib. Wararka naga soo gaaraya kulanka ayaa sheegaya in maanta si aad ah wada-hadallada looga hadlay xiisadda ka dhex ooggan dowladda federaalka iyo madaxweynaha Galmudug, Axmed Ducaalle Geelle Xaaf. Sida aan xogta ku helnay, madax goboleedyada Puntland, Jubaland iyo Galmudug ayaa dalbaday in xal laga gaaro arrinta Xaaf iyo dowladda, ka hor inta aan la guda gelin qodobada kale ee horyaalla shirka. Dalabka maamul goboleedyada ayaa lama filaan ku noqday madaxda dowladda, oo aan ku talo-galin in arrinta Xaaf ay qeyb ka noqon doonto ajandaha. Madax goboleedyada ayaa dowladda ku eedeeyey inay dagaal ku hayso Xaaf, islamarkaana ay gabbaad u tahay gadaalna ka riixdo madaxweyne ku xigeenkiisa iyo guddoomiyaha baarlamanka Galmudug oo Xaaf kasoo horjeestay. Dhinaca kale, Xaaf ayaa sidoo kale cabasho ka muujiyey lacago dowladda ay ka xayirtay oo isugu jira qaar ay dowladda ku caawiso dowlad goboleedyada iyo deeqo ka yimid beesha caalamka. Wararka ayaa sheegaya in dowladda laga dalbaday inay bixiso damaanaad qaad ku aaddan xalinta arrimaha uu ka cabanayo Xaaf, ka hor inta aan shirku horey usii socon. Ilaa iyo hadda ma cadda go’aanka laga gaaray arrinta Xaaf, hase yeeshee waxaa wararku sheegayaan inuu jiro dareen guud ee madaxda dowladda ay ku muujiyeen inay dyaar u yahay inay soo afjaraan dagaalka Xaaf. Caasimada Online Xafiiska Garoowe caasimada@live.com

Qaran News

East Africa’s military spending rose by $200 million last year to $2.9 billion, as countries sought to modernise their hardware. According to data released by the Stockholm International Peace Research Institute (Sipri), an independent global security think tank, Kenya leads in the ballooning of military budgets, adding $80 million to its expenditure. The country’s $1.09 billion military expenditure accounted for 36.5 per cent of the region’s total of $2.98 billion. Kenyan and Ugandan militaries too have been upgrading their hardware—either through purchases or donations—as they lead the war against the Al Shabab militants in Somalia as part of the African Mission in Somalia, Amisom. Last year, the Kenya Defence Force received 12 Bastion armoured personnel carriers (APCs) that were donated by the United States. For the 12 APCs, the government acquired 12 MD5 diesel engines from France which were also delivered in November to help secure its borders and boost Amisom troops in Somalia. Uganda’s spending rose by $62 million, hitting $408.4 million, from $346.8 million the previous year. Sipri says Uganda’s increase is not related to involvement in Amisom. “In the Ugandan budget, the funding for 2018/19 for Amisom was $10 million, but this is clearly stated as being funded externally and not from the Ugandan budget. This is funded by the Africa Union directly. This amount compared with 2017 did not increase and remained the same. “The increase in Uganda could be related to equipment purchases in the past year; this is stated in the budget but exactly what it is spent on is unknown,” said Dr Nan Tian, a researcher on the Arms and Military Expenditure Programme at Sippri. But Tanzania, whose expenditure has been lacklustre in the past five years, registered a marked increase of $64.3 million, on the strength of new Airbus helicopter purchases and increased military co-operation with China. Dar es Salaam also saw its spending hit $675.5 million last year, up from $611.2 million the previous year. Tanzania’s recent military partnership with China explains part of the expenditure increase as it sought to improve its capabilities with weapons and training. The increased expenditure is partly funded by Chinese aid but also some of the government’s own spending. “Tanzania has also been buying some weapons in the past year from France (EC725 Super Cougar and AS-532 Cougar); this can also explain part of the increase,” Dr Tian. Last year, Dar es Salaam received three Airbus AS-350 helicopters for its military, from an order of 10 it had made in 2017, which included eight AS-350/AS-550 Fennec light helicopters and two other AS-532 Cougar/AS-332 transport helicopters produced in Romania. The Air Force received one of the Cougar helicopters late last year. Rwanda saw a marginal rise in its defence spending to $119 million from $115.7 million, while South Sudan spending for the third year dropped to its lowest of $59.4 million in 2018, from $72.4 million the previous year last year, and a high of $1 billion in 2015. Kigali received 50 Red Arrow-9 anti-tank missiles last year, which were ordered from China in 2016 by the Rwanda Defense Forces, and which are currently mounted on its fleet of Otokar Cobra infantry mobility vehicles. These were acquired together with three CS/SH-1 122mm self-propelled guns, which were ordered in 2017 and delivered last year. The Red Arrow-9 anti-tank missile was displayed for the first time at the combined arms exercise at the Gabiro Combat Training Centre last December, at a ceremony presided over by President Paul Kagame. Source: The East African

Maxammed Kaahin iyo Xusuus hore. Waa Khamiis,18/03/2004 wax aan ka degay Garoonka Magaalada Hargaysa halkaas oo aan fasax gaaban ku gaadhay. Jimce, 19/03/2019 waxaa dhacday arrin Dhiilo ah. Koox dablay Argagixiso ah ayaa Deegaanka Dhubato waxay Jidgooyo ugu galeen Nin Jarmal ah iyo Gabadh Kiiniyaan ah oo ka ahaa Shaqaale Haayada Jarmalka ee GTZ iyaga oo ku sii jeeday magaalada Berbera. Gaadhigii ay wateen Ninkii Jarmalka ahaa Xoog buu ku dhaafiyay Kooxda Argagixisada ahayd hase yeeshee Rasaastii ay ku rideen waxaa ku naf wayday Gabadhii Kiiniyaanka ahayd halka Ninkii Jarmalka ahaana dhaawac fududi soo gaadhay. Wakhtigaa waxaa Wasiirka Arrimaha Gudaha ahaa Ismaaciil Cismaan Aadan (Ismaaciil Yare), Taliyaha Booliiskuna wuxuu ahaa AHN General Maxammed Cige oo ahaa Sarkaal khibrad badan u lahaa shaqada Booliiska. Waxaa dhacday markii arrinkan dhiilada lihi dhacay Xisbiga Kulmiye oo wakhtigaa mucaarad ahaa islamarkaasna Talo ka yaqaanay ku jiqsii iyo mucaaradnimo Macangagnimo ah ayaa sidii caadada u ahayd Xukuumada ku eedeeyay in Amnigii faraha ka baxay, in Xukuumadu ku fashilantay Amniga Dalka iyo Hadaladii iyo Ficiladii qarandumiska ahaa ee ay Hadh iyo Habeen la daba taagnaan jireen Xukuumadii Rayaale. Ismaaciil Yare oo ahaa Wasiirkii Arrimaha Gudaha oo Amniga Dalku hoos imanayay ayaa u jawaabay Kulmiye islamarkaasna Kulmiye si adag u duray. Subaxdii ku xigtay wax aan tegay Hudheel la odhan jiray Ming Sing halkaas oo aan Nin aanu ehel nahay kula kulmayay. Aniga iyo Ninkii oo halkii ka shaahayna isna waraysanayna waxaa daf na soo yidhi, Nin Shaadhka Badhamadu si akhlaaq daran ugu furan yihiin, Dhaqan xayraan iyo Yafyafnimo ka muuqato oo Afka ka xumbaynaya. Wuxuu soo abaaray Ninkii ila fadhiyay, isaga oo duryamayana wuu na salaamay. Hadal badan oo Aflagaado, Dhaar iyo Haaraan isugu jiray meeshii ka shub. Ninkii ila fadhiyay buu isagoo weliba dhaaranaya ku yidhi “East Burco Clan haddaanu nahay Hargaysa haddaanu ka guuraynaa, Nin nagaga hadhi maayo”. Ninkii baa ku yidhi ‘oo Maxaa dhacay eed uga guuraysaan Hargaysa’. Kuye “Ismaaciil Yare ayaa yidhi East Burco Clan ayaa Falka Argagaxiso ka dambaysay markaa Magaalada waanu uga guuraynaa”. Qaaqdaasu hayaa, Qawlalada ayuu ka xumbaynayaa, Dibnaha gargariiraya, indhaha cascas, hadalkiisu wuu iska wada hor iyo daba imanayaa, caadifad darteed buu mararka qaarkood shigshigayaa. Waad yaabaysaa mooraal xumida iyo rajo la’aanta ka muuqatay. Ninkii baa ku yidhi waar bal Shaydaanka iska naar, Ismaaciil Yare na anigaa la balansanoo la hadli doonee. Anigu Ninka gartay inuu East Burco Clan yahay, inuu Kulmiye yahayna markiiba gartay laakiin intaas dhaafin maayo garashadiisa. Ninkii aan la fadhiyay ayaa igu yidhi intaanu naga dhaqaaqin Ninkan miyaad garanaysaa markaas baan ugu jawaab celiyay maya. Wuxuu ii sheegay inuu Mujaahid Maxammed Kaahin yahay. Naftaydaan hoos ugula shawray“Wadhi, ma Kan baa Maxammed Kaahin ka la sheegaana”. Nasiib wanaag Kooxdii Argagixisada ahayd waxaa baxsadkoodii lagu qabtay Tuulada Dhoqoshay oo markaasi maqalkeeda aniga iigu horaysay. Waxaana runtii hawlgal balaadhan sameeyay Ciidanka Booliiska iyagoo kaashanaya shacabka ku noolaa Deegaanadii loo tuhmayay inay sii dhexmarayeen. Tuulada Doqoshay iyo shacabka degani hawlgalkaas oo ay gacan wayn ka gaysteen waxaa Xukuumadii Daahir Rayaale ku abaalmarisay Mashaariic horumarineed oo ay ka mid ahaayeen Dhismaha Dugsi, Xarun Caafimaad (MCH), Xarun Booliis iyo weliba lacag Kaash ah oo dhamayd $20,000 taas oo loo qaybiyay Dadkii Deegaanka Doqoshay oo la siiyay $12,000 iyo intii kale oo loo qaybiyay Ciidamadii Booliis iyo Militariga ee Hawlgalkaas ka qayb qaatay. Muddo ka dibna waxaaban arkay isagoo Madaxweyne Daahir Rayaale u hanjebaya oo ku leh “Dhenged baan Madaxtooyada kaaga soo saari doonaa”. Ninkaas aragiisa Qabyaalad iyo cunfi baan ku xasuustaa. Arrinkan waxaan ku soo xasuustay iyadoo hadda 15 sanno laga joogo waxaan Maanta 04/05/2019 daawaday Shir Jaraaid oo uu qabtay kuna saabsan labadii Sarkaal ee lagu dilay Deegaanka Galbeedka Sanaag kana soo jeeday Gobolka Awdal kuwaasoo loo dilay Aano Qabiil. Maxammed Kaahin isagoo Kursigii Wasiirka Arrimaha Gudaha ku fadhiya Maanta islamarkaasna masuul ka ah Amniga Qaranka wixii uu ku hadlay ee iska hor iyo dabo imanayay, ee Qabyaalad lahaa, ee Hanjebaad lahaa, ee Catoow iyo Cadho lahaa waad maqlayseen. Xataa markaad u fiirsato Afsomaliga uu ku hadlayay ayaa shaki leh, tusaale ahaan Wuxuu yidhi markuu ka hadlayay dhacdadii foosha xumayd ee Saraakiisha lagu dilay, bal hadda idinku macneeya. “Arrinkani Nabadgelyo darrada iyo Xasilooni darrada ayuu dhaawac ku yahay”. Markaad hadalkan oo isaga Afkiisa kasoo baxay u fiirsato Waxaad iswaydiinaysaa waxa Nabadgelyo darrada iyo Xasiloonida darrada dhaawaca ku ihi soo wax wanaagsan maaha marka Nabadgelyo iyo Xasilooni la rabo. Jawaabtu dabcan waa haa. Markaa taloow muxuu uga jeedaa, idinkaan idiin dhaafay falanqaynta hadalkaas. Waxa kale oo hadaladiisa ka mid ahaa:- “Gudoomiye Cirro aniga iyo reerkayga ayuu u jeeday”. Miyaad maqlayseen meel u Cabdiraxmaan Cirro reer East Burco Clan la yidhaahdo ku soo hadal qaaday?. Gudoomiye Cirro isaga ayuu ku cannaantay in aanu xilkiisa gudan, labada Sarkaalna la badbaadin kari lahaa haddii loo gurman lahaa iyadoo xaalkooda Xukuumadu la socotay. Haddii aan isaga warkooda lasoo gaadhsiin Cirro waxba kama khuseeyaan Waayo mar walba isaga oo ah Wasiirkii Amniga ayaa u qoolan, hadduu Damiir Qaranimadan uu ka hadlayo leeyahay, dhaawac baa Qaranka soo gaadhaye ha is casilo. Gudoomiye Cirro iyo Xisbiga Waddani waxaan u soo jeedinayaa inay u jawaabaan, hadalka uu isagu ku hadlay oo aan midh lagu darin ayaa Madaafiic lagu garaaco ugu filan. Maxammed Aw Yuusuf guun51@hotmail.com Qaran News

Muqdisho (Caasimada Online) – Wax kayar 48 saac magaalada Muqdisho waxay gashay xaalad cabsi iyo qal qal ah oo ay wajahayaan Shacabka iyo Wariyayaasha waxayna dhibaatooyinkaan ka imaanayaan Booliiska Soomaaliya. Arintaan ayaa ka dambeysay kadib markii Isbadal lagu sameeyay Ciidamada Booliiska ee ka shaqeeya Isgoysyada Muqdisho, waxaana la dhigay Ciidamo cusub oo si xun dadka kula dhaqma. Jirdil iyo hanjabaad ayaa ah waxa ugu yar oo ay Ciidamadaan ku sameeyaan shacabka, halka qaar kood-na rasaas ku furaan dadka Shacabka iyo qal qal xoog leh oo ay ku beeraan dadka iyo degaanka. Ciidamada Booliiska ayaa maanta falkii ugu dambeeyay oo jirdil ah u geestay Wariyaal katirsan Radio Kulmiye oo lagu magacaabo Farxaan Maxamed Xuseen iyo Cameraman Maxamed Cabduqaadir Jiinow oo ka tirsan qaybta maamulka ee Radio Kulmiye. Ciidamadaan ayaa sidoo kale shalay Jirdil iyo hanjabaad u geestay Xuseen Cabdulle Maxamed oo ka tirsan Radio Kulmiye mana jirto ilaa hada cid wax ka qabatay tacadiyada Booliiska. Boqolaal shacab ah oo kamid ah bulshada ku nool magaalada Muqdisho ayaa wajahaya Qatar aad u daran oo ka imaanaysa Booliiska Soomaaliya. Masuuliyiinta amniga ilaa hada ma jirto tilaabo ay qaadeen oo arintaan lagu xalinayo. Caasimada Online Xafiiska Muqdisho caasimada@live.com