Muqdisho (SMN) – Warar kala duwan ayaa ka soo baxaya qaraxyo labo ahaa oo goor dhow ka dhacay magaalada Muqdisho. Qaraxa koowaad oo loo adeegsaday gaari laga soo buuxiyay walxaha qarxa ayaa la sheegay in uu ka dhacay meel ku dhow xarunta Baarlamaanka Soomaaliya. Sidoo kale qaraxa labaad oo isna ka dhashay gaari ayaa ka dhacay Waddada aada Garoonka Diyaaradaha Aadan Cadde ee magaalada Muqdisho. Khasaare kala duwan ayaa jira, waxaana haatan socda gurmad ay fidinayaan laamaha ammaanka iyo gaadiidka gurmadka deg dega ah ee Amiin Ambalaas. Radioshabelle.com kala soco wixii soo kordha. View the full article

Muqdisho (Caasimadda Online) – Laba Qarax oo xooggan ayaa waxay ka kala dhaceyn Magaalada Muqdisho ee Caasimadda Soomaaliya. Qaraxa koowaad ayaa wuxuu ka dhacay agagaarka Xarunta Baarlamaanka ee Soomaaliya xilli uu Maanta kulan lahaa Golaha Shacabka. Xilliga uu qaraxa dhacayay waxaa soo xirmay kulanka Golaha shacabka ee Soomaaliya waxaana ay xillibaannada isu diyaarinayeen in ay ka baxaan Golaha. Ciidamada ku sugan Isgoyska Sayidka ayaa cabbaar rasaas ku riday Gaariga qaraxa waday inkasta oo uu markii dambe qarxay. Gaadiidka Gurmadka deg degga ah ayaa ku xoomay goobta iyada oo ilaa hadda aan la shaacin khasaaraha ka dhashay weerarka maanta. Qaraxa labaad ayaa wuxuu ka dhacay Koontaroolka Jidka Garoonka Aadan Cadde ee u dhow Isgoyska Nambar afar. Sida dad goob joogayaal ah ee ay u xaqiijiyeen Caasimadda Online, qaraxa ka dhacay Koontaroolkaas ayaa imaaday kadib markii Baabuur Noha ah oo lagu soo xiray waxyaabaha qarxa uu damcay inuu ka gudbo halkaas. Sida wararka sheegayaan ninka waday gaariga ayaa kasoo dagay, wuxuuna Ciidamada u sheegay inuu doonayo garoonka balse intii uu wadahadalka socday ayaa waxaa jug qarax loo maleenayo inay Batriga tahay laga maqlay gaarigiisa taasoo keentay inay Ciidamada Dowladda rasaas la dhacaan Gaariga. Gaariga ayaa markii dambe qarxay, waxaana qaraxaas laga maqlay guud ahaan Magaalada Muqdisho. Khasaaro kala duwan ayaa ka dhashay qaraxyada ka dhacay Muqdisho, ilaa haddana lama hayo tiro rasmi ah. Wixii kusoo kordho kala soco Caasimadda Online. Halkan ka daawo wararka oo muuqaal ah Caasimada Online Xafiiska Muqdisho Caasimada@live.com

Click here Qaran News

Dowladda Federaalka Soomaaliya ayaa si weyn u cambaareysay ciddii ka dambeysay Shacabkii Soomaaliyeed ee Xalay lagu laayay Koofurta Magaalada Gaalkacyo. Wasiirka warfaafinta ee xukuumadda Federaalka Soomaaliya mudane Maxamed Cabdi Xayir (Maareeye), oo la hadlayay Warbaahinta Qaranka ayaa sheegay in ay ka Dowlad ahaan si weyn ugu xun yihiin Dadkii Soomaaliyeed ee lagu laayay Gaalkacyo, kuwaas oo aan waxba galabsan iyo dilkii ka horreeyay ee ka dhacay nawaaxiga Dhuusamareeb. Wuxuu sheegay in ay ka Dowlad ahaan aad iyo aad u dhaleeceynayaan ciddii ka dambeysay ficilladaas oo uu Wasiirku ku tilmaamay kuwa kala geynaya Shacabka Soomaaliyeed ee muddada badan dhibaataysnaa. “Waa ficillo aan sharci Islaam ku bannaaneyn iyo sharciga Bini’aaddanka wada nool uu ku dhaqmo toona, oo kala geynaya shacabka Soomaaliyeed ee Walaalaha ah” ayuu yiri Wasiir Maareeye. Wuxuu sheegay in aysan wanaagsanayn in Qof Soomaali ah oo Dalkiisa ku nool, isla markaana aan waxba galabsan baarisna marin in Dhiiggiisa la daadiyo laguna dilo. Wasiirka ayaa ballanqaaday in Dowladda Federaalka oo kaashanaysa, maamul Goboleedka Galmudug, Oday dhaqameedyada, Culimaa’udiinka iyo wax garadka Soomaaliyeed in ficilkaasi lagu sameeynayo baaris Lixaad leh, oo Dadkii ka dambeeyayna tallaabbo sharciga waafaqsan laga qaado, caddaaladdana la hor geyn doono. Mudane;Maareeye, ayaa tacsi tiiraanyo leh u diray dhammaan Eheladii iyo qaraabadii ay ka dhinteen Dadkii lagu laayay Gaalkacyo, iyagana uu Alle u naxariisto. Wuxuuna Shacabka Soomaaliyeed faray in ay is dejiyaan, loona daayo Dowladda dhexe in ay caddaalada hor keento Dadkii ficilladan gurracan ka dambeeyay. Halkaan hoose ka daawo shirkiisa jaraa’id PUNTLAND POST The post Dowladda Soomaaliya oo si adag u cambaareysay shacabkii lagu laayay koonfurta Gaalkacyo appeared first on Puntland Post.

Muqdisho (Caasimada Online)-Al Shabaab ayaa magaalada Muqdisho ka geystay dilal kala duwan oo ay ku dhinteen dad Shacab ah iyo masuuliyiin ka tirsanaa dowladda Soomaaliya. Weerarada Al Shabaab oo u badan toogasho iyo qaraxyo ka dhaca magaalada Muqdisho ayaa qaarkood la ogaaday inaysan laheyn bartilmaameyd sax ah, kadib markii sarkaal sare oo ka tirsanaa Al Shabaab uu shaaciyay macluumaad aan la fileyn. Barnaamij lagu magac daray Gungaar oo laga baahiyay TV-ga qaranka Soomaaliya ayaa lagu wareystay labo ruux oo ka tirsanaa Al Shabaab, kuwaasi oo lagu qabtay agagaarka Daljirka Dahsoon ee magaalada Muqdisho. Warbaahinta Dowladda Soomaaliya ayaa lagu soo bandhigay sida Al-shabaab u geysteen 7-qarax iyo labo dhacdo oo lagu rasaaseyay gawaari ay dad rayid ah saarnaayeen , dhaamaan falalksasi hal nin oo Al Shabaab uga Masuul ahaa ayaa ka sheekeeyay. Canshuur Cusmaan Abuukar oo haatan ku jira gacanta dowladda Soomaaliya kuna xukuman dil toogasho ah ayaa laga helay xogta sida ay dhacdooyinkaasi u dhaceen isagana uu masuulka ka ahaa, Canshuur Cusmaan, waxaa lala wareystay ruux kale oo lagu qabtay Daljirka Dahsoon, waxaana Canshuur uu sheegay inuusan diin ahaan iyo maadi ahaanba wax baran oo uu ahaa ruux ka yimid dhanka Miyiga (Baadiyaha). “Aniga Dugsi Qur’aan iyo Iskuul ma dhigan, meesha aan ku noolaa meel miyi ah ayay aheyd, iskuulna lagama aqoonin” ayuu yiri Canshuur. Canshuur Cusmaan, ayaa sheegay inay isaga iyo koox ka tirsan Al Shabaab ay masuul ka ahaayeen weerar dad shacab ah lagu laayay oo ka dhacay agagaarka isbitaalka Digfeer ee magaalada Muqdisho, weerarkaasi oo lagu dilay dad caruur u badan oo isku qoys ahaa. Sidoo kale wuxuu sheegay inay ka dambeeyeen weerar lagu dilay gabar ka tirsaneyd ururka Haweenka iyo wiil ay dhashay Batuulo Axmed Gabale, kuwaasi oo lagu dilay agagaarka isgoyska VIA Roma ee degmada Xamarweyne. Dhamaan dilalkaasi ayuu sheegay inay iska rasaaseeyeen gaadiidka ay la socdeen, maadaama aysan iyaga aheyd bartilmaameydka, balse ay iska dileen dadweynahaasi kadib markii ay waayeen dad kale oo masuuliyiin dowladeed ah oo ay rasaasta la dhacaan. Waxay arintaasi abuurtay walaac kale oo amaan, taasi oo saameynteeda leh. Halkan ka daawo wararka oo muuqaal ah Caasimada Online Xafiiska Muqdisho Caasimada@live.com

Taliye ku xigeenka Ciidamada Booliska Galmudug Col-Cabdi Jaamac Cabdulle Xabeeb iyo duqa Koonfurta Galkacyo ee Galmudug Xirsi Yuusuf bare oo si wadajir ah Warbaahinta kula [...] Source

Qaran News

Heavily armed fighters from the Al-Qaeda-linked Al-Shabaab have launched a planned attack in Kenya’s northeastern region, near the porous border with Somalia. Al-Shabaab said in a statement posted on its affiliated media outlets that the militants seized control of Kontonka village located in the outskirts of Wajir town during the attack. The statement added that several Kenyan Police officers were taken hostage and confiscated two motorbikes as well as military equipment. Al-Shabaab vowed to continue attacks in Kenya, in revenge for its military involvement in Somalia, where 22,000 AU soldiers are battling the group for a decade. View the full article

Mas’uuliyiinka ka tirsan dowladda federaalka ah iyo xisbiyada ayaa ka hadlay dil wadareed xalay ka dhacay magaalada Galmkacyo. Dadka ka hadlay waxaa ka mid ah madaxweynihii hore ee Soomaaliya Xasan Sheekh Maxamuud isaga oo yiri“Waa wax laga naxo in dad gaarayo 10 qofood lagu dilay magaalada Gaalkacyo hal habeen sabab kasta oo loo tiiriyo e, waana cambaareynayaa falkaas foosha xun iyo dadkii ka dambeeyayba. Waxaan u tacsiyeynayaa eheladii ay ka geeriyoodeen dadkaas. Waxaan ku adkeynayaa maamulka Galmudug iyo waxgaradka reer Galmudug guud ahaan iyo gaar ahaan kuwa reer Galkacyo iney ka wada shaqeeyaan sidii gacan ku dhiiglayaaaha loo hor keeni lahaa sharciga si cadaaladu u shaqeyso” . Dhankooda, Sanetorrada aqalka sare ee baarlamaanka federaalka ah ee Soomaaliya oo shir jar’aaid ku qabtay xaruntooda ayaa ka tacsiyeeyey dil wadareedkii xalay ka dhacay Galkacyo, waxaa ay sidoo kale dalbadeen in cadaaladda la horkeeno dadkii falkaasi ka dambeeyey, waxaana horay si gaar ah uga hadlay Senetor Cabdiqeybdiid oo horay u soo noqday madaxweynaha Galmudug. Xildhibaan Mahad Salaad oo isna arrinkaas ka hadlay waxaa uu yiri “Waxaa sidoo kale canbaareynayaa falka foosha xun ee lagu xasuuqay dad shacab ah oo aan waxaba galabsan ee hayb ahaan lala xariiriyay dilka sarkaalka. Waxaan si gaar ah tacsi ugu dirayaa eheladii iyo asxaabtii ay ka geeriyoodeen. Naxariistii Jano Alle haka waraabiyo. Samir iyo iimaan Alle haka siiyo. Aamiin. Sidoo kale waxaan ugu baaqaynaa Madaxda Galmudug in ay arintaas tilaabo deg deg ah ka qaadaan. Sharciga la horkeeno dadkii xasuuqaas geystay iyo kuwiii dilay sarkaalkaba. Lana mariyo ciqaabta ay mudanyihiin. Xildhibaan Axmed Macalin Fiqi” Dhanka kale waxaan ka xunnahay isla markaana ka tacsiyaynayaa dilka foosha xun ee loo geystay dad ku noolaa magalaada Gaalkacyo, kaasoo u muuqda mid ka baxsan sharciga dalka iyo dhaqanka wada noolaashaha dadka Soomaaliyeed. Waxaan dawlad Goboleedka Galmudug ugu baaqayaa in ay dhacdadaan foosha xun jawaab lagu qanci karo ay ka bixiso, sharcigana la horkeeno ciddii ka danbaysa”. Xildhibaan Saabir Shuuriye ayaa ka mid ahaa mas’uuliyiintii ka hadashay “waxaa ah wax laga xumaado aadna u cambaaraynayaa falka xumaanta uu la egyahay darteed aan u la’ ahay eray aan u isticmaalo kaasoo ka baxsan Islaamnimo, Soomaalinimo iyo bani’aadanimadaba waxaan ku baaqayaa in sida ugu dhaqsida badan loo soo qabto loona keeno cadaaladda gacan ku dhiiglayaashii ka dambeeyay lana marsiiyo ciqaabta ay mudan yihiin.Reer Galmudug waxaan ugu baaqayaa in shaqsiyaadka abuuraya aragtida falalka argagaxisada loo aaneeyo cid gooni ah ay meel uga soo wada jeestaan gacan bir ahna isaga qabtaan, Arxan laawayaasha Shabaab waxay ka kooban “. Xildhibaan Cabdiraxmaan Odowaa ayaa isna ka yiri “Waxaan tacsi u dirayaa walaalihii xalay lagu laayay magaalada Galkacyo ayaga oo aan waxba galabsan. Falkan wuxuu ceeb iyo canbaareyn ku yahey Galmudug oo dhan : Shacab iyo maamul. Dhaqanka nuucan ah maahan mid looga fadhiyay reer Galmudug. Maamulka Galmudug waxaa la gudboon inuu ilaaliyo dadka hayb ahaanta loo beegsanaayo ee ka soo jeeda deegaanada Koonfur Galbeed, cadaaladdana la hor keeno kuwii ka danbeeyay gumaadkaas. ولا تزر وازرة وزر أخري, Sharciga inaan gacmaheena ku qaaadanno marnaba sax ma ahan”. Goobjoog News Source: goobjoog.com

(SLT-Hargeysa)-Saxardiid Maxamed Jabiye, oo ka mid ahaa abwaanada ugu caansan Soomaaliada ayaa saaka ku geeriyooday magaalada Hargeysa. Marxuun saxardiid Maxamed Jabiye suugaanta uu sameeyay waxa ka mida heesta caanka ah ee (Aaan maalo hasheena Maandeeq), taas oo uu qaaday Alle ha u naxariistee Maxamed Axamed Kuluc. Mudooyinkii u dambeeyay waxa uu marxuunku u jiifay xannuun. Source

Madaxxweynaha maamulka Somaliland Muuse Biixi Cabdi ayaa ka hadlay xiisadda ka taagan deegaamo katirsan gobolka Sanaag, iska hor-imaad xalay ka dhacay magaalada Badhan, xiriirka kala [...] Source

Gunmen have shot dead nine people in Galkayo on Friday night in what is being described as “revenge” attack. Another person who is believed to be a security official was killed in a separate incident in the southern city. Somali Information minister, Mohamed Hayir Mareye has condemned the act. Security agencies were conducting an investigation and expected to give details of what caused the killings. Citizens and political leaders alike have taken to the social media in their strong condemnation of the heinous attack. Former Somali President, Hassan Sheikh Mohamud, has called upon security agencies to bring to book those responsible for the attack. “It is very sad to hear the death of ten people in Galkacyo in one night, I strongly condemn the heinous act and send my heartfelt condolences to the family and friends of the victims, ” he said. “I call upon the Galmudug authorities and Galkayo residents to cooperate in the arrest and prosecution of the perpetrators.” He added. Galkayo city, which is under the administration of Galmudug and Puntland regional state, has previously witnessed skirmishes related to ethnicity and border dispute between the two administrations. View the full article

Muqdisho (Caasimada Online)-Dowladda Federaalka Soomaaliya ayaa ka hadashay dadkii lagu laayay magaalada Gaalkacyo ee gobolka Mudug, saacado kadib markii sagaal ruux lagu dilay koofurta magaalada Gaalkacyo. Wasiirka warfaafinta xukuumadda Soomaaliya Maxamed Cabdi Xayir Maareeye, oo warbaahinta la hadlay ayaa sheegay in dowladda Soomaaliya ay cambaareyneyso ayna ka xun tahay sida ay wax u dhaceen. Wasiirka warfaafinta Soomaaliya ayaa sheegay in dowladda Soomaaliya ay baaritaan dhab ah ku sameyn doonto dadkii ka dambeeyay falka xalay ka dhacay koofurta magaalada Gaalkacyo. Waxaa uu sheegay in gacanta lagu soo dhigi doono Cidii ka dambeysay falkaasi, islamarkaana maamulka Galmudug uu ugu baaqayo in ay gacanta kusoo dhiggaan dambiliyeyaasha. Falka lagu dilay dadka rayidka ah ayaa ka dambeeyay kadib markii sarkaal ka tirsan NISA lagu dilay magaalada Gaalkacyo, iyadoo dad ay isku heyb ahaayeen ka caroodeen dilka sarkaalka, kadibna ay dileen dadka shacabka ah. Masuuliyiin kala duwan ayaa siyaabooyin kala duwan kaga hadlay dhacdada ka dhacday magaalada Gaalkacyo, waxaana dhamaan loogu baaqay Galmudug inay baaritaan dhab ah ku sameyso siday dadka u dhinteen. Halkaan ka daawo Muuqaalka wararkii oo Muuqaal ah Caasimada Online Xafiiska Muqdisho Caasimada@live.com

(SLT-Hargeysa)-Guddoomiyaha xisbiga Waddani Cabdiraxmaan Maxamed Cabdillaahi Cirro ayaa boggiisa Facbook-ga ku faafiyay farriin ku saabsan qabsoomida doorashooyinka iyo mawqifka xisbiga WADDANI. Guddoomiyaha xisbiga Waddani Cabdiraxmaan Maxamed Cabdillaahi Cirro ayaa ayaa waxa uu sheegay in mas’uuliyadda qabsoomida doorashooyin ay saaran tahay Madaxweyne Muuse Biixi Cabdi dhankooda ay u diyaar u yihiin in wada-hadal lagu dhammeeyo caqabaha hor-taagan doorashooyinka. Farriinta Guddoomiye Cirro ayaa u dhigan “Xilka qabashada doorashooyinka Jamhuuriyadda Somaliland ee Wakiilada iyo Deegaankuba waxa uu saaran yahay Madaxweyne Muuse Biixi. Haddii berri la qabanayo doorashooyinka Xisbiga WADDANI waa u diyaar. Waxa aanu diyaar u nahay in qabyooyinka doorashada ee uu dhismaha Komishanka Doorashooyinka Qaranku ugu horeeyo in miiska wada-hadalka lagu dhammeeyo” Source

Dowladda federaalka ah ee Soomaaliya ayaa goordhow cambaareysay dil wadareed xalay ka dhacay duleedka Galkacyo halkaasi oo lagu dilay 9 qof oo ka soo-jeeda koonfur galbeed. Wasiirka warfaafinta DF Maxamuud Maareeye oo arrinkaas ka hadlayey waxaa uu yiri “ Waxaan cambaareyneynaa, aad uga xunnahay, ficil aan la aqbali karin ah dhacdada dilka lagu laayey dad aan waxba galabsan magaalada Galkacyo iyo kuwii ka horeeyey ee dad shacab ah lagu dilay ee ka dhacay nawaaxiga Dhuusamareeb, ficiladaas ayaan dowlad ahaan ka xunnahay, oo cambaareyneyaa, waa ficilo kala geynaya umadda Soomaaliyeed, waa ficillo aan sharci islaam iyo mid banii’aadam kala nool aanu ku dhaqmin, oo kala geynaya shacabka Soomaaliyeed ee walaalaha ah”. Ugu dambeyntii, waxaa uu balanqaadeen in la baaro, Maareeye waxaa uu yiri “ waxaa ballanqaadeynaa dowlad ahaan, inakoo kaa shaneyna hey’adaha dowladda heer federaal iyo heer maamul goboleed, inakoo kaa shaneynaa oday dhaqameedyada, inakoo kaa shaneyna culimada iyo waxgaradka Soomaaliyeed in ficilkaas baaris lagu sameeyo, oo dadkii ka dambeeyey ficiladaas cadaaladda la horkeeni-doono”. Goobjoog News Source: goobjoog.com

Maleeshiyo beeleed ku sugan magaalada Galkacyo ayaa la sheegayaa iney xalay hal meel oo duleedka magaalada ah ku dileen 9 qof. Arrintan ayaa la sheegayaa iney tahay aano-qabiil kadib markii saacado ka hor isla magaalada lagu dilay wiil dhalinyaro ah oo lagu magacaabayay Cali Dhiif oo ka tirsanaa nabad sugidda. Xiisdda ayaa kacsan, waxaana isa soo taraya cambaareynta arrintaasi la xiriira, maamulka koonfur galbeed ayaa cambaareeyey, waxaa kale oo dhankooda iyana cambaareeyey xildhibaanno ka tirsan baarlamaanka federaalka ah sida Saabir Shuuriye, Mahad Salaad iyo mas’uuliyiin kale. Faah-faahinta Sida uu u dhacay arrinkan foosha xun, kala soco halka Goobjoog News Source: goobjoog.com

(SLT-Hargeysa)-Madaxweynaha Somaliland Md Muuse Biixi Cabdi ayaa sheegay in aan madaxda dhaqanka looga baahnayn abaabulka nabad galyo darro. Waxa uu sheegay in bulshadu xamanayso Boqorka sidaas awgeedna ay tahay in uu arrintaasi iska bari yeelo, Halkan hoose ka DAAWO Source

(SLT-Hargeysa)-Madaxweyne Biixi Oo Saaka Daah-furay Imtixaankii Shahaadiga Ahaa, Halkan hoose ka DAAWO Source

Waxaa hadda si rasmi ah magaalada Garoowe uga socda furitaanka kal-fadhigii 44aad ee barlamaanka dowladda Puntland, waxaana madasha ku sugan madaxweynaha dowladda Puntland, guddoonka barlamaanka, [...] Source

Waxaa maanta dib u furmaya kulammada golaha shacabka ee baarlamaanka Soomaaliya oo maalmihii dambe ku maqnaa fasaxa Ramadaanta iyo ciidda. Ajendaha kulankoodan ugu horeeya ayaa la sheegayaa inuu noqonayo akhrinta 1-aad wax ka bedelka sharciga Iibka Qaranka. Golaha shacabka iyo aqalka sare ayaa waxaa horyaallo sharciyo muhiim ah horumarka dalka iyo in dalka laga saaro kala-guurka, lana sameeyo dastuur sax ah. Goobjoog News Source: goobjoog.com

(SLT-Riyadh)-Dawladda Soomaaliya ayaa sheegtay in Dawlada Sucuudigu Cafis u fidisay Dadka Soomaalida ah ee sharci-darrada ku jooga Dalkaasi, sida kuwa Ciqaamaduhu ka dhaceen. Sii hayaha Safaaradda Soomaaliya ee Sucuudiga Saalim Macow Xaaji ayaa sheegay in Dadka Cafiska loo fidiyey yihiin kuwa Sharci-darrada ku jooga Sucuudiga ee doonaya inay isaga baxaan, sida kuwa Ciqaamaduhu ka dhaceen, Kuwa Tahriibka ku galay. Sii hayaha Safaaradda Soomaaliya ee Sucuudiga Saalim Macow Xaaji oo arrimahaa ka hadlayaana wuxuu yidhi “Dawladda Sucuudigu waxay naga ogolaatay in Dadka Soomaaliyeed ee Sharci-darrada ku jooga Sucuudiga loo fududeeyo bixitaankooda, Saddex baa loo kala qaaday Dadka, kuwa Ciqaamadaha leh ee ay ka dhacsan yihiin ee lacagta badan lagu leeyahay ee raba in iyaga iyo Carruurtoodu ay Dalka ka baxaan, kuwaa waalla cafiyey oo lama xidhayo ee ay bixi karaan.” Sii hayuhu waxa kale oo uu sheegay “Sidoo kale, Dadka ku soo galay Tahriibka waalla fasaxay oo ka bixi karaan Waddanka iyo Dadka ku yimid Xaj ama Cimro ee muddada dheer Sharci-darrada halkan joogay waalla cafiyey.” ayuu yidhi, waxaanu intaa sii raaciyey “Cafiskani wuxuu gaar u yahay Dadweynaha Soomaaliyeed. Cafisku wuxuu bilaaban doonaa 16-ka bisha June, waxaanu socon doonaa illaa 2 bilood, markaa waxaan Dadweynaha.” Source

Muqdisho (Caasimada Online)-Madaxweynihii hore ee Soomaaliya Xasan Sheikh Maxamuud ayaa ka hadlay dadkii xalay lagu dilay magaalada Gaalkacyo, kuwaasi oo kasoo jeeday deegaanada Koofur Galbeed. Dadka la dilay ayaa la sheegay in loogu aar gudayay ruux lagu dilay magaalada Gaalkacyo, kaasi oo ahaa sarkaal ka tirsan ciidamada NISA ee deegaanada Galmudug. Xasan Sheikh Maxamuud ayaa muujiyay sida uu kaga xun yahay dhibaatada ka dhacday magaalada Gaalkacyo, isaga oo tacsi u diray ehalada dadka waxyeelada kasoo gaartay dhacdadii ka dhacday magaalada Gaalkacyo. Wuxuu shacabka iyo madaxda Galmudug ugu baaqay inay ka wada shaqeeyaan sidii loosoo qaban lahaa dadkii ka dambeeyay weerarka ka dhacay magaalada Gaalkacyo. “Waa wax laga naxo in dad gaarayo 10 qofood lagu dilay magaalada Gaalkacyo hal habeen sabab kasta oo loo tiiriyo e, waana cambaareynayaa falkaas foosha xun iyo dadkii ka dambeeyayba. Waxaan u tacsiyeynayaa eheladii ay ka geeriyoodeen dadkaas. Waxaan ku adkeynayaa maamulka Galmudug iyo waxgaradka reer Galmudug guud ahaan iyo gaar ahaan kuwa reer Galkacyo iney ka wada shaqeeyaan sidii gacan ku dhiiglayaaaha loo hor keeni lahaa sharciga si cadaaladu u shaqeyso” ayuu yiri Xasan Sheekh Maxamuud. Saraakiisha Ciidanka Galmudug ee Gaalkacyo ayaa sheegay in dilka dadkaasi uu yimid ka dib markii Kooxo hubeysan ay Magaalada Gaalkacyo ku dileen Sarkaal ka tirsan Ciidanka Nabad suggida Galmudug, Waxaana kadib la sheegay in dadka degaanka ay eryadeen labo ka mid ah Kooxihi dilka geystay ka dibna gurigii ay galeen laga soo saaray 10 ruux ayna dileen 9 ka mid ah Koox degaanka ah oo ka careysan dilka Sarkaalka Nabad suggida ka tirsanaa. Halkaan ka daawo Wararka oo Muuqaal ah Caasimada Online Xafiiska Muqdisho Caasimada@live.com

(SLT-Washington)-Golaha amaanka ee qaramada midoobay ayaa ka digay shidaal wakhtigaan laga saaro dalka Soomaaliya. Warbixin ay soo saartay guddiga ka hortagga xayiraada hubka ee dalalka Soomaaliya ee Eritrea ayaa lagu sheegay in shidaal laga qodo dalka ay wiiqi karto dadaalada lagu doonayo dib u soo celinta Nabada. Gudiga ayaa tusaale u soo qaatay xidhiidhka aan wanaagsaneyn ee u dhaxeeya maamul goboleedyada iyo dowlada Dhexe oo ku kala aragti duwan heshiiska iyo hab loo Maareynayo wax soo saarka Shidaalka. Mudanayaasha baarlamaanka ayaa 20 bishii May qalinka ku duugay heshiiska wax soorka shidaalka. Balse shir ka dhacay isla horaantii bishii hore ismaamulka Puntland oo u dhaxeeyay maamul goboleedyada iyo dowlada dhexe oo la xidhiidha arintaan ayaa ku dhamaaday is faham La,aan. Inkastoo soomaaliya ay ka faa,ideysan karto dhaqaalaha shidaalka ayaa hadane gudiga xayiraada hubka ee dalalka Eritrea iyo soomaaliya waxay qabaan in ay keeni karto xasilooni darro iyo dagaal sokeeye oo ka dhaca Dalka Soomaaliya. Source

(SLT- Galkacayo)-Rag hubaysan ayaa xalay 9 qof ku dilay koonfurta Magaaladda Galkacayo ee gobolka Mudug, dilkan ayaa ka dambeeyay markii Koox ku hubaysan bastoolada ayaa xalay fiidkii ku dileen Magaaladda Cali Tahliil Cadceed oo ahaa sargaal ka tirsan Hay’adda Nabadsugidda Soomaaliya, gaar ahaan qaybta qaabilsan Galmudug. Dil wadareedkaas ka dhacay magaalada Galkacayo ayaa waxaa kaloo ku dhaawacmay laba qof oo kale. Dadka la laayay ayaa dhammaan ka soo jeeda Maamul goboleed Koonfur Galbeed ee Soomaaliya. Ciidamada amniga Galmudug ayaa bilaabay inay baadigoobaan kooxihii ka dambeeyay Dilka 9 qof Dilkan ayaa noqonaya kii labaad ee ka dhacay degaanada maamul goboleedka Galmudug, iyadoo toddobaadkii hore lagu dilay 4 qof, kuwasoo ka soo jeeda Koonfur Galbeed. Source

(SLT-Tel Aviva)-Diyaaradaha dagaalka ee Israa,iil ayaa duqeyn ka geestay magaalada Gaza ee dalka Falastiin gaar ahaan goobo ay ku tuhmayaan Ururka Xamaas. Duqeynta ayaa timid kadib markii gantaalo xoogan oo laga soo tuuray dhanka magaalada Gaza ay ku dhaceen koonfurta Israa,iil. Arintaan ayaa lagu xaqiijiyay war saxaafadeed ka soo baxay wasaarada difaaca ee xukuumada Tell Aviv. Taliska milatariga Yahuuda ayaa sheegay in ay burburiyeen dhowr saldhig oo ay ku sugnaayeen ciidanka Xamaas. Israel ayaa intaa raacisay in duqeynta ay jawaab u tahay madaafiic ku dhacday magaalada Sderot. Goobta la duqeeyay ayaa la sheegay in waqtigaas ay ka tageen arday iskuul iyo Macalimiin, wax qasaara ahna aysan geysan sida lagu xaqiijiyay war saxaafadeedka Isra,iil. Source