(SLT-Hargeysa)-Ciidammada Booliska Somaliland ayaa xabsiga dhigay agaasimahii Talefeshinka Universal ee Somaliland, Maxamed Caabi Digaale. Sida ay xaqiijiyeen qaar ka mid ah suxufiyiinta ka hawl-galaTalefeshinka Universal, agaasimaha ayay ciidanku ugu galeen xafiiskiisa xilli shaqo badan ay socotay, kadibna xabisga u dhaadhiciyey. Xarunta Hargeysa ee Universal ayaa markii ay ciidanku galayeen waxaa ku sugnaa agaasimaha iyo shaqaale kale oo shaqo maalmeedkooda caadiga ah watay. Lama oga illaa iyo hadda sababta ay ciidanka Booliiska Somaliland u xidheen agaasimaha, mana jirto faah faahin dheeraad ah oo ay ka bixiyeen xadhiggiisa. Warkan wixii ka soo kordha kala soco Somalilandtoday.com Source

(SLT- Minnesota)-Xildhibaan Ilhan Cumar oo Congress-ka Maraykanka ku metasha Minnesota ayaa dacwad furitaan ah ka gudbisay seygeeda Axmed Xirsi. Ihaan Cumar ayaa maxkamad ku taalla Minnesota u gudbisay dacwaddaasi maalintii Jimcaha ee la soo dhaafay. Ilhaan iyo Axmed ayaa waxay isguursadeen sanadkii 2000 waxayna kala tageen sanadkii 2008, waxayna dib isugu laabteen sanadkii 2018-kii. “Xidhiidhkeena guur waxa uu u burburay si aan ka soo kabasho la hayn,” sidaasi waxaa lagu sheegay dacwadda ay maxkamadda Minnesota u gudbisay Ilhan. Waxay Ilhan sheegtay inay raadinayso sharci ilaalinaya carruurta waxayna maxkamadda weydiisatay inay u ogolaato goob sharciga waafaqsan oo si wada jir ah loogu hayo saddexda carruur ah ee ay isu dhaleen. Khilaafka u dhexeeya lamaanahan ayaa waxaa dhawaan si muuqata uga hadashay warbaahinta Maraykanka. Ilhan ayaa noqotay gabadhii ugu horreysay ee Muslim Xijaab xidhan ee loo doorto Congress-ka Maraykanka. Source

Wararka naga soo gaaraya degmada Buulo-burde ee gobolka Hiiraan ayaa waxay sheegayaan in halkaasi ka taagan tahay xiisad u dhaxeysa guddoomiyahii degmadaasi ee dhowaan xilka laga qaaday iyo ku xigeenkiisii dhanka maaliyadda. Wasaaradda arrimaha gudaha ee dowlad goboleedka Hirshabelle ayaa xilka ka qaadday guddoomiyahii Buulo-burde C/casiid Daahir, waxaana xilkaasi si KMG ah loogu magacaabay inuu sii hayo guddoomiye ku xigeenka dhanka maaliyadda Liibaan Cabdi. Guddoomiye Cabdi Casiis ayaa sheegay in aanu jirin xil laga qaaday, islamarkaana aanay soo gaarin warqaddii shaqada looga joojiyey, sidaasi darteedna uu shaqadiisa sii wadan doono. Saakay ayuu ciidamo la tagay xafiiskiisa, wuxuuna bilaabay in shaqooyinkiisa uu si caadi ah u wato, halka guddoomiye ku xigeenka maaliyadda uu isna dhankiisa bilaabay qabashada shaqadii guddoomiyaha, maadaama si KMG ah isaga xilkaasi loogu magacaabay. Xaaladda ayaa ah mid kacsan, waxaana la saadaalin karin sida ay wax ku dambeyn doonaan, iyadoo degmada Buulo-burde arrintan aad looga hadalhayo. Warkaan wixii kusoo kordha kala soco wararkeena kale Goobjoog News Source: goobjoog.com

Kismaayo (Caasimada Online) – Madaxweyne ku xigeenka koowaad ee dowlad goboleedka Jubbaland, Mudane Maxamuud Sayid Aadan ayaa ka hadlay arrimo ku aadan caleema saarka Madaxweynaha dib loo doortay ee maamulkaasi, Axmed Madoobe. Sayid Aadan oo warbaahinta la hadlay ayaa sheegay in xafladda caleema saarka ay dhaceyso marka ay soo dhameystirmaan wufuuda ka qeyb galeysa munaasabadaasi. Sidoo kale wuxuu tilmaamay in cadaadiska faraha badan ee ay dowladda federaalka ku heyso Jubbaland uu ka dhalan karto kacdoon shacab, sida uu hadalka u dhigay. Hadalkan ayaa ku soo aadaya, iyadoo muddo labo jeer ah uu dib u dhac ku yimid munaasabadda caleema saarka, sababa la xariira khilaafka dowladda iyo Jubbaland. Lama oga sida uu xaalku noqon doono, iyadoo aysan jirin illaa iyo hadda wax isku soo dhowaansho oo labada dhinac ah. Khilaafkan ayaa ka soo bilowday doorashooyinkii iska soo horjeeday ee dhowaan ka dhacay Kismaayo, kuwaas oo gabi ahaanba ay ka hortimid dowladda Soomaaliya. Caasimada Online Xafiiska Kismaayo caasimada@live.com

(SLT-Washington)-Garsoore ayaa madaxweynaha Mareykanka Donald Trump ku amaray inuu waaxda dambi baadhista ee New York uu u soo gudbiyo canshuur celintiisii ee 8-ddii sannadood ee ugu dambeysay. Garsooraha ayaa diiday doodaha qareenada madaxweynaha ee ah in xasaanada guud ay ilaaliso isaga inta uu xafiiska joogo. Mr Trump waa madaxweynaha kaliya ee Mareykanka soo maray ee aanan shaacin cashuur celintiisa tan iyo sannadkii 1960-kii. Xukunkaan maxkamadda ayaa waxa uu sahlayaa baaritaanka ku saabsan lacagtii la sheegay in la siiyay labadii dumar ee sheegay inay xidhiidh la lahaayeen Mr Trump. 75-ka bog ee xukunka lagu qoray ayuu garsoore Victor Marrero ku sheegay in uusan aqbali karin “sheegasho aan xad lahayn oo ku aaddan xasaanadda madaxweynaha ee nidaamka garsoorka”. Qareenada madaxweynaha ayaa islamarkiiba dacwad racfaan ah u gudbiyay maxakamadda sare. Dhanka kale madaweynaha ayaa xukunka ka dib bartiisa Tweeter-ka soo dhigay in arrintani ay dabada ka riixayaan dacwad oogeyaasha Dimuqraadiga si madaxweyne Trump dambi loogu helo. Baadhintaanka ayaa waxa uu quseeyaa lacag uu qareenkii hore ee madxweyne Trump siiyey laba haween oo sheegay inay xidhiidh la lahaayeen Mr Trump. lacagta la sheegay in dumarkaasi la siiyay ayaanan loo soo gudbin guddiga doorashada ee federaalka. Balse su’aasha isweydiinta mudan ayaa ah lacagtaasi la bixiyay ma waxaa loogu talagalay in lagu dhowro sumacadda gaarka ah ee Mr Trump ama waxaa lagu difaacayay sharafta musharax madaxweyne. Source

(SLT- Lampedusa)-Ugu yaraan sagaal qof ayaa geeriyooday kadib markii doon ay saarnaayeen muhaajiriin ay ku degtay meel u dhow jasiiradda Lampedusa, sida ay sheegeen ciidamada ilaalada xeebaha ee Talyaaniga. 22 qof oo kale ayaa badda laga soo bad-baadiyey. Doontan siday muhaajiriinta ayaa rogmatay ayada oo doon ay leeyihiin ilaalada ay isku dayeysay inay muhaajiriinta kasoo qaado meel badda ah oo 10 km u jirta Lampedusa, sida lagu sheegay bayaan kasoo baxay Ilaada Xeebaha. Doomo iyo diyaarado qumaati u kaca oo ay leeyihiin Ciidamada Ilaada Xeebaha Talyaaniga ayaa weli raadinaya dad la la’yahay. Warbixino laga soo xigtay mas’uuliyiinta Sicily oo ay soo waceen muhaajiriinta ayaa sheegaya in qiyaastii in ka badan 50 qof ay saarnaayeen doonta. Ururo aan dowli ahayn ayaa sheegay in ku dhowaad 30 muhaajiriin ah oo ay ku jiraan sideed caruur ay suurta-gal tahay in la la’yahay. Hay’adda Qaxootiga u qaabilsan QM ee UNHCR ayaa sheegtay in in ka badan 1,000 muhaajiriin ah ay illaa iyo hadda sanadkan dhinteen, ayaga oo ka isku dayaya inay badda Meditareeniyaanka uga gudbaan Yurub. Source

(SLT-China)-Shirkadda Batroolka ee dowlada China ayaa la sheegay inay iskaga baxday heshiis Maalgashi oo ay la gashay dowlada Iran, go’aankan oo la sheegay inuu la xadhiidho cadaadiska iyo cunaqabateynta Maraykanka uu saaray wadanka Iran. Wasaarada Batroolka ee Iran ayaa xaqiijisay in Shirkada China laga leeyahay ay hore heshiis maalgashi oo gaadhaya 5 Bilyan oo dollar kula gashay wadanka Iran mashruuca balaadhinta xarumaha Gaaska laga soo saaro badda Iran. China ayaa xiligan dagaal ganacsi kula jirta Dowlada Maraykanka oo cashuur dheeraad ah kusoo rogtay qalabka ay u iibgeeyaan dalkaasi, waxaana hadda socda gorgortan u dhaxeeya Maraykanka iyo China balse aan weli lagu heshiin, waxaana loo badinayaa in go’aanka China ay uu kaga baxday Iran la xadhiidho gorgortanka ay kula jiraan Maraykanka. Source

Guddoomiyaha gobolka Banaadir, ahna duqa magaalada Muqdisho Cumar Maxamuud Maxamed (Filish) ayaa sheegay in ay ka go’an tahay maamulkiisa inuu wax ka qabto amniga, nadaafadda, canshuuraha iyo dib u dhiska. Wuxuu sheegay Filish in maamulkiisa rabo in la helo waddooyin dhisan, qurux badan, iyo dhismayaal qurux baqdan si Muqdisho usoo ceshato quruxdii waa lagu yaqaanay. Guddoomiye Cumar ayaa sheegay in sidoo kale ay la dagaallami doonaan dadka aan canshuurta bixin iyo kuwa sida xun u isticmaala waa sida uu hadalka u dhigaye. “Muqdisho oo amni ah oo qurux badan oo waddo iyo dhisme burbursan lahayn in aan gaarno oo halkaasi aado ayaan rabaa, barakacayaasha inaan maareynno ayaan rabnaa, waxaan rabnaa inaan amniga wax ka qabanno, waxaan rabnaa inaan la dagaalanno dadka canshuurta aan bixin ama sida xun u isticmaala” ayuu yiri Filish. Duqa Muqdisho ayaa waxaa sugaya wax ka qabashada arrimo u badan amniga, dib u dhiska, nadaafadda iyo arrimo kale oo muhiim u ah caasimadda Muqdisho. Goobjoog News Source: goobjoog.com

(SLT-Tel Aviva)-Wasiirka Arrimaha Dibadda ee Israa’iil ayaa sheegay inay doonayaan inay dowladaha Khaliijka la saxeexdaan heshiis aan la isku soo gardarrooneyn maadaama labada dhinac ay ka siman yihiin dagaalka lagula jiro dalka Iran. Wasiirkaan oo la kulmay Wasiirka Arrimaha Debadda ee Bahraini Sheikh Khalid bin Ahmed Al Khalifa Bishii ayaa Twitter-kiisa kusoo qoray in ujeedadka kulankaas uu ahaa sidii looga wada hadli lahaa heshiis nabadeyd oo mustaqbalka lala saxeexdo dowladaha Carabta. Dhammaan Dowladaha Carabta oo gaadhayo illaa 22 Dowladood marka laga reebo Masar iyo Jordan ma aqoonsano Israa’iil maadaama ay xoog ku heysato dhulal Carbeed oo ku yaalla dalalka Falastiin iyo Suuriya. “Maalmahaan dambe waxaan waday wadahadalo siyaasadeed oo ay maalgelineyso Dowladda Mareykanka kaasoo heshiis aan la isku soo gardaroon loola saxeexanayo Dowladaha Carabta” ayuu Twitte-rkiisa kusoo qoray Israel Katz. “Tallaabadaan taariikhiga ahi waxay soo afjari doontaa Khilaafaadka waxayna Shacabka u ogolaaneysaa Iskaashi inta laga saxeexayo heshiisyada Nabadeed” ayuu sii raaciyey. Source

Ciidamada Booliiska Somaliland ayaa lagu soo waramayaa in ay xabsiga dhigeen agaasimahii Talefeshinka Universal ee Somaliland, Maxamed Caabi Digaale. Sida ay xaqiijiyeen qaar ka mid ah suxufiyiinta ku sugan Hargeysa, agaasimaha ayeey ciidanku ugu galeen xafiiskiisa xilli shaqo badan ay socotay, kadibna xabisga u dhaadhiciyey. Xarunta Hargeysa ee Universal ayaa markii ay ciidanku galayeen waxaa ku sugnaa agaasimaha iyo shaqaale kale oo shaqo maalmeedkooda caadiga ah watay. Lama oga illaa iyo hadda sababta ay ciidanka Booliiska Somaliland u xireen agaasimaha, mana jirto faah faahin dheeraad ah oo ay ka bixiyeen xariggiisa. Warkaan wixii kusoo kordha kala soco wararkeena kale Goobjoog News Source: goobjoog.com

Wasiirka arrimaha ee HirShabelle, Maxamed Cali (Caadle) ayaa xilka qaadis ku sameeyey guddoomiyaha degmada Buulo-Burte ee gobolka Hiiraan, C/casiis Duurow. Wareegto ka soo baxday xafiiska wasiir Caadle ayaa lagu sheegay in xilkaasi uu si KMG ah u heyn doonto, Liibaan Cabdi Nuur (Burisow) oo ahaa ku-xigeenka Maaliyadda degmadaasi. Halkan hoose ka akhriso: View the full article

Dowladda Germany ayaa sheegtay inay Soomaaliya siineyso $73 million oo taageere dhaqaale ah iyadoo ballanqaadday inay xoojineyso xiriirka u dhaxeeya labada dal. Ambassador Annett Gunther ayaa ballanqaadkan jeedisay xilli uu ka qeybgalayey xaflad Muqdisho ka dhacday oo lagu xusayey maalinta midnimada ee Jarmalka taasoo uu sidoo kale kasoo qeybgalay ra’iisul-wasaare Kheyrre. “Innagoo ku taageereynna Soomaaliya waddada ay hayso, Germany waxay sare u qaadeysaa taageerada horumarineed iyo iskaashiga waxayna dowladda Jarmalku ku deeqeysaa Soomaaliya $73 million labada sano ee soo socota,” ayey tiri Gunther. “Kordhintan oo sida mideysan la isugu raacay waxay xoojineysaa kobaca, xirfadaha horumarineed oo loo sii-marayo tababarro ku saabsan farsamooyinka gacanta iyo xirfadaha waxbarasho, Germany waxay ahmiyad siineysaa horumarinta reer miyiga, beeraha iyo maareynta biyaha,” ayey tiri Ambassador Gunther. Sidoo kale waxaa dhankooda ka hadlay munaasabadda Guddoomiyaha Aqalka Sare, Wasiirka Arrimaha Dibadda iyo xubno kale oo ka tirsan dowladda Soomaaliya. Gunther waxay xustay in taageeradan muhiimka ah ee ay Germany siineyso Soomaaliya ay ku sharfeyso horumarka ay sameeyeen dadka Soomaaliyeed. “Ujeedku wuxuu yahay in la taageero joogteynta dariiqa fiican ee ay Soomaaliya qaadday sannadihii dambe,” ayey tiri Gunther. Xafladdan oo ka dhacday xarunta Midowga Yurub ee Soomaaliya ayaa lagu xusayey 29 guuradii kasoo wareegtay dib u midowgii Jarmalka oo ku beegan 3, Oct 1990. Goobjoog News Source: goobjoog.com

Maanta oo Talaado ah ayaa lagu wadaa in magaalada Baydhabo ee gobolka Baay uu ka furmo Kalfadhiga 5-aad ee baarlamaanka maamulka Koonfur Galbeed. Waxaa socota qaban qaabada munaasabadda lagu furayo Kalfadhigan, waxaana ka qeybgali doona guddoomiyaha golaha shacabka Maxamed Mursal Sheekh C/raxmaan iyo guddoomiyaha baarlamaanka dalka Jabuuti Maxamed Cali Xaamud, kuwaasi oo shalay gaaray Baydhabo. Mas’uuliyiintan ayaa lagu wadaa in halkaasi ay ka jeediyaan khudbado ay kaga hadlaya shaqooyinka baarlamaanka iyo waajibaadka xildhibaanka. Ammaanka magaalada Baydhabo ayaa ah mid aad loo adkeeyey, waxaana magaalada lagu arkayaa ciidamo aad u badan. Warkaan wixii kusoo kordha kala soco wararkeena kale Goobjoog News Source: goobjoog.com

Muqdisho (Caasimada Online) – Warar dheeraad ah ayaa ka soo baxaya dil saaka askari ka tirsanaa ciidamada dowladda loogu geystay magaalada Muqdisho. Dilka askariga oo ahaa mid qorsheysan, islamarkaana ay fuliyeen rag hubeysan ayaa si gaar ah uga dhacay gudaha degmada Wadajir ee gobolka Banaadir. Ilo deegaanka ah aya Caasimada Online u sheegay in xilliga la dilay Marxuumka uu ka soo baxayey gurigiisa, kuna sii jeeday goobtiisa shaqo. Wararka ayaa sheegaya in askariga la toogtay uu ka mid ahaa ciidanka Xoogga dalka, iyadoona kooxdii dishay ay si aayar ah goobta uga baxsatay. Sidoo kale wararka ayaa intaasi ku daraya in dilka kadib ay goobta tageen ciidamada Booliska, kuwaas oo Meydka ka qaaday halkaasi. Weli ma jiro wax hadal ah oo ka soo baxay laamaha ammaanka, mana jirto cid sheegtay masuuliyadda dilkan, balse Al-Shabaab ayaa sheegata dilalka ka dhanka ah Askarta. Toogashadan ayaa ku soo aadeysay, iyadoo muddooyinkii dambe dowladda Soomaaliya ay xoojisay howlgallada ka socda xaafadaha magaalada Muqdisho. Caasimada Online Xafiiska Muqdisho caasimada@live.com

(SLT-Washington)-Ciidanka Mareykanka ee ku sugan waqooyiga Suuriya ayaa bilaabaya in ay iskaga baxaan deegaanada ay ku sugan yihiin xilli Millatariga Turkiga uu isku diyaarinayo howlgal ka dhan ah kooxda Kurdida iyo dagaalyahanada Kale. Washington ciidankeeda ma taageeri doono howlgalka Turkiga ee ka dhan ka ah kurdida, waxaana sida ugu dhaqsiyaha badan uga soo saari doonaa gobolka Idlib, sidaasi waxaa sheegtay xoghayaha dhanka warfaafinta aqalka cad Stephanie Grisham. Balse ma cada waqtiga rasmiga ah ee Mareykanka ugu danbeyn ciidankiisa uu kala bixi doono waqooyiga suuriya kuwaasi oo tiradoodu ay tahay, 1,000 Askari. Ms Stephanie ayaa intaa raacisay in Turkiga uu bilaabay dhaq-dhaqaaq ku aadan howlgalada milatari ee gobolka Idlib. Afhayeenka aqalka cad ayaa ugu danbeyn sheegtay in Isniinta maanta ah ay ciidankooda ka baxeen laba saldhigyada Tel Cabyad iyo Ras Al-Ceyn oo u dhow xadka Turkiga. Xukuumadaha Ankara iyo Washington ayaa isku khilaafsan dagaalka ka dhanka ah Kurdida waxaana Mareykanka uu ugu hanjabay Turkiga in cunaqabateyn dhaqaale uu ku soo rogi doono hadii Turkiga uu weeraro Dagaalyahanadan. Source

Madaxweyne ku xigeenka Koowaad ee dowlad goboleedka Jubbaland, Maxamuud Sayid Aadan ayaa ugu baaqay dowladda federaalka Soomaaliya in si shuruud la’aan ah kusii deyso wasiirka wasaaradda amniga maamulkaasi, C/rashiid Janan oo ku xiran magaalada Muqdisho. Waxa uu sheegay Sayid Aadan in Jubbaland ay leedahay maxkamado kala sarreeya, cid walbo oo Jubbaland ah misane wax tabaneysa ay ka dacwoon karto. Sidoo kale, madaxweyne ku xigeenka Jubbaland ayaa sheegay in haddii dowladda federaalka aanay soo deyn Wasiir Janan ay ka dhalan karto kala qeybsanaan, niyad xumo iyo sidoo kale cawaaqib xumo, waa sida uu hadalka u dhigaye. “Jubbaland waa State ay hay’adihii garsoorka dhan ay u dhan yihiin, maxkamado leh, ciida reer Jubbaland ee waxtabaneysa haddii ay jirto waxay xaq u leeyihiin in maxkamada Jubbaland ka dacwoodaan, taas oo maalin walbo ay dhacdo..haddii ay jirto cid cabasho qabto waxaa haboon in maxkamadaha Jubbaland ka dacwoodaan, dowladda Federaalka ay wasiirka iyo mas’uulka kale ee halkaasi ku hayaan xorriyaddooda iyo sharaftooda dib usoo celiyaan, niyad xumo ayaa ka imaaneysa, kala qeybsanaan baa ka imaaneysa, cawaaqib xun baa ka dhalanaya” 6-dii bishan, maxkamadda gobolka Banaadir ayaa waxaa la horkeenay wasiir Janan oo la sheegay in loo haysto dilal ka dhacay gobolka Gedo. Goobjoog News Source: goobjoog.com

Wararka naga soo soo gaaraya degmada Wadajir ee gobolka Banaadir ayaa sheegaya in saaka gudaha degmadaasi lagu dilay askari ka tirsanaa ciidamada dowladda Soomaaliya. Askariga ayaa la toogtay xilli uu ka soo baxayey hoygiisa, islamarkaana ku sii jeeday goobtiisa shaqo. Sidoo kale wararka ayaa intaasi ku daraya in raggii ka dambeeyey dilkaasi ay durbo goobta isaga baxsadeen. Ciidamo ka tirsan kuwa ammaanka ayaa gaaray meesha ay wax ka dhaceen , kuwaas oo baaritaano kooban ka sameeyey halkaasi. Dhinaca kale waxaa xalay degmada Wadajir ka dhacay qarax xoogan, kaas oo la sheegay in gaarigiisa loogu xiray nin ganacsade ahaa, sida ay xaqiijiyeen goobjoogayaal. Qaraxa oo ka dhacay agagaarka saldhigga degmadaasi ayaanan geysan wax khasaare ah, marka laga reebo burbur xoogan oo soo gaaray gaariga. Muddooyinkii dambe ayaa waxaa gudaha magaalada Muqdisho ka dhacayey falal liddi ku ah nabad galyada, sida qaraxyo nooca miinada ah iyo dilal qorsheysan intaba. View the full article

Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre, ayaa daah-furay isku xirka nidaamka maaliyadda ee Wasaaradda maaliyadda (SFMIS) iyo nidaamka casriga ah ee maamulka lacagaha Bangiga dhexe ee dalka, (Core Banking system) oo ka qayb qaadanaya daah-furnaanta, la dagaallanka musuqa iyo fududeynta wada-shaqeynta bahda maaliyadda dalka. Mudane Xasan Cali Khayre oo wasaaradda maaliyadda iyo bangiga dhexe ugu hambalyeeyay nimaadkaan cusub oo qayb ka ah tallaabooyinka dhiirri gelinaya dadka Soomaaliyeed oo dhan ee qaybta ka qaadanaya horumarka, ayaa sheegay in wax wanaagsan ay tahay in la soo dhaweeyo wax walba oo xoojinaya ammaanda iyo qaranimada Ra’iisul Wasaaraha ayaa ku dhiirri geliyay wasiirka maaliyadda iyo guddoomiyaha bangiga dhexe in laga sii shaqeeyo sidii nidaamka loogu faafin lahaa dhammaan hey’adaha dowladeed ee dalka, maadaama horumarku uu ku xiranyahay sida loo wada shaqeeyo. Horumarinta hanananka maaliyadeed ee dalka ayaa qayb ka ah himilooyinka tubta horumarinta dhaqaalaha dalka oo kamid ah afarta tub qaran ee lagu saleeyay shaqooyinka dowladda. View the full article

Muqdisho (SMN) – Halkaan ka Dhageyso Warka Subax ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/10/Warka-Subax-8102019.mp3 View the full article

Beledweyne (Caasimada Online) – Guddoomiyaha degmada Buulo-Burte ee gobolka Hiiraan, Mudane Cabdicasiis Cabdullaahi Cabdi (Duurow) ayaa ka horyimid xilka qaadis uu xalay ka sameeyey wasiirka wasaaradda arrimaha gudaha ee maamulka HirShabelle. Duurow oo la hadlay warbaahinta ayaa sheegay in aysan weli soo gaarin Digreeto xilka looga qaaday, sidoo kalena uusan jirin mas’uul ku soo wargeliyey arrintaasi. Waxaa kale oo uu guddoomiyuhu beeniyey in ciidamo gaar ah oo isaga ka amar qaata ay la wareegeen xarunta maamulka degmadaasi. “Anigoo ah guddomiyaha degmada Biulo-Burte Cabdicasiis Cabdullaahi Cabdi (Duurow) waxaan cadeynaa in eysan isogaarin waraqda la shegay islamarkaana aysan isoo sheegin madaxda isoo magacaawday, sidookale waxaan halkaan ku beeninayaa wararka been abuurka ah oo la leeyahay guddoomiyaha ciidamo taabacsan ayaa la wareegay degmada, waxaan aaminsanahay nidaamka dowladnimo oo aan shalay ku imid, isla nidaamkas aan ku baxo una hoggaansamo nidaamka dowladnimo.”ayuu yiri Duurow. Khilaafka ka taagan Buulo-Burte oo maalmahan taagnaa ayaa ka dhashay dhismaha golaha deegaanka oo ay si weyn uga horyimideen waxgaradka degmadaasi. Caasimada Online Xafiiska Beledweyne caasimada@live.com

Mareeyihii dekeda dalka Djabouti Sacad Omar Geelle oo ahaa ganacsade weyn oo ay walaalo ahaayeen madaxweynaha dalka Jibuuti, Ismaaciil Cumar Geelle ayaa ku geeriyooday dalka faransiiska. Lama sheegin waxa uu u dhintay. Sanadkii 2011, Sacad Cumar Geelle ayaa loo magacaabay Agaasimaha Guud ee dekeda Jabuuti ka dib markii Dekeda Jabuuti iyo shirkad laga leeyahay dalka China oo la yiraahdo CHMI heshiis ku gaareen in ay wadajir u maamulan Dekeda Jabuuti. Allaha unaxariistee, Sacad Omar Geele, waxaa uu kamid ahaa dadka ugu saameynta badan qoyska reer Cumar Geelle. Waxaa uu sidoo kale madax ka ahaa shirkado waaweyn oo kuyaala dalka Jibuuiti oo qaabilsan wax dhoofinta iyo wax soo dajinta. (Import and Export) Shirkada DP world oo horey usoo maamushay dekeda Jibuuti, ayaa Sacad Cumar Geelle, sanadkii 2004 u qaadatay agaasime farsamo,. Puntland Post The post Agaasimihii dekeda Jibuuti lana dhashay madaxweyne Ismaaciil Cumar Geelle oo geeriyooday appeared first on Puntland Post.

SEATTLE — Ethiopian Airlines’ former chief engineer says in a whistleblower complaint filed with regulators that the carrier went into the maintenance records on a Boeing 737 Max jet a day after it crashed this year, Source: Hiiraan Online

Kismaayo (Caasimada Online) – Ciidamo ka tirsan Milateriga dalka Itoobiya ee qaybta ka ah AMISOM ayaa la sheegay in ay la wareegeen amaanka Xildhibaan Cabdirashiid Maxamed Xidig iyo Cabdinaasir Seeraar Maax oo labadooduba sheegtay in ay yihiin madaxweynaha maamulka Jubbaland kadib doorashooyin is diidan oo ka dhacay Kismaayo. Xildhibaano ka tirsan Golaha Is-beddel doonka Jubbaland ee ku sugan Kismaayo ayaa Caasimada Online u xaqiijiyay in labadan masuul, Xildhibaano iyo odayaal ka tirsan garabka Xidig iyo Seeraar ay amaankooda la wareegeen Ciidamada Itoobiya ee ku sugan Kismaayo. “Amaankayna waxaa masuuliyadiisa qaatay ciidamada AMISOM, gaar ahaan kuwa Itoobiya ee ku sugan Kismaayo waxaana arintaan ay timid kadib markii ay nasoo food-saartay cabsi iyo hanjabaadyo joogto ah” ayuu yiri Xildhibaan ka tirsan xubnihii doortay Xildhibaan Cabdirashiid Maxamed Xidig oo sheegtay in uu yahay madaxweynaha Jubbaland. Dhinaca kale, ciidamada Itoobiya ayaa ku guuleestay in maamulka Jubbaland ay ka soo daayaan qaar yar oo kamid ah siyaasiin tiro badan oo u xiran maamulka Jubbaland, kuwaas oo la sheegay in ay qayb wayn ka ahaayeen xoogaga is-beddel doonka Jubbaland. Ciidamada Itoobiya ayaa u ballan qaaday Seeraar iyo Xidig in ay xaqiijin doonaan amaankooda iyaga iyo inta kale ee ka tirsan dhaq dhaqaaqa siyaasadeed ee looga soo horjeedo madaxweyne Axmed Maxamed Islaam Madoobe. Caasimada Online Xafiiska Kismaayo caasimada@live.com

The split follows allegations from August that Omar was having an affair with a political consultant, Timothy Mynett, who has worked for the congresswoman’s campaign. Source: Hiiraan Online

TORONTO — The leading candidate to replace Justin Trudeau as Canada’s prime minister attacked him Monday during the second debate of the campaign, calling him a phony and fraud who can’t even recall how often he’s worn blackface. Source: Hiiraan Online