Gudoomiyaha xisbiga Mucaaridka ah ee Waddani Md.Cabdiraxmaan Maxamed Cabdilaahi Cirro oo muddo laba todobaad ah dalka kaga maqnaa safar dibada ah ayaa saaka dalka dib ugu soo laabtey Soo laabashada gudoomiyaha ayaa waxaa ay ku soo beegantay xili xisbiyada mucaaridka iyo xukuumadu aaney wax heshiis ah ka gaadhin arimaha doorashooyinka kadib mooshinkii ay baarlamaanku laaleen Waxaana la filayaa in kulmo fool ka fool ah ay maalmaha soo socda yeelan doonan labada xisbi mucaarid ee Waddani iyo UCID Qaran News

Cabdullahi Maxamed Cali (Sanbalolshe) ayaa faahfaahin dheeri ah ka bixiyey wareysigii xiisadda dhaliyey ee uu siiyey Telefishinka Dalsan TV. Halkaan hoose ka akhriso qoraalka uu soo qoray Sanbaloolshe Asc dhaamaan aqyaarta halkaan ku jirta. Waxaan rabaa in halkaan ka sameeyo point of clarification oo ku saabsan wareysi aan siiyay Dalsan TV oo abuuray buuq iyo qilaaf fara badan guud ahaan Soomaalida dhexdeeda gaar ahaan baraha bulshada. Waxaan cadeynayaa in aan ku hadleynin magac Xisbi iyo mid qolo kale toona. Waxaan cabiraayey fikirkeyg shaqsiga oo kaliya. Waxaan ka xumahay in dad badan oo Soomaaliyeed ay dhibsadaan hadalkeyga. Waxaan rabaa in aan xaqiijiyo in aanan waligey qof Soomaaliyeed qabyaalad ku dhibaateyn. Humaaga iyo sawirka aan ka heystana ma ahan mid fiican oo waxaan ku faani karaa oo aan hubaa in aan ahay qof leh niyad fiican oo Soomalinimo ka buuxdo. Waxaan rabaa in aan cadeeyo in dhamaan qabaa-ilka Soomaaliyeed aan u haayo ixtiraam iyo kalsooni weyn. Marnaba ma rabo in la ii fahmo in aan xurmo daro iyo xaqiraad ku sameeynayo qabiil Soomaaliyeed. Waxaad dhamaantiin xasuusataan doorashadii 2017 markii dowlada Ethiopia laheyd hala doorto kaliya qof ka socda qabiil hebel mowqifkii aan qaatay oo ahaa mid ka dhan ah beesha aan ka soo jeedo. Waan hubaa in Dad badan oo maanta warkeyga wax ka sheegaya ay maalintaas aa-musnaayeen. Malaha ayaga ayaa faa’iido ku qabay. Sababta aan go’aankaas u qaatayna waxa ay aheyd in aan loo kala tegin oo loo helo dad wax isku cesha. Ayada oo taasi jirto hadana ma fiicana mana ahan in aan iska indha tirno xaqiiqda nagu xeeran oo ah in uu jiro umada kasta ra-yi hogaan u ah oo micneheedo yahay in Soomalidu qabyaaladeysantahay. Anigu waxa aan la hadlaayey dadka ka soo jeeda constituencygeyga mana garan karaan mana dareemi karaan waxa iga guuxaya aniga oo aamusan. Waxaan kaliya oo aan tusaaleynayey in dhibku ku soo haray deegaanadooda oo ilaa xad deegaanada kale ee Soomaaliyeed hagaageen amaan ahaan iyo maamul ahaanba ayna tahay in ay boorka iska jafaan. Waa hubaa taas in Soomalida kale dani ugu jirto. Waxaan jecelahay nolosheeda in aan arko Soomaaliya oo wanaagsan oo leh dad isku qanacsan iskuna tanaasula. Ma rabo in la ii arko qof raja beel abuuraya laakiin hadana waa in aan ogaanaa in umadaha guuleystay aysan aheyn kuwo is maaweeliya ee waxa ay aqbalaan in ay wajahaan isla markaasna ka hadlaan dhibta hortaala taas oo aan iska hadal iyo afka oo malab la marsado lagu bedeli karin. Anigu waxaan aamisanaha in aan ahey qof ku qanacsan qofnimadiisa oo aqbali kara qaladkiisa ma qaldame waa ilaahay. Ma ahi qof waxayaabaha qaarkood ay saameyn ku yeeshan sida dacaayada iyo cadaadis la saaray. Laakiin waan aaminsanahay in ay muhiim tahay in la gar qaato. Gabagabadii waan aamisanahay in uu qabiilku wax xun yahay laakiin ma yeelayo in dadka ay dhahaan ama u dhaqmaan sida I n qabiilkoodo qaran yahay kan dadka kalena qurun yahay. Reer habelow ha yeelina in la idin dhaho qabiilkiina aasa kuwa kalana ha la xoojiyo. Kuligeyn aan isku kaashano in aan dhisno Soomaliya oo mid ah oo aan dhamaanteen ku nasano kuna helno nolol diiran oo aan la heyn dhibaato. Waa hubaa in aan himiladaas quruxda badan gaari karno. Dabeeciyan ma ahi qof qucdad qaba sidaa daraadeed ha I cafiso dhamaan intii hadalkeyga dhibsatay ana waan cafiyey intii wax na kala gaareen. Qabiil ma fiicna laakiin inta laga wada tagaayo kaaga ha ka tegin oo yaan la idin gaadin qaraabo. Soomaaliya ha ka guuleysato dhamaanteed. Mogadishu Clan ha guuleysto aamin wada dhaha Waa walaalkiin Cabdullahi Maxamed Cali (Sanbalolshe). HOOS KA DAAWO

Ra’iisul wasaaraha xukuumadda federalka ah ee Soomaaliya Mudane Xasan Cali Khayre ayaa ku wajahan magaalada Baydhabo ee xarunta kumeel gaar ka ah ee dowlad goboleedka Koonfur Galbeed Soomaaliya. Diyaar garawga soo dhoweynta ra’iisul wasaaraha xukuumadda Soomaaliya ayaa waxaa laga dareemayaa waddooyinka iyo guud ahaan magaalada oo la suray boorar lagu xardhay hal kudhigyo iyo sawirrada Khayre. Mudada uu joogo magaalada Baydhabo ayaa waxaa lafilayaa inuu kulamo la qaadan doono madaxda dowlad goboleeda Koonfur Galbeed iyo qaybaha kala duwan ee bulshada rayidka ah. Khayre ayaa gelinkii dambe ee shalay lagu soo dhoweeyey magaalada Dhuusamreeb ee xarunta maamulka Galmudug oo uu kula kulmay madaxda Galmudug, Ahlusuna iyo qaybaha kala duwan ee bulshada. PUNTLANDPOST The post Qaban qaabo ka socota magaalada Baydhabo iyo ra’iisul wasaare Khayre oo ku wajahan. appeared first on Puntland Post.

Madaxweyne Ku-xigeenka Dowladda Puntland, Ahna Ku-simaha Madaxweynaha Mudane Axmed Cilmi Cismaan Karaash ayaa xarunta cilmi baadhista Puntland PDRC kaga qayb galay xuska sanad guurada 25-aad ee shirweynaha caalamiga ah ee Dadka iyo Horumarka. Xuska Sanad Guurada 25-aad ee Shirweynaha Caalamiga Ah ee Dadka iyo Horumarka ayaa loo asteeyey in sanadkiiba maalintan oo kale la qabto, waxaa ay salka ku haysaa horumarinta dadka ee arrimaha waxbarashada,caafimaadka, xuquuqda, naas-nuujinta, la-dagaalanka tacadiyada, sida Kufsiga iyo Gudniinka Fircooniga ah iyo yaraynta dhimashada la xidhiidhta Dhalmada ( Ummul Arooridda iyo Nafaqo darida xilliga uurka). Ku-simaha Madaxweynaha oo ka hadlay muhiimadda ay leedahay maalintani ayaa tilmamay inay tahay maalin muhiim ah maadaama ay ku astaysan tahay maalinta Dadka iyo Horumarka ee arrimaha Waxbarashada Caafimaadka, xuquuqda iyo suurinta tacadiyada soojireenka ah, Madaxweyne ku-xigeenka ayaa tilmaamay in hablaha Soomaaliyeed laf-dhabar u yihiin bulshadooda, ayna mudan yihiin in laga fekero mustaqbalkooda. Madaxweyne Ku-xigeenka Dowladda Puntland, Ahna Ku-simaha Madaxweynaha Mudane Axmed Cilmi Cismaan Karaash ayaa xusay in Dowladda Puntland muhiimad gaar ah siiso kobcinta arrimaha haweenka, waxaana uu beesha caalamka kubooriyey in ay qayb ka noqdaan dedaalka arrimahaasi ee ka hortagga tacadiga dumarka, waxbarashadooda iyo caafimaadkoodaba, Madaxweyne Karaash waxaa uu tilmaamay in tacadiga dumarka, gaar ahaan Kufsigu ka sii-xagjiro dhagar-qabayaasha Al-shabaab iyo kuwa la halmaala. Xuska maalintani muhiim ka ah ayaa waxaa soo qaban qaabiyey Wasaaradda Qorshaynta Horumarinta Dhaqaalaha iyo Iskaashiga Caalamiga ah, waxaana Ku-simaha Madaxweynaha kala qayb galay Masuuliyiin ka tirsan Goleyaasha Dowladda Puntland, Xubin ka tirsan Golaha Shacabka DFS, madaxda hay’addaha UN-ka, ururada bulshada rayid ka ah, siyaasiyiin, saraakiil ka tirsan Madaxtooyada Dowladda Puntland iyo masuuliyiin kale. The post Madaxweyne ku-xigeenka Puntland taageeray horumarinta adeegyada horumarinta dadka. appeared first on Puntland Post.

Dowladda Federaalka ee Soomaaliya ayaa shaacisay inay xabsiga dhigtay Cabdirashiid Janan, wasiirka amninga ee Jubaland. Dowladdu waxay sheegtay in Cabdirashiid Janan loo haysto “dambiyo culus” oo uu galay. Kuxigeenka taliyaha booliska ee Soomaaliya, Sareeye-guutoZakiya Xuseen, waxay barteeda Twitter-ka soo dhigtay: “Ciidanka Boliiska Soomaliyeed ayaa taariikhdu markay ahayd 31/08/2019 soo xiray eedeeysane Cabdirashiid Xassan Nuur ‘Janan’ kaasoo ku eedaysan dambiyo culus.” Dowladda wali ma bixinin faafaahin ku saabsan in maxkmad la soo taagi doono Janan iyo In kale. Soo shaacbixii Janan Bartamihii sagaashameeyadii ayuu isagoo da’yar waxa uu ku biiray ururkii Al-Itixaad ee gobolka Gedo kaas oo waqtigaas la dagaallamayay ciidammada Itoobiya ee gacanta siinayay kuwii ururkii SNF ee la wareegay degmooyiinka Baledxaawo, Doolow iyo Luuq ee gobolkaasi. Muddo ka dib, markii laga adkaaday ururka Al-Itixaad, Cabdirashiid Xasan Cabdinuur (Janan) wuxuu dhexdhexaadin ka dib, uu dib ugu laabtay magaalada Doolow ee Soomaaliya halkaas oo uu ka talin jiray maamul gacan saar la lahaa dowladda Itoobiya. Waa halka uu ka helay fursaddiisa maamul. Waxaa muddo yar ka dib loo magacaabay gudoomiyaha degmada Doolow, taasna waxay u sahashay inuu udub dhexaad u noqdo siyaasadda gobolka Gedo oo intiisa badan ay gacanta ku hayeen ciidammada Itoobiya. Mudadii uu maamulayay magaalada wuxuu wax badan ka qabtay ammaanka iyo in xarun uu degmada uga dhigay hay’adaha samafalka ee ka shaqeeya Koonfurta Soomaaliya taas oo fursado shaqo u abuurtay dhalinyarada deegaankaasi. Dagaallada uu ka qeybgalay Cabdirashiid Janan waxaa la sheegaa inuu dagaallo kala duwan ka qeybgalay. Sagaashameeyadii wuxuu ka mid ahaa dhalinyaradii u dagaalami jirtay ururka Al-Itixaad ee ka soo horjeeday ciidammadii Itoobiya ee Gedo soo galay, kaas oo uu ka soo helay khibraddiisa dagaal walow aanan la ogayn tirada dagaallada uu waqtigaas galay. Markii uu noqday gudoomiyaha degmada Doolow, waxa uu bilaabay inuu abaabulo ciidamo isaga ka amar qaata oo daacad u ah kuwaas oo ay u tababareen una qalabeeyeen ciidammada Itoobiya. Dagaalladii ugu cuslaana wuxuu la galay ururka Al-Shabaab oo muddadaas haystay inta badan degmooyinka gobolka Gedo. Hasayeeshee Cabdirashiid Janan wuxuu ku dhaawacmay mid ka mid ah dagaalladii uu la galay ururka Al-Shabaab. Waxaa la sheegaa in dagaalkaasi uu Shabaab iyo ciidammadiisa ku dhexmaray inta u dhaxaysa magaalooyinka Luuq iyo Garbahaarey. Tacaddiyada lagu eedeeyay Cabdirashiid Janan dadka dhaleeceeya waxa ay ku eedeeyaan inuu gacan bir ah ku qabto dadka maamulkiisa ka soo horjeesta amaba su’aal galiya sida uu wax u maamulo. Waxaa lagu eedeeyay inuu gaystay tacaddiyo ka dhan ah aadaha; waxaa ka mid “in uu dilay dad maxaabiis ahaa oo u xirnaa maamulkiisa”, sida ay sheegeen hay’adaha u dooda xuquuqda aadanaha. Hay’ad u doodda xuquuqda aadanaha ayaa sheegtay in wasiirka amniga Jubbaland ay tahay “in uu gurto miraha cadaaladda ee ay helaan dadkii uu dhibaatada u geystay”. Hay’adda Amnesty International oo u dooda xuquuqda aadanaha ayaa sheegtay in Cabdirashiid Janan “looga shakisan yahay in uu masuul ka ahaa dembiyo ka dhan ah shuruucda caalamiga ah iyo xadgudubyo halis ah oo ka dhan ah xuquuqda aadanaha”. “Waxaa ka mid ah carqaladeynta kaalmada bini-aadamnimo,” ayuu yiri Agaasime ku xigeenka hay’adda Amnesty International ee Bariga Afrika, Seif Magango. “Xarigga Cabdirashid Janan waa tallaabo muhiim u ah isla xisaabtanka la xiriira xadgudubyada xuquuqda aadanaha ee muddada sanadaha ah la geysanayay iyadoo ciqaab aysan marin kuwii ka dambeeyay ee ah dadka awoodda leh ee Soomaaliya”, ayuu yiri Seif Magango. “Baaritaanka iyo maxkamadeynta Cabdirashiid Janan waa in ay horseedaan xilli ay cadaalad helaan dadka dhibanayaasha ah ee xuquuqdooda aadanaha lagu tuntay iyo qoysaskooda ku sugan Soomaaliya”, ayuu hadalka ku sii daray. Waxaa sidoo kale lagu eedeeyay inuu xiray uuna musaafuriyay qaar ka mid ah dad ku noolaa magaalooyiinka uu ka taliyay ee maamulkiisa uu gaaray. Eedahaas waxaa ka mid ah dagaal bartimihii sannadkii 2016 ka dhacay magaalada Baledxaawo halkaas oo lagu dilay laba qof iyo lix kalana lagu dhaawacay ka dib markii “ciidammada Jubaland ay weerrareen maleeshiyo ay sheegeen inay isku uruursanayeen magaalada”. Hay’adda dabagalka ee Qaramada Midoobey u qaabilsan Soomaaliya iyo Eritrea ayaa warbixinnadoodii 2016 iyo 2017 ku eedeeyay Cabdirashiid Janan “Xadgudubyo halis ku ah xuquuqda aadanaha”. Sidoo kale waxay la xiriiriyeen “Abaabullidda carqaladeyn ka dhan ahayd kaalmada bini-aadamnimo” muddadii u dhexeysay 2014 iyo 2017. Waxaa ka sii horraysay eed aheyd inuu si bareer ah u toogtay oo maydkoodana uu bannaanka ku tuur afar qof oo haweeney ay ka mid aheyd oo ku jiray xabsiga degmada Doolow, sida lagu sheegay warbixin ay soo saartay kooxda dabagalka ee Qaramada Midoobay ee Soomaaliya iyo Eretria. Dhammaan eedahaasi Cabdirashiid Janan gaashaanka ayuu u daruuray wuxuuna sheegay inay warar aan jirin buunbuubinayaan dadka diiddan sida wanaagsan ee uu wax u maamulo, inta badanna dadka deegaannada uu ka taliyana ay isaga taageersan yihiin. Shilkii gaari Cabdirashiid Janan, bilowgii sannadkii 2015-kii, wuxuu dalka Itoobiya ku galay shil gaari. Dhaawac culus ayaa shilkaasi ka soo gaaray waxaana markii hore lagu dabiibay isbitaal ku yaalla dalka Itoobiya markii dambana dibadda ayaa loo sii qaaday. Shilkaas wuxuu saameeyay caafimaadkiisa. Cabdirashiid Xasan Cabdinuur waxaa wajigiisa ka muuqda raadka qalliinnadii lagu sameeyay intii lala tacaalayay. Muddo ayuu ka maqnaa xafiiska awoodda badan ee uu ka hayay maamulka Jubbaland ee ah wasiirka amniga. Shaacinta dilkii Dulyadayn Bartamihii bishii June ee sannadkii 2016, wasiirka amniga Jubaland Cabdirashiid Janan oo magaalada Kismaayo kula hadlay wariyayaasha, ayaa xaqiijiyay in ragga la dilay uu ku jiro Maxamed Maxamuud Cali (Dulyadeyn), iyo ciidan tiradoodu uu ku sheegay 16 oo 4 ay saraakiil Al-Shabaab yihiin. Saraakiisha kale ayuu magacyadoodu ku sheegay Farxaan iyo Macalin Isxaaq oo “qaraxyada Kismaayo u qaabilsanaa” ururka. Maxamed Maxamuud Cali (Dulyadeyn) ayey dowladda Soomaliya u haysatay weeraro badan oo dad ku dhinteen, halka dowladda Kenya ay ku eedeysay weerarkii jaamacadda Gaarisa oo ay ku dhinteen ku dhowaad 150 qof. Xigasho: BBC Somali

Dhowaan waxay Soomaaliland shaacisay in ay diideen mashruuca ay Soomaaliya ugu deeqeen Midowga Yurub ee lagu dayac tirayo wadada Berbera iyagoo ka duulaya inay yihiin [...] Source

Buulo-burte (SMN) – Ciidamada dowladda Soomaaliya ayaa maanta howlgallo Milatari ka wada qeybo ka mid ah gobolka Hiiraan ee bartamaha Soomaaliya. Dhaq dhaqaaqyada oo ah kuwa balaaran ayaa waxa ay ka socdaan agagaarka degmooyinka Jalalaqsi iyo Buulo-burte ee gobolkaasi. Saraakiisha ciidamada Xoogga dalka ayaa sheegay in u jeeedka howlgalladan uu yahay mid lagu baadi goobayo dagaalyahanno ka tirsan Al-Shabaab oo weeraro ka fuliyey halkaasi. Xalay iyo shalay gelinkii dambey ayaa waxa ay weeraro kala duwan ka dhaceen qeybo ka mid ah magaalooyinka Jalalaqsi iyo Buulo-burte ee gobolka Hiiraan. View the full article

Dhuusamareeb (SMN) – Ra’iisul wasaaraha xukuumadda Soomaaliya, Mudane Xasan Cali Khayre ayaa maanta la kulmay guddoomiyaha guud ee Ahlu Sunna Waljamaaca, Macalin Maxamuud iyo madaxa xukuumadda Galmudug Sheekh Maxamed Shaakir Cali Xasan. Kulanka oo ahaa mid xasaasi ah ayaa waxaa looga hadlay doorashooyinka maamulkaasi iyo shirka dib u heshiisiinta oo beri ka furmaya magaalada Dhuusamareeb. Ra’iisul wasaare Khayre ayaa ka dalbaday hoggaanka Ahlu Sunna inay gacan ka geystaan dadaaladda loogu jiro dhismaha Galmudug oo loo dhan yahay. Ammaanka ayaa sidoo kale aad loo aadkeeyey, iyadoo ay sugayaan ciidamada dowladda iyo kuwa AMISOM ee dhowaan la geeyey magaaladaasi. Halkan hoose ka daawo Sawirrada: View the full article

Muqdisho (SMN) – Taliyaha cusub ee Ciidanka Asluubta Genaral Mahad Cabdiraxmaan Aadan ayaa manta la kulmay saraakiisha,saraakil xigeenada iyo ciidamada Asluubta. Kulankasi waxaa looga hadlay dardar galinta howlaha amniga, xanaaneynta , ka war qabidda maxaabista iyo howlaha kale ee lagama maarmaanka u ah shaqo maalmeedka. Taliyaha oo la hadlaayey boqolaal isugu jiray Saraakiil ,saraakiil xigeen iyo ciidanka ayaa kula dardaarmay in la xoojiyo howlaha ay hayaan ciidanka Asluubta ,isla markaana la sii ambaqaado geedi socodka loogu jiro hiigsiga howlaha kala duwan ee horyaalla ciidanka. Sidoo kale Genaral Mahad Cabdiraxmaan Aadan Taliyaha Cusub ee Ciidanka Asluubta waxa uu maanta Kormeeray xafiisyada ay ku shaqeyaan saraakiisha Ciidanka Asluubta. Dhowaan taliyaha cusub ee Asluubta ayaa xilka kala wareegay Bishiir Goobe oo labo jeer soo qabtay xilkaasi, kadib munaasab ka dhacday gudaha magaalada Muqdisho. View the full article

Muqdisho (SMN) – Warar dheeraad ah ayaa ka soo baxaya baaritaano ay maanta ciidamada dowladda ka sameeyeen duleedka magaalada Muqdisho. Howlgallada oo ahaa kuwa xoogan ayaa waxaa ciidamada ammaanka, gaar ahaan kuwa Booliska ay ka sameeyeen nawaaxiga deegaanka Garasbaaley. Ciidamada dowladda ayaa howlgalladaasi ku soo qab qabtay tiro dad ah, kuwaas u badan dhalinyaro. Maxamuud Xaashi Cali guddoomiye waaxeedka laanta 1-aad ee deegaankaasi ayaa ka warbixiyey baaritaanadan oo uu ujeedkoodu ku sheegay in lagu xaqiijinayey amniga. Howlgaladan ayaa ku soo aadaya, iyadoo shalay qarax xoogan iyo iska hor imaad uu ka dhacay agagaarka isgosyka Ex-Koontarool Afgooye ee magaalada Muqdisho. View the full article

Muqdisho (SMN): Halkaan ka Dhageyso Warka Duhur ee Idaacadda Shabelle. Hoos riix si aad u dhageysato. https://www.radioshabelle.com/wp-content/uploads/2019/09/Warka-Duhur-03092019.mp3 View the full article

Beledweyne (Caasimada Online) – Kooxda Al-Shabaab ayaa sheegtay inuu isku soo dhiibay agaasimihii hore ee madaxtooyada maamulka HirShabelle, oo lagu magacaabo Xasan Cumar Axmed (Xasan Mahdi). Idaacadda Al-Shabaab ee Andalus ayaa baahisay sawirrada iyo codka Xasan Mahdi, oo dhowr bilood ka hor xilka laga qaaday, kaasi oo ay sheegtay inuu isku dhiibay maamulka Al-Shabaab ee gobolka Hiiraan. Xasan Mahdi ayaa wareysiga uu siiyey idaacadda Andalus ku sheegay inuu muddo saddax bilood ah uu agaasime madaxtooyo horey ugu ahaa madaxweynaha maamulka HirShabelle Maxamed Cabdi Waare. Waxa uu sidoo kale wareysiga ku sheegay in uu isaga baxay siyaasadda uu ugu yeeray “mid ku dhisan shisheeye la shaqeynta ee ay ku dhaqmaan maamullada ka jira Koonfurta iyo bartamaha dalka Soomaaliya.” Xasan Mahdi ayaa sheegay in Shabaabka aysan soo wicin una sheegin inuu isa soo dhiibo, balse uu isaga doortay inuu waco, la xiriiro, islamarkaana u sheego inuu doonayo inuu “towbad keeno”, sida uu hadalka u dhigay. “Markii cashar diini ah la I siiyey, oo qur’aanka la I tusay, xadiiska la I tusay, ayada oo aan la I dhihin riddo ayaa tahay, aniga ayaa ogaaday inana riddo ahaa” ayuu yiri. Caasimada Online Xafiiska Beledweyne caasimada@live.com

Warar Dublamaasiyadeed oo Warbaahinta Puntlandi.com ay ka heleen ilo wargaleena ayaa sheegay in Dowlada asoomaaliya ay Ciidan dheeraada oo ka baxsan Howlgalka Amisom ay ka [...] Source

A group of 50 Somali women refugees producing traditional handicrafts in the Dadaab refugee camps in northeastern Kenya is becoming self-reliant through the promotion of of Somali culture. Source: Hiiraan Online

Burco(SL-T):- Xadhiga Saxafi Coldoon Oo War Cusub Laga Soo Saaray & Madaxweynahe BIIXI Oo Fariin Loo Diray. Source

Qaran News

Ra’iisul Wasaraha Soomaaliya Xasan Cali Kheyre oo ku sugan Magalada Dhuusamareeb ee Xarunta Gobolka Galgaduud ayaa waxaa Maanta uu kulan gaar ah la qaatay hoggaanka Sare ee Ahlusunna Wal-Jamaaca ee ku biiray Galmudug. Guddoomiyaha guud ee Ahlusuna Macalin Maxamuud iyo Madaxa Xukuumadda Sheekh Shaakir ayaa waxaa ay ku booqdeen Ra’iisul Wasaaraha hoyga uu ka degan yahay Magalada Dhuusamareeb. Ra’iisul wasaare Khayre iyo hogaanka Ahlusuna ayaa kulankaan waxay uga wada hadleen sidii loo dhameyn lahaa khilaafkii yaraa ee soo kala dhex-galay dowladda Federaalka & Ahlusunna iyo sidii loo dhisi lahaa Galmudug loo dhan yahay. Xukuumadda Soomaaliya ayaa bogaadisey dedaalada ay madaxda Ahlusuna ku bixinayaan sidii lagu heli lahaa Galmudug loo midaysan yahay. PUNTLANDPOST The post Maxaa ka soo baxay kulankii dhexmaray Ra’iisul wasaare Khayre & madaxda Ahlusuna. appeared first on Puntland Post.

Hargeysa (Caasimada Online) ― Cabdillaahi Abokor Cismaan, Wasiirka Gaadiidka iyo Horumarinta Jidadka Somaliland ayaa markii u horeysay shaaca ka qaaday in deegaanadeeda laga wado Mashruuc ay soo saxeexday dowlada federaalka. Wasiirka ayaa sheegay in dowladda Soomaaliya oo ay wehliyaan dowladaha Jabuuti iyo Itoobiya ay wada saxeexeen mashruuca uu baanka horumarinta Afrika ka fulinayo Somaliland, kaasi oo ah wadada isku xidha magaalooyinka Borama iyo Lowyacado. Wasiir Cabdilaahi Abokor oo arrintaasi ka hadlayana wuxuu yiri “Mashruuca waxa Maalgelinaya Baanka Horumarinta Afrika, Mashruuca Hal-abuurkiisana waxa lahayd Dawladda Somaliland, waxaanu markii uu Madaxweynuhu Jabuuti tagay uu ka codsaday Madaxweynaha Jabuuti in Waddadaa (Boorama iyo Lowyacado) wax lagala qabto”. “Madaxweynaha Jabuuti wuu ka hawl-galay waxaanu Baanka Horumarinta Afrika ka codsaday in Waddadaa loo dhiso, waxa ka wada codsaday Dawladaha Jabuuti iyo Itoobiya, Dawladda Soomaaliyana markii dambe qayb ka noqotay, maaddaama oo aanay Somaliland ka mid ahayn Wasiirrada Maaliyadda Afrika ee saxeexa Mashaariicda” Wuxuuna intaas kusii daray “Innaga Soomaaliya waxay inoola mid tahay Itoobiya ama Jabuuti oo kale, Mashruucaana waxa wada saxeexay Saddexdaa Dal, maaddaama oo aynaan innagu ka mid ahayn Baanka Horumarinta Afrika”. “Mashruucaa shaqadiisana Somaliland baa gacanta ku haysa, laakiin Itoobiya, Jabuuti iyo Soomaaliya ayaa wada saxeexay Mashruucaa, maaddaama oo ay qayb ka yihiin baanka Horumarinta Afrika”. Caasimada Online Xafiiska Hargeysa Caasimada@live.com

Madaxweynaha Somaliland Iyo Wefti Uu Hoggaaminayo Oo Maanta U Ambo-Baxay Dalka Jabuuti Madaxweynaha Jamhuuriyadda Somaliland, Mudane Muuse Biixi Cabdi iyo wefti uu hoggaaminayo ayaa maanta oo ay taariikhdu tahay 03-09-2019 safar shaqo ugu baxay dalka Jamhuuriyadda Jabuuti ee aynu jaarka iyo walaalaha nahay. Safarkan shaqo oo qaadan doona muddo kooban ayaa isla maanta markay gaadhaan dalka Jabuuti weftiga madaxweynuhu waxay si rasmi ah u gudo-geli doonan hawlaha shaqo ee ay dalkaasi u tageen. Ujeedada safarka madaxweynuhu wuxuu daaran yahay xoojinta xidhiidhka qotada dheer iyo iskaashiga horumarka ee ka dhexeeya labada dal ee Jamhuuriyadda Somaliland iyo Jamhuuriyadda Jabuuti. Waxaana Madaxweynaha Safarka ku wehelinaaya wasiirrada wasaaradaha, arrimaha dibeda iyo iskaashiga caalamiga ah, gashaandhiga iyo xannaanada xoolaha iyo horumarinta kalluumaysiga. Qaran News

(SLT-Iran)-Madaxweynaha Iran, Hassan Rouhani ayaa maanta sheegay in dalkiisu aanu wada-hadallo laba dhinac ah la yeelan doonin Mareykanka. Isaga oo ka hadlayey baarlamanka, ayuu Rouhani sheegay in habka kaliya ee wada-hadallo ay ku dhici karaan ay tahay, haddii Mareykanka uu qaado dhammaan cunaqabateenada ka dhanka ah Iran. Waxa uu sidoo kale shuruud ka dhigay in wada-hadallo kasta oo markaas kadib dhacaa, ay noqdaan kuwa ay ka qeyb-galaan dhammaan saxeexayaasha heshiiskii caalamiga ahaa ee Nukliyeerka Iran laga gaaray 2015. Madaxweynaha Mareykanka, Donald Trump ayaa heshiiskaas ka baxay sannadii tagtay kadib markii uu si aad ah u dhalleeceeyey qodobada heshiiska, oo ay ku lug lahaayeen dalalka Britain, China, France, Russia, Germany, iyo Midowga Yurub. Trump ayaa toddobaadkii tagay muujiyey inuu u furan yahay inuu la kulmo Rouhani, isaga oo yidhi “waxaa jira fursad aad u wanaagsan”, oo ay Iran ku wada-hadli karaan. Trump ayaa sheegay in heshiis kasta oo cusub oo la galayo uu noqdo mid dhaafsan barnaamijka Nukliyeerka Iran, islamarkaana lago daro in Tehran ay xaqiijiso inaysan xiisad kale ka abuuri doonin gobolka, ayada oo qaadeysa dhaq-dhaqaaq militari iyo weeraro. Waxa kale oo uu sheegay in heshiis kasta uu noqdo mid mamnuucaya barnaamijka Nukliyeerka Iran wax ka badan 10-kii sano ee ku dhignaa heshiiskii 2015. Source

(SLT-Hargeysa)-Wasaarada waxbarashada Somaliland ayaa soo bandhigtay qaabka goboladu u kala heleen deeq waxbarasho oo Itoobiya siisay. Halkan hoose ka akhriso: Source

Ra’isul Wasaaraha xukuumadda federaalka ah ee Soomaaliya Xasan Cali Kheyre ayaa saaka hoyga uu ka deggan yahay magaalada Dhuusamareeb kula kulmay guddoomiyaha guud ee Ahlusuna Macalin Maxamuud iyo wasiirka 1aad ee Galmudug Sheekh Maxamed Shaakir Cali Xasan. Kulanka ayaa ujeedkiisa lagu sheegay sidii looga wada hadli lahaa arrimo ay culimada tabanayaan sida: Hirgelinta heshiiskii ay labada dhinac wada galeen iyo hubinta maqaamka ay Ahlus sunna ku yeelan doonto doorashada cusub ee madaxtinimada kadib. Warar kulanka ku dhow ayaa Goobjoog News u sheegay in labada dhinac isafgareen, isla markaana lagu balamay in kulamada la sii wado, shirka dib u heshiisiinta ay Ahlu sunna ka qaadato kaalin libaax. Ra’isul wasaare Kheyre ayaa isniintii gaaray Dhuusmareeb, waxaa uuna kulankan dhacayaa todobaad kadib markii kooxda Ahlu sunna ay sheegeen inuu burburay heshiiskii ay la galeen dowladda federaalka ah. Arbacada waxaa lagu wadaa in Dhuusamareeb laga furo shirka dib u heshiisiinta Galmudug, kaas oo lagu dhisi-doono maamul loo dhan yahay oo ay yeelato dowlad goboleedkaasi. Goobjoog News Source: goobjoog.com

Hargeysa (Caasimada Online) – Madaxweynaha maamulka Somaliland, Muuse Biixi Cabdi iyo wafdi uu hoggaaminayo ayaa maanta u ambabaxay dalka Jabuuti. Booqashadan oo aan la shaacin inta ay qaadan doonto ayaa waxa ay salka ku heysaa iskaashiga Somaliland iyo Jamhuuriyadda Jabuuti. Mas’uuliyiin ka tirsan maamulkaasi oo la hadlay warbaahinta ayaa sheegay in ujeedka socdaalka Madaxweyne Muuse Biixi Cabdi uu la xariiro xoojinta xiriirka labada dhinac. Xubnaha wafdigan qeybta ka ah ayaa waxaa ka mid ah wasiirada arrimaha dibadda, gaashaandhiga, xanaanada xoolaha iyo horumarinta kaluumeysiga ee Somaliland. Ma’ahan booqashadii ugu horreysay ee Madaxweyne Biixi ku tegayo Jabuuti, isagoo horay ula kulmay Ismaaciil Cumar Geelle. Caasimada Online Xafiiska Hargeysa caasimada@live.com

(SLT-Hargeysa)-Cali Ismaaciil Carab Oo Ku Magac Dheer Duulduul ayaa shaaciyay in haddii la cafiyo kornayl Siciid Cawil Caarre in isagu uu samaysan doono Jabhad kale, Halkan hoose ka DAAWO Source