Qaran News

Muqdisho (Caasimada Online) – Sheeko cusub ma’ahn in Al-Shabaab ay lacago canshuur ah ka qaataan dhamaan dhismooyinka magaalada Muqdisho iyo adeegyada kale ee ganacsi ee ka jira Muqdisho iyo gobalada kale ee dalka balse waxaa layaab noqday in Al-Shabaab dhismo ka joojiyaan dowladda Soomaaliya. Dad badan ayaa ku baraarugsaneen in Al-Shabaab ay hore ugu guuleesteen joojinta dhismayaal ku socday goobo ganacsi oo gaar loo leeyahay iyo dhismiyaal dowladeed. Caasimada Online ayaa ogaatay in Al-Shabaab ay muddo dheer ka hor joojiyeen dhismiyaal hotel iyo ganacsi kale, iyo ilaa xarun oo kale oo ay leedahay dowladda Soomaaliya. Al-Shabaab waxay joojiyeen dhismo ka socday isgoyska Jubba, kuna dhaggan hotel Dorbin oo isagana qorrax ka soo bax kasii xiga xarunta ugu wayn ee NISA, sidoo kalane ku dhaggan aqalka golaha senate-ka Soomaaliya (Aqalka Sare). Dhismahaan ayaa waxaa la sheegay in loo dhisayay dhowr wasaaradood oo katirsan xukuumadda Soomaaliya, sida gaadiidka iyo caafimaadka oo ku soo guuri laheyd, mana bilaaban ilaa hadda dhismahaas oo muddo hakad ku jira. Sidoo kale, Al-Shabaab waxay dowladda Soomaaliya ka joojiyeen dhismaha wadada isku xirta Muqdisho iyo Afgooye, inkastoo markii dambe lacag lagu bixiyay dhismaha wadadaasi. Qatar ayaa boqolaal kun oo dollar ay ku bixisay dhismaha wadadaasi oo Al-Shabaab markii hore hakad geliyeen. Goobaha sida gaarka ah loo leeyahay oo Al-Shabaab dayactirkooda joojiyeen waxaa kamid ah hotelkii waynaa ee Maka Al-Mukarama oo ay dhowr jeer weerareen iyo maqaayadii Hilaac UK, oo sidoo kale isku mar la weeraray labadaasi xarun. Al-Shabaab ayaa dhismaha hotelkaan ay joojiyeen iyo goobaha kale ku micneeyay in aysan raali ka aheyn sii shaqeynta hoteelkaasi oo lagu tiriyo goobo fara ku tiriska ah oo diiday bixinta canshuurta Al-Shabaab, halka Hilaac UK la sheegay in ay sababsatay warar sheegaya in xukuumadda Soomaaliya ay bixisay lacago taakulo ah oo dadkii ku hanta beelay lasiiyay. Cidna kama qarsoona saameenta Al-Shabaab ee magaalada Muqdisho oo aad uga sii kordheysa halkii ay joogtay 3 sano ka hor iyadoo ay kusii milmayaan gudaha ganacsiga iyo shacabka intii uga harsaneed. Xaqiiqda kale oo ay Caasimada Online, la wadaageyso akhristiyaasheeda waxaa kamid ah in Al-Shabaab, muddo todobaadyo ah joojiyeen adeegyadii dekadda Muqdisho kadib markii ay u hanjabeen shaqaalaha iyo gaadiidleyda dekadda Muqdisho, balse dib loo xaliyey. Caasimada Online Xafiiska Muqdisho caasimada@live.com

Qaran News

Kismaayo (Caasimada Online) – Madaxweyne ku-xigeenka koowaad ee Jubaland, Maxamuud Sayid Aadan oo BBC-da la hadlay ayaa sheegay in wafdi isugu jira odayaal, ganacsato iyo aqoonyahano ay tageen Muqdisho, si dowladda federaalka ay uga la hadlaan siideyntiisa Wasiir Janan balse la hor-dhigay shuruudo dhowr ah. Maxamuud ayaa sheegay in shuruudahaas ay ugu adkaayeen saddex qodob oo aysan suurta-gal ahayn in Jubaland ay fuliso. ”Dadkii aan dirnay shuruud ayay ku xireen, waxayna ku yiraahdeen arrimo siyaasadeed ayaanu ku heysanaa ee ciidanka daraawiishta Jubaland soo wareejiya, dowladaha deriska ha la macaamilina, Jubaland doorashadeedi ma aqoonsanin dhaha, arrimo sidaas ayay kala hadleen dadkii aqoonyahanada iyo ganacsatada ee u tegay “, ayuu BBC-da u sheegay Maxamuud Sayid Aadan. Madaxweyne ku-xigeenka oo aan sheegin cidda ka tirsan dowladda federaalka ee ay la hadleen Jubaland ayaa intaasi ku daray in marnaba aysan aqbali karin oo taas ay ka dhigan tahay in ciidammadii Jubalanad ee Al Shabaab la dagaalamayay la kala diro. Dowladaha deriska, oo loo maleynayo in loola jeedo Kenya, ayuu sidoo kale sheegay inay ka wada shaqeeyaan ammaanka labada dhinac, dalabkas na uusan macquul ahayn. Guddiga horey ay Jubaland usoo dirtay oo u badnaa xubno ku beel ah Janan iyo madaxweyne Farmaajo, oo u badan odayaal dhaqameed ayaa sheegay in shuruudaha lagu xiray uu ka dambeeyo madaxweynaha. Waxa uu sheegay in xaaladda Cabdirashiid Janan aysan ka warheynin oo aanay garaneyn xaaladiisa iyo halka uu ku sugan yahay. “Runtii Cabdirashii aad ban uga xunahay sida loola dhaqmay, ninkaas waa la afduubay, wax arkay ma jiraan marka laga reebo xaaskiisa oo mudo 30 daqiiqa ah habeen saqdhexe ay tuseen”, ayuu raaciyay. Caasimada Online Xafiiska Kismaayo caasimada@live.com

Dhuusomareeb (Caasimada Online) – Qaar ka mid ah beelaha degga Galmudug ayaa waxaa la sheegay in lagu gacan bidixiyeeyay shirweynaha dib u heshiisiinta beelaha Galmudug, ee ka soconaya Magaalada Dhuusamareeb ee Gobolka Galgaduud. Guddoonka Shirweynaha dib u heshiisiinta beelaha Galmudug ayaa shalay u yeeray qaar ka mid ah beelaha, si loo xaliyo cabasho la sheegay in ay qabaan. Beelahan loo yeeray ayaa kala ahaa Saleebaan, Waceysle, Shiikhaal iyo Beesha Shanaad. Madashii la doonayay in lagu xaliyo beelahan ayuu buuq ka dhashay, ka dib markii ay madasha soo fariisteen xubno la sheegay in ay ka yimaadeen Deegaanada Soomaalida Itoobiya, kuwaa oo ku andacoonaya qaar ka mid ah Beesha Shanaad inaanay degin Galmudug. Ugaas Xaashi Ugaas Jimcaale oo ka mid ahaa saxiixe-yaasha Galmudugtii 2015 lagu soo dhisay Magaalada Cadaado ayaa beeniyay warka ka soo yeeray kooxda la sheegay in ay ka timid Dowlad Deegaanka Soomaalida Itoobiya. “Nimankan ka yimid Kilinka Shanaad ee Itoobiya waxay doodoodu tahay in beelo ay ka mid tahay Beesha Guuleed Cadde/Beesha Shanaad aanay degin Galmudug. War adeer warkaasi war soconayo maaha, war jirana maaha. Beesha Guuleed Cadde iyo beelaha kalaba waxay ka mid yihiin beelaha degga Galmudug.” Ayuu yiri Ugaas Xaashi Ugaas Jimcaale. Ugaas Xaashi Ugaas Jimcaale oo la hadlayay Warbaahinta gudaha ayaa yiri “Guuleed Cadde waxay deggaan Galgaduud, Kulbeer waxay deggaan Mudug, Tumaalo iyo Carab Saalax intaba waxay ka mid yihiin beelaha degga Galmudug.” Ugaas Xaashi Ugaas Jimcaale ayaa Guddoonka Shirweynaha Dhuusamareeb ugu baaqay in ay wax ka qabtaan gacan bidixeenta uu sheegay in lagu hayo qaar ka mid ah beelaha degga Galmudug. Waxa uu intaa ku daray haddii aan arrintan wax laga qaban ay waxba kama jiraan noqon doonto waxa ka soo baxa shirweynaha dib u heshiisiinta ee beelaha Galmudug uga soconaya Xarunta Maamulka Galmudug ee Dhuusamareeb. Cabashadan ayaa waxay ku soo aadaysaa, xilli Dowladda Somaliya ay juhdi ku bixineyso, sidii ay dib u heshiisiin u dhex dhigi laheyd beelaha ballaaran ee deegaanka ku ah Galmudug. Caasimada Online Xafiiska Dhuusomareeb caasimada@live.com

Marka aan Leeyahay ma burburtay haybaddii butlaan waxaa aan uula jeeda in uu dhammaanayo qiimihii iyo heerkii ay joogtay butlaan kaas ahaa mid qofkii sheegtaa uu ahaa mudan ama ciddii maqashaaba ay siin jirtay mudnaan, taasina ma ahayn mudnaan ku timaadda cago-juglayn ama jajuub, ee waxay ahayd mudnaan ay butlaan lahayd taas oo ka dhigtay in ay noqoto meel dadku jeclaystaan maqalkeeda iyo joogisteedaba, luguna tiriyo in ay butlaan ahayd meel qofkii tagaa ama ku yimaadda uu ahaa xurmadleh miisaan leh. Butlaan oo ah meelihii ay soomaali ku badbaadday, cidkastana ay ka dhiganaysay gabbaad, hanti badan oo soomaliyeedna ku ammaan heshay luguna tabcaday, Waxa ay noqotay meel mar lugu xisaabtamay, balse aan maanta ka duwannayn meel mar loo haajiray oo laga soo laabtay. Siyaasad ahaan butlaan waxa ay ahayd meelihii uugu doonista badnaa nidaam dawladdeed oo soomaliyeed, taas oo maskax iyo maalba gelisay sidii la isugu keenilahaa soomaalidii kala irdhowday “kala fogaatay” Dadaalkii badnaa ee butlaan iyo marti-soorkii soomaliyeed ee ahayd mid qof kasta oo soomaliyeed deegaankiisa ka mudnaa, waxaad mooddaa in uugu dambayntii butlaan noqotay sidii meel aan marnaba laga helin wax Abaal ah oo hore. Tani ma aha mid aan anigu ku dhaliilaayo soomaalidii hore ugu bad-badday butlaan iyo kuwii hantida ku tabcadayba, waayo dadkaasi waxay ahayeen dad tegay dhul soomaliyeed wajiibna ay ahayd in aysan cidi ka xigsan joogista iyo ku bed-qabka dhulkaas. Waxaa wax kasta oo ay butlaan soo samaysay dhulka ku jiiday kana dhigay Hal-bacaad lugu lisay siyaasiyiinta deegaankaas hoggaanka ka noqonaysay muddooyinkii dambe iyo weliba metelaad xumada ku haysa dawladda dhexe. Marka leeyahay kuwo dawladda dhexe ku metela, waxaan u jeeda wasiirrada iyo xildhibaannada oo noqday kuwo aan joogin heerkii laga rabay ee ahayd in mar kasta ay hor-boodaan xalkii ay hore u raadinjireen. Kuwo badan waxa ay ku milmeen ka qaybqaadashada hannaanno badan oo aysan dawladda federalku raalli ka ahayn, taas oo dib u celinaysa hannaankii socday. Waxaa loo baahnaa dhammaan masuuliyiinta butlaan ka jooga federaalka in ay yihiin kuwo u heellan sidii ay hore butlaan uugu heellanayd dhismaha soomaliya waarta, siidookale waxaa loo baahnaa in ay meesha ka saaran tabashada soo jiitamaysay muddadii dheerayd ee u dhexaysay butlaan iyo dawladda dhexeba, waana taas dhaliisha aan u jeedinayo anigu masuuliyiinta ku metela butlaan dawladda dhexe. Dhinaca kale waxaa mooddaa in madaxdii timi butlaan muddooyinkii dambe ay ahayeen kuwo amminsan shaqada loo idmaday in ay tahay uun caqabad-gelinta dawladda dhexe, tanna waa dhaliil aan u jeedinayo hoggaannadii uugu dambeeyay ee qabtay butlaan, waxaa loo baahanyahay in hoggaanku ku baraarugsanyihiin butlaan in ay ahayd meeshii soomaali ku nabad heshay, haddana ay butlaan mudantahay in sidii ay soomaali u sii ahaato oo ay ka qayb-qaadato dhammaystirka shaqooyinka soo celinaya soomaliyadii awoodda lahayd. Haddii hoggaanka butlaan uu mashquul ku yahay jigraaridda “dhibitaanka’ dawaldda dhexe waxaa meesha ka baxaysa in butlaan ay yeelato qiimihii ay hore u lahayd, waxaana si toos ah butlaan luugu arkayaa in ay tahay meelaha ay soomaali ka dhaqaaqi-weyday, waxaa ay butlaan noqonaysaa mid aan meelna laga tix-gelin iyada iyo dadkeedaba. Wax kasta oo maanta butlaan haysta iyo si kasta oo loola dhaqmoba waxaa sabab u ah madaxdeeda aan marnaba ku hamiyayn ilaalinta wanaaggii butlaan W/Q: Cumar Rodol Cumarrrodol@gmail.com AFEEF: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Click here to read Qaran News

African football minnows Somalia were eliminated from 2022 World Cup qualifying Tuesday after a dramatic 3-1 loss to Zimbabwe in Harare. Source: Hiiraan Online

PRESS RELEASE British Embassy, AstraZeneca support young Egyptians to create innovative medical solutions The British Embassy and British pharmaceutical company AstraZeneca are sponsor eleven Egyptians to visit the AstraZeneca research & development labs in the UK CAIRO, Egypt, September 10, 2019/ — The British Embassy in Cairo and leading British pharmaceutical company AstraZeneca are sponsoring eleven Egyptians to travel to the UK to visit the research and development labs of AstraZeneca in Cambridge. The partnership between the British Embassy and AstraZeneca is designed to encourage young Egyptian graduates in the faculties of Pharmacy and Medicine to develop innovative digital solutions that will better serve Egyptians in several medical fields, including diabetes and oncology. As part of the initiative, known as ‘Astrafekra’, recent graduates have been invited to pitch their ideas to a panel. The winners will get the chance to explore state-of-the-art labs, and talk to world-renown scientists to help them develop innovative and cutting-edge medical solutions that will benefit Egyptians. British Ambassador to Egypt Sir Geoffrey Adams said: “The UK is well-known for its exceptional healthcare system and world-class medical research. Our support for this project reflects our wider commitment to share British expertise in pivotal sectors like health and education. I am proud we are supporting young Egyptians to think innovatively as they work on life-changing medical discoveries that will benefit all Egyptians”. The Embassy’s support is part of its ‘Inspire Egypt’ programme, which aims to invest in the potential of Egyptians from all walks of life in order to make a positive difference. Through the programme, the embassy has held a series of events, workshops, activities and competitions to celebrate and encourage successful Egyptians innovating in fields including healthcare, education, entrepreneurship, and many others. Distributed by APO Group on behalf of British Embassy Cairo. SOURCE British Embassy Cairo Qaran News

Muqdisho-(Caasimada Online) – War kasoo baxay dagaalamayaasha Al-Shabaab ayaa lagu sheegay in weerar ay ka geysteen deegaan ka tirsan gobolka Mandheera ee dalka Kenya ay ku dileen Sagaal Askari oo ka tirsanaa Militariga Kenya. Weerarka oo ahaa mid jid gal ah sida ay sheegteen Al-Shabaab ayaa dhacay galinkii dambe ee maanta, waxyar uu ka dib markii ciidamada Kenya ee la weeraray ay kasoo bexeen saldhig ay ciidamada KDF-ta Kenya ku leeyihiin deegaan lagu magacaabo Ceelraam oo ka tirsan gobolka Mandheera. Al-Shabaab waxa ay ku sheegeen warkooda in weerarkaas ay Militariga Kenya uga dileen 9 askari, sidoo kala ay kaga gubeen ilaa Afar gaari oo kuwa dagaalka ah. Ciidamada Kenya ee weerarku qabsaday ayaa waxaa la sheegay in ay kasoo baxeen daqiiqado ka hor inta aan la weerarin saldhig military oo ay ku leeyihiin deegaanka Ceelraam, waxeyna kusoo wajahnaayeen gudaha Soomaaliya, gaar ahaan degmada Ceelwaaq ee gobolka Gedo. wali wax war ah oo ku aadan weerarkaas ay sheegteen Al-Shabaab in ay ku dileen ciidamo badan oo Keenyaan ah kama soo bixin dowladda Kenya. Ciidamada Kenya ee ka howlgala dhulka ay degaan dadka Soomaaliyeed ee loo yaqaano NFD ayaa waxaa loogu geystaa weerarro joogto ah, kuwaas oo ay mas’iiliyaddoda dusha u ritaan dagaalyahanada Al-Shabaab. Caasimada Online Xaafiiska Muqdisho Caasimada@live.com

Muqdisho (SMN) – Akhristayaasheena ku xiran website-ka waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad u dhageysato https://www.radioshabelle.com/wp-content/uploads/2019/09/Bar___-Qumanah-___-Wararka-10092019.mp3 View the full article

https://m.youtube.com/watch?v=_EhPc_lB1lE Qaran News

(SLT-Washington)-Madaxwaynaha Mareykanka Donald Trump ayaa shaqada ka ceyriyay la taliyihiisii arrimaha amaanka John Bolton. “Waxa aan xalay u sheegay John Bolton in adeegiisa aan xilligan looga baahnayn aqalka cad ,” ayuu soo qoray madaxwayne Trump. “Waxaa aan si adag isugu khilaafnay waxyaabaha uu so jeediyay,” ayuu intaa ku daray Mr Trump. Madaxwaynaha Mareykanka ayaa sheegay in toddobaadka so socda uu magacaabi doonto la taliyihiisa cusub ee dhanka amaanka. Xil ka qaadista Bolton ayaa ku soo beegmaysa xilli la hadal hayay kala qaybsanaan soo kala dhexgashay golaha wasiirada ee Trump. Waxaa la sheegay in kala qaybsanaanta ay kala dhalatay ka dib markii uu madaxwayne Trump uu meesha ka saaray qorshihii nabadda ee Talaiban iyo Mareykanka. Mr Bolton Tweetarka ku soo qoray: “waxaan is casilaadeyda u gudbiyay xalay madaxwayne Trump waxa uuna igu yiri , ‘waxaan ka wadahadli doonaa barito.'” Source

Muqdisho (SMN) – Guddoomiyaha Maamulka Gobolka Banaadir ahna Duqa Magaaladda Muqdisho Mudane Cumar Maxamuud Maxamed (Cumar Filish) ayaa aqalka Dawladda hoose ee Xamar kulan kula qaatay Saraakiisha Taliska Ciidanka ilaalinta Deegaanka ee Xamar. Ujeedka kulankaan oo ahaa islaxisaabtan iyo ladagaalanka musuq maasuqa oo qeyb ka ah siyaasadda duqa magaaladda Muqdisho mudane Cumar Filish ayaa waxaay goob joog ka ahaa Guddoomiye ku-xiggeenada Gobolka Banaadir iyo Xoghayaha guud ee maamulka gobolka Banaadir. Kulanka ayaa intii uu socday waxa uu guddoomiyaha gobolka Banaadir uu mid Mid u wareystay saraakiisha ciidanka ilaalinta deegaanka ee Xamar, isaggoo u sheegay in maamulkiisa uusan aqbali doonin musuq maasuq iyo kutakrifal Awoodeed. View the full article

Qof Kasta Si Fiican Ayuu U Yaqaan Lacagta Ugu Awooda Badan Dunida Ee Dollar’ka Ugu Yaraan Maalin Ayaad Shay Ku Iibsatay, Se Hadii Kale Maqaaladiisa Ayaa Kusoo Gaadhay- -Hordhac– Aan Ku Bilaabee Lacagtu Waa Tiir Dhaxaadka Nolosha Aadamaha’ Waana Tiirka Uu Ku Taaganyahay Heerka Dhaq-dhaqaaqa Ganacsi Iyo Kala Iibsiga Dunidu. Hadaba Lacagtii Ugu Horeysay Ee Dunida Waxaa Samaysay Boqortooyadii “Lydian” Ee Uu Hogaaminayey Boqor “Croesus” Sanadkii 550-BCE, Kaasoo Ugu Magac Daray Lacagtaa Magaciisa, “Croesus” Boqortooyadii Lydian’ka Ayaa Waxaa Loo Yaqaanay (Asia Minor) Ama ” Anotolia” Waa Hada Dalka Loo Yaqaan Turkiga. Lacagtaas Aya Ahayd Qadaadiic Ka Samaysan Dahab Iyo Qalin Iyo Sidoo Kale Dahab Iyo Qalin Isku Dhafan, Kuwaasi Oo Ay Sameeyeen Dadka Lydianku, Oo Xirfad Heer-sare ah lahaa, Waxaana Lacagahaa Ku Kala Sawirnaa Dibi Iyo Libaax, Lacagta Libaaxu Ku Sawiran Yahay Waxay Ahayd Mid Ka Samaysan Dahab Oo Waxaa Mushahar ahaan U Qaadan Jirey Madaxda Sare Ee Boqortooyada, Halka Ta Dibigu Ku Sawirnaana Ay Ahayd Mid Ay Qaadan Jireen Shaqaale Hoosaadku, Muddo Kadib Ayaa Laysku dhafay Lacagtii Oo Dahabkii Iyo Qalinkii Oo Isku Shiilan Laga Sameeyey Lacag, Sidoo Kalena Lagu Wada Sawiray Libaaxii Iyo Dibigii, Waxaanay Isku Noqotay Hal-Lacag Oo Keliya. Eeg Sawirka 1aad–> Qarnigii 6aad Waa Markii Ugu Horeysay Ee Mushahar Lacag ahaan’ Loo Qaato, Waana Maamulkii Ugu Horeeyey Ee Shaqaalohooda boqortooyada Iyo Ciidamada Mushahar Ahaan U Siiyey Lacag, Dunida. Taariikhda Dollarka–> 1- Dollarka Waxa Samayntiisa La Bilaabay Sanadkii 1790-kii Waxaana Bilaabay Siyaasada Qorshaha Lacag U Gaara In Loo Sameeyo Dawlada Maraykanka, Madaxweyne George Washington,Taasoo Ay Soo Baxeen Lacago Tijaabooyini Waxaana Si Toosa Loo Isticmaalay laba-Sano Kadib Sanadkii 1792-dii, Waxaana Qayb Weyn Ka Qaatay ” Alexander Hamilton” Oo Ah’ Wasiirkii Maaliyadee Maraykanka Ee Wakhtigaa. 2- Erayga Dollar, Waxa Uu Asal Ahaan Ka Yimid, Lagana Soo Min Guuriyey (Spanish Coin) Lacagtii Birta Ahayd Ee Isbaanishka Ee La Odhan Jirey, “Thaler”, Kadib Markii Maraykanku Samaystay Doolarka Ayaa Iyadoo Lacagtaa Qadiimka Ah’ Ee Isbayn Ee Dunida Aad Looga Isticmaali Jirey Wakhtigaa La Weynanayo Lana Qadarinayo Loogu Magac Daray. 3- Luuqada Ingiriisada Ayaa Eray Bixinta Dollar Lagu Soo Kordhiyey Qarnigii 16aad, Taasoo Ah’ Eray Nasakhan Oo Ka Yimid kelmada (Thaler), Thaler Ayaa Ah’ Eray Jarmala, “Joachmisthaler” Ayaa Lagu Magaacabi jiray Meeshii Laga Soo Qoday Macdanta Qalinka Ee Laga Sameeyey Qadaadiicda Birta Isbaanishka’ Waxayna Ku Taalay Meeshii Loo Yaqaanay Bohemia, Ee Hada Loo Yaqaa “Republic Czech” Halkaas Ayaanu Ka Yimid Erayga Thaler, Oo Loo Rogay Dollar. 4- Calaamada Astaanta U Ah’ Doolarka Maraykanka “$” Waxay Ka Timid Lagana Soo Min-guuriyey Astaantii Lacagtii Birta Ahayd, Ee Isbaanishka, Calaamadaaso U Taagan Erayga “Peso” “$” (PS) Sidoo Kale Way Noqotaa Xarafka (P) Oo Macne Ahaan Ah’ Lacag. 5- Sanadkii 1933-Kii Ayaa La Sameeyey Waraaqda Doolarka Ah’ Ee Ilaa Hada Sida Saxda Ah Loo Isticmaalo. 6- Sanadkii 1875- Ayaa La Sameeyey Waraaqdii Ugu Horeysay Ee Dollara. 7- Sanadkii 1775-tii Ayaa Shir Weynihii Kongarayska Ee Dalka Maraykanka Lagu Qorsheeyey In Dalki Yeesho Lacag Gaara, Taasoo La Diyaariyey Qalabkii Lacagta Diyaarin Lahaa. 8- Ka Hor Samaynta Iyo Soosaarida Lacagta Doolarka Dalka Maraykanku Waxaa Laga Isticmaali Jirey, Lacagta Qadaadiicda Isbanishka, Iyo Tii Cismaaniyiinta Walow Aanay Saamayn Weyn Lahayn Lacagta Cismaaniyiintu. 9- Lacagta Qadaadiicda Ah’ Ee Ka Samaysan Dahabka Iyo Ta Qalinku Waxay Ahaan Jireen Kuwo Lagu Qiimeeyo Qiime Isku Dhow, Waxaana Kala Isticmaali Jirey Oo Samaystay Dalalka isbaanishka Iyo Ingiriiska, Walow Ay Saamayn badnayn Qalinka Qadaadiicda ah’Ee Isbaanishku. 10- Sanadkii 1816-Kii Ayaa Ingiriisku Lacagtoodii Dahabka Ahayd U Yeeleen Qiimo, Waxaanay Noqotay Lacag Heer-sare ah’ Iyadoo Ka qiimo Badatay Qadaadiicdii Isbaanishka, Iyo Tii Cismaaniyiinta Oo Dunida Aad Looga Isticmaali Jirey Waagaas. 11- Sanadkii 1834- Tii Ayaa Dollarka Maraykanku Xoogaystay Waxaanay Sameeyeen Qadaadiic Ka Yar-yar Kana Qaab Wanaagsan Qadaadiicdii Isbaanishka, Iyagoo Ku Baahiyey Yurub Oo Dhan Waxaanau Noqotay Lacag Lasoo Dhaweeyey Maadaama Ay Ahayd Farsamo Ahaan Mid Si Heer-sare ah Loo Diyaariyey, Sidoo Kale Qadaadiicdii Dahabka Ahayd, Ee Ingiriiska Ayay Hoos U Dhac Mugle Ku Sameeyey Dollarku Waagaas. 12- Inay Noqoto Lacagta 1aad Ee Dunida Waxaa Lagu Qorsheeyey Heshiiskii 1944-Kii Ee (Bretton Woods Agreement). 13- Lacagta 10 Iyo 20-ka Dollar Waxaa La Sameeyey Saandkii 1945-Kii, Dhammaadkii Dagaalkii labaad Ee Dunida, Markii Dhaqaalihii Dunidu Hoos-U Dhacay Ayaa Dawaladihii U Soo Amaah Tageen, Maraykan Si’Uu Lacagta U Badiyo ayaa Uu Qorshahan Sameeyey. Qalinkii: Fadxi Greenford Cont: 252-63 4001631 image.png Qaran News

Kismaayo (Caasimada Online) – Dowladda federaalka Soomaaliya ayaa ballaarisay cunaqabateynta saaran maamulka Jubaland oo markii hore ku koobneed dhinaca duulimaadka oo kaliya. Caasimada Online ayaa ogaatay in dowladda federaalka Soomaaliya ay cunaqabateynta Jubaland ku kordhisay ilaa afar heer oo kale oo cunaqabateyn ah, kuwaas oo ay ka dhalan karto dhibaatooyin daran oo saameeya shacabka degaanka. Shirkii ugu dambeeyay ee golaha wasiirada Soomaaliya ayaa lagu go’aamiyay in la kordhiyo cadaadiska Jubaland waxaana lagu daray afartaan qodob oo kale ah. Gabi ahaanba waxaa la joojiyay wadashaqeynta wasiirada xukuumadda Kheyre kala dhaxeysay wasiirada kale ee maamulka Jubaland ilaa inta laga xalinayo khilaafka labada dhinac. Waxaa meesha laga saaray in maamulka Jubaland la siiyo lacago maamul gobaleedyada loo soo marsiiyo dowladda dhexe ee Soomaaliya, taas oo ay helaan maamulada oo dhan, marka laga reebo Galmudug oo ku jirta soo kabasho iyo dhismaha maamul cusub. Dowladda Soomaaliya waxay si KMG ah hakad u gelisay dhamaanba mashaariicdii hormarineed ee Jubaland, oo ay ku jiraan dhismaha saldhigyo ciidan iyo adeegyo kale oo dheeraad ah hadii la helo iyo kuwii hadda socday. Iyo go’aanka ugu dambeeyo oo ah in la joojiyo dhamaan tababarada, taageerada iyo ka warqabka ciidamada ku sugan Jubaland ee aan ka amar qaadan dowladda federaalka Soomaaliya, ilaa inta laga xalinayo khilaafka taagan. Go’aanadaan oo lagu gaaray shirkii ugu dambeeyay ee golaha wasiirada, ayaa lagu darin waxyaabihii ay xukuumadda faah faahisay markii uu shirkooda soo dhamaaday, waxaana dibad joog ka ahaa dhamaan wixii aan ka tirsaneyn golaha wasiirada, sida kaamira-maanada, shaqaalaha xafiiska ra’iisul wasaaraha iyo xog-heynida oo dhan. Xubno ka tirsan golaha wasiirada Soomaaliya ayaa Caasimada Online u sheegay in arrintaan ay saarnaan doonto Jubaland muddo dhowr bil ah, kadibna lagu dari doono cunaqabateyno kale oo intaan ka ballaaran sida ay noo sheegeyn qaar kamid ah wasiirada goobta joogay. Caasimada Online Xafiiska Muqdisho caasimada@live.com

Muqdisho (Caasimada Online) – Ururka Al-Shabaab ayaa sheegtay mas’uuliyadda qaraxii lagu dhaawacay sarkaal ka tirsan Booliiska Soomaaliya, kaas oo shalay barqadii ka dhacay wadada hor marta dekadda weyn ee magaalada Muqdisho. War kasoo baxay Al-Shabaab ayaa lagu sheegay in ay qaraxaas dhaawac halis ah ku gaarsiiyeen Jeneral Maxamed Cabdullaahi Dhoore, oo ay sheegeen in uu Booliska Soomaaliya u qaabilsanaa arimaha dibadda. Al-Shabaab ayaa sidoo kale warka kasoo baxay waxa ay ku sheegeen in salkaalka ay qaraxaas ku bar-tilmaameedsadeen uu ahaa isku xiraha booliska Soomaaliya iyo booliiska caalamiga ah ee INTERPOL. Al-Shabaab ma sheegin in qaraxaasi uu ahaa mid sarkaalka loogu xiray gaarigiisa iyo in uu ahaa mid lagu sii diyaariyay wadada, balse waxa ay sheegeen in qaraxaas ay kula beegsadeen goob si weyn loo ilaaliyo oo ay ku sugnaayeen askar ka kala tirsan booliska iyo Nabad Sugidda Soomaaliya. Dowladda Soomaaliya ayaa ilaa iyo hadda ka hadal qaraxii shalay iyo xaaladda caafimaad ee Jeneral Maxamed Dhoore. Caasimada Online Xaafiiska Muqdisho Caasimada@live.com

Muqdisho (SMN) – Dhageystayaasha idaacada Shabelle ee ku taxan website-keena waxaan halkaan hoose idin kugu soo gudbineynaa warka Habeen. Hoos riix si aad udhageysato https://www.radioshabelle.com/wp-content/uploads/2019/09/Warka-Habeen-10092019.mp3 View the full article

Hargeysa (Caasimada Online) ― Xukuumada Somaliland ee uu hogaamiyo Madaxweyne Muuse Biixi Cabdi ayaa shalay soo saartay, isla markaana ku dhawaaqday amaro cusub oo ka dhana dowladda federaalka Soomaaliya. Maxamed Muuse Diiriye, Wasiirka warfaafinta Somaliland oo shalay kulan la yeeshay madaxda telefishanada madax banaan ee ka howl-gala gudaha Somaliland, ayaa wuxuu faray in xiliga war-tebinada ay soo hor-mariyaan wararka Somaliland, isla markaana ay wararka Soomaaliya raaciyaan kuwa kale ee dibada. Hadaba, Garyaqaan Guuleed Axmed Jaamac “Dafac” oo daba socday amarkaa yaabka leh ee ay soo saartay xukuumada Somaliland, ayaa waxa uu ka hadlay caqabadaha uu Madax-banaanida warbaahinta Somaliland ku keeni karo Amarkaasi ka soo baxay Wasaarada Warfaafinta Somaliland. Garyaqaan Guuleed Dafac ayaa ka dhawaajiyey in xeerka saxaafada Somaliland uu awooda xulashada wararka iyo kala horeysiinteedaba uu siiyay Tifaftiraha hay’adaha warbaahineed ee kala duwan, isagoona amarka wasiirka warfaafinta ku tilmaamay mid uu fara-galin ku sameeynayo madax-banaanida warbaahinta. Garyaqaanka ayaa sidoo kale waxa uu sheegay in Amarkaasi uu hoos dhac weyn ku keeni karo tartankii ka dhaxeeyay warbaahinta Somaliland iyo kuwa kale Geeska Afrika, midaasi oo ku tilmaamay inay lumin doonaan Soomaali badan oo dunida daafaheeda ka fiirsan jirey wararkooda, wuxuuna yiri: “Xeerka Saxaafada Somaliland marka uu ka hadlayo qaabka loo gudbinayo wararka iyo barnaamijyada waxa uu awood buuxda siinayaa Tifaftiraha inuu leeyahay awooda qaabka uu u kala horaysiinayo wararkiisa, markaa cid kale oo awood u leh inay go’aamiso ama ay faragaliso go’aanka Tifaftire-nimeed (editorial decisions-ka) ma jirto, waxa iska leh Tifaftirka, wixii taa ka soo gudba waxay noqonaysaa faragalin in la faragalinayo warbaahinta madaxabanaan shaqadoodii ay qabsanayeen”. “Madaxbanaanida u weyn ee warbaahini heli kartaa waa shaqada Tifaftirenimo oo ah inay iyagu ka go’aan gaadhaan siday u kala horaysiinayaan, iyaga oo ku go’aan gaadhaya qiimaynta wararkaasi ay kala leeyihiin, taasi waa caqabada koowaad ee ay yeelaynayso”. “Caqabada labaad ee ay keeni doontaana waxa ay tahay inay dhib badan ku keeni doonto Warbaahinta Somaliland meeqaamka ama tartanka ay ku leeyihiin Geeska Afrika, waayo hadii lagu soo koobo inay Somaliland oo kaliya wararkooda ay soo horaysiiyaan waxay keenaysaa in dadka Soomaalida ee Somaliland ay ku jirto aanay eegin ama aanay daawan Telefishanada Somaliland oo ay eegaan Telefishanada Somalia oo iyagu wararka labada dhinacba ka soo diraya, markaa tartankii ay ku jireen warbaahinta Somaliland-na hoos ayay u dhigaysaa oo khatar ayay galinaysaa”. Wuxuuna intaas kusii daray “Ta saddexaadna waxay ka soo horjeedaa dabeecada Warbaahinta, dabeecada warbaahintu wararka u gudbisaana waxa weeyi qiimaha wararka ay soo gudbinayaan ayay markaasi ku xidhan tahay, Matalan waxa laga yaabaa warbaahinta adduunka war ka dhacay Xamar inuu Lambarka koowaad u yahay, ama war ka dhacay Maraykanka inuu warka koowaad u yahay”. “Markaa waxay ku xidhan tahay nooca warku uu yahay. Hadii lagu soo koobo war waxay noqonaysaa qaab faaf-reeb ama censorship oo laga xadidayo waxaanay sheegay iyo waxay sheegi doonaan”. “Arinta kalena waxa weeyaan Shaqada Wasaarada Warfaafintu, Wasaarada Warfaafintu Tifaftiraha Guud ee Warbaahinta Somaliland maaha, waxay u xilsaaran tahay inay horumariso oo ay kobciso Warbaahinta Xitaa waxaanay xaq u lahayn warbaahinta Dawladda ee ay ka midka yihiin Idaacada iyo Telefishanka inay u sheegto qaabka ay u waramayaan”. Caasimada Online Xafiiska Hargeysa Caasimada@live.com

(SLT- Zimbabwe)-Xulka kubadda cagta Zimbabwe ayaa 3-1 kaga adkaaday xulka Soomaaliya, ciyaar galabta ka dhacday Harare National Sports Stadium ee dalka Zimbabwe. Zimbabwe ayaa daqiiqaddii 77-aad ee ciyaarta ku hormartay hoggaanka, hase yeeshee Soomaaliya ayaa barbareysay daqiiqaddii 85-aad, kadib gool uu dhaliyey Cumar Maxamed. Soomaaliya ayaa u baahneyd inaan shanta daqiiqo ee u dambeysay ciyaarta aan laga dhalin wax aan ka badneyn hal gool, si ay usoo gudubto waxayna u eekeyd wax aad u adag in Zimbabwe ay laba gool la timaado daqiiqadaha yar ee cayaarta ka hadhay. Hase yeeshee Zimbabwe ayaa labada gool dhalisay daqiiqadihii 86-aad iyo 90-aad ee ciyaarta, kuna adkaatay 3-1. Zimbabwe ayaa wareega xiga ee is-reeb reebka koobka adduunka ugu gudubtay cel-celis ah 3-2, maadaama Soomaaliya ay lugtii koowaad kusoo adkaatay 1-0. Source

(SLT-Muqdisho)-Barnaamijkii Galka Baadhista waxa uu toddobaadkan ku saabsan yahay muranka Badda ee u dhaxeeya Soomaaliya iyo Kenya, Waxaa soo jeedinaya Wariye Haaruun Macruuf Source

(SLT-Dubai)-Diblumaasi sare oo Masri ah ayaa Isniintii sheegay inuu ka shaqaynayo sidii Quwadaha Adduunku ugala shaqayn lahaayeen in Maraykanku uu Suudaan ka saaro Liiska Dalalka Maalgeliya Argagixisada. Wasiirka Arrimaha dibedda ee Masar, Sameh Shoukry ayaa sheegay inuu taageero Caalamiya la rabo Dawladda Rayidka ah ee ka dhalatay Suudaan, waxaanu xaqiijiyey in Qaahira ka shaqaynayso sidii Maraykanka iyo Dalalka kale ay Suudaan uga saari lahaayeen Liiska Dalalka Argagixisada Maalgeliya, taasi oo lagu daray Xilligii uu Suudaan xukumayey Madaxweyne Cumar Xasan Al-bashiir. “Masar waxay ka taageeraysaa Suudaan sidii looga saari lahaa Liiska Argagixisada..” ayuu Wasiirka Arrimaha dibedda ee Masaru u Saxaafadda ugu sheegay Magaalada Khartoum ee Caasimadda Dalka Suudaan, waxaanu intaa ku daray “Sidoo kale, waxaanu xoojinaynaa arrinta Maraykanka (Liiska Argagixisada ee Suudaan ugu jirto Maraykanka), waanuna sii wadaynaa riixiddeeda (Si looga saaro Liiskaa), annaga oo kala shaqaynayna Madaxda Suudaan.” Maraykanka ayaa Suudaan ku daray Liiska Dalalka Maalgeliya Argagixisada 1993-kii ama Afar Sanadood ka dib, markii Cumar Xasan Al-bashiir uu xukunka ku qabsaday Afgambi. Ugu dambayn, Wasiirka Arrimaha dibedda ee Masar Sameh Shoukry ayaa booqasho ku tagay Isniintii Shalay Magaalada Khartoum, waxaanu halkaa kula kulmay dhiggiisa Suudaan, haweenayda lagu Magacaabo Asmaa Abdalla. Source

(SLT-Hargeysa)-Maareeyaha Haamaha Shidaal Oo Ka Hadlay Warar Sheegaya In Cid Gaar Ah Lagu Naasnuujinayo Shidaalka Ay Xukuumaddu Keenaysay Dalka, Halkan hoose ka DAAWO Source

(SLT-Iran)-Jamhuuriyadda Islaamiga ah ee IRAN ayaa eedayn culus u jeedisay Dawladda Isreal. Wasiirka Wasaaradda Arrimaha dibedda ee IRAN Javad Zarif, ayaa Isreal ku eedeeyay inay dagaal raadinayso, ka dib markii Raysal-wasaaraha Isreal uu toddobaadkan sheegay inay IRAN leedahay goob sir ah oo ay ku kaydsato ama ku samaysato hubka Nuklear-ka. Wasiir Javad Zarif ayaa sheegay in Isreal raadinayso Dagaal, isagoo hadalka Benjamin Netanyahu ku tilmaamay ‘Oohinta yeyga’ Xiisadda labada Dal ee IRAN iyo Isreal ayaa cirka isku shareertay, ka dib markii Isniintii Shalay uu Raysal-wasaaraha Isreal Mr. Netanyahu uu sheegay in Isreal ogaatay in qalab loo adeegsado hubka Nuklear-ka ay ku arkeen Magaalo ku taalla badhtamaha Dalka IRAN oo Magaceedu yahay Abadeh. Mr. Netanyahu oo hadalkiisa sii wata ayaa sheegay in Basaasiinta Isreal ay Sannadkii hore dhukumantiyo la xidhiidha Nuklear-ka Iran ka soo xadeen bakhaar ku yaalla Gudaha IRAN, arrimahaas oo dhamina muujinayaan tuhunka la qabo ee ah IRAN leedahay Hubka wax gumaada ee Nuklear-ka. Laakiin, Wasiirka arrimaha dibedda IRAN oo hadalkaa daba socda ayaa Maanta sheegay in Isreal raadinayso dagaal, hadalkeeduna la mid yahay ‘Oohinta Yeyga’. Source

Qaran News