AQMsE0jXulKQGA1dPZbg4TxSVWNmKDhoA01h72k2EumTt46sJ-yOvmLe9MiYBrmO2TlwdXU1GwZI9WFitJcKi9UF Qaran News

Garoowe (Caasimada Online) – Wasiirka warfaafinta maamulka Puntland Maxamuud Caydiid Dirir oo wariyeyaasha kula hadlay magaalada Garoowe ayaa ka horyimid tallaabo uu qaaday madaxweynaha Soomaaliya oo ku aadan Soomaalida ku nool dalka Jarmalka. Caydiid ayaa ku eedeeyay madaxweyne Xasan Sheekh Maxamuud inuu aqbalay in lasoo masaafuriyo qaxootiga Soomaalida ee ku nool dalkaas, taasina ay tahay arrin nasiib darro ah. Sidoo kale wuxuu tilmaamay in maalmahan oo dhan ay dowladdu qaadeyso tallaabo ka dhan shacabka, isaga oo soo hadal qaaday howlaha burburinta ee ka socda Muqdisho. Wasiirka ayaa hoosta ka xariiqay in dhulalka danta guud ee lala wareegayo ay ka dambeyso dan dhaqaale, isla markaana laga macaashayo ganacsato la siinayo dhulkaasi. “Madaxweyne Xasan Sheekh waxa uu ka shaqeenayo waa in dadka Soomaaliyeed ee masaakiinta ah laga saaro guryahoodii oo kaliya in laga dudumiyo guryahan si loo helo dhul ay dad gaar ah ka macaashi doonaan in dadka magan-gelyo-doonka ah ee Yurub jooga dib loogu celiyo Soomaaliya” ayuu yiri wasiirka warfaafinta maamul goboleedka Puntland. Waxaa sidoo kale arrinta soo celinta qaxootiga Soomaaliyeed ee dalka Jarmalka ka hadlay ra’iisul wasaarihii hore ee Soomaaliya, Mudane Xasan Cali Khayre oo sheegay in Xasan Sheekh Maxamuud uu saxiixay heshiis Jarmalka looga soo celinayo dad Soomaaliyeed. “In Madaxweynaha Dalku saxiixo heshiis dalka Jarmalka looga soo tarxiilayo dad Soomaaliyeed, iyadoo aysan dowladdu wax ka beddelin duruufihii dalka ee ay ka tahriibeen, una diyaarin qorshe nololeed, fursado shaqo, iyo mustaqbal yididiilo leh oo ay u soo noqdaan, waxay muujinaysaa qorshe la’aanta iyo mas’uuliyad-darrada dowladda. Waxaana ayaandarro ah in Madaxweynaha Dalku uusan fahamsaneyn saameynta uu go’aankani ku yeelanayo jaaliyadaha Soomaaliyeed ee ku nool daafaha dunida” ayuu yiri Mr. Khayre. Xasan Cali Khayre ayaa sidoo kale sheegay in go’aankan uu saameyn karo jaaliyadaha Soomaaliyeed ee ku nool dibadaha, taasina ay noqon doonto caqabad soo korortay. Si kastaba, arrintan ayaa dhalisay hadal heyn xoogan oo qabsatay baraha bulshada, wuxuuna warkan noqday mid faafay oo walaac ku abuuray Soomaalida dalka Jarmalka. The post PUNTLAND oo ka hortimid tallaabo uu qaaday XASAN appeared first on Caasimada Online.

Guddoonka labada Aqal ee Baarlamaanka Jamhuuriyadda Federaalka Soomaaliya ayaa magacaabay guddi Kumeel gaar ah oo ka kooban labada Aqal ee Baarlamaanka Dalka kaasoo u xilsaaran diyaarinta xeerarka doorashooyinka, Ururrada iyo Xisbiyadda Jamhuuriyadda Federaalka Soomaaliya iyo sharciga dhismaha guddiga doorashooyinka iyo sidoo kale soohdimaha. Guddigan oo ka kooban 15 xubnood oo isugu jira senatarro iyo xildhibaanno ayaa loo igmaday inay soo diyaariyaan warbixin iyo xog aruurin ku saabsan xeerarka doorashooyinka dalka, ururrada iyo xisbiyada, iyo sharciga loo marayo dhismaha guddiga doorashada. Qabashada doorasho qof iyo cod ah ayaa kamid ahayd qodobadii ka soo baxay shirka madasha wada-tashiga qaran, balse maamullada Puntland iyo Jubbaland iyo siyaasiyiinta mucaaradka ayaa diiddan oo shaki galinaya sida ay doorasho aan dalku u diyaarsanayn loo qaban karo. Source: goobjoog.com

Waxa maanta si rasmi ah xisbiga Waddani ugu biiray Cabdilaahi Abokor oo ka mid ahaan jiray wasiiradda ugu tunka weyn xukuumadda Muuse Biixi. Wasiir hore Maxamed Abokor oo ku sugnaa magaalada Burco ayaa saxaafada ka soo muuqday isaga oo ku soo biiray xisbiga Waddani oo ah xisbiga badbaadada Somaliland. Qaran News

AQOKwfV_jzWpZ2PMl5Ke6ECFeqhnjY-XR9gwTl5fzGrMsO-r6jrrwxS-h6pX2FgNX7a4LCam-28O0ETUjkGD0cv0 Qaran News

The unquotable Bihi: “As you know, this week Abiy Ahmed said that even if he does not sign the maritime Memorandum of Understanding with Somaliland, future Ethiopian generations will.” Hargeisa (PP News Desk) — The President of Somaliland’s administration, Muse Bihi Abdi, yesterday claimed that the purpose of signing a maritime Memorandum of Understanding with the Prime Minister of Ethiopia, Abiy Ahmed, in January was “to secure diplomatic recognition for Somaliland.” While on the election trail in Hargeisa, Bihi gave a speech portraying the illegal maritime MoU as one of his administration’s achievements. He misquoted Abiy Ahmed and misinterpreted the Ethiopian Prime Minister’s remarks about seeking access to the sea. “As you know, this week Abiy Ahmed said that even if he does not sign the maritime Memorandum of Understanding with Somaliland, future Ethiopian generations will,” Bihi said. A clip of the speech by Bihi in which he misquoted Abiy Ahmed. Abiy Ahmed, the Prime Minister of Ethiopia, claimed that Ethiopians of the present generation owe it to future generations to secure access to the sea. Abiy claimed that Ethiopians of the present generation owe it to future generations to secure access to the sea. In response to this provocative statement, President Hassan Sheikh Mohamud of the Federal Republic of Somalia stated that Ethiopia should lose the privilege of hosting the African Union headquarters due to violations by Ethiopia against the territorial integrity of a member state. “Somalia has formed a defence pact with Egypt and Turkey to contain the expansionist regime of Ethiopia. The [British] colonial administration allowed Ethiopia to annex Somali territories, yet Ethiopia now seeks to annex territory belonging to [an independent] Somalia,” President Mohamud said earlier this week in a speech to the bicameral legislature in Mogadishu. © Puntland Post, 2024 The post Muse Bihi Misinterprets “sea access” remarks of the Ethiopian Prime Minister appeared first on Puntland Post.

Source

Washington (Caasimada Online) –Madaxweynaha xilka ka degaya ee dalka Mareykanka Joe Biden ayaa jeediyey hadalkiisii ugu horreeyay ee fagaare uu ka jeediyo tan iyo markii xisbigiisa Dimuqraadiga ah uu lumiyay Aqalka Cad. Joe Biden ayaa sheegay in guulaha madaxweynanimadiisa la dareemi doono toban sano, isagoo ballan qaaday in uu si habsami leh oo nabad ah ugu wareejin doono xilka Madaxweynaha la doortay Donald Trump. “Waxa aan ka tageynaa Mareykanka oo leh dhaqaalaha ugu xooggan adduunka,” ayuu yiri Joe Biden oo xisbigiisa looga guuleystay doorashada Mareykanka. Wuxuu intaas ku sii daray, “Hadda waxa aan haysanaa 74 maalmood oo aynu ku dhameeynayno waqtiga muddo xileedkayagu, aynu maalin walba xisaabinno.” Madaxweynaha Mareykanka ee xukunka ka sii degaya ayaa hoosta ka xariiqay in masuuliyadi ay ka saaran tahay horumarinta wadanka inta uusan wareejin xukunka, isagoo ka faa’iideysanaya fursada uu weli heysto. “Guuldaradu waa mid aan laga maarmi karin, laakiin quusashadu waa mid aan la cafin karin,” ayuu hadalkiisa sii raaciyay Madaxweyne Joe Biden. Isagoo kaftamaya ayuu Biden yiri “Dhammaanteen waa nalaga adkaaday, laakiin cabbirka dabeecaddeena.” Hadal-jeedinta Biden ayaa aheyd mid loogu niyad qaboojinayo taageerayaasha xisbiga, maadaama laga guuleystay, wuxuuna yiri, “Aan dib isugu noqono oo wixii naga qaldamay saxno.” The post Biden oo shaaciyey goorta uu xilka ku wareejinayo Trump appeared first on Caasimada Online.

Source

Sida ay xaqiijisay Wasaaradda Caafimaadka Lubnan, ugu yaraan 40 qof ayaa lagu dilay duqeymo ay ciidamada Isra’il Arbacadi shalay ku garaaceen magaalada Baclabak ee ku taalla Dooxada Beqaa cee dalka lubnan. Weeraro kale oo dhanka cirka ah ayay wasaaraddu sheegtay in Isra’il ay shalay ku garaacday nawaaxiga koofureed ee magaalada caasimadda ah ee Beuyruut. Guddoomiyaha gobolka bari ee Baclabak-Xermel, Bashir Khodri ayaa qoraal uu soo dhigay bartiisa X ku sheegay, in ugu yaraan 40 madfac oo soo tuureen ciidamada Isra’il ay ku naf-waayeen 38 qof ayna ku dhaawacmeen 54 kale. Wuxuu sheegay in howlaha gurmadka ee lagu baadi goobayo dadka la la’yahay ay wali socdaan. Dhanka kale, hogaamiyaha cusub ee Xisbullah Nacim Qasim ayaa ka digay in dagaalyahannadiisu ay la dagaallami doonaan Isra’il ilaa ay ka aqbaleyso nabad. Hadalkaasi ayuu ku sheegay qudbad lasoo duubay oo laga baahiyay telefishannada. Wuxuu sheegay in ay jiri karaan wadahadallo aan toos aheyn, haddii Isra’il ay joojiso weerarka. Tan iyo marki uu billowday dagaalka muddada 13-ka bil socda ee u dhaxeeya Isra’il iyo Xisbullah, Lubnan waxaa lagu dilay in ka badan 3,000 oo ruux, dadkaas intooda badan waxaa la dilay wixi ka danbeeyay bishi September. Source

Dhuusamareeb (Caasimada Online) – Madaxweynaha dowlad-goboleedka Galmudug Axmed Cabdi Kaariye (Qoor-Qoor) ayaa maanta shir guddoomiyay shirka Golaha wasiirada maamulka Galmudug. Golaha Wasiirada Galmudug ayaa shirkaan cod aqlabiyad leh ugy ansixiyay miisaaniyadda Galmudug ee 2025 oo sameysay koror ka badan boqolkiiba labaatan. Golaha ayaa sidoo kale meel-mariyay heshiiskii golaha wadatashiga qaranka, kaas oo muran badan ka taagan yahay, islamarkaana muddo kororsi loogu sameeyay dowlad goboleedyada qaarkood. Sidoo kale waxaa shirkaan warbixin looga dhageystay wasaaradda amniga gudaha, oo ka warbixisay amniga guud ee Galmudug iyo howl-gallada ka dhanka ah kooxda Al-Shabaab oo maalmihii lasoo dhaafay si dardar leh uga socda deegaannada maamulka. Waxaa sidoo kale warbixin looga dhageystay wasaaradda howlaha guud oo ka warbixisay mashaariic kaabayaal dhaqaale ah oo dhawaan ka billaabanaya deegaanada Galmudug. Mashaariicdan ayaa kala ah; dekedda Hobyo, dhismaha waddooyinka caasimadda Galmudug iyo wsdddada weyn ee isku xirta magaalooyinka Dhusamareb iyo Cadaado, dhismaha xarunta baarlamaanka oo hadda maraya meel gebo-gebo ah iyo sidoo kale dhismaha garoonka caasimadda oo si dardar ah ku socda. Golaha wasiirada ayaa waxa kale oo maanta loo qeybiyay nuqullo ka mid ah qabyo qoraalka sharciga maalgashiga shisheeye ee Galmudug. The post Golaha wasiirada Galmudug oo ansixiyay heshiiskii golaha wadatashiga appeared first on Caasimada Online.

Qaran News

Kismayo (HOL) — Federal lawmakers representing Jubbaland state arrived in Kismayo on Thursday for a consultation meeting called by Jubbaland leader Ahmed Madobe to address the growing political rift with Somalia’s federal government. Source: Hiiraan Online

Hay’adda Xuquuqda Aadanaha Itoobiya ayaa Khamiista sheegtay in ay baarayso dil wadareed loo geystay 48 qof, kuwaas oo lagu toogtay gobolka Oromia ee rabshadaha ay ka socdaan, waxayna eedda falkan dusha ka saartay jabhadaha halkaas ka dagaalamaya. Weerar oo ay fulisay Jabhadda Xoreynta Oromada (OLA), oo ah mid Addis-Ababa ay u aqoonsan tahay argagixiso, ayaa toddobadkii tegay ka dhacay degmada waqooyi ee Shewa ee galbeed ka xigta caasimadda, sida uu sheegay Guddiga Xuquuqda Aadanaha Itoobiya (EHRC). Ugu yaraan 48, oo uu ku jiro mas’uul degmo, ayaa la dilay. “Xaaladda aagga hadda aad ayay u kacsan tahay,” ayay tiri Ato Badassa, oo ah madaxa gobolka ee ee hay’adda EHCR ee dowladda xiriirka la leh, balse ka madax-banaan, sida ay ka soo xigatay wakaaladda wararka AFP. Xaaladda Itoobiya ayaa ah mid cakiran, dagaallo u dhexeeya ciidanka dowladda iyo jabhadaha hubaysan ayaana inta badan gobollada dalkaas ka socda, balse maamulka Abii Axmed ayaa dadweynaha ku mashquulinaya hardanka gobolka geeska Afrika, iyo arrimaha badda-cas. Source: goobjoog.com

Kismaayo (Caasimada Online) – Xildhibaano ka tirsan labada aqal ee baarlamaanka Soomaaliya ayaa maanta gaaray magaalada Kismaayo ee xarunta KMG ah ee Jubbaland. Xildhibaannadan oo laga soo doortay deegaanada maamulka Jubbaland ayaa waxay halkaasi uga qeyb-galayaan shir wadatashi ah oo uu isugu yeeray madaxweyne Axmed Madoobe Mas’uuliyiin ka tirsan maamulka Jubbaland ayaa ku soo dhaweeyay garoonka diyaaradaha ee magaalada Kismaayo, iyadoo intaas kadib loo sii galbiyay madaxtooyadda maamulkaasi. Xildhibaannadan oo dhawaan shir jaraa’id ku qabtay magaalada Muqdisho ayaa aqbalay shirka wada-tashi ee ugu yeeray Axmed Madoobe, iyaga oo ugu dambeyn maanta ka degay Kismaayo. Madaxweynaha dowlad-goboleedka Jubbaland Axmed Madoobe ayaa dhawaan shir wada-tashi ah isugu yeeray xildhibaanada labbada aqal ee baarlamaanka JFS ku metela Jubbaland, iyadoo uu shirka wadatashi furmi doono maalinta berri ah, haddii uusan wax iska beddelin qorshaha. Xiisadda siyaasadeed ee Jubbaland iyo dowladda federaalka ayaa cirka isku shareertay wixii ka dambeeyey markii Axmed Madoobe uu ka tegay shirkii golaha wadatashiga qaranka ee Muqdisho ka qabsoomay. Arrinta ugu weyn ee la isku hayo waa nooca doorasho ee Xasan Sheekh uu rabo oo qof iyo cod ah iyo qorshaha Axmed Madoobe oo doorasho dadban ah, waxaana muuqata in khilaafka labada dhinac uu cirka isku sii shareerayo. Axmed Madoobe ayaa la sheegay inuu qorsheynayo inuu qabsado doorasho dadban, taas oo bilaaban doonta toddobaadyadaan. Dhankiisa Xasan Sheekh ayaa gadaal ka riixaya qorshihii lagu ansixiyey shirka golaha wadatashiga qaran oo dowlad goboleedyada loogu ogolaaday muddo kororsi hal sano ah, si sanadka dambe loo bilaabo doorashooyin qof iyo cod ah oo ka dhaca dowlad-goboleedyada. Axmed Madoobd oo qodobkaas ka carooday ayaa isaga baxay shirka, waana diiday muddo kororsiga halka sano ah ee dowlad-goboleedyada kale ay ogolaadeen, maadaama ay ku adag tahay in doorasho qof iyo cod ah uu galo. The post Xildhibaanno ka tirsan BF oo maanta gaaray Kismaayo iyo qorshe culus oo socda appeared first on Caasimada Online.

AQNl4vV02474Rexnu8_jUcEc3ygQWX6Oh9E9tfuT8gquboVQ9mTDt2qP87jN1GhnbDaYS9vdYai1kEbkOaj-kvEs Qaran News

Muqdisho (Caasimada Online) – Gudoomiyaha Maxkamadda gobolka Banaadir, Saalax Cali Maxamuud (Dabaan) iyo guddoomiyeyaasha maamullada degmooyinka ee gobolka ayay ka dhex tafatay, waxaana la’isku qabtay fulinta xukunnada ay soo saarto maxkamadda. Arrintan ayaa daba socoto, kadib markii qaar kamid ah qaar kamid ah guddoomiyeyaasha degmooyinka gobolka Banaadir ay sheegeen in aan lasoo wargelin marka la fulinayo xukunnada dhulka ku yaalla degmooyinkooda, taasina ay tahay mid laga haboon yahay. Saalax Dabaan oo shir jaraa’id ku qabtay magaalada Muqdisho ayaa si adag ula hadlay maamullada degmooyinka, wuxuuna sheegay in aysan ka hadli karin xukun maxkamad ay riday oo ku saabsan guryaha ama dhulalka ku yaalla gudaha magaalada Muqdisho. Sidoo kale wuxuu tilmaamay in guddoomiyeyaashu shaqadooda ay tahay kaliya inay ka shaqeeyaan nadaafadda degmooyinka, isla markaana aanay shaqo ku lahayn xukunnada. Guddoomiyaha ayaa sidoo kale intaasi kusii daray in xukun ay rideen aysan kusoo wargeli doonin gudoomiye degmo, shaqadaasna ay leedahay maxkamadda gobolka. “Guddoomiye Degmo waxa ay mas’uuliyadiisu tahay inuu naadafad ka shaqeeyo, maahan inuu sharci ka shaqeeyo, sharci mas’uuliyad kama saarna, xaq uu kuleeyahay ma jirto, shaqo uu ku leeyahayna ma jirto, maxkamad ayaa ka garnaqda doodaha dadka ee u dhaxeeya xaqqa iyo miilkiilaha laisku haysto cidda mas’uuliyadeeda is kaleh waa Maxkamad” ayuu yiri gudoomiyaha maxkamada gobolka Banaadir. Dabaan ayaa sidoo kale ugu goodiyay guddoomiyihii ka hor yimaado go’aanka maxkamadda isaga qudhiisa laga saari doono guriga uu dagan yahay, lana xiri doono. Arrintan ayaa kusoo aadeyso, ayada oohaatan caasimada ay ka taagan yihiin murano xoogan oo ka dhashay dhulalka la’isku haysto iyo kuwa danta-guud oo ay dowladda federaalka Soomaaliya bilowday in laga saaro shacab ku dhowaad 30 sano kusoo noolaa. The post Maxkamadda gobolka iyo guddoomiyeyaasha degmooyinka oo ay ka dhex tafatay appeared first on Caasimada Online.

Golaha Wasiirada Puntland ayaa Maanta oo Khamiis ah ansixiyay Miisaaniyadda dowladda ee Sannadka 2025. Golaha Wasiirada ayaa cod aqlabiyad ah ku ansixiyey Miisaaniyadda dowladda ee Sannadka 2025, taasi oo noqonaysa wadarta guud $466,840,762 sida ay sheegtay Madaxtooyada Puntland. “Golaha ayaa cod aqlabiyad ah ku ansixiyey Miisaaniyadda Dowladda ee 2025, taasi oo noqonaysa wadarta guud $466,840,762 waxaa ay Miisaaniyadu korortay 18% marka la barbardhigo sannadka 2024” ayay sheegtay Madaxtooyada Puntland. Shirka Golaha Wasiirada ee Khamiistan ayaa sidoo kale lagu ansixiyay Wax-ka-bedel lagu sameeyay Xeerka Xabsiyada Puntland oo ay Golaha la wadaagtay Wasaaradda Cadaaladda iyo Arrimaha Diinta. PUNTLAND POST The post Golaha Wasiirada Puntland oo Maanta ansixiyay Miisaaniyadda dowladda ee Sannadka 2025 appeared first on Puntland Post.

Nairobi (Caasimada Online) – Dowladda federaalka Soomaaliya ayaa maanta magaalada Nairobi ee dalka Kenya kubsaxiixday heshiis cusub oo looga cafinayo lacag in ka badan 100 milyan oo dollar. Heshiiskan oo si wada-jir ah u saxiixeen wasiirka maaliyadda Soomaaliya Biixi Imaan Cige iyo safiirka dowladda Japan ee dalka Kenya Ogihara Hiroshi, ayaa waxay dowladda Japan ku cafinaysa lacag dhan 14-Bilyan oo lacagta Japan ah, doolar ahaan u dhiganta in ka badan 100 milyan oo dollar. Heshiiskaan uu maanta saxiixay wasiirka maaliyadda ayaa daba socda dhameystirka hannaanka deyn cafinta ee dal walba gaarkiisa loola xaajoonayo, taas oo aheyd go’aankii ka soo baxay dalalka ku bahoobay naadiga Paris horraantii bishii Maarso ee sanadkaan. Munaasibadda saxiixa oo koobneyd kadib, wasiir Biixi ayaa u mahad-celiyay shacabka iyo dowladda Japan ee sida deeqsinimada leh ugu dhawaaqay in ay saamexeen dhammaan deymihii ay ku lahaayeen dowladda Soomaaliya. Sidoo kale wuxuu wasiirka sheegay in tani ay dhiirigalin u tahay dowladda Soomaaliya oo dadaal xoogan ugu jirtan dib-u-habeynta Maaliyadda iyo sare u qaadidda Dakhliga si loo gaaro isku filanaan dhaqaale. Safiirka dowladda Japan oo isna hadalo kooban ka jeediyay goobta saxiixa ayaa dhankiisa ballan-qaaday in dowladdiisu ay sii wadi doonto la shaqeynta dowladda Soomaaliya. Waxa uuna xaqiijiyay in dowladda Soomaaliya ay si weyn ugu garabsiin doonaan mashaariicda horumarineed ee laga fulinayo gudaha dalka, taas oo muhiimad gaar ah u leh Soomaaliya. The post Xogta heshiis ay maanta saxiixday Somalia oo looga cafinayo Malaayiin dollar + Sawirro appeared first on Caasimada Online.

Nairobi (HOL) — Somalia’s government announced Thursday that it had reached a debt forgiveness agreement totalling $100 million with Japan as part of its ongoing economic reform and debt relief initiatives. Source: Hiiraan Online

Xildhibaanno ka tirsan Labada Aqal ee Baarlamaanka Federaalka Soomaaliya oo ka soo jeeda Jubaland ayaa maanta oo Khamiis ah gaaray magaalada Kismaayo. Mudanayaasha ka tirsan Labada Aqal ee Baarlamaanka Federaalka Soomaaliya ee laga soo doorto Jubaland, waxaa garoonka diyaaradaha Kismaayo ku soo dhaweeyay mas’uuliyiin ka tirsan Jubaland. Xildhibaannadaasi Jubaland ku matala Labada Aqal ee Baarlamaanka Soomaaliya ayaa ajiibay codsi uga yimid Madaxweyne Axmed Madoobe oo ku casumay Shir Wada-tashi ah, kaasi oo ka dhici doonaa Kismaayo. Madaxweyne Axmed Madoobe iyo Xildhibaannada Labada Aqal ee laga soo doorto Jubaland ayaa lagu wadaa in ay Shirkooda Wada-tashiga ah uga arrinsadaan Khilaafka u dhexeeya dowladda Soomaaliya iyo Jubaland. PUNTLAND POST The post Xubno ka tirsan Labada Aqal BFS ee laga soo doorto Jubaland oo maanta Kismaayo gaaray appeared first on Puntland Post.

Muqdisho (Caasimada Online) – Golaha wasiirada xukuumadda federaalka Soomaaliya ayaa maanta kulankooda todobaadlaha ah ku yeeshay magaalada Muqdisho, kaas oo diiradda lagu saaro xaaladda guud ee dalka iyo waxqabadka xukuumadda DanQaran. Kulanka oo ahaa mid xasaasi ah ayaa waxaa guddoomiyay ra’iisul wasaare Xamza Cabdi Barre, waxaana goob joog ka ahaa inta badan xubnaha golaha wasiirada ee dalka. Inta uu socday kulankan ayaa lagu soo bandhigay warbixinno muhiim ah oo ku saabsan qiimeynta qaranka ee la-dagaallanka argagixisadda iyo lacag dhaqista maadama dowlada Soomaaliya hirgelisay joojinta ilaha dhaqaale ee ay ku tiirsanaayeen kooxaha Khawaarijta. Sidoo kale golaha ayaa lala wadaagay warbixinno gaar ah oo ka hadlaya amniga guud ee dalka iyo guulaha laga gaaray howlgalladii ugu dambeeyay ee ka dhacay dalka, sida lagu sheegay warsaxaafadeed kasoo baxay xafiiska ra’iisul wasaare Xamza Cabdi Barre. Warbixinnada kale ee muhiimka ah ee shirka lagu soo qaaday waxaa kamid ah Qorshhaha Isbeddelka Qaranka (NTP 2025 —2029) oo hadda qoristiisu ka socoto magaalada Muqdisho “Shirka oo uu guddoominaayey Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa lagu soo bandhigay Warbixinno ku saabsan xaaladda amniga dalka, gaar ahaan guulaha ciidamada qalabka sida ay ka gaareen dagaalka lagu ciribtirayo kooxaha argagixisada iyo Qorshhaha Isbeddelka Qaranka (NTP 2025 — 2029)” ayaa lagu yiri warsaxaafadeedka. Shirkan oo la qabto todobaadkii mar maanta oo kale ayaa kusoo aaday, ayada oo haatan dowladda federaalka ay wajaheyso xaalad adag oo ku aadan khilaaf ka dhashay hannaanka loo jiheynayo doorashooyinka dalka oo durbo dhaliyay xiisad siyaasadeed oo u dhexeyso Villa Soomaaliya, maamullada Jubbaland, Puntland iyo siyaasiyiinta mucaaradka ah. The post Maxay yihiin warbixinnada maanta lagu soo bandhigay shirka golaha wasiirada? appeared first on Caasimada Online.

Golaha wasiirrada xukuumadda Faederaalka Soomaaliya ayaa kulankoodii manta diiradda ku saaray dagaalka ka dhanka ah kooxda Alshabaab, iyo lacag dhaqista. Golaha Wasiirrada oo maanta yeeshay kulankoodii caadiga ahaa, ayaa lagu soo bandhigay warbixin ku saabsan Qiimeynta Qaranka ee la-dagaallanka kooxda Alshabaab iyo lacag dhaqista maadama dowlada Soomaaliya hirgelisay joojinta ilaha dhaqaale ee ay ku tiirsanaayeen kooxaha Khawaarijta. Shirka oo uu guddoominaayey Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa lagu soo bandhigay Warbixinno ku saabsan xaaladda amniga dalka, gaar ahaan guulaha ciidamada qalabka sida ay ka gaareen dagaalka lagula jiro kooxda Alshabaab iyo Qorshhaha Isbeddelka Qaranka (NTP 2025 — 2029). Source: goobjoog.com

Wasiirka Maaliyadda XFS Mudane Biixi Imaan Cige iyo Safiirka Dowladda Japan ee Dalka Kenya Mr. OGIHARA Hiroshi ayaa maanta si wadajir ah u saxiixay heshiis Dowladda Japan ay ku cafinayso lacag dhan 14-Bilyan oo lacagta Japan ah, doolar ahaan u dhiganta in ka badan Boqol Milyan oo Doolar. Heshiiskaan uu maanta saxiixay Wasiirka Maaliyadda XFS ayaa daba socda dhameystirka hannaanka deyn cafinta ee dal waliba gaarkiisa loola xaajoonayo, taas oo aheyd go’aankii ka soo baxay dalalka ku bahoobay naadiga Paris horraantii bishii Maarso ee 2024-ka. Munaasibadda saxiixa oo koobneyd kadib, Mudane Biixi Imaan Cige Wasiirka Wasaaradda Maaliyadda XFS ayaa u mahadceliyay Shacabka iyo Dowladda Japan ee sida deeqsinimada leh ugu dhawaaqay in ay saamexeen dhammaan deymihii ay ku lahaayeen Dowladda Soomaaliya, Wasiirka ayaa sidoo kale sheegay in tani ay dhiirigalin u tahay Dowladda Soomaaliya oo dadaal xoogan ugu jirtan dib-u-habeynta Maaliyadda iyo sare u qaadidda Dakhliga si loo gaaro isku filanaan dhaqaale. Safiirka Dowladda Japan oo hadalo kooban ka jeediyay goobta saxiixa ayaa dhankiisa balan qaaday in Dowladdiisu ay sii wadi doonto la shaqeynta Dowladda Soomaaliya iyo ku garabsiinta Mashaariicda Horumarineed oo ay ka fuliyaan dalka Soomaaliya. Source: goobjoog.com

Dembi-baarayaasha dalka Kenya ee ku howlan ka sal-gaaridda galdacwadeedka Haashim Dhaqane Muxumed oo loo haysto dilka 3 gabdhood oo isku qoys ahaa ayaa soo bandhigey caddaymo hor leh oo muujinaya dilka gabar kale oo lala xariirinayo inuu ninkaasi ku lug lahaa. Baareyaasha ayaa sheegay inay heleen haraaga jir bini’aadam oo si xun loo jar jaray, islamarkaana la dhigey xabaalaha loo yaqaanno lang’ta ee magaalada Nairobi, ayagoo soo bandhigey muuqaalka gabar sii galaysa dhismaha uu deganaa Haashim, iyo asagoo gacmaha boorsooyin mad madow ku wata oo isla dhismahaas ka soo baxaya. Gabadha cusub ee la sheegay in loo malaynayo inuu diley eedeysane Haashim oo lagu magacaabo Deeqo Cabdinuur Qorane ayaa la waayay 24-kii bishii oktoobar, waxayna markii ugu dembaysay sii galaysay dhismaha uu deganaa Haashim. Baareyaasha dalka Kenya ayaa sheegay inay ku raad joogaan milkiilihii dhismahaas oo la sheegay inuu dhacdadaas ka dib nadiifiyay dabaqa oo dhan, islamarkaana rijinka ka badalay. Galdacwadeedka Haashim Dhaqane Muxamed ayaa hor yaalla maxkamadda ugu weyn dalkaasi Kenya, waxaana ku socda baaritaan xooggan oo ku saabsan faldambiyeedyada loo haysto. Source: goobjoog.com