Muqdisho (Caasimada Online) – Ciidanka Sirdoonka Qaranka ee NISA ayaa gacanta kusoo dhigay dhagarqabe ku eedeysan in uu ka qeyb qaatay dil dhowaan labo muwaadin loogu geystay Degmada Dharkenley ee gobolka Banaadir. “Dhagar-qabaha oo lagu magacaabo Cabdisamad Axmed Cismaan ayaa ku eedeysan in uu wade ka ahaa Mooto Bajaaj siday labo dhagar-qabe, kuwaas oo 26-kii October degmada Dharkenley dil ugu geystay labo muwaadin,” ayaa lagu yiri qoraal ka soo baxay NISA. Sidoo kale Hay’adda ayaa shaacisay magacyada ragga lagu eedeynayo in ninkaan uu dilkooda ka qeyb qaatay, waxaana la kala dhihi jiray Maxamed Cumar Nuur oo ahaa maamulaha Markazka Al-ansaar oo lagu dilay gudaha Markazka iyo Arday lagu magacaabi jiray Muscab Daahir Xuseen. Wiilka yar ee Ardayga ahaa ayaa xilliga la dilayay ku hawlanaa farsamada Kaamiro ku xirneyd banaanka Markazka, waana sababta la aaminsan yahay in loo beegsaday dadkaas. “Ciidanka Hay’adda Sirdoonka iyo Nabad Sugidda Qaranka ayaa ku raad jooga dhagar-qabeyaasha kale, si caddaaladda loo hor keeno,” ayaa lagu yiri qoraalka NISA. NISA ayaa soo bandhigtay sawirka ninka gacanta lagu dhigay ee loo heysto in dilka labadaas marxuum uu ku lug lahaa, waxaana ku socda baaritaan, si loo soo qabto raggii kale ee dilka gacantooda ku geystay, maadaama kan uu Mootada ay ku baxsadeen uu waday. Dadkaan ayaa sababsaday kaamiro ay ku xirayeen goobtaas waxbarasho ee ay ku sugnaayeen, waxaana Shabaab ka go’an inay ka hortagaan dadka xiranaya kaamirooyinka wax duuba ee CCTV-ga ah. Kooxda ayaa sidaan oo kale u dishay ganacsato badan oo xiratay kaamirooyinka, waxaana xusid mudan in maalmihii lasoo dhaafay lasoo qabtay xubno ka qeyb qaadanayey dilalkaas, dowladda Soomaaliya ayaa dadka ku amartay inay xirtaan kaamirooyinka. The post NISA oo soo bandhigtay nin ka tirsan Amniyaadka oo ka qeyb qaatay dilka labo qof appeared first on Caasimada Online.

Kismaayo (Caasimada Online) – Wasaaradda Amniga Jubbaland ayaa sheegtay in dowladda Soomaaliya ay amar ku bixisay in ciidanka xoogga dalka ay kaso baxaan furimaha hore ee dagaalka ee gobolka Jubbada Hoose. Jubbaland ayaa war-saxaafadeedkaan ku sheegtay in dowladda federaalka ay siyaasadaysay dagaalka dalka looga xoreynayo kooxaha Khawaarijta ah. Wasaaradda ayaa sheegtay in ciidamadii ka soo baxay furimaha dagaalka ee xoogga dalka ay gudaha u soo galeen magaalooyinka waaweyn ee Jubbaland, gaar ahaan magaalada Kismaayo. “Dagaaladii dhacay 6-dii bishaan iyo maanta oo ah 9-ka November waxaa kali ku ahaa ciidamada Jubbaland oo kaligood jilibka u aastay Khawaarijta, khasaarihii ka dhashay dagaaladaas waxay ku gaar noqdeen ciidamada Jubbaland,” ayaa lagu yiri qoraalka. Jubbaland ayaa sheegtay in ciidamada dowladda federaalka ay waayahaan damacsanaayeen qorshaha ay uga soo baxeen furimaha dagaalka, isla markaana ay Jubbaland sameysay isku day kasta, si loogu qanciyo inay furimaha ku laabtaan oo dalka difaacaan. “Waxaa lacago lagu bixinayaa in ciidamadaasi ay ka soo baxaan furimaha dagaalka, iyadoo lasoo geliyey magaalooyinka waaweyn oo Kismaayo ku jirto, iyadoo laga leeyahay dano gaar ah oo siyaasadeed,” ayaa lagu yiri qoraalkaan ka soo baxay wasaaradda amniga Jubbaland. Sidoo kale Jubbaland ayaa dusha ka saartay wixii cawaaqib xumo ah oo ka dhasha hadii uu fashilmo dagaalka Khawaarijta oo ay ugu horeyso inuu faraha ka baxo amniga magaalada Kismaayo. “Dadka Soomaaliyeed iyo daneeyayaasha arrimaha Soomaaliya waxaan ogeysiineynaa in talaabooyinkii ugu dambeeyey ee DF ay furimaha uga soo saartay ciidamada ka jooga Jubbaland, iyadoo adeegsaneysa awood dhaqaale iyo isku dirka beelaha ay ka dhalan karaan barakac iyo dagaala sokeeye oo Jubbaland ka bilowda,” ayaa lagu yiri warkaan. Hoos ka akhriso The post Jubbaland oo DF ku eedeysay fashilinta dagaalka Al-Shabaab iyo qorshe kale oo xasaasi ah appeared first on Caasimada Online.

AQMMjkds9q1EEvobJw3FYUVXXOUx4cSGbTKl8yI7Jy75HjVgbqngRqi1pwg5IxNCh0WlLn3Ms7hhl0NjtD5JYQyq Qaran News

Waxa dalka soo gaadhay goob joogayaal caalami ah oo la socon doona doorashada Somaliland ka dhici doonta 13ka November oo ay inaga xigto ayaamo kooban Goob joogayaashani ayaa u kuur gali doona sida ay u qabsoomi doonto doorashadu, waxana saaka tababar loo furay 23 ka mid ah goob joogayaasha oo dalka ku sugan kuwaasi oo shalay dalka soo gaadhay Qaran News

Muqdisho (Caasimada Online) – Wasaaradda Amniga Gudaha Soomaaliya ayaa ku wargelisay umadda Soomaaliyeed in shaqsiga magaciisa la yiraahdo Cabdullahi Cabdiraxmaan Aadan oo mar ahaan jiray la-taliyaha barnaamijka dhaqancelinta iyo isa soo dhiibayaasha Serendi xukuumadii hore laga soo bilaabo bilowgii sanadkii 2021-kii, ilaa bilowgii sanadkii 2022-kii, shaqada laga eryay Bishii Maarso 2022-kii. “Sidaas darteed waxaan u cadeeyneynaa dadka Soomaaliyeed iyo cid walba oo uu la xiriiray in uusan hadda u aheyn xukuumadda Dan-Qaran la-taliye ka tirsan Wasaaradda Amniga Gudaha,” ayaa lagu yiri qoraalka wasaaradda Amniga Soomaaliya. Ciidanka Xoogga Dalka ayaa habeen ka hor xili saqdii dhexe weeraray guri uu magaalada Beledweyne ka deganaa nin sheegtay madaxweynaha maamul uu ugu magac daray Hiiraan State, kaas oo la ogaaday in Itoobiya uu gacan saar la leeyahay. Cabdullahi Cabdiraxmaan Aadan ayaa lagu magacaabaa ninkaas, waxaa calay gurigiisa u dhacay ciidan ka tirsan hoggaanka sahanka iyo sirdoonka ciidanka xoogga dalka, balse kuma guuleysan inay qabtaan. Gurigii loo dhacay ee ninkaasi deganaa waxaa loogu tegay aqoonsigiisa oo (la-taliye wasaaradda arrimaha gudaha Soomaaliya) ay ugu qoran tahay, Calanka Itoobiya iyo agabyo kale oo ciidan, balse xiliga la galay gurigiisa waa uu ka maqnaa. Saraakiil ka tirsan ciidankii howlgalka fuliyey ayaa Caasimada Online u xaqiijiyey in ninkaasi uu u baxsaday dhanka magaalada Feerfeer, waxaana dabagal ku haya ciidanka xoogga dalka. Xeer ilaalinta maxkamadda ciidamada ayey waaran soo qabasho ah ka wateen ciidanka xalay guriga u dhacay, waxaana ciidanka lagu amray inay soo qabtaan ninkaas iyadoo wax khasaare ah uusan dhicin. Sida ay ogaatay Caasimada Online, sarkaalka xalay gurigiisa la weeraray waxay Itoobiya u balan qaaday inay u tababareyso ciidamo maleeshiyaad ah oo dhowr kun ah, si danaha Itoobiya ee gudaha Soomaaliya loogu adeegaado. Madaxweyne Xasan Sheekh ayaa horay u sheegay in dowladda Itoobiya ay gudaha Soomaaliya ka wado qorshada maleeshiyaad u fuliya danaheeda gaarka ah, taasna ay ka hortegi doonto dowladda Soomaaliya. Dhowaan dowladda Soomaaliya ayaa dalka ka ceyrisay sarkaal ka tirsanaa safaaradda Itoobiya ee Muqdisho, kaas oo ku howlanaa abaabulka ciidamo maleeshiyaad ah oo gudaha Soomaaliya uu ka waday, waxaana ku fahantay dowladda Soomaaliya. Wasiirka arrimaha dibadda Soomaaliya ayaa TV-ga Qaranka u sheegay in lix bilood ay ninkaas ku raad-joogtay dowladda Soomaaliya, si loo ogaado waxa uu ka shaqeynayo, taasi oo fududeysay in ugu dambeyntii dalka laga ceyriyo. The post DF oo warbixin kasoo saartay nin la shaqeeya Itoobiya oo ka tirsanaa wasaaradda amniga appeared first on Caasimada Online.

Mogadishu (HOL) — Somali parliament's interim committee tasked with drafting electoral laws and establishing election frameworks has elected former Deputy Prime Minister MP Mahdi Guled as chairman, with Senator Iftin Hassan Iman Baasto as deputy chairman. Source: Hiiraan Online

https://qarannews.com/wp-content/uploads/2024/11/AQP-f2UmT1H4fUleTFN276C8bYQldu5e_34Rn4nbREgtvS0uuVXwONUk8t4DGSs3_ZQ7lIL7oUkMmuX98tfuYeWK.mp4 Qaran News

Muqdisho (Caasimada Online) – Wasiirka arrimaha dibadda Soomaaliya, Axmed Macallin Fiqi oo la hadlay warbaahinta dowladda ayaa faah-faahiyay sababaha ka dambeeya inay hakad galaan wada-hadalladii Soomaaliya iyo Itoobiya ee ka socday magaalada Ankara. Fiqi ayaa shaaca ka qaaday in wareegga saddexaad ee wada-hadallada ay hakad u galeen mashquul labada dhinac ah, sida shirkii guud ee Qaramada Midoobay oo soo dhax-galay, intii ay socdeen wada-hadallada, waxaase uu tilmaamay in weli Turkigu uu wado dadaallo xoogan. “Wadahadalaas way soo socdeen runtii, bishii 7-aad iyo 8-aad waa la fadhiistay wareegga 2-aad, midka 3-aad ayaa loo balansanaa bishii 9-aad taasi ma dhicin, shirkii QM ayaa soo dhax-galay dib ayaa loo dhigay, balse howshaas wali way socotaa dowladda Turkiga dadaal xooggan ayay wadaa” ayuu yiri wasiirka arrimaha dibadda xukuumadda Soomaaliya. Axmed Macallin Fiqi ayaa sidoo kale farriin u diray Abiy Axmed iyo xukuumaddiisa, wuxuuna ugu baaqay inay inay xaqiidda u soo laabtaan oo runta isu sheegaan, si wadahadallo natiijo leh loo gaaro, uuna guuleysto wajiga saddexaad ee kulanka. “Itoobiya haday maalgalin rabaan Barbara ayay qeyb ka heleen, laakiin marabaan, xitaa Jabuuti ayaa dhahday bad ayaan idin siineynaa marabaan way ka muuqataa inaysan ka jawaabin” ayuu mar kale yiri wasiirku. Sidoo kale wuxuu sii raaciyay “Soomaaliya heshiis ma diidano baddaan Allaa nasiiyay, in laga faa’ideysto oo kheyraadka ku jira laga soo saaro, hadii dowladda Dariska canshuur looga heli karo oo wax kala soo dagaan dowlad Soomaaliyeed heshiis lala galaya wax diidaya majiraan, waxaa la diidanyahay waa ciidan ayaa geysanayaa, waana taas midda dowladda diiday balse waxii heshiis ah diyaar ayay u tahay”. Hadalkan ayaa kusoo aadayo, ayada oo halkeedii ay tahay xiisadda u dhexeysa Addis Ababa iyo Muqdisho, waxaana weli Itoobiya ay ku adkeysaneysaa heshiiska badda ee ay la gashay maamulka Somaliland, kaas oo ay si weyn uga hortimid dowladda federaalka ah. The post Hal arrin oo ay u hakadeen wada-hadalladii u dhaxeeyey Soomaaliya iyo Itoobiya appeared first on Caasimada Online.

Muqdisho (Caasimada Online) – Warsaxaafadeed kasoo baxay wasaaradda arrimaha gudaha dowladda federaalka ah ee Soomaaliya ayaa waxaa looga hadlay doorashooyinka qof iyo codka ah ee dhowaan ka dhacaya Somaliland, taas oo ah mid xasaasi ah. Wasaaradda ayaa shaaca ka qaaday iney taageereyso hanaanka doorashooyinka ee Somaliland ee la filayo in 13-ka bishaan ay ka dhacaan deegaanada maamulkaasi. Sidoo kale wasaaradda arrimaha gudaha Soomaaliya ayaa sheegtay in is dhow ay isha ugu heyn doonto doorashadaas, iyada oo guul u rajeysan shacabka iyo hoggaanka maamulka. “Dowladda Federaalka ah ee Soomaaliya iyada oo aqoonsanaysa doorka muhiimka ah ee geeddi-socodka dimuqraadiyadda iyadoo xoojinaysa muuqaalka doorashada Soomaaliya, waxay si dhow ula socotaa doorashada soo socota ee gobolka waqooyi ee Somaliland” ayaa lagu yiri qoraalka. Hadalkan waxaa ka horreeyay mid kale oo dhowaan kasoo baxay madaxweyne Xasan Sheekh Maxamuud oo boggaadiyay doorashada dadweyne ee ka dhaceysa Somaliland. wuxuuna qiray in aysan ahayn tii ugu horreysay ee ka dhacda halkaasi. “Waxaan boggaadinayaa walaalaha Somaliland oo maalmo gudahood u dareeri doona doorasho dadweyne, taas oo aanan ahayn markii koowaad iyo markii labaad” ay yiri. Sidoo kale wuxuu sii raaciyay “Waxaan rajeyneynaan inay nabad iyo guudl ugua soo dhammaato ama aanay u horseedo deganaasho iyo dimuquraadiyad”. Hadalkan ayaa kusoo aadayo, ayada oo 13-ka bishan Novermber la filayo in Somaliland ay ka dhacdo doorashada hoggaanka mamulkaasi, waxaana haatan soconayo ololaha doorashooyinka oo u dhexeeyo hoggaanka saddex xisbi ee Kulmiye, Wadani iyo UCID. The post DF oo isha ku heysa doorashada qof iyo codka ah ee SOMALILAND appeared first on Caasimada Online.

Muqdisho (Caasimada Onine) – Maxkamadda Ciidamada Qalabka sida ayaa qoondada ugu badan ee Miisaaniyadda Dowladda Federaalka Soomaaliya ku yeelatay marka la barbardhigo maxkamadaha kale sida tan Sare, tan Gobolka Banaadir iyo midda racfaanka. Qoondada Maxkamadda Ciidamada qalabka sida ee Miisaaniyadda ku leedahay waa $3,740,000 halka Maxkamadda ku xigta ee tahay tan Sare ee Dalka oo loo qoondeeyay $2,715,177, farqiga u dhaxeeya waa $1,024,823. Maxkamadda saddexaad ee qoondada ugu badan ka heshay Miisaaniyadda waa kan Gobolka Banaadir, $2,312,104 Doollar ayaa u diiwaangashan, halka tan racfaanka qoondadeedu tahay $1,194,399 waxaana Guddiga Adeegga Garsoorka ku baxaya qoondo dhan $195,192. Hay’adaha kala duwan ee Dowladda Federaalka Soomaaliya ayaa ku kala badan qoondada Miisaaniyadda guud ee dhowaan ay ansixiyeen Golaha Wasiirrada iyo labada Aqal ee Baarlamaanka 11aad ee JFS. Maxkamadda Ciidamada Qalabka sida oo howsheedu tahay xukun ku ridista Dadka ku eedeysan dambiyada kala ee salkeedu ku dhammaanayo ciqaabka Ciidanka sida Ciidamada Qalabka sida, iyo Kooxaha hubeysan. Xigasho: Mustaqbal The post Maxkamadda ciidamada oo heshay qoondada ugu badan ee miisaaniyadda DF + Sababta appeared first on Caasimada Online.

“Ma Daalayaashii” Xisbiga Kulmiye oo is casilay kuna biiray xoogaga isbedel-doonka togan ee uu hogaaminayo Musharax Cabdiraxmaan Maxamed Cabdillahi (Cirro). Masuuliyiintan ayaa kala ah: 1.Mustafe Xuseen Maxamed (Gudoomiyaha Garabka Dhallinyarada Gobolka Maroodi-jeex) 2. Maxamed Cabdi Yuusuf Caalin (Xoghayaha Xidhiidhka Gobolada & Degmooyinka Xisbiga Kulmiye ee heer Gobol/ Maroodi-jeex) 3. Cabdikarim Baaruud Xusen Dhidar (Madaxa Warbaahinta Xisbiga Kulmiye ee Gobolka Maroodi-jeex) Qaran News

Madaxweyne Biixi ayaa Yidhi ““Faysal Cali Waraabe wuu gaboobay oo dadku wuu ka daalay, maantana rajada xisbigiisu ma fiicna” Faysal ayaa u jawaabay “Afartan sano ayaad dadka xumman iyo qabyaalad la dhex joogtay. Madaxweynihi dalka xoriiyey , Abdiraxam Ahmed Ali (AUN) ayaad kabaha kala baxday, Cigal (AUN) ayaad dhibtay, Riyaale ayaad u Ku tidhi dhanged ayaan Madaxtoyada ka ga so saaraya. Silaanyo ayaad Shani Ku qarxisay. Maanta Somaliland Ayaad reer reer u qaybisay Ciidanki Qaranka Ayaad jabisay dalkii ayaad Ku soo Ururisay Oog. Maanta hadii aad damiir lahaan laheyd waad is casililaheyd Ee Ilaahay SL hakaa bad baadiyo cadow kasta adigaa khatar badan Anigu Sharaf Iyo magac ayaan la joogay dalka. Waxaan taro Mooyee dhibaato lama joogo” Qaran News

Xubnihii Xisbiga Kulmiye u qaabilsanaa Xafiisyada Magalada Burco iyo soo rarista gaadiidka ayaa maanta iska casilay xilalkaasi ay u hayeen xisbiga Kulmiye isla markaasina si rasmi ah ugu biiray xisbiga rajada Somaliland ee Waddani Ex Xildhibaan Mubarik Bidhi ayaa soo dhaweyay xubnahaasi mihiimka ahaa Waxa jira xubno badan oo xukuumadda iyo xisbiga Kulmiye ka tirsan oo iska casilaaya xukuumadda iyo xisbiga kulmiye oo ku soo biiraaya isbedelka dalka ka socda Qaran News

Muqdisho (Caasimada Online) – Ra’iisul wasaaraha xukuumadda federaalka Soomaaliya, Mudane Xamza Cabdi Barre ayaa maanta qaaday tallaabo culus, isaga oo magacii ka beddalay Wasaaradda Awqaafta iyo Arrimaha Diinta, kadib wareegto uu soo saaray. Magaca wasaaradda ayaa waxaa hadda laga dhigay Wasaaradda Awqaafta iyo Arrimaha Islaamka, sida lagu caddeeyay go’aanka kasoo baxay xafiiska Ra’iisul wasaaraha. “Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa soo saaray digreeto magaca looga beddelayo Wasaaradda Awqaafta iyo Arrimaha Diinta, oo hadda laga dhigay Wasaaradda Awqaafta iyo Arrimaha Islaamka” ayaa lagu yiri digreetada. Horay ayaa sidan oo kale magacyada looga beddalay qaar kamid ah wasaaradaha dowladda federaalka, waxaana ugu dambeysay wasaaradda haweenka oo loo beddalay wasaaradda qoyska iyo arrimaha bulshada, iyada oo kadib loo magacaabay Bashiir Goobe. Arrintan ayaa dhalisay hadal-heyn xoogan, waxaana ka falceliyay qaar kamid ah dadweynaha Soomaaliyeed ee isticmaalaha baraha bulshada ee Internet-ka. Nuur Xaaji Adduunyo “Wasiirka diinta ayaa jidka kuso jiro miyaa oo wasaarad kaligeed ah laga dhigo rabo saas ayaa fiican ee nin Sheekh ah halo magacaabo wasaarada diinta kaligeed?” Kamaal Xuseen “Doodda laga sameeyay iyo sabahaha noo sheega si aan u fahano ula jeedka”. Garaad Caaqil Sheekh “Tani waa tallaabo wanaagsan waxay meesha ka saareysaa diin aan ahayn midda ISLAAMKA inaysan khuseynin oo uu dalka iyo dadka Soomaaliyeed leeyihiin hal diin oo ISLAAM ah”. Ciise Amiin ayaa isna yiri “Waa magac aad u wanaagsan Mudane Xamsa Cabdi Barre. Guuleyso”. The post Xamza oo magaca ka beddelay mid ka mid ah wasaaradaha DF iyo falcelin ka dhalatay appeared first on Caasimada Online.

Qatar has asked Hamas's political leadership to leave the country within a month, acting on a request from the US, two sources told The National on Saturday. Source: Hiiraan Online

Nairobi (Caasimada Online) – Wararka naga soo gaaraya dalka Kenya ayaa sheegaya in xalay dil kale oo loo gaystay muwaadin Soomaaliyeed uu ka dhacay gudaha magaalada Nairobi, gaar ahaan xaafadda Islii oo ay ku badan yihiin Soomaalida ku dhaqan dalkaasi. Marxuumka la dilay oo 25 sano jir ah ayaa kamid ahaa dhalinyarada Soomaaliyeed ee ku dhaqan Nairobi, waxaana dilkiisa ka dambeeyay kooxo hubeysan oo baxsaday. Mid kamid ah Soomaalida ku sugan Nairobi oo la hadlay warbaahinta ayaa sheegay in kooxda dilka gaysatay ay burcad ahayd, isla markaana ay taleefanka ka qaateen marxuumka. “Xalay muwaadin Soomaaliyeed ayaa lagu khaarijiyay xaafadda Isliil, dilkiisana waxaa ka dambeeyay koox hubeysan oo lagu sheegay tuugo waxayna ka qaateen taleefan” ayuu yiri. Sidoo kale wuxuu intaasi kusii daray “Xabadda waxaa looga dhuftay qaybaha sare ee jirkiisa, nafna dhulka lama dhicin”. Goobjoogaha oo sii hadlaya ayaa shaaca ka qaaday in dhacdooyinka dilalka ah ee kusii badanaya Nairobi ay walaac xoogan ku reebeen Soomaalida oo ay lasoo daristay cabsi. “Arrintan waxay walaac ku abuurtay Soomaalida ku dhaqan Nairobi, iyada oo aad la socotid in dhowaan 4 dumar ah lagu dilay gudaha xaafadda Islii” ayuu mar kale yiri goobjooguhu. Dilka kadib waxaa lasoo wariyay inay goobta tageen ciidamada ammaanka oo illaa iyo haatan wada baaritaanno ku aadan dhacdadaasi. Dhowaan ayaa Nairobi waxaa si arxan darro ah loogu dilay hooyo iyo labadeeda gabar, waxaana ka horreeyay gabar kale oo maydkeeda la jarjaray, waxaana loo soo qabtay eedeysane oo Soomaali ah oo lagu magacaabo Haashin, kaas oo lagu hayo baaritaanno. The post Dil kale oo ka dhacay Nairobi iyo cabsi soo wajahday Soomaalida appeared first on Caasimada Online.

AQMuIpH2d0K8w7t2-jnl3Gde6JWO6JBx6GuSDbx1VLvZv9WxcAAwhygYnl2q1rjkhVvc0yE4idLTZs6MzTHIguMu Qaran News

Source

Khilaaf xoogan ayaa mudooyinkii la soo dhaafay u dhaxeeyay madaxweyne Muuse Biixi iyo ku xigeenkiis Cabdiraxmaan Saylaci. Khilaafkani waxa uu salka ku hayay markii uu Mr Saylaci saluugay habka uu Muuse Biixi dalka u hogaaminaayo iyada oo uu awoodii sharciyeed uu lahaa madaxweyne ku xigeenku uu cunaha iskaga duubay Muuse Biixi, sidoo kale uu dhagaha ka furaystay arinkasta oo uu madaxweynebku xigeenku u soo jeediyo madaxweynaha. Waxa uu dhawaan Sayalaci u shegay taageerayaashiisa in ay u codeeyaan isbedelka taasi oo dibada keentay in uu jiro khilaaf u dhaxeeya labad hogaan ee dalka ugu sarreeya. Waxa uu Muuse Biixi si toosa maanta u weeraray Sayalaci isga oo ku eedeeyay in uu iibsaday ururka Barwaaqo oo uu dhisaayo, arinkaasi oo aanu ilaa hada uuna ka jawaabin Saylaci waxa ay u eegtahay in dagaalka dibadda u soo baxay ee u dhaxeeya Muuse Bikxi iyo Saylaci uu bilaabay Muuse isla markaasina ay labadoodu kala dhaqaaqeen xili adag. Muuse Biixi ma aha nin ummadda hogaamin kara iyada oo intii uu dalka madaxweynaha ka ahaa uu ku riday god dheer oo loo baahanyahaynin laga badbaadiyo waxa soo hadhay. Muuse waxa lagu xasuusan doonaa madaxweynahii dagaalka ku qaadday madaxweyne ku xigeenkiisii ee qadarun waayay, sidoo kale dalka galiyay nolol qalafsan oo ay maanta shicibku u baahanyihiin gurmad degdeg ah. Reer Awdal waxa la gudboon in ay u codeeyaan isbedlka dalka oo ay maanta iyagu qayb ka yihiin cida bad baadin karta oo codkooda siiyaa misharax Cabdiraxmaan Cirro iyo ku xigeenkiiss Maxamed Cali Qaran News

Ra’iisul Wasaaraha Soomaaliya, Mudane Xamsa Cabdi Barre, ayaa digreeto ku magaca uga beddelay Wasaaradda Awqaafta iyo Arrimaha Diinta, taas oo loo bixiyey “Wasaaradda Awqaafta iyo Arrimaha Islaamka.” Tallaabadan beddelka ah ayaa loogu talagalay in lagu adkeeyo shaqooyinka iyo adeegyada diineed ee ay wasaaraddu u qabato bulshada Soomaaliyeed, iyadoo la raacayo mabaadi’da diinta Islaamka. Horumarkan cusub ayaa qayb ka ah dadaal ballaaran oo xukuumaddu ku sameyneyso wasaaradaha si ay uga tarjumaan ballanqaadyada ay bulshada la wadaagto. Wasaaraddu waxay hadda yeelan doontaa awoodo u gaar ah iyo mas’uuliyad sare oo la xiriirta arrimaha Islaamka, si ay u dardargeliso barnaamijyada diinta Islaamka iyo adeegyada diimeed ee bulshada loogu talogalay​​​​​​. Tani waa qayb ka mid ah isbeddelada waaweyn ee xukuumadda Federaalka Soomaaliya ay ku sameynayso dhismaha wasaaradaha si loo hagaajiyo maamulka iyo adeegyada dowladda ee diinta Islaamka la xiriira. Source: goobjoog.com

Muqdisho (Caasimada Online) – RAAS Agribusiness Solution waxa ay shaqo abuur dhanka beeraha ah u sameeyneeysaa 365 qof si kor loogu qaado wax-soosaarka beeraha una xoojiso suuqeeda gudaha. Mashruucaan wuxuu diiradda saarayaa kor u qaadista shaqo abuurka dhallinyarada Soomaaliyeed iyo dadka danyarta ah iyada oo la adeegsanayo teknoolojiyadda casriga ah ee beeraha sida Greenhouse-yada iyo nidaamka waraabka tuubooyinka (drip irrigation). Mashruucani wuxuu siinayaa dhallinyarada fursado tababar iyo ganacsi si ay ugu horumariyaan xirfadaha beerashada casriga ah, taasoo qayb ka ah xalalka shaqo abuurka iyo horumarinta dhaqaalaha dalka. Si aad uga qayb gasho mashruucan, fadlan Akhi shuruudaha oo buuxi foomka codsiga ee ku lifaaqan halkaan. Halkan guji si aad codsigaaaga u soo gudbiso: https://forms.gle/Xj5X1PzjvdAosMT16 Waqtiga kama dambaysta codsiga: 15-ka November, 2024. Guul ayaa idin rajeyneynaa. The post Ka faa’iideyso: Hindisaha maal-galinta beeraha casriga ah appeared first on Caasimada Online.

Muqdisho (Caasimada Online) – Dowladda Federaalka Soomaaliya ayaa guul weyn ka gaartay Itoobiya, kadib markii ay ku guuleysatay in laga saaro howlgalka cusub ee beddalaya ATMIS, kaas oo bilaaban doono sanadka soo socda ee 2025-ka. Wasiir Gaashaandhigga Soomaaliya, Cabdulqaadir Maxamed Nuur (Jaamac) ayaa xaqiijiyay in ciidanka Itoobiya aysan qayb ka noqondoonin howlgalka AUSSOM oo ka bilaabanaya dalka. Sidoo kale wasiirka ayaa shaaca ka qaaday in ciidamada Itoobiya gabi aan laga saarayo dalka dhammaadka sanadkan 2024, si loo soo afjaro joogitaankooda, muddo ka badan 15 sano oo xiriir ah. Jaamac ayaa sababta Itoobiya looga reebay howlgalka cusub ku sheegay inay la xiriirto xadgudubka ay kula kacday Soomaaliya kadib heshiiskii badda ee ay la gashay Somaliland. “Ciidamada Itoobiya si rasmi ah ayaa looga reebay howlgalka cusub ee ciidamada ka socda Midowga Afrika ee Soomaaliya ka bilaabaya horaanta sanadka 2025-ka, sababto ah Itoobiya waxay kusoo xadgudubtay madax banaanida iyo midnimada dhuleed ee Soomaaliya” ayuu yiri Wasiirka Gaashaandhigga Xukuumadda Soomaaliya. Howlgalka cusub ayaa waxaa la xaqiijiyay inay kamid noqon doonaan dalalka kala ah Jabuuti, Kenya, Uganda, iyo Brundi, kuwaas oo sheegay inay u diyaarsanyhiin howlgalka Soomaaliya, waxaana booqashooyin kala duwan ku bixiyay madaxweyne Xasan Sheekh. Sidoo kale waxaa jira codsiyo ay soo gudbisteen waddamada Masar iyo Eritrea, si ay qayb uga noqdaan howlgalka AUSSOM ee ka bilaabanaya dalka, balse weli codsigooda lama aqbalin, waxaana uu hoos yaallaa Guddiga Nabad iyo Amniga ee Ururka Midowga Afrika. Tallaabadan ayaa haddii ka dhabeyso dowladda dhexe waxa ay dharbaaxo kulul ku noqon doontaa Itoobiya oo hadda ciidamo badan ay ka joogaan gudaha Soomaaliya, kuwaas oo si gaar ah uga howlgala gobollada Gedo, Baay, Bakool iyo qaybo kamid ah gobolka Hiiraan. The post Soomaaliya oo guul wayn ka gaartay Itoobiya, kadib markii laga saaray… appeared first on Caasimada Online.

AQPgOm9NFWzuOGKyALrXyC78zp97WY7_1we8DvsmrD-rhasXVL9UhLDx5vE94sfhOWgVZdygWbTCMEf9DK3G0xxE Qaran News

Dowladda Soomaaliya ayaa maanta oo Sabti ah si rasmi ah u shaacisay in Ciidamada Itoobiya laga reebay Hawlgalka cusub ee Nabad-ilaalinta Soomaaliya ee African Union Support and Stabilization Mission (AUSSM). Wasiirka Difaaca dowladda Federaalka Soomaaliya Cabdulqaadir Maxamed Nuur ayaa sheegay in Hawlgalka cusub ee AUSSM laga reebay Ciidamada Itoobiya, kadib markii Xukuumadda Addis Ababa ku xad-gudubtay Madax-bannaanida iyo Midnimada Soomaaliya. Wasiirka Difaaca oo wareysi kooban siiyay Telefishinka dowladda Soomaaliya ee SN-TV ayaa sheegay in Hawlgalka AUSSM ee beddelaya ATMIS bilowga Sannadka 2025 aysan ku jirin Ciidamada Itoobiya, taasina sababteedu tahay Xad-gudubka Addis ababa ku samaysay Madax-bannaanida dalka. “Ciidamada Itoobiya si rasmi ah ayaa looga reebay howlgalka cusub ee ciidamada ka socda Midowga Afrika ee Soomaaliya ka bilaabaya horaanta sannadka 2025-ka, sababto ah Itoobiya waxay kusoo xadgudubtay madax banaanida iyo midnimada dhuleed ee Soomaaliya” ayuu yiri Wasiir Cabdulqaadir Maxamed Nuur Jaamac. Hawlgalka Midowga Afrika ee Taageerada iyo Xasillinta Soomaaliya oo magaciisa loo soo gaabiyo (AUSSM) ayaa ku yimid codsi ay dowladda Soomaaliya gudbisay, kaas oo ujeedkiisu ahaa in kaddib bixitaanka ATMIS la helo taageero kumeelgaar ah oo ciidamada Soomaaliyeed laga siinayo xasilinta iyo xoojinta nabadgeliyada dalka. PUNTLAND POST The post Dowladda Soomaaliya oo maanta si rasmi ah u shaacisay in Ciidamada Itoobiya laga reebay Hawlgalka cusub ee AUSSM appeared first on Puntland Post.

Muqdisho (Caasimada Online) – Guddiga ku-meel gaarka ah labada Aqal ee baarlamaanka Soomaaliyeed ee loo xil-saaray diyaarinta xeerarka doorashooyinka dalka ayaa maanta kulankoodii ugu horreeyay ku yeeshay magaalada Muqdisho, tan iyo markii la magacaabay Khamiistii lasoo dhaafay. Guddigan ayaa sidoo kale qaabilsan xeerarka Ururada iyo Xisbiyadda Jamhuuriyadda Federaalka Soomaaliya iyo sharciga dhismaha guddiga doorashooyinka iyo sidoo kale soohdimaha, sida horay loogu sheegay wareegtada ay soo saareen gudoonka labada Gole. Tallaabadii ugU horreysay ee uu guddigu qaaday maanta ayaa waxa ay guddoomiye ugu doorteen xildhibaan Mahdi Maxamed Guuleed, halka Sanator Iftiin Xasan Iimaan Baasto isna loo doortay guddoomiye ku xigeenka Guddiga Doorashada ayaa u dhacday hab gacan taag ah, waxaana goob joog ahaa guddoomiye ku xigeenka labaad ee Golaha Shacabka Mudane Cabdullaahi Cumar Abahirow oo ay wehliyaan hab-dhowraha Golaha Aqalka Sare Sanatar Samsam Ibraahim Cali iyo sidoo kale xoghayayaasha labada Aqal ee Baarlamaanka Dalka. Dhisamaha guddigan ayaa waxaa ka taagan dood xoogan, maadaama weli lagu muransan yahay sida loo wajahayo doorashooyinka guud ee dalka. Xildhibaan Cabdiraxmaan Cabdishakuur Warsame oo ka hadlay ayaa sheegay in shaqada keliya ee labada Aqal ay wada qaban karaan ay tahay doorashada madaxweynaha, dib u eegista dastuurka iyo xeerka qoondada miisaaniyadda, sida uu qabo dastuurka dalka. Sidoo kale xildhibaanka ayaa ku eedeeyay guddoonka labada Gole inay ku milmeen madaxtooyada isla markaana taas ay caqabad ku tahay daah-furnaanta shaqada baarlamaanka. “Guddoonka Golaha Shacabka hore ayey jeebka Madaxtooyada ugu jireen, waxayna ku caanbaxeen ku tumashada Dastuurka iyo xeer-hoosaadka Golaha, waxaase wax laga xumaado ah in Guddoomiyaha Aqalka Sare, Senator Cabdi Xaashi oo rajo laga lahaa uu ku biiray kooxdaas” ayuu yiri siyaasi Cabdiraxmaan Cabdishakuur Warsame/ Si kastaba, Soomaaliya ayaa waxaa ka taagan dood xoogan oo ka dhalatay go’aannadii kasoo baxay shirka golaha wadatashiga qaranka oo lagu go’aamiyay doorasho qof iyo cod ah, balse waxaa ka horyimid Jubbaland, Puntland iyo sidoo kale siyaasiyiinta mucaaradka. The post Guddiga loo xil-saarayy xeerarka doorashooyinka oo tallaabadii ugu horreysay qaaday appeared first on Caasimada Online.