Muqdisho (Caasimada Online) – Ku-simaha guddoomiyaha ahna guddoomiye ku-xigeenka koowaad ee Golaha Sacdiyo Yaasiin Xaaji Samatar oo ay wehliyaan guddoomiye ku xigeenada Golaha Shacabka iyo Aqalka Sare ayaa shir guddoomisay kulanka wadajirka ee labada Aqal. Ajendaha kulanka maanta ayaa ahaa akhrinta labaad ee hindisaha xeerka dhisida guddiga madaxa banaan ee doorashooyinka qaranka iyo soohdimaha Jamhuuriyadda federaalka Soomaaliya. Guddoomiyaha guddiga kumeel-gaarka ah ee labada Aqalka Xildhibaan Mahdi Maxamed Guuleed ayaa mudanayaasha labada Aqal u aqriyay warbixinta akhrinta labaad ee hindisaha xeerka dhisida guddiga madaxa banaan ee doorashooyinka qaranka iyo Soohdimaha. Mudanayaasha labada Aqal ayaa dood ka yeeshay warbixinta guddiga, iyagoo aragtidooda ka dhiibtay qodobada dhismaha guddiga, xubnaha ay ka kooban yihiin, sida lagu soo xulayo iyo sidoo kale ilaalinta qoondada haweenka Soomaaliyeed. Mudanayaasha labada Aqal ayaa isla gartay muhiimada uu guddigaan u leeyahay qaranka iyo hirgelinta doorashada qof iyo codka ee la filayo in guud ahaan dalka ay ka qabsoonto, sida lagu sheegay qoraal kasoo baxay kulankii maanta. Kulanka wadajirka ee labada Aqal waxaa goobjoog ahaa wasiirka wasaaradda arrimaha gudaha, federaalka iyo dib u heshiisiinta xukuumadda federaalka Soomaaliya Xildhibaan Cali Xoosh iyo masuuliyiin kale oo ka tirsan easaaradda. Ku-simaha guddoomiyaha Golaha Shacabka ahna guddoomiye kuxigeenka koowaad ee Golaha Sacdiyo Yaasiin oo kulanka soo xirtay ayaa sheegtay in guddiga wadajirka ee labada Aqal laga doonayo iney soo diyaariyaan warbixinta akhrinta saddexaad, islamarkaana talooyinka mudanayaasha baarlamaanka ku soo daraan dibna golaha ugu soo celiyaan. Dhinaca kale, waxaa kulankii maanta lagu dhaariyay Senator Cabdiweli Ibraahim Garyare oo dhowaan loo doortay kamid noqoshada Golaha Aqalka Sare, wasiiru-dowlaha cusub ee wasaaradda qorsheynta Axmed Nuur Sheekh iyo weliba wasiir ku-xigeenka cusub ee wasaaradda waxbarashada, hidaha iyo tacliinta sare Cabdirashiid Maxamed Ducaale. The post BFS oo maanta ka dooday warbixin xasaasiya oo doorasho qof iyo cod ah appeared first on Caasimada Online.

Muqdisho (Caasimada Online) – Ciidamada Itoobiya ee ku sugan gudaha dalka ayaa kordhay, xilli ay meel xasaasi ah mareyso xiisadda u dhaxeysa Soomaaliya iyo Itoobiya. Ciidamada Itoobiyaanka ee haatan ku sugan Soomaaliya ayaa gaaray ku dhawaad 10 kun oo askari, iyadoo saddex meelood meel kaliya ay qeyb ka yihiin howl-galka Midowga Afrika ee ATMIS. Tan ayaa ka dhigan in Itoobiya ay sidaas ku noqotay dalka ciidamada ugu badan ay ka joogaan gudaha Soomaaliya, sida ay muujineyso isku geynta ciidanka uga diiwaan gashan ATMIS iyo kuwa iskeed ay usoo galisay gudaha dalka. Dalka 2-aad oo ah Uganda ayaa waxaa Soomaaliya ka jooga wax ka yar 7 kun oo askari oo ka tirsan howl-galka Midowga Afrika ee ATMIS. Addis Ababa ayaa ayadu si iskeed ah ciidamo dheeraad ah usoo gelisay Soomaaliya, si ay u xakameyso weerar ay Al-Shabaab ku qaado Itoobiya, sida laga soo xigtay Machadka caalamiga ah ee Jarmalka (SWP) oo fadhigiisu yahay Berlín. Ciidamada Itoobiya ee kasoo gudbaya xadka ayaa kordhay tan iyo markii ay Soomaaliya dhinaca saartay Masar, oo ayadu haatan ciidamadeedu kamid noqonayaan howl-galka cusub ee beddelaya ATMIS. Dowladda Soomaaliya ayaa meel adag iska taagtay ciidamada Itoobiya ee ku howl-gala si ka baxsan sharciga Midowga Afrika, ayadoo dhawaan shaacisay in Itoobiya aysan kamid noqon doonin howl-galka cusub ee nabad ilaalinta, illaa ay ka laabato heshiiskii badda ee ay la gaartay Somaliland. Si kastaba, tan ayaa kordhineysa walaaca laga qabo kororka ciidamada Itoobiya ee gudaha Soomaaliya, ayadoo uu horey madaxweyne Xasan Sheekh walaac uga muujiyay saameynta ay ciidamada Itoobiya ku leeyihiin gudaha dalka, dhaq-dhaqaaqooda hubeynta qabiilada. The post Walaaca kororka ciidamada ITOOBIYA ee ku sugan Soomaaliya oo sii kordhaya appeared first on Caasimada Online.

Muqdisho (Caasimada Online) – Wasiirka amniga gudaha XFS Cabdullaahi Fartaag ayaa kulan lagu xoojinayo amniga la yeeshay ku-simaha ergeyga gaarka ah ee Qaramada Midoobay u qaabilsan Soomaaliya James Swan. Kulankan ayaa waxaa diiradda lagu saaray iskaashiga dhinacyada amnig iyo sidii loo horumarin lahaa nabadda iyo xasilloonida Soomaaliya. Intii kulanku socday labada masuul ayaq waxay isla soo qaadeen istiraatiijiyadda lagu xoojinayo iskaashiga amni ee u dhexeeya dowladda federaalka Soomaaliya iyo Qaramada Midoobay. Sidoo kale waxaa diiradda lagu saaray sidii loo taageeri lahaa hey’adaha amniga dalka iyo sidii looga adkaan lahaa kooxaha argigixisada ah ee khatarta ku haya xasilloonida dalka. James Swan ayaa bogaadiyay dadaallada dowladda Soomaaliya ay ku horumarinayso amniga, isagoo ballanqaaday in Qaramada Midoobay ay sii wadi doonto taageerada ay siiso Soomaaliya si loo gaaro yoolalka amniga iyo horumarka waara. Wasiir Fartaag ayaa dhankiisa xusay muhiimmadda iskaashiga caalamiga ah, xoojinta amniga gudaha iyo sidii loo abuuri lahaa jawi nabdoon oo ay bulshada Soomaaliyeed ku horumari karto. Soomaaliya ayaa waxaa haatan ka socda howlgal culus oo ka dhan ah kooxda Al-Shabaab, kaasi oo wejigiisa hore lagu xoreeyay deegaano iyo degmooyin muhiim ah oo sanado badan ay ka talinaysay kooxda. The post Wasiirka amniga iyo James Swan oo kulan xasaasi ah ku yeeshay Muqdisho + Sawirro appeared first on Caasimada Online.

Hay’adda Sirdoonka iyo Nabad Sugidda dowlada Soomaaliya ee NISA ayaa sheegtay in ay gacanta ku soo dhigtay laba eedeysane oo loo haysto in ay fuliyeen dil ka dhacay magaalada Muqdisho. Cali Hilowle Ibraahim iyo Axmed Samatar Cali ayay hay’adda NISA warbixin ay soo saartay ku sheegtay in ay ku eedeysan yihiin in ay fuliyeen dilka saddex muwaadin oo ganacsato ahaa, kuwaasi oo lagu dilay degmada Daaru Salaam ee Gobolka Banaadir. Warbixinta hay’adda NISA ayaa intaasi dartay in ciidankeedu ay ku raad joogaan eedeysane saddexaad oo baxsad ah, si caddaaladda loo hor keeno, waxaana ay hay’adda xustay in ay ka go’an tahay cirib-tirka kooxaha argagixisada ah. Halkaan ka akhriso warbixinta NISA PUNTLAND POST The post Sirdoonka Soomaaliya oo qabtay laba eedaysane oo loo haysto dil ka dhacay magaalada Muqdisho appeared first on Puntland Post.

Tirinta codadka doorashada Somaliland ayaa bilaabatay bacdal makhrib, balse natiijada rasmiga ah waxa ay qaadanaysaa in lagu dhawaaqo mudda todobaad ah, sida ay sheegeen guddiga doorashooyinka Maamulkaasi. Guddoomiyaha guddiga doorashooyinka Somaliland, Muuse Xasan Xaaji ayaa sheegay in natiijada degmo iyo goob kasta oo codka laga dhiibtay ay ku soo baxayso laba maalin gudahood. “Marka natiijada degmo ay soo baxdo waxaa loo gudbinayaa heer gobol kadiba ilaa xarunta dhexe ee guddiga. Guud ahaan isu gaynta natiijooyinkaas kala duwan ee heer goobeed, heer degmo iyo heer gobol, waxay qaadan doonaan toddobo cisho,”ayuu yiri guddoomiye Muuse. Madaxweynaha xilka haya ee Somaliland, Muuse Biixi Cabdi waxaa doorashada Madaxtooyada kula tartamaya musharraxa Xisbiga Waddani, Cabdiraxmaan Maxamed Cabdillaahi Cirro iyo Musharraxa Xisbiga UCID, Faysal Cali Waraabe. Doorashada Ururrada waxaa iyana ku tartamaya saddexdooda xisbi iyo todoba urur oo kale kuwaasi oo guud ahaan ku tartamaya in ay u soo baxaan saddexda xisbi ee Somaliland yeelanayso tobanka sanno ee soo socota. PUNTLAND POST The post Hargeysa: Tirinka codadka doorashada Somaliland oo bilaabatay appeared first on Puntland Post.

https://qarannews.com/wp-content/uploads/2024/11/AQNb7gcMd1FZ_MQvwZqtRLAmj7yD04IT84RZ46XM5jxnbWRNxEAwkGfuNm8-L6riswbWN9byyAvedu4nfLdwBAwJ.mp4 Qaran News

Riyadh (Caasimada Online) – Dowladda Soomaaliya iyo Masar ayaa dib u eegis ku sameeyay go’aanadii kasoo baxay shirkii saddex geesoodka ahaa ee magaalada Asmara ku dhex-maray madaxweynayaasha Soomaaliya, Masar iyo Eritrea, bishii lasoo dhaafay ee October. Wasiirradda arrimaha dibadda Soomaaliya iyo Masar oo ku kulmay Riyadh ayaa ka wada-hadlay xaaladihii ugu dambeeyay ee gobolka, iyadoo Masar ay ku dhowaaqday markale in lama taabtaan tahay midnimada dhuleed ee Soomaaliya. Wasiirka arrimaha dibadda Masar Badr Abdelatty ayaa ku celiyay mowqifka Masar ee ku aaddan ixtiraamidda iyo midnimada dhuleed ee Soomaaliya, iyada oo loo hoggaansamayo xeerarka caalamiga ah. Sidoo kale wuxu caddeeyay sida ay Masar diyaar ugu tahay ka qayb qaadashada ​​howl-galka cusub ee Soomaaliya, kaas oo billaaban doona sanadka cusub ee 2025. “Masar iyadoo gudaneyso mas’uuliyadda ka saaran nabadda iyo amniga gobolka si wafaaqsan mabaadi’da iyo axdiga QM iyo Midowga Afrika waxay diyaar u tahay ka qeyb qaadashada howlgalka cusub,” ayuu yiri wasiirka oo tilmaamay sida ay Masar uga go’an tahay ku garabsiinta xasilloonida. Badr Abdelatty ayaa waxa kale oo uu sheegay in dalkiisu ka caawin doono Soomaaliya taageerida dhanka dib u dhiska hay’adaha amniga iyo militariga, si ay ugu guuleysato dagaalka ay kula jirto kooxaha argagixisada ah. Kulamada mas’uuliyiinta Soomaaliya iyo Masar ayaa xoogeysatay tan iyo markii ay Itoobiya heshiis dhanka badda ah la gashay Somaliland horaantii sanadkan, waxayna xukuumadda Qaahira si cad u sheegtay inay taageeri doonto ilaalinta midnimada Soomaaliya, iyadoo si adag uga hortimid is-afgaradkaasi. Labada dal ayaa tan iyo markaas waxay gaareen heshiisyo dhanka difaaca ah, iyadoo Masar-na ay gudaha Soomaaliya keentay hub iyo saanad ciidan, kaas oo ciidamada xoogga dalka ka caawinaya dagaalka ay ku jiraan. The post Somalia iyo Masar oo dib u eegis ku sameeyay go’aanadii Asmara iyo Masar oo ku dhowaaqday… appeared first on Caasimada Online.

Muqdisho (Caasimada Online) – Taliyaha ciidanka Booliska Soomaaliyeed, Sarreeye Guuto Asad Cismaan Cabdullaahi (Diyaano) ayaa maanta kulan ballaaran isugu yeeray saraakiisha ciidanka booliska, isaga oo ka dhageystay warbixinno la xiriira amniga dalka. Kulankan oo ahaa mid xasaasi ah ayaa waxaa goobjoog ahaa inta badan saraakiisha booliska, kuwaas oo warbixin la xiriirta amniga u gudbiyay taliye Asad Diyaano. Warbixinta ayaa si gaar ah uga hadleysa amniga caasimada, howlgallada ka socda iyo howlaha ay booliska u hayaan bulshada Soomaaliyeed. Sidoo kale waxaa kulanka inta uu socday lagu falanqeeyay arrimo ay ka mid yihiiin, adkaynta amniga, dabar goynta Khawaarijta, hirgalinta saraynta sharciga. Waxaa kale oo la isla qaaday in la dar dargaliyo arimaha amniga, iyadoo xooga la saarayo ku dhaqanka saraynta sharciga wacyigalinta shacabka si wadajir loogu istaago ilaalinta xasalinoonida dalka. Taliyaha booliska oo madasha ka hadlay ayaa faray saraakiisha amniga in ay laba jibaaraan shaqada ay u hayaan bulshada, waxaana uu tilmaamay in la joogteyn doono kulamada noocan oo kale ah ee looga hadlayo Amniga. Maalmihii u dambeeyay booliska Soomaaliya ayaa waxa uu waday howlgallo amni xaqiijin ah, sidoo kalena looga hortegayay beegsiga ay Al-Shabaab u bilaabeen ganacsatada Muqdisho ee hoggaansamay amarka dowladda, isla markaana xirtay kaamirooyinka. Maanta ayaa ugu dambeysay ciidamada ammaanka ayaa gacanta kusoo dhigay labada eedeysane oo loo haysto inay ganacsato ku dileen gudaha degmada Daarusalaam. The post Sawirro: Taliye Asad oo kulan isugu yeeray saraakiisha Booliska, kadibna faray… appeared first on Caasimada Online.

https://qarannews.com/wp-content/uploads/2024/11/AQNVMlRSyJnnrbYr3v8Lt99-M7zQs9ezDnqIA1oYeuvxYemztj5r5Z3mf60d29A5VKJGoIrBfDRJRz1LSftYAWRO.mp4 Madaxweynaha la saadaalinaayo ee Somaliland Dr Cabdiraxmaan Maxamed Cabdilaahi Cirro oo dhex lugaynaaya badhtamaha caasimadda Somaliland ee Hargaysa. Qaran News

Mogadishu (HOL) — Somalia’s National Intelligence and Security Agency (NISA) has arrested two suspects linked to the murder of two business people in Mogadishu’s Darussalam district. Source: Hiiraan Online

Hargeysa (Caasimada Online) – Deegaannada Somaliland waxaa maanta si rasmi ah uga bilaabatay doorashada guud ee hoggaanka maamulkaasi, taas oo ah qof iyo cod, waxaana codadkooda si xor ah u dhiibanayo shacabka ku dhaqan deegaanada Somaliland. Sawirro laga soo qaaday Hargeysa iyo deegaannada kale ee Somaliland ayaa la arkayaa shacab fara badan oo safaf dhaadheer ugu jiro inay codkooda dhiibtaan, si ay usoo doortaan madaxweynaha ee cusub ee Somaliland. Doorashadan ayaa waxaa ku tartamaya saddexda Xisbi ee kal ah Kulmiye, Wadani iyo UCID, waxaana u kala sharraxan Muuse Biixi, Cabdiraxaam Cirro iyo Faysal Cali Waraabe. Haddaba waa sidee rajada Muuse Biixi , tan Cirro iyo Faysal ee doorashada SOMALILAND? Madaxweynaha hadda talada haya, ahna musharraxa Xisbiga Kulmiye Muuse Biixi Cabdi oo saaka xilli hore dhiibtay codkiisa ayaa ka hadlay dareenkiisa iyo rajada uu ka qabo doorashada Somaliland, wuxuuna muujiyay kalsooni wayn, isaga oo sidoo kale shaaca ka qaaday inuu aqbali doono natiijada xittaa haddii looga guuleysto tartanka doorashada. “Natiijada uu soo saaro komishinka dabadeed yaa la hadlin?, aniga kama hadlayo oo waan ku gowracanahay, waxa maanta ii muuqda kama welwelayo oo inta aan noolaa waala soo tartami jiray” ayuu yiri madaxweyne Muuse Biixi Cabdi oo kalsooni weyn muujiyay. Musharraxa Xisbiga Waddani, Cabdiraxmaan Cirro oo loo arko ninka sidan wayn ula loolamayo Muuse Biixi ayaa isaguna soo hadlay, wuxuuna muujiyay rajo uu ka qabo doorashada maanta ka bilaabatay Somaliland, isaga oo is xijiyay guusha doorashada. “Dareenkayga wu fiican yahay, waan faraxsanahay in aan codeeyey maanta 7 sanno ka dib, doorashada waxa aan ka rajeynaa guul Somaliland ah iyo guul Xisbiga Waddani.” ayuu yiri. Dhankiisa, Faysal Cali Waraabe oo isna hoggaamiyo xisbiga UCID ayaa shalay khudbaddii ugu dambeysay jeediyay, wuxuuna isna muujiyay ifafaalo ah inuu noqonayo madaxweynaha cusub, laakiin wax kasta waxay ku xiran yihiin natiijada iyo cidda ay doortaan shacabka. Somaliland waa maamulka kaliya ee qabta doorasho qof iyo cod ah, isla markaana shacabka ay soo doortaan hoggaankooda, taas oo aad loogu boggaadiyo Somaliland. The post Rajada Muuse Biixi, tan Cirro iyo Faysal ee doorashada SOMALILAND appeared first on Caasimada Online.

Voters in Somaliland flocked to the polls on Wednesday to choose a president at a time when the breakaway Somali region sees international recognition within reach after three decades of de facto self-rule. Source: Hiiraan Online

Guud ahaan magaalada Hargeysa ayaa ay doorashadu si nabdoon uga socotaa iyada oo goobo badan oo cidhiidhi ahaa saaka ay hada faaruq ku dhowyihiin oo aad looga codeeyay walina ay socoto codayntu Waxa jira goobo badan oo ay saak cabasho ka soo yeedhay hase ahaatee waa la xaliyay goob kastab inta badan dadweynah reer Hargeysa ayaa si nabdoon u codaynaaya oo leh masuuliyad iyo ixtiraam la tixgalinaayo dastuurka iyo shuruucda doorashooyinka. Inkasta oo uu madaxweyne Muuse Biixi yahay musharax ka soo jeeda magaaladda Hargeysa ama gobolka Maroodijeex ma noqon doono mid hanta aqlabiyada magaaladda Hargeysa iyo ta gobolka Maroodijeex sababo la xidhiidha wax qabad la’aantiisa iyo hab dhaqankiisa siyaasadeed ee guracan, inkasta oo la saadaalinaayo in Mr Biixi uu tiro yar kaga sarayn doono musharax Cabdiraxmaan Cirro, hadana waxa la saadaalinayaa in uu Cirro uu guulo waawey uu kala soo hotan doono dhamaan gobolada dalka oo dhan oo hada wararka hordhacah ahi ay sheegayaan in uu ku horeeyo. Musharaxa mucaaridka ee xisbiga Waddani ayaa lagu wadaa in uu ku guulaysto doorashada maanta dhacday ee la filaayo in ay soo xidhanto abaaro 6 galabmimo ee maanta. La soco Qaran News

Hay’ada Nabad-sugidda iyo sirdoonka qaranka ee NISA ayaa gacanta ku dhigtay laba nin oo lagu eedeeyay dil seddax ganacsato ah, oo lagu diley degmada Daarusalaam ee gobolka Banaadir. War saxaafadeed ay Hay’addu soo saartay ayaa lagu yiri: “Ciidanka Hay’adda Sirdoonka iyo Nabad Sugidda Qaranka ee NISA ayaa gacanta ku soo dhigay labo eedeysane oo loo heysto in ay fuliyeen dil ka dhacay magaalada Muqdisho. Eedeysaneyaasha oo lagu kala magacaabo Cali Hilowle Ibraahim iyo Axmed Samatar Cali ayaa ku eedeysan in ay fuliyeen dilka seddex muwaadin oo Ganacsato ahaa kuwaas oo lagu dilay Degmada Daaru Salaam ee Gobolka Banaadir. Ciidanka Hay’adda Sirdoonka iyo Nabad Sugidda Qaranka ayaa ku raad jooga eedeysane seddexaad oo baxsad ah si isagana caddaaladda loo hor keenno. NISA, waxaa ka go’an ciribtirka cadowga Khawaarijta ah ee beegsanaya dadka Shacabka ah”. Source: goobjoog.com

Muqdisho (Caasimada Online) – Hay’adda Nabad-Sugidda iyo Sirdoonka Qaranka ee NISA oo warsaxaafadeed soo saartay ayaa soo bandhigtay laba xubnood oo ka tirsan kooxda Al-Shabaab, kuna eedeysan dil ka dhacay magaalada Muqdisho. NISA ayaa shaaca ka qaaday in lasoo xiray Cali Hilowle Ibraahim iyo Axmed Samatar Cali , kuwaas oo loo haysto inay saddex nin oo ganacsato ahaa dhowaan ay ku dileen degmada Daarusalaam ee gobolka Banaadir. Hay’adda ayaa sheegtay in raggaan lagu soo qabtay howlgal ka dhacay Muqdisho oo ay sameeyeen ciidamada ammaanka, waxayna intaasi ku dartay in cadaaladda la horgeyn doono. Sidoo kale NISA ayaa xustay in lagu raad-joogo nin kale oo baxsad ah, qaybna ka ahaa dilka loo gaystay ganacsatada. Warsaxaafadeedka ayaa waxaa kale oo lagu sheegay in NISA ay sii wadi doonto howlgallada ka dhanka ah maleeshiyaadka Al-Shabaab, si loo ciribtiro. Horay ayaa sidaan oo kale ayaa gacanta loogu soo dhigay eedeysanayaal loo haysto inay dileen ganacsato xirtay Kaamirooyinka CCTV oo ay ku amartay dowladda Soomaaliya. Ganacsatada ayaa dhibanayaal u noqday amarkaas, waxayna beegsi kala kulmeen kooxda Al-Shabaab oo dil ku bilowday, sidoo kalena qarxisay goobo ganacsi oo ku yaal caasimada. The post NISA oo gacanta ku dhigtay raggii ka dambeeyay dilka ganacsatada + Sawirro appeared first on Caasimada Online.

Doorashada madaxtooyada Somaliland ee maanta, 13-ka Nofeembar 2024, ayaa weli si nabad ah uga socota guud ahaan gobollada Somaliland, iyadoo aan la soo sheegin wax dhibaato ah oo ka dhacay goobaha codbixinta. Inkastoo qorraxdu aad u kulushahay, haddana shacabka ayaa weli ku jira safaf dhaadheer si ay codkooda u dhiibtaan, taasoo muujinaysa sida ay uga go’an tahay ka qaybgalka geeddi-socodka dimuqraadiyadda. Madaxweynaha xilka haya, Muuse Biixi Cabdi oo ka tirsan xisbiga Kulmiye, ayaa raadinaya muddo xileedkiisii labaad. Musharraxiinta kale ee tartamaya waxaa ka mid ah Cabdiraxmaan Maxamed Cabdillaahi (Cirro) oo hogaamiya xisbiga Waddani, iyo Faysal Cali Waraabe oo ah guddoomiyaha xisbiga UCID. Labada musharrax ee mucaaradka ah ayaa ballanqaaday isbeddelo siyaasadeed iyo horumarinta adeegyada bulshada haddii la doorto. In ka badan hal milyan oo qof ayaa la filayaa inay codkooda ka dhiibtaan in ka badan 2,000 oo goobood oo codbixin ah, iyadoo ay goob-joog ka yihiin 28 goobjooge caalami ah. Madaxweynaha Muuse Biixi Cabdi ayaa oo goor dhow hadlay markii uu codkiisa dhiibtay ayaa sheegay inuu aqbali doono natiijada doorashada, isla markaana uu si nabad ah xilka u wareejin doono haddii laga guuleysto. Ilaa iyo hadda, ma jiraan warar sheegaya rabshado ama khalalaase ka dhacay goobaha codbixinta, waxaana doorashadu u socotaa si habsami leh. Doorashadan ayaa sidoo kale muhiim u ah dadaallada Somaliland ee ku aaddan helitaanka aqoonsi caalami ah, gaar ahaan iyadoo ay jiraan heshiisyo dhowaan la galay, sida midka lala saxiixday. Waxaa la filayaa in natiijooyinka hordhaca ah ee doorashada lagu dhawaaqo maalmaha soo socda, iyadoo shacabka iyo beesha caalamkaba ay si dhow ula socdaan habsami u socodka iyo hufnaanta geeddi-socodka doorashada. Source: goobjoog.com

Muqdisho (Caasimada Online) – Waxaa taagan dood xoogan oo ka dhalatay tallaabada lagu beegsaday Facebook-yada dad mucaarad ah oo kasoo horjeedo dowladda Soomaaliya, ayna ku jiraan Wariyeyaal caan ah, kuwaas oo hal mar hawada laga wada saaray. Dadka laga xiray boggaga ayaa isugu jiro siyaasiyiin iyo wariyeyaal caan ah oo aad u dhaliili jiray dowladda uu hoggaamiyo madaxweyne Xasan Sheeh Maxamuud. Arrintan ayaa dhalisay walaac xoogan iyo in eedeymo loo jeediyay dowladda dhexe oo la xiriira ciwaannada shaqsiyaadkaas ee hawada laga saaray. Wasaaradda warfaafinta Puntland oo warsaxaafadeed soo saartay ayaa sheegtay in arrintan ay ka dambeyso Villa Soomaaliya, isa markaana si gaar ah loogu beegsanayo dadka kasoo horjeedo dowladda, si loogu caburiyo fikirkooda gaarka ah. “Waxaa mas’uuliyad darro iyo xad-gudub ah in la isku dayo in la afqabto aragtiyaha toosinta iyo tilmaamaha ah ee ka imaanaya bulshadda Soomaaliyeed loona adeegsanaayo qolooyin burcad Internet-ka oo si gaar ah u beegsanaya mas’uuliyiinta iyo shacabka ka soo hor jeeda aragtida Siyaasadeed ee kali-talisninadda ah ee uu dalka u horseedaayo Madaxweyne Xasan sheekh Maxamuud taasoo muujineysa dul qaad la’aanta Xasan Sheekh Maxamuud ee aragti iyo maqal kasta oo ka duwan aragtidiisa” ayaa lagu yiri qoraalka. Intaas kadib waxaa hadlay wasiir ku xigeenka wasaaradda warfaafinta Soomaaliya, Cabdiraxmaan Yuusuf Al-Cadaala oo beeniyay in dowladda ay beegsatay Facebook-yada dadka mucaaradka ku a madaxda sare ee dalka. Sidoo kale wuxuu intaasi ku daray in dowladda federaalka ay ka shaqeyso horumarinta xorriyatul qowlka, isla markaana ay qawaaniin ku dhisan tahay. “Waxaas waxba kama jiraan, waa war iska raqiis ah dowladda Soomaaliyeed waxa ay ka shaqeysaa waa inay xorriyatul qowlku hormariso, waana dowlad qawaaniin ku dhisan” ayuu yiri wasii ku xigeenka wasaaradda warfaafinta xukuumadda federaalka Soomaaliya. Haddii ay dowladda federaalka Soomaaliya iska fogeysay arrintan ayaa haddane waxaa la’is weydiinayaa cidda ka dambeysa weerarka lagu qaaday Facebook-yada hawada ka baxay. The post Maxaa ka jira in DF ay xirtay Facebook-yada suxufiyiin iyo siyaasiyiin caan ah? appeared first on Caasimada Online.

Muqdisho (Caasimada Online) – Car xooggan iyo falcelin ayaa ka dhalatay dhibaato xalay Muqdisho loogu gaystay dhalinyaro kasoo jeeda Koonfur Galbeed oo ku maalinta aas-aaska calankooda u dabaal-dagayay, kadib markii ay weerareen ciidamo hubeysan. Falkan oo ka dhacay agagaarka isgoyska KMG ayaa sababay waxyeelo soo gaartay qaar kamid ah dhalinyarada isku soo banaan-baxay, oo ay ka cariyeen ciidanka ammaanka. Arrintan ayaa dhalisay walaac xoogan, waxaana xildhibaan Maxamed Abuukar oo kasoo jeeda Koonfur Galbeed uu yiri “”Reer Koonfur Galbeed haday cyaar u imaadeena waa la dhibaateeyey haday calankooda u dabaal degaana waa ka dhibaateeyey lama ogalaanayo qofkii dhacdadan ka dambeeyeyna waan la xisaabtamaynaa”. Sidoo kale waxaa kiiskan ka hadlay Xisbiga Himilo Qara ee uu hoggaamiyo madaxweynihii hore ee dowladdii KMG ahayd Sheekh Shariif Axmed oo si weyn u cambaareeyay xadgudub uu sheegay in loo gaystay dhalinyaradaasi. “Xisbiga Himilo Qaran wuxuu si adag u cambaaraynaayaa dhibaatada caawa loo geystey dhallinyarada reer KGS ee iyagoo si nabad ah ugu dabaal degaayey ciidanka loo adeegsadey halkaasna ay dhaawacyo iyo dhibaato kasoo gaartay” ayaa lau yiri qoraalka. Sidoo kale Xisbiga ayaa tilmaamay in si gaar ah loo beegsaday dhalinyarada Koonfur Galbeed, taasina ay tahaya wax laga xumaado, maadaama munaasabada noocaan kale ah ay dadka kasoo jeeda maamullada kale ay ku qabsadaan gudaha caasimada. Himilo Qaran ayaa sidoo kale ku baaqay in lasoo qabto askarii ka dambeysay dacaddigaaas, si looga qaado tallaabo adag oo sharciga waafaqsan. “Waa wax laga xumaado in si gooni ah loo beegsado dhalinyaro aan wax dambi sameynin.Xisbigu wuxuu ugu baaqayaa laamaha ammaanka inay tallaabo deg-deg ah ka qaadaan ciidanka ku xad-gudbay muwaadiniin si nabad u damaashaadayay” ayaa lasii raaciyay. Koonfur Galbeed ayaa marar badan ka cabatay dhibaato loogu gaystay gudaha caasimada, waxaana la xasuustaa weerarkii lagu beegsaday ciyaartoydooda, xilli uu u socday tartanka ciyaaraha mamul goboleedyada, kaas oo sababay inay gabi ahaan ka baxaan tartankaasi. The post Caro ka dhalatay dhalinyaro kasoo jeedo KGS oo lagu dhibaateeyay MUQDISHO appeared first on Caasimada Online.

With over 1 million voters, the election takes place amid ongoing regional tensions between Somalia and Ethiopia over a Somaliland Red Sea access deal. Source: Hiiraan Online

Labo nin oo Soomaali ah oo dacwad oogayaasha mareykanki ay ku eedeeyeen burcadbadeed ayaa lagu xukumay 30 sano oo xarig ah, ka dib markii lagu oogay dacwad ah in sanadkii 2012-kii ay afduubteen wariye Mareykan ah oo muddo laba sano ah afduub loo haystay. Cabdi Yuusuf Xasan iyo Maxamed Tahliil Maxamed – oo xilal ka soo qabtay dowladda Soomaaliya ayaa loo haystaa afduubkii wariye Michael Scott Moore, sida uu sheegay Damian Williams, oo ah qareenka Mareykanka ee degmada Koonfurta New York. Moore ayaa ku sugnaa Soomaaliya, isagoo baarayay, warbixinnino ka diyaarinayay falalka burcadbadeedka, balse waxaa afduubtay rag hubaysan oo weerar gaadmo ah ku soo qaaday sanadkii 2012-kii, sida ay sheegeen saraakiishu, waxaana la haystay muddo 977 maalmood ah, waxaa’se markii dembe lagu sii daayay lacag 1.6 milyan oo dollar ah. Labada eedeysane midkood oo lagu magacaabo maxamed Tahliil Maxamed ayaa la sheegay inuu ahaa sarkaal ka tirsan ciidamada Soomaaliya, dhanka kalen uu ahaa madaxa amniga iyo hubka ee burcad badeeda, sida uu sheegay xafiiska xeer ilaaliyaha Mareykanka. Wariye Moore ayaa la sii daayay bishii Sebtembar 2014, Waxa uuna sheegay in qoyskiisa ay u ururiyeen $1.6 milyan si loo sii daayo,ayadoo mudadii uu xirnaa la sheegay in jirdil iyo dhibaatooyin kale loo gaystay. Source: goobjoog.com

Senior commanders of the Uganda Peoples' Defence Forces (UPDF) have gathered at the International Peace Support Operations Training Centre (IPSO-TC) in Singo to discuss key insights and strategic improvements for the African Union Transition Mission in Somalia (ATMIS). Source: Hiiraan Online

Muqdisho (Caasimada Online) – Macluumaad dheeraad ah ayaa waxaa laga helayaa khasaaraha ka dhashay qarax xoogan oo xalay ka dhacay gudaha degmada Dayniile ee gobolka Banaadir, kaas oo sababay khasaare isugu jiro dhimasho iyo dhaawac. Qaraxa oo ahaa nooca miinada ee dhulka lagu aaso ayaa loo dhigay gaari Cabdi Bile oo ay la socdeen ciidamo ka tirsan milatariga Soomaaliya, xilli uu marayay agagaarka Xero Bangalo oo ku taalla laamiga dheer ee degmada Dayniile. Inta la xaqiijiyay waxaa qaraxan ku dhintay illaa 3 askari, halka ay ku dhaawacmeen 3 kale oo kamid ah ciidamada la socday baabuurka la qarxiyay. Sidoo kale waxaa saacado kadib goobta gaaray ciidamo kale oo gurmad ah oo maydadka iyo dhaawacyada kasoo qaaday halkaasi, waxayna sameeyeen howlgallo kooban, sida ay innoo sheegeen dadka deegaanka. Mas’uuliyadda qaraxan waxaa durbo sheegatay kooxda Al-Shabaab oo inta badan weerarada noocaan oo kale ah ka fuliso gudaha caasimada. Ma jiro wax hadal ah oo kasoo baxay saraakiisha laamaha ammaanka dowladda federaalka Soomaaliya oo ku aadan qaraxaasi waxyeelada kasoo gaartay ciidamada dowladda. Dayniile ayaa waxaa horay sidaan oo kale weeraro qaraxyo ah uga fulisay kooxda Al-Shabaab, kawaas oo badi lala eegtay ciidamo ku sugnaa gudaha degmadaasi. Maalmihii lasoo dhaafay ammaanka Muqdisho ayaa ahaa mid deggan, waxaana howlgallo guuleystay oo amni xaqiijin ah ka waday qaybaha kala duwan ee ciidamada dowladda. The post Xog cusub oo laga helay qarax ka dhacay Dayniile appeared first on Caasimada Online.

Mogadishu (HOL) — A landmine explosion killed at least three Somali government soldiers in Mogadishu’s Deyniile district on Tuesday night, according to military sources. Source: Hiiraan Online

Ugu yaraan 15 maxbuus ayaa ku dhintay 14 kalena way ku dhaawacmeen iska horimaad ka dhacay xabsiga ku yaalla dalka Ecuador , sida ay sheegtay waaxda xabsiga ee dawladdu. ” xaafad ku taal xerada ciidanka Asluubta, waxaa laga soo sheegay shilal halis ah oo dhex maray maxaabiista, taasoo keentay dhimashada horudhac ah oo ah 15 dhimasho ah iyo 14 dhaawac ah,” ayaa lagu yiri war ka soo baxay ciidanka Asluubta. Muuqaallo laga soo duubay goobta oo ay baahisay wakaalada AFP ayaa muujinaya tiro Maxaabiis ah oo meydadkoodu dhulka daadsanyihiin. Dalkan ku yaalla koonfurta amerika ayaa waxaa ku badan rabshada ay ku lugleeyihiin kooxaha maan-dooriyaha ka ganacsada, waxaana xabsiyada dalkaas ka dhaca iska hor imaadyo u dhexeeya maxaabiista, waxaanana taniyo sanadkii 2021-kii xabsiyada dalkaas ku dhintay in ka badan 460 maxbuus sida laga soo xigtay ciidanka Asluubta. Source: goobjoog.com

Xukuumadda Puntland ayaa ku eedaysay dowladda Federaalka Soomaaliya in ay ka danbaysay weerarro lagu qaaday bogaga baraha bulshada madaxda Puntland, kuwaasi oo hawada laga saaray. Warsaxaafadeed ka soo baxay wasaaradda Warfaafinta Puntland ayay ku eedaysay dowladda Federaalka Soomaaliya in ay ka danbaysay weerar dhinaca baraha bulshada ah oo lagu qaaday siyaasiyiinta ka aragti duwan Villa Somalia, si loo aamusiyo ra’yigooda. Puntland waxay sheegtay in dowladda Soomaaliya adeegsanayso burcad dhinaca Internet-ka oo beegsanaya mas’uuliyiinta iyo siyaasiyiinta ka horjeeda siyaasadda uu dalka ku hoggaaminayo madaxweyne Xasan Sheekh Maxamuud, oo ay ku eedaysay in uu keligii-taliye yahay. Waxay sidoo kale ku eedaysay madaxweyne Xasan Sheekh dulqaad la’aan iyo in uusan u adkaysan karin siyaasiyiinta ka ra’yi duwan, waxaana ay si adag u cambaareysay isku day kasta oo lagu camburinayo siyaasiyiinta iyo warbaahinta ka aragti duwan Villa Somalia. Hadalkan ayaa imaanaya xilli hawada laga saaray bogagii Facebook ee madaxweyne Siciid Cabdullaahi Deni, ku xigeenkiisa Ilyaas Cismaan Lugatoor iyo mas’uuliyiin kale oo ka tirsan Puntland, islamarkaana ay weli hawada ka maqan yihiin. Halkaan ka akhriso Warsaxaafadeedka PUNTLAND POST The post Bogagii Facebook ee Deni iyo Lugatoor oo hawada laga saaray iyo Puntland oo ku eedaysay Villa Somalia appeared first on Puntland Post.