Muqdisho (Caasimada Online) – Dowladda Federaalka Soomaaliya ayaa soo banddhigtay kiis xasaasi ah oo loo haysto safiirka dowladda Danmark u fadhiya Soomaaliya Steen Sonne Andersen, kaas oo kamid ahaa wafuuda caalamiga ah ee qaybta ka ahaa kormeerka doorashadii madaxweynaha ee dhowaan ka dhacday deegaannada maamulka Somaliand. Wasaaradda arrimaha dibadda oo warqad u dirtay Danjiraha ayaa ugu yeertay inuu yimaado xafiiska, waxayna ku eedeysay inuu ku xadgudbay midnimada dhuleed ee Jamhuuriyadda Soomaaliya. Wasiir Axmed Macallin Fiqi oo arrintan si adag uga hadlay ayaa xaqiijiyay in wasaaradda ay u yeertay safiirka dowladda Danmark ee Soomaaliya, wuxuuna sheegay in hadallo ka dhan ah madax banaanida dalka uu ku dhowaaqay inta uu joogay magaalada Hargeysa, “Runtii waxaa ayaan daro ah in safiirro halkaas hadallo ka jeediyeen oo qarinayo dalka uu safiirka ka yahay uuna leeyahay Ambassador hebel ayaan ahay, qaarkoodna ayba ku tilmaameen dal, waxana u yeernay safiirka Danish-ka markuu arintaasi ku dhawaaqay, wuuna noo balansanyahay” ayuu yiri wasiirka arrimaha dibadda xukuumadda Soomaaliya. Sidoo kale wasiirka ayaa ku eedeeyay qaar kamid ah safiiradii tegay Somaliland in ay qariyeen halka ay safiirka ka yihiin, isla markaana taasi ay u arkaan arrin khalad ah. Waxaa kale oo uu intaasi kusii daray in safiiradu aanay ka aqbali doonin in sida dal oo kale ama dowlad gaar ah ay ula macaamilaan maamulka Somaliland. “Safiirrada ajanabiga ah ee dalkan ku sugan qaarkood waxay tageen Hargeysa oo doorasho ka socotay, dowladda Soomaaliya mowqifkeeda way cadeysay oo ku saabsan doorashada, Soomaaliya waa hal dal, waxii dhaxdeenna aan isku haysaneyno aan isku heysano, laakiin nin safiir ah oo dowlad u soo xilsaaratay inuu safiir ka noqdo halkan, kama yeeleyno inuu dal ku tilmaamo, kama yeeleyno inuu qariyo dalka Safiirka uu ka yahay” ayuu sii raaciyay. Ugu dambeyn wuxuu uga digay safiirrada jooga Soomaaliya inay soo saaraan qoraallo ka dhan ah midnimada dhuleed ee JFS marka ay soo baxdo natiijada doorashada maamulka gobollada waqooyi ee Soomaalind, isagoo tilmaamay wixii dhaxdeena ah inay Soomaali u taallo. The post Safiirka Denmark ee Somalia oo loo haysto kiis xasaasi ah, loogana yeeray… appeared first on Caasimada Online.

Muqdisho (Caasimada Online) – Ra’iisul wasaarihii hore ee Soomaaliya, Mudane Xasan Cali Khayre oo warsaxaafadeed soo saaray ayaa si adag uga horyimid hannaanka uu wax ka wado madaxweynaha Soomaaliya, Mudane Xasan Sheekh Maxamuud, wuxuuna sheegay in qorshaha hadda Villa Soomaaliya ay wax ku waddo aanu ka shaqeyn doonin dalka. Khayre ayaa si gaar ah uga hadlay arrimaha doorashooyinka iyo tallaabooyinkii ugu dambeeyay ee ay qaadeen golaha xukuumadda iyo xubnaha baarlamaanka. Ra’iisul wasaarihii hore ee dalka oo hadda kamid ah xubnaha mucaaradka ayaa marka hore ka horyimid tallaabadii baarlamaanka ee shalay lagu ansixiyay dhismaha guddiga doorashada, wuxuuna tilmaamay in dalka ay gelin karto hubanti la’aan siyaasadeed. Sidoo kale wuxuu ku eedeeyay madaxweynaha inuu adeegsanayo guddoonka baarlamaanka, si loogu fuliyo qorshaha xafiikiisa ee ku aadan doorashooyinka. Xasan Cali Khayre ayaa intaasi kusii daray in aanu marnaba dalka ka shaqeyn doonin qorshaha hadda socda, illaa inta laga helayo guddi iyo shuruuc heshiis lagu wada yahay. “Soomaaliya horay ugama shaqeyn, mana ka shaqeyn doono guddi iyo shuruuc doorasho oo aan heshiis lagu ahayn. Khibrad nagu filan ayaanna u leennahay natiijada iyo cawaaqibka khilaafka iyo damac gurracan oo ku dhisan dano gaar ah” ayuu yiri Xasan Cali Khayre. Hoos ka akhriso qoraalka oo dhammeystiranm:- Waxaan ummadda Soomaaliyeed iyo madaxda dalka horay uga dignay halista iyo hubanti la’aanta siyaasadeed ee ku geedaaman jidka qardajeexa ah ee uu dalka ku wado Madaxweyne Xasan Sheekh, oo laalay dastuurkii qaranka, wiiqayna midnimadii dalka iyo wadajirkii ummadda. Waxaa ayaandarro ah in Madaxweynaha oo dalka ku sii wada dariiqii khatarta badnaa ee aan uga dignay, uu maanta si sharcidarro ah u meelmariyay Xeerka Dhisidda Guddiga Madaxabannaan ee Doorashooyinka, isagoo isticmaalaya Guddoonka Baarlamaanka. Tallaabadan waxa ay sii kala dhantaalaysaa midnimadii ummadda, waxayna dalka u horseedaysaa khilaaf hor leh iyo xasillooni la’aan siyaasadeed. Soomaaliya horay ugama shaqeyn, mana ka shaqeyn doono guddi iyo shuruuc doorasho oo aan heshiis lagu ahayn. Khibrad nagu filan ayaanna u leennahay natiijada iyo cawaaqibka khilaafka iyo damac gurracan oo ku dhisan dano gaar ah. Haddaba, waxaan Madaxweyne Xasan Sheekh iyo Guddoonka Baarlamaanka ugu baaqayaa in aaney iska indhatirin xaqiiqada hortaalla dalka, dadka iyo dowladnimada Soomaaliyeedna aaney waqti uga lumin guddi iyo shuruuc doorasho oo aan marnaba laga aqbali doonin, degdegna loo furo madal qaran oo looga heshiiyo doorashooyinka dalka, taas oo ay qeyb ka yihiin Puntland, Jubbaland, iyo saamileyda kale ee siyaasadda, si dalka iyo dadka Soomaaliyeed looga samatabixiyo jahawareerka iyo hubanti la’aanta siyaasadeed. The post Khayre oo sheegay in aanu shaqeyn doonin qorshaha Xasan hal sabab darteed appeared first on Caasimada Online.

Dowladda Soomaaliya ayaa sheegtay in ay u yeertay safiirka dowladda Danmark u qaabilsan Soomaaliya, Steen Sonne Andersen, kaasi oo ay ku eedaysay in uu ku xad-gudbay madax-bannaanida iyo midnimada dhuleed ee dalka. Wasiirka Arrimaha dibadda dowladda Federaalka Soomaaliya Axmed Macallin Fiqi ayaa sheegay in dowladdu u yeertay safiirka Danmark, si wax looga weydiiyo xad-gudub ka dhan ah madax-bannaanida iyo midnimada dhuleed oo uu ku eedaysan yahay. “Runtii waxaa ayaan daro ah in safiirro halkaas hadallo ka jeediyeen oo qarinayo dalka uu Safiirka ka yahay uuna leeyahay Ambassador hebel ayaan ahay, qaarkoodna ayba ku tilmaameen dal, waxana u yeernay Safiirka Danish-ka markuu arintaasi ku dhawaaqay, wuuna noo balansanyahay” ayuu yiri Fiqi. Wasiir Axmed Macallin Fiqi ayaa uga digay safiirrada shisheeye ee ku sugan Soomaaliya in ay soo saaraan qoraallo ka dhan ah midnimada dhuleed ee dalka marka ay soo baxdo natiijada doorashada Somaliland, waxaana uu caddeeyay in Soo tilmaamay in Soomaaliya hal qaran oo la aqoonsan yahay. “Safiirrada ajanabiga ah ee dalkan ku sugan qaarkood waxay tageen Hargeysa oo doorasho ka socotay, dowladda Soomaaliya mowqifkeeda way cadeysay oo ku saabsan doorashada, Soomaaliya waa hal dal, waxii dhaxdeenna aan isku haysaneyno aan isku heysano” ayuu sii raaciyay wasiir Fiqi. PUNTLAND POST The post Dowladda Soomaaliya oo u yeertay safiirka Danmark kadib markii uu Somaliland dal ku tilmaamay appeared first on Puntland Post.

Kismayo (HOL) — Jubbaland Electoral and Boundaries Commission has announced the schedule for the region's parliamentary and presidential elections, intensifying tensions between Jubbaland and federal government over electoral procedures. Source: Hiiraan Online

Muqdisho (Caasimada Online) – Wasiirka Wasaaradda Caafimaadka XFS Dr. Ali Haji Adam, ayaa si rasmi ah u dhagax dhigay dhismaha cusub ee Shaybaarka Qaranka (BIOSAFETY LEVEL 3) taasoo ah tallaabo muhiim ah oo lagu xoojinayo tayada adeegyada caafimaadka ee dalka munaasabaddan ayay sidoo kale goob joog ku ahaayen Dr. Guuled Abdijalil, Agaasimaha Guud ee Wasaaradda Caafimaadka, Dr. Hussein Abukar Muhidine, Agaasimaha Guud ee Machadka Caafimaadka Qaranka, Howl wadeenada Wasaaradda iyo Machadka Caafimaadka iyo marti sharaf kale oo ay ka mid yihiin saamileyda caafimaadka dalka. Shaybaarka Qaranka oo kamid ah xarumaha hoos yimaada Machadka Caafimaadka Qaranka sidookalena hirgelinta dhismahan cusub uu kamid yahay qorshayaasha ay Wasaaradda Caafimaadka iyo Daryeelka Bulshada XFS ku hormarinayso adeegyada caafimaad ayadoo kaashanaysa UNICEF sidookalena horgelinta Shaybaarkan ayaa kordhin doona tayada baaritaanka caafimaadka wuxuuna xoojin doonaa awoodda baaritaanka iyo ka hortagga cudurrada halista ah ee saameeya bulshada Soomaaliyeed. Dr. Ali Haji Adam, Wasiirka Wasaaradda Caafimaadka ayaa sheegay in dhismaha Shaybaarka Qaranka uu bixin doono fursado cusub oo xirfadlayaasha caafimaadka ay ku heli doonaan qalab casri ah iyo fursado waxbarasho Waxana uu intaa ku daray in horumarkan uu yahay mid ka mid ah himilooyinka Wasaaradda Caafimaadka iyo Machadka caafimaadka Qaranka ayadoona la filayo in uu saameyn togan ku yeesho adeegyada caafimaadka ee dalka. Ugu Danbayn Wasiirka ayaa xusay in dhismahan cusub uu muhiim u yahay xaqiijinta caafimaadka guud ee bulshada isagoona tilmaamay in fursadaha baaritaanka ee la heli doono ay ka caawin doonaan in la ogaado cudurrada waqtigooda si loo yareeyo faafitaanka iyo saameynta ay ku yeelan karaan bulshada. The post Wasiirka caafimaadka DF oo dhagax-dhigay dhismaha cusub ee shaybaarka qaranka appeared first on Caasimada Online.

Mogadishu (HOL) — Jubbaland's regional administration and its representatives in Somalia's federal Parliament have rejected a newly approved law establishing the Independent National Electoral Commission, alleging constitutional violations and exclusion from the decision-making process. Source: Hiiraan Online

Kismaayo (Caasimada Online) – Dowlad Goboleedka Jubaland ayaa ku eedaysay dowladda Federaalka Soomaaliya in ay caadaysatay ku tumashada dastuurka iyo xeerarka kale ee dalka u yaalla, islamarkaana aysan wax la-tashi ah u ogolayn Dowlad Goboleedyada dalka. “DFS waxay caadaysatay ku tumashada Dastuurka, xeerarka kale ee dalka u yaala iyo latashi la’aanta Dowladaha xubnaha ka ah Dowlada Somaaliya ee arrimaha masiiriga ah ee taabanaya masiirka ummada Soomaaliyeed,” ayay Jubaland ku sheegtay war-saxaafadeed ay soo saartay. Dowlad Goboleedka Jubaland waxay mar kale caddaysay in aysan qayb ka ahayn, kana ahaandoonin, xeerarka Doorashooyinka oo ay ku tilmaantay kuwa ee sharci-darro ah oo aan heshiis lagu aheyn oo Baarlamanka Somaaliya uu isku dayayo in la meel mariyo, iyadoo aan xitaa Koorumku u dhamaystirnayn. “Dawladda Jubaland waxay mar kale cadeeynaysaa in aysan qayb ka ahayn, kana ahaandoonin, xeerarka Doorashooyinka ee sharci darada ah ee aan heshiiska lagu aheyn ee Baarlamanka Somaaliya uu isku dayayo in la meel mariyo iyadoo aan xitaa Koorumku u dhamaystirnayn,” ayuu sii raaciyay Warsaxaafadeedka Jubaland. “Talaabada sharcidarada ah ee maanta Baarlamanka qaaday iyadoo wadahadalo iyo waan waan socotay Waxay cadeyn u tahay in madaxda dalka aysan diyaar u ahayn wadahadal, isdhagaysi, isixtiraam, iyo tanaasul loo sameeyo ummada Somaliyeed lana dhawro dastuurka, iyagoo caadeysatey dhaqanka ah ‘loo joojin mayo’ oo keenaysa Qalalaaso iyo hubanti la’aan siyaasadeed oo hada sii xoogaysanaysa.” Jubaland waxay sidoo kale ayaan darro ku tilmaaantay in Madaxda DFS ay dhegaha ka fureysteen baaqyada iyo talooyinka siyaasiyiinta iyo Bulashada Somaliyeed, iyagoo ay u cadaha waxa ay rabaan oo kaliya oo ah in labada Aqal ee Baarlamaanka ay marsadaan xeerar iyo habraacyo aan loo dhamayn. The post Jubaland oo eedeyn culus u jeedisay DF kadib arrintii shalay ka dhacday Muqdisho appeared first on Caasimada Online.

Ottawa police have charged the "gang-affiliated" cousins of two of their own officers who are suing the force for wiretapping them and their families, alleging the accused were at the top of one of three drug trafficking networks. Source: Hiiraan Online

https://qarannews.com/wp-content/uploads/2024/11/AQOyUvX0hq57_qrR_1t39pUrfrY2Nnwtzdlpz73K30O47uywT2QPYgCDWAXFEkMWUp1SKuVl8xFJXStCHldcUwzM.mp4 Qaran News

Hawlgalka ATMIS ee Soomaaliya ayaa ku dhawaaqay dhammaadka wajiga saddexaad ee dhimista ciidamadiisa, iyadoo la dhimay 2,000 oo askari. Saldhigga Burgavo ee Jubaland ayaa lagu wareejiyey Ciidanka Xoogga Dalka Soomaaliyeed, taasoo qayb ka ah qorshayaasha ATMIS ee Soomaaliya ee lagu taageerayo in ay Soomaaliya qaadato mas’uuliyadda amnigeeda. Saldhiggan ayaa muhiim u ahaa xakameynta Al-Shabaab iyo ilaalinta waddooyinka sahayda muhiimka ah ee gobolka. Tan iyo 2023, ATMIS waxaa Ciidanka Soomaaliya lagu wareejisay 21 saldhig ciidan iyo 9,000 oo askari. Madaxda goobta ka hadashay ee ATMIS waxay muujiyeen in wareejinta saldhigga Burgavo uu yahay guul muhiim ah oo muujinaysa awoodda sii kordhaysa ee Ciidanka Xoogga Dalka Soomaaliyeed ee ku aaddan qaadashada mas’uuliyadda amniga. Sannadka 2025, howlgal cusub oo AUSSOM ayaa beddeli doona ATMIS, isagoo ku shaqeyn doona sidii mid isku dhafan oo ka kooban ciidan, boolis, iyo rayid, iyadoo loogu talagalay in uu xoojiyo nabadda iyo amniga Soomaaliya. Source: goobjoog.com

Egypt’s Minister of Foreign Affairs, Emigration and Egyptian Expatriates Badr Abdelatty reaffirmed Egypt’s commitment to supporting efforts for a swift ceasefire, a political resolution, and stability in Sudan, alongside ensuring the delivery of humanitarian aid. Source: Hiiraan Online

Rights organizations are urging Defense Secretary Lloyd Austin to authorize condolence payments to families of civilians killed or injured by U.S. military operations overseas, an eleventh-hour test of the Biden administration’s promise to improve America’s handling of unintended battlefield casualties. Source: Hiiraan Online

Guddiga doorashooyinka Jubaland ayaa xalay si rasmi ah u shaaciyay jadwalka iyo habraaca doorashada Baarlamanka iyo Madaxtooyada Jubaland. Guddiga ayaa sheegay in 18 ilaa19 bishan November la soo saarayo liiska xildhibaannada cusub ee Baarlamaanka Jubaland, halka 21 bishan la qabanayo doorashada guddoonka Baarlamaanka Jubaland. Laga bilaabo 21 ilaa 23 bishan ayaa sidoo kale guddigu sheegay in la qabanayo araajida musharrixiinta u tartamaya xilka Madaxweynaha Jubaland, halka 25 Nov la qabanayo doorashada Madaxweynaha, sida ku cad jadwalka uu soo saaray guddiga. Guddiga ayaa dhinaca kale shaaciyay habraaca iyo shuruudaha loo marayo soo xulista xildhibaannada Baarlamaanka iyo doorashada Madaxtooyada Jubaland, kuwaasi oo faahfaafinaya hannaanka doorashada loo galayo. Halkaan ka akhriso jadwalka iyo habraaca doorashada PUNTLAND POST The post Jadwalka iyo habraaca doorashada Jubaland oo la shaaciyay appeared first on Puntland Post.

Dowladda Federaalka Soomaaliya ayaa sheegtay inaysan u dulqaadan doonin hab-dhaqanka Xad-gudubka ku ah madax-bannaanida dalka oo danjireyaasha shisheeyee qaarkood ay caadaysteen, ayadoo sheegtay inay tillaabo adag ka qaadi doonto safiir walba oo ku kaca fal dowladnimada iyo midnimada Soomaaliya wiiqaya. Wasiirka arrimaha dibedda Xukuumadda federaalka Soomaaliya oo ka hadlay danjireyaasha reer galbeedka oo kor joogtayn u tagey doorashadii Soomaaliland ayaa sheegay in dublumaasiyiintaasi ay ku hadleen wax aan dowladnimada Soomaaliya u qalmin oo meel ka dhac weyn ku ah qaranimada dalka. Wasiir Fiqi ayaa intaas ku daray in danjiraha dowladda Denmark ay u yeertay wasaaradda arrimaha dibeddu si wax looga weydiiyo hadal madax-bannaanida dalka dhaawacaya oo uu Hargeysa ka yiri, wuxuuna sheegay inaan cidna laga aqbalayn in safiirradu ay Soomaaliya siday doonaan ula dhaqmaan. Inkastoo hadalkiisu uu ka caraysiiyay hoggaanka iyo waxgaradka Soomaaliland, ayna Xaasidnimo ku tilmaameen, haddana wuxuu sheegay in wixii khilaaf ah oo dowladda Federaalka iyo Soomaaliland u dhexeeyaahi ay Soomaalida keliya Quseeyaan. Danjireyaasha dowladaha reer galbeedka qaarkood ayaa safarro aanay dowladda ku wargelin ku taga deegaanada qaar, ayagoo maamullada kula dhaqma hab aan madax-bannaanida dalka ku habboonayn, balse Soomaaliland ayay dalalka qaarkood si gaar ah ula dhaqmaan, Madaxweyne Xasan Shiikh ayaa horay u sheegay in aanay wixii hormar iyo guul ah ka hor istaagi doonin deegaanadaas. Si kastaba ha ahaatee dowladda Soomaaliya ayaa u muuqata in aanay u dulqaadan doonin hab-dhaqanka fowdada ah ee dublumaasiyiinta qaarkood ay caadaysteen, islamarkaana ay la xisaabtami doonto ciddii midnimada iyo qaranimada dalka dhaawacaysa. Source: goobjoog.com

Double strikes from Tim Kleindienst and Florian Wirtz paved the way for Germany's 7-0 thrashing of Bosnia and Herzegovina to top Group A3 on Saturday. Source: Hiiraan Online

Guddiga Madaxa-bannaan ee Xuduudaha iyo Doorashooyinka Jubbaland (GMXD) ayaa shaaciyey jadwalka doorashada Jubbaland, iyagoo ku dhawaaqay tillaabooyinka muhiimka ah ee doorashada sida soo xulista xubnaha Golaha Wakiillada, qabashada araajida murashixiinta, iyo doorashada madaxweynaha. Doorashada madaxweynaha ayaa dhici doonta 25 bishaan. Hase yeeshee, shacabka iyo qaar ka mid ah siyaasiyiinta ayaa weli ka walaacsan hufnaanta hanaanka doorashada. Waxaa jira eedo soo noqnoqday oo la xiriira awood-sheegashada maamulka Axmed Maxamed Islaam (Axmed Madoobe), oo lagu eedeeyay inuu ku shubtay doorashooyinka hore mideena aysan jiri doonin wax tartan ah. Siyaasiyiin iyo ururrada bulshada rayidka ah waxay walaac ka muujiyeen in hanaanka doorashada ee soo socda uu noqdo mid aan u adeegayn rabitaanka shacabka, iyagoo sheegay in Axmed Madoobe uu marar badan adeegsaday xubno uu isaga wato oo laga soo xulay odayaasha dhaqanka iyo xubnaha Golaha Wakiillada. Dad badan ayaa aaminsan in doorashadan aysan ka duwanayn kuwii hore, iyadoo loo badinayo in Axmed Madoobe mar kale ku soo baxo madaxweynaha Jubbaland. Waxaa la filayaa in arrintan ay abuurto dood xooggan iyo baaqyo ku aaddan in la xaqiijiyo hanaan doorasho oo xor iyo xalaal ah si looga fogaado eedaymaha musuqmaasuq iyo ku shubasho. Source: goobjoog.com

Madaxweynaha Mareykanka Joe Biden iyo Madaxweynaha Shiinaha Xi Jinping ayaa ku kulmay magaalada Lima ee dalka Peru. Labada hoggaamiye ayaa ku celceliyay muhiimadda ay leedahay in la joogteeyo wada-hadallada lagu maareynayo xafiiltanka u dhexeeya Mareykanka iyo Shiinaha. Labada masuul ayaa Lima uga qeybgalaya Shirweynaha Madasha Iskaashiga Dhaqaalaha Aasiya iyo Baasifigga ee Lima, Peru. Xiriirka Maraykanka iyo Shiinaha ayaa ah “kan ugu muhiimsan” adduunka, ayuu yiri Biden, isaga oo ku nuux-nuuxsaday mas’uuliyadda labada hoggaamiye ee ah in aan loo oggolaan in tartanka uu galo colaad. “Wadahadalladani waxay ka hortagayaan xisaab-xumo,” ayuu Biden ka yiri kulanka. Wuxuu intaasi ku daray in “Afartii sano ee la soo dhaafay, ay xaqiijiyeen suurtagalnimada in xiriir la yeesho. Madaxweynaha Shiinaha Xi ayaa isna muujiyay dareen la mid ah, isaga oo sheegay in labada waddan “ay tahay in ay maskaxda ku hayaan danta adduunka oo dhan oo ay ku duraan hubanti iyo tamar wanaagsan oo dunidaan qalalaasaha badan. Source: goobjoog.com

https://qarannews.com/wp-content/uploads/2024/11/AQPaHOqGLYPvP5ROPjo-_WWBRoYZGgq5ngLvQjCesRGBy2WjXwgkhVXyeL_YXYMT2QcG7p_ih2UDIbWy3NgUx2sQ.mp4 Qaran News

Lima (Caasimada Online) – Madaxweynaha Mareykanka Joe Biden iyo Madaxweynaha Shiinaha Xi Jinping oo Sabtidi shalay ku kumay magaalada Lima ee dalka Peru, ayaa ayaa ku celceliyay muhiimadda ay leedahay in la joogteeyo wada-hadallada lagu maareynayo xafiiltanka u dhexeeya Mareykanka iyo Shiinaha. Labada masuul ayaa Lima uga qeybgalaya Shirweynaha Madasha Iskaashiga Dhaqaalaha Aasiya iyo Baasifigga ee Lima, Peru. Xiriirka Maraykanka iyo Shiinaha ayaa ah “kan ugu muhiimsan” adduunka, ayuu yiri Biden, isaga oo ku nuux-nuuxsaday mas’uuliyadda labada hoggaamiye ee ah in aan loo oggolaan in tartanka uu galo colaad. “Wadahadalladani waxay ka hortagayaan xisaab-xumo,” ayuu Biden ka yiri kulanka. Wuxuu intaasi ku daray in “Afartii sano ee la soo dhaafay, ay xaqiijiyeen suurtagalnimada in xiriir la yeesho. Madaxweynaha Shiinaha Xi ayaa isna muujiyay dareen la mid ah, isaga oo sheegay in labada waddan “ay tahay in ay maskaxda ku hayaan danta adduunka oo dhan oo ay ku duraan hubanti iyo tamar wanaagsan oo dunidaan qalalaasaha badan. Shiinaha iyo Mareykanka ayaa hadda ah labada waddan ee ugu awoodda badan dhaqaalo ahaan iyo milatari ahaan dunida. The post Joe Biden iyo Xi Jinping oo ku kulmay dalka Peru appeared first on Caasimada Online.

Baarlamaanka Puntland oo Maanta yeeshay fadhigoodii caadiga ahaa ayaa su’aalo weydiiyay Wasiirka Arimaha gudaha Cabdi Faarax Siciid Juxaa. Fadhiga oo looga gol lahaa la xisaabtanka Xukuumadda ayaa waxaa horyimid Wasiirka Wasaaradda Arrimaha Gudaha Mudane Cabdi Faarax Siciid (Juxa), oo ay wehliyaan Agaasimaha Guud iyo Agaasimeyaasha Waaxyaha Wasaaradda iyo saraakiil kale ee Wasaaradda. Xildhibaannada Golaha ayaa Wasiirka weydiiyey su’aalo ku saabsan qorsheyaasha ku aaddan arrimaha Federaalka, Arrimaha dimuqraadiyeynta Puntland, Xuduudaha, Khilaafadka Beelaha, Tirada Xildhibaannada Goleyaasha deeganka, iyagoo dalbaday in la caddeeyo tallaabooyinka laga qaaday xal u helidda arrimahaasi. Waxa kale oo laga hadlay sidii loo mideyn lahaa qorshayaasha xasillinta iyo horumarinta dalka. Golaha ayaa sidoo kale si qoto dheer u dul istaagay qaybinta miisaaniyadda degmooyinka Puntland, iyagoo soo jeediyey in loo sinnaado qaybsiga khayraadka isla markaana si degdeg ah loo gaaro deegaannada aan weli helin adeegyada asaasiga ah. Arrimaha dimuqraadiyeynta sidii loo dar-dargelin lahaa, wax ka baddelka xeerarka doorashooyinka iyo Wax-ka-baddelka xeer ka mideynta cashuuraha Puntland. Sidoo kale, xaaladda dadka muhaajiriinta ah ee ku sugan gudaha Puntland ayaa ahayd mowduuc muhiim ah oo laga hadlay. Xildhibaannadu waxay weydiiyeen Wasiirka istaraatiijiyadda Wasaaradda ee ku aaddan caawinta dadka nugul, iyadoo laga dalbaday in gargaar bani’aadanimo oo degdeg ah loo fidiyo. PUNTLAND POST The post Xildhibaanada Puntland oo su’aalo weydiiyay Wasiir Juxaa oo hortagay Baarlamaanka appeared first on Puntland Post.

Doha (Caasimada Online) – Madaxweynihii hore ee Soomaaliya Maxamed Cabdullaahi Farmaajo ayaa soo saaray qoraal uu eedeyn kulul ugu jeediyey Madaxweyne Xasan Sheekh Maxamuud, xukuumadda uu hoggaamiyo iyo baarlamaanka dalka, isagoo ka soo horjeestay xeerka lagu dhisayo guddiga doorashooyinka dalka ee maanta baarlamaanka Soomaaliya ansixiyey. “Waxaan caddeynaynaa in aanan aqoonsanayn hindiseyaashaas iyo guddiyada lagu dhisayaba, oo ay hubaal tahay in aan lagu salayn maslaxadda guud ee qaranka Soomaaliyeed iyo duruufaha siyaasadeed ee ka jira dalka,” ayuu yiri Farmaajo. Wuxuu sheegay in la sii fogeeyey dowlad goboleedyada qaar, iyadoo ay dhinac uga baxeen arrimaha socda xildhibaanada ka soo jeeda Jubbaland iyo Puntland, wuxuuna Farmaajo farriin culus u diray guddoonka Baarlamaanka dalka. Hoos ka akhriso qoraalka uu soo saaray Farmaajo: Tallaabada uu maanta qaaday Guddoonka Baarlamaanka Federaalka Soomaaliya ee ansixinta sharci darrada ah ee xeerka lagu sheegay dhisidda Guddiga Doorashooyinka iyo Soohdimaha waxa ay sii fogaynaysaa xal u helidda tabashooyinka ay qabaan Dowlad-goboleedyada ka maqan Madasha Wadatashiga Qaranka, madaxdii hore iyo siyaasiyiinta dalka. Isku-milanka labada hay’adood ee fulinta iyo sharci-dejinta waxa ay sii kala qeybisay shacabka Soomaaliyeed, iyadoo aqlabiyadda xildhibaannada heer Federaal ee matala Jubbaland iyo Puntland ay si cad uga soo horjeesteen meelmarinta sharciyadan iyo guddiyadan aan loo dhammayn, taas oo muujinaysa in xitaa Golihii Baarlamaanka la kala qaybiyey. Haddaba, annaga oo tixraacayna waaqaca siyaasadeed ee dalka iyo dhibaatooyinka ka dhalan kara sharciyo, guddiyo iyo hannaan doorasho oo aan heshiis lagu ahayn waxaan caddeynaynaa in aanan aqoonsanayn hindiseyaashaas iyo guddiyada lagu dhisayaba, oo ay hubaal tahay in aan lagu salayn maslaxadda guud ee qaranka Soomaaliyeed iyo duruufaha siyaasadeed ee ka jira dalka. Nidaamka uu hoggaaminayo Madaxweyne Xasan Sheekh Maxamuud waxa ay qaadeen jiho khilaafsan dastuurkii lagu doortay iyo shuruucdii loo dhaariyey, sidaas awgeed waxa ay qaadayaan mas’uuliyadda taariikhiga ah iyo cawaaqib ka dhalanaya qorsheyaashooda gurracan ee kala qaybinaya shacabka Soomaaliyeed. Guddoonka Baarlamaanka Federaalka Soomaaliya waxaan xasuusinaynaa muhiimadda ay leedahay in ay joojiyaan ka qayb-qaadashada isku dayga hirgelinta hindiseyaasha ku saleysan danaha gaarka ah ee wiiqaya dowladnimada iyo dib u kabashada dalka, door hoggaamineedna ay ka qaataan ilaalinta midnimada iyo dowladnimada dalka. DHAMMAAD The post Madaxweyne Farmaajo oo jawaab kulul ka soo saaray tallaabadii uu qaaday BF appeared first on Caasimada Online.

Kismaayo (Caasimada Online) – Guddiga doorashada Jubbaland ayaa xalay soo saaray jadwalka doorashada guddoonka Baarlamaanka, Madaxweynaha iyo goorta la shaacinayo xubnaha baarlamaanka Jubbaland. Doorashada Madaxweynaha Jubbaland ayaa la qabanayaa 25-ka bishaan November, sida ku cad jadwalka caawa soo baxay. 18 ilaa 19 bishaan ayaa lasoo saarayaa liiska xildhibaanada la doortay ee baarlamaanka Jubbaland, sida uu shaaciyey guddiga doorashada Jubbaland. 20-ka bisha ayaa la shaaciyey in la qabanayo codsiyada musharaxiinta guddoonka baarlamaanka, iyadoo 21-ka bishaan la qorsheeyey inay khudbadahooda jeediyaan, isla markaana la gudagalo doorashada. 21-ka ilaa 23-ka ayaa la qorsheeyey in la qabto araajida Musharaxiinta Madaxweynaha, iyagoo khudbadahooda jeedin doona 24-ka bishaan. Ugu dambeyntii 25-ka bishaan ayaa la qorsheeyey in la qabto doorashada Madaxweynaha Jubbaland, taasi oo ka dhigan in 9 cisho kadib la dooranayo Madaxweynaha Jubbaland ee 5-ta sano ee soo socota. Madaxweyne Axmed Madoobe ayaa la aaminsan yahay in doorashadaan uu ka shaqeynayo sidii uu ugu soo laaban lahaa kursiga, waxaana taas ka dagaalamaysa dowladda federaalka. Xiisad culus oo ka dhalatay doorashadaan ayaa ka dhextaagan madaxda dowladda federaalka iyo madaxweynaha Jubbaland, waxaana suurtagal ah in xiisadaan ay gaarto gacan ka hadal. The post Jadwalka doorashada Jubaland oo la shaaciyey appeared first on Caasimada Online.

Muuse Biixi oo yaaban kadib markii mucaaridku uu doorashadii kaga adkaaday taasi oo joog iyo jiifba u diiday Qaran News

Dowladda Federaalka Soomaaliya ayaa ku dhawaaqday in ay tallaabooyin adag ka qaadayso safiirro la sheegay inay ka qaybqaateen doorashooyinka maamulka Somaliland. Wasiirka Arrimaha Dibadda ee Soomaaliya, Axmed Macalin Fiqi, ayaa si gaar ah u tilmaamay safiirka Denmark ee Soomaaliya inuu “dal” ugu yeedhay Somaliland, isagoo ku eedeeyey inuu u dhaqmay si ka hor imanaysa siyaasadda midnimada Soomaaliya. Wasiirka ayaa sheegay in safiirrada tagay magaalada Hargeysa, oo ay ku jirto safiirka Denmark, ay qaarkood ugu yeereen si loo xisaabtamo. Wuxuu carabka ku adkeeyay in Soomaaliya aysan marnaba aqbali doonin tallaabo kasta oo horseedaysa kala qaybinta dalka. Danjire Fiqi ayaa hadalkiisa ku daray: “Safiirrada Hargeysa tegey ee tallaabooyinka kala goynta ah qaaday tallaabo ayaan ka qaadaynaa, qaarkoodna waan u yeeray. Cidna kama yeelayno in ay dalkan kala goyso – wixii khilaaf ah Soomaali ayey u taal.” Dowladda Soomaaliya ayaa horey u sheegtay inay muhiim tahay in beesha caalamku taageerto midnimada iyo madax-bannaanida Soomaaliya. Source: goobjoog.com

Muqdisho (Caasimada Online) –Madaxweynihii hore ee dalka Xildhibaan Shariif Sheekh Axmed oo kamid ahaa xubno mucaarad ah oo maanta shir jaraa’id qabtay ayaa sheegay in Madaxweyne Xasan Sheekh aan waqtigiisa lagu heysan, balse lagu heysto ku tumushada sharciga. Sidoo kale Sheekh Shariif ayaa si cad u sheegay in Xasan Sheekh ay ku heystaan boobka dhulka danta guud ah ee dowladda uu hoggaamiyo ay Muqdisho ka wado, sida uu hadalkiisa u dhigay. “Madaxweynaha waqtigiisa laguma heysto, balse waxaa lagu heystaa ku tumashada sharciga, boobka hantida qaranka, iyo burburinta hay’adaha dowladda sida Baarlamaanka,” ayuu yiri Sheekh Shariif. Madaxweyne hore Shariifka ayaa ka digay in loo baahdo badbaado qaran in dib loo aas-aaso, isagoo tusaale ka bixiyey in sida ay wax u socdaan aysan wanaagsaneyn. “Waxaa loo baahan yahay in qaranimada la badbaadiyo, talo wadaagna la isugu yimaado, haddii arrimahaan aan la joojin, talo qaran ayaa la iskugu imaan doonaa,” ayuu hadalkiisa ku sii dharay Shariif Sheekh Axmed. Wuxuu intaas ku sii daray, “Mashruucan waa mashruucii hore loo soo diiday, kan waxaa sii raacday xishood la’aan, waana isla same scenario.” Sheekh Shariif ayaa sheegay in xildhibaano laga soo kala doortay Puntland iyo Jubbaland ay cadeeyey mowqifkooda, isla markaana dheg jalaq loo sii diiday, “waxaan aragnay in baarlamaanka laga ansixiyey heshiis aan la arkin, waa arrin laga naxo oo aan weligeed horay loo arkin,” ayuu yiri Sheekh Shariif. Wuxuu cod dheer ku sheegay in qaranimadii Soomaaliya ay god-dheer ku sii dhaceyso, “wax dambe oo maanta la is weydiiyo ma harin, waxaan ka fekereynaa sidii dalka loo badbaadi lahaa, lamana huri doono in talo la isugu yimaado,” ayuu yiri. Ugu dambeyntii Sheekh Shariif ayaa sheegay in dalkaan lagu samata bixi karo talo qaran, “dalkaan meel fog ayaa laga keenay in maanta dib loo celiyo ma ogolaa karno, dadaal ayaa naga galay dalkaan,” ayuu hadalkiisa ku soo gabagabeeyey Sheekh Shariif Sheekh Axmed. Hoos ka daawo The post Daawo: Sheekh Shariif oo shaaciyey arrimo yaab leh oo Xasan Sheekh ay ku heystaan appeared first on Caasimada Online.