Guddigii doorashada ee dhawaan magacaabay madaxweynaha Koonfur Galbeed Cabdicasiis Laftagareen ayaa caawa shaaciyay liiska xildhibaanada cusub ee maamulkaas. Xildhibaanada cusub waxay ka kooban yihiin 95 xubnood oo la sheegay in laga soo xulay beelaha dega Koonfur Galbeed, kuwaas oo la qorsheynayo in ay 29 bishan doortaan guddoonkooda. Shaacinta xildhibaanada cusub waxay ku soo aadaysaa, xilli xiisad colaadeed laga dareemayo inta u dhaxaysa magaalooyinka Baydhabo iyo Buurhakaba, taas oo u dhaxaysa maamulka Koonfur Galbeed iyo dowladda Federaalka Soomaaliya. Ciidamada dowladda Federaalka iyo ciidamada ka amar qaata siyaasiyiinta muraacadka ee la magacbaxay Badbaadada Koonfur Galbeed oo is-garabsanaya ayaa doonaya in ay la wareegaan Baydhabo, oo ah magaalada keliya ee gacanta ugu jirta maamulka Laftagareen. PUNTLAND POST

Xiisad colaadeed ayaa la dareemayaa inta u dhaxaysa magaalooyinka Baydhabo iyo Buurhakaba oo qiyaastii 60 km isu jira, taas oo u dhaxaysa maamulka Koonfur Galbeed iyo dowladda Federaalka Soomaaliya. Labada dhinac waxay saacadihii u dambeeyay halkaas ku daadgureeyay ciidamo farabadan, iyada oo laga cabsi qabo dagaal deegaannadaas ka qarxa. Ciidamada dowladda Federaalka iyo ciidamada ka amar qaata siyaasiyiinta muraacadka ee la magacbaxay Badbaadada Koonfur Galbeed oo is-garabsanaya ayaa doonaya in ay la wareegaan Baydhabo, oo ah magaalada keliya ee gacanta ugu jirta maamulka Laftagareen. Xiisadda labada dhinac waxay salka ku haysaa khilaafka doorashada maamulkaas ee u dhaxaysa maamulka Laftagareen iyo siyaasiyiinta mucaaradka oo qaarkood ka tirsan yihiin dowladda Federaalka. PUNTLAND POST

Magaalada Garoowe waxaa caawa ka dhacay shir ay yeesheen qaar ka mid ah xildhibaanada baarlamaanka Puntland, kuwaas oo mucaarad ku ah dowladda uu hoggaamiyo madaxweyne Siciid Deni. Xildhibaanadan oo gaarayay labaatan mudane, islamarkaana ku shiray mid ka mid ah hoteelada magaalada ayaa ajandaha shirkooda ku sheegay xaaladda Puntland, gaar ahaan arrimaha siyaasadda iyo abaaraha. Waxay intaas ku dareen in shirkooda uu sii socon doono maalmaha soo aadan, iyaga oo xusay in marka uu soo gabagaboobo wixii ka soo baxa la wadaagi doonaan bulshada. Shirkan wuxuu ku soo aaday, xilli lagu wada in madaxweyne Deni uu isku-shaandhayn ku sameeyo golahiisa wasiirrada, islamarkaana uu buuxiyo xilal bannaan oo badan. PUNTLAND POST

Madaxweynihii hore ee Soomaaliya Maxamed Cabdullaahi Farmaajo oo war-saxaafadeed soo saaray ayaa sheegay in tacaddi lagula kacay Taliyihii Ciidanka Asluubta Soomaaliya Gen. Mahad Cabdiraxmaan Aadan, islamarkaana hoygiisa Muqdisho la dul-dhigay ciidan oo xorriyada laga qaaday. Farmaajo wuxuu ku eedeeyay madaxweyne Xasan Sheekh in uu qaaday waddadii kali-talisnimada, isago oo sheegay in ay sii kordhayso beegsiga nidaamka madaxweyne Xasan Sheekh uu ku hayo wasiirrada, Xlxildhibaannada, saraakiisha iyo mas-uuliyiinta ka soo jeeda Koonfur Galbeed. Madaxweyne hore Farmaajo ayaa ku baaqay in degdeg ah xorriyadiisa loo siiyo Taliye Shub, isagoo uga digay madaxweyne Xasan Sheekh ku takri-fal awoodeed. PUNTLAND POST

Ra’iisul Wasaaraha Xukuumadda Federaalka Soomaaliya Xamse Cabdi Barre ayaa maanta xilalkii ka qaaday wasiiru dowlayaaashii Batroolka & Macdanta iyo Beeraha & Waraabka. Ra’iisul Wasaare Xamse ayaa xilka qaadista mas’uuliyiintan u cuskaday qodobada 120-aad & kan 117-aad ee dastuurka Soomaaliya iyo xeer-hoosaadka Golaha Wasiirrada. Qoraal ka soo baxay xafiiska Ra’isul Wasaare Xamse ayaa lagu yiri “Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xilalkii ka qaaday Wasiiru-dowlaha Wasaaradda Batroolka iyo Macdanta XFS Ismaaciil Shire Jaamac Iyo Wasiiru-dowlaha Wasaaradda Beeraha iyo Waraabka XFS Asad Cabdirisaaq Maxamed”. “Go’aankan ayaa yimid kadib markii uu Ra’iisul Wasaaruhu cuskaday qodobada 120-aad iyo kan 117-aad, ee dastuurka JFS iyo xeer-hoosaadka Golaha Wasiirrada, isla markaana la tixgaliyay baahida loo qabo in la sii xoojiyo hawlaha wasaaradaha” ayaa la raaciyay. Labadan wasiiru dowle oo ka soo kala jeeda Puntland iyo Jubaland waxay taageersanaayeen mowqifka Golaha Mustaqbalka Soomaaliya ee ku mideysanyihiin Puntland, Jubaland iyo Madasha Samatabixinta. PUNTLAND POST

Xildhibaan Cabdiraxman Cabdishakuur Warsame oo ka mid ah Golaha Mustaqbalka Soomaaliya ayaa dowladda Federaalka ah ku eedeeyay xilka qaadistii ay shalay ku sameysay Taliyihii Ciidanka Asluubta Gen. Mahad Cabdiraxmaan Aadan (Taliye Shub). Cabdiraxmaan Cabdishakuur ayaa cambaareeyay xilka qaadista Taliye Shub iyo xabsi guri uu sheegay in la geliyay, isaga oo ku tilmaamay aargoosi siyaasadeed. Hadal qoraal ah oo uu soo saaray ayuu ku yiri “Waxaan si adag u cambaaraynayaa xil ka qaadista argoosiga siyaasadeed ah iyo xabsi guriga la geliyey Generaal Mahad Cabdiraxmaan Aadan oo ahaa Taliyaha Ciidanka Asluubta Soomaaliya”. “Waa wax aan la aqbali karin oo sharciga, diinta, iyo dhaqanka suuban ee Soomaalida ka baxsan in shakhsi loo bartilmaameedsado inuu xidid ama xigto la yahay qof kale oo uu khilaaf siyaasadeed kaala dhexeeyo” ayuu ku raaciyay. Cabdiraxmaan Cabdishakuur wuxuu ku baaqay in si degdeg ah xabsi guriga looga sii daayo Gen. Mahad, islamarkaana loo soo celiyo xorriyadiisa, sida uu hadalka u dhigay. “Waa in si degdeg ah Janaraal Mahad xabsi guriga looga sii daayo, loona soo celiyo xoriyaddiisa, karaamadiisa, iyo xuquuqdiisa oo buuxda. Dhaqankani waa mid wiiqaya dowladnimada, sii xoojinaya kala qeybsanaanta, dhaawacayana kalsoonida shacabka” ayuu yiri xildhibaan Cabdiraxmaan Cabdishakuur. PUNTLAND POST

Dowladda Iiraan ayaa sheegtay intii uu socday dagaalka Bariga Dhexe in ay soo riday diyaarad dagaal oo nooca F-18 ah, taas oo leeyahay Maraykanka. War ka soo baxay ciidamada Ilaalada Kacaanka Iiraan ayaa lagu sheegay in diyaaradan oo maraysay koonfurta Iiraan ay duqeeyeen ciidamada badda, islamarkaana ay ku burburtay badweynta Hindiya. Dhanka kale Maraykanka ayaa beeniyay in wax diyaarad ah laga soo riday, isaga oo warkaas ku tilmaamay mid aan waxba ka jirin. Taliska Dhexe ee Maraykanka (CENTCOM) ayaa qoraal kooban oo uu soo dhigay barta X (hore loo oran jiray Twitter) ku sheegay in warkaas aanu run ahay. PUNTLAND POST

Wasiirka Arrimaha Dibadda ee Iiraan, Abbas Araqchi, ayaa sheegay in dowladdiisu ay dib u eegis ku samaynayso soo jeedin uu Maraykanku u gudbiyay si loo soo afjaro dagaalka ka socda gobolka, balse waxa uu hoosta ka xariiqay in aanay jirin wada-hadal toos ah oo u dhexeeya labada dal. Wareysi laga sii daayay telefishinka dowladda ayuu Araqchi ku sheegay in fariimaha ay dhex-dhexaadiyeyaashu labada dhinac u kala gudbinayaan aysan micnahoodu ahayn wada-hadal rasmi ah ama wada-xaajood. “Fariimaha dhexdhexaadiyeyaasha looma aqoonsan karo wada-xaajood ama wada-hadal toos ah,” ayuu yiri wasiirku, isagoo intaa ku daray in soo jeedinta Maraykanka loo gudbiyay madaxda ugu sarreysa ee Tehran si ay go’aan uga gaaraan. Hadalladan ayaa muujinaya in inkastoo ay jirto suurtagalnimada xal diblomaasiyadeed, Iiraan ay wali ka cago jiidayso inay si toos ah ula fariisato Maraykanka, gaar ahaan iyadoo xiisadaha gobolka ay weli taagan yihiin. Sidoo kale, wararku waxay sheegayaan in Maraykanku uu soo jeedintiisa ku gudbiyay marinnada diblomaasiyadeed ee dadban, iyadoo la raadinayo waddo lagu dejiyo colaadda sii fidaysa ee Bariga Dhexe. Dowladda Iiraan ayaa hore u sheegtay in aysan oggolaan doonin wax wada-xaajood ah oo ku yimaada cadaadis ama hanjabaad, taas oo sii adkaynaysa dadaallada lagu doonayo xabbad-joojin degdeg ah. Source: goobjoog.com

Laba arday oo Soomaaliyeed oo dhigta sharciga ayaa taariikh sameeyay kadib markii ay noqdeen kooxdii ugu horreysay ee ka socota dalka oo ka qayb gasha tartan caalami ah oo ku saabsan garsoorka ganacsiga (arbitration) oo lagu qabtay Hong Kong. Ardaydan oo ka socotay Jaamacadda Muqdisho ayaa ka qayb galay tartanka Willem C. Vis East International Commercial Arbitration Moot oo socday 15 ilaa 22 Maarso. Tani waxay noqotay markii ugu horreysay ee Soomaaliya si rasmi ah uga soo muuqato tartankan heer caalami. Kooxda ayaa ka koobneyd Samira Yusuf iyo Sabirin Elmi, kuwaas oo ku tartamay qorista doodaha sharciyeed iyo jeedinta dood afka ah ee ku saabsan khilaafaadka ganacsiga caalamiga ah. Tartankan ayaa sanad walba soo jiita jaamacado badan iyo kumannaan arday oo ka kala yimaada dalal kala duwan. Ka qaybgalka ardaydan wuxuu Soomaaliya geliyay fagaaraha caalamiga ah ee tartamada sharciga, wuxuuna muujinayaa horumar laga sameynayo tayada waxbarashada sare ee dalka, gaar ahaan dhinaca sharciga. Sidoo kale, ardaydu waxay heleen khibrad qiimo leh oo ku saabsan arrimaha sharci ee dalal kala duwan ka dhexeeya, waxayna la kulmeen arday iyo khubaro ka kala yimid meelo badan oo caalamka ah arrin muhiim u ah kobcinta xirfadaha qareennimo ee mustaqbalka. Guushan waxaa loo arkaa tallaabo muhiim ah oo muujineysa horumar ka socda nidaamka waxbarashada Soomaaliya, iyo dadaallada lagu xoojinayo xiriirka caalamiga ah ee qaybta sharciga. Source: goobjoog.com

​ Xoghayaha Guud ee Xisbiga Caddaaladda iyo Wadajirka (JSP) ayaa maanta si rasmi ah ugu dhowaaqay inuu iska casilay xilkii uu xisbiga u hayay iyo xubinnimadiisaba, isagoo go’aankan u sababeeyay kala aragti duwanaansho qotodheer oo muddo dheer kala dhaxeeyay Guddoomiyaha Xisbiga, ahna Madaxweynaha Jamhuuriyadda, Mudane Xasan Sheekh Maxamuud. Mas’uulkan ayaa qoraalkiisa ku caddeeyay in khilaafku salka ku hayo hannaanka maamulka dalka, isagoo ku eedeeyay Madaxweynaha inuu talada dalka iyo tan xisbigaba ka dhigay mid isaga kaliya ku kooban, isla markaana uu diiday inuu tixgeliyo ra’yiga ka duwan kiisa ama uu la tashado kooxdiisa siyaasadeed iyo hay’adaha dowladda. ​Waxa uu sidoo kale si adag uga hadlay arrimaha masiiriga ah ee dalka, isagoo xusay inuu isku dayay inuu Madaxweynaha ka qabto hannaanka loo marayo wax-ka-beddelka dastuurka oo uu ku tilmaamay mid kala fogeynaya ummadda Soomaaliyeed, wiiqayana mabaadi’ida federaalka. Sidoo kale, waxa uu tilmaamay inuu ka horyimid nidaamka doorashooyinka oo uu sheegay in Madaxweynuhu ku adkeystay qaab uu isagu natiijadiisa xakameyn karo, halkii laga dooran lahaa nidaam ay u dhan yihiin saamileyda siyaasadda si looga baaqsado colaad iyo burbur bulsho. ​Xoghayaha is-casilay ayaa intaas ku daray inuu ka soo horjeestay siyaasadda lagu wiiqayo dowlad-goboleedyada dalka oo uu u arko aasaaska nidaamka federaalka, wuxuuna si gaar ah u cambaareeyay xannibaadda safar ee loo geysto xildhibaannada qaranka, taas oo uu ku sifeeyay gaboodfal sharci iyo ku xadgudub madaxbannaanida baarlamaanka. Gebagebadii, mas’uulkan ayaa shaaca ka qaaday inuu maanta wixii ka dambeeya qaadan doono jiho siyaasadeed oo cusub, isagoo guntiga u xiran doona inuu bahwadaag la noqdo cid kasta oo ay ka midoobi karno ilaalinta midnimada iyo Soomaalinimada. Source: goobjoog.com

Golaha Wasiirrada Xukuumadda Federaalka Soomaaliya ayaa maanta fadhigoodii caadiga ahaa ku ansixiyey soo jeedinta Wasaaradda Caddaaladda iyo Arrimaha Dastuurka ee ku aaddan magacaabista Taliyaha cusub ee Ciidanka Asluubta Soomaaliyeed. Xilkan muhiimka ah ayaa loo igmaday Sarreeye Gaas Maxamed Sheekh Xasan Xaamud, oo ah sargaal waaya-arag ah, horayna usoo noqday Taliyaha Ciidanka Booliska Soomaaliyeed. ​Magacaabista Xaamud ayaa ka dhalatay xil ka qaadis lagu sameeyey General Mahad Cabdiraxmaan Aadan, kaas oo muddo soo hayey hoggaanka ciidankaas. General Mahad, oo ah sodogga Madaxweynaha Koonfur Galbeed Cabdicasiis Lafta-gareen, ayaa xil ka qaadistiisa loo arkaa mid salka ku haysa xiisadda siyaasadeed ee muddooyinkii dambe u dhaxaysay dowladda dhexe iyo maamulka Koonfur Galbeed. Source: goobjoog.com

Warbaahinta Al Jazeera ayaa shaacisay in dowladda Mareykanka ay dalbatay xabad joojin lala galo Iiraan, iyadoo fariintan loo sii marsiiyay dowladda Pakistan. Sida ay Al Jazeera u xaqiijiyeen ilo sare oo ka tirsan Islamabad, dukumenti rasmi ah oo ka yimid maamulka Donald Trump ayaa la gaarsiiyay mas’uuliyiinta Iiraan, kaas oo xambaarsan codsi ku saabsan xabad joojin. Dowladda Pakistan ayaa door dhexdhexaadin ah ka qaadatay gudbinta farriintan, iyadoo xiriir dhow la leh labada dhinac. Wararka ayaa intaas ku daraya in weli la sugayo jawaabta rasmiga ah ee Iiraan, taasoo go’aamin karta jihada xaaladda siyaasadeed iyo midda amni ee gobolka. Arrintan ayaa imaneysa xilli xiisaddu ay sare u kacday, iyadoo dadaallo diblomaasiyadeed oo kala duwan lagu doonayo in lagu dejiyo xaaladda, loogana hortago isku dhac ballaaran oo ka dhaca Bariga Dhexe. Faahfaahin dheeraad ah ayaa la filayaa inay soo baxdo saacadaha ama maalmaha soo socda, marka ay Iiraan ka jawaabto dalabka xabad joojinta ee ka yimid Mareykanka. Source: goobjoog.com

Dowladda Federaalka Soomaaliya ayaa maanta xilkii ka qaaday Taliyihii Ciidanka Asluubta Gen. Mahad Cabdiraxmaan Aadan (Taliye Shub) oo ay aad isugu dhawaayeen madaxweynaha Koonfur Galbeed Cabdicasiis Laftagareen. Sida lagu sheegay qoraal ka soo baxay xafiiska Ra’iisul Wasaare Xamse waxaa Taliyaha cusub ee Ciidanka Asluubta Soomaaliya loo magacaabay Gen. Maxamed Sheekh Xasan Xaamud oo hore u soo noqday Taliyaha Ciidanka Booliska Soomaaliya. “Golaha Wasiirrada Xukuumadda Federaalka Soomaaliya ayaa maanta ansixiyey soo jeedinta Wasaaradda Caddaaladda iyo Arrimaha Dastuurka ee magaacaabista Taliyaha Ciidanka Asluubta Soomaaliyeed oo loo magacaabay Sarreeeye Gaas Maxamed Sheekh Xasan Xaamud” ayaa lagu yiri qoraalka. Xilka qaadista Taliye Shub waxay la xiriirtaa xiisadda ka taagan deegaannada Koonfur Galbeed ee u dhaxaysa dowladda Federaalka Soomaaliya. PUNTLAND POST

Xildhibaan Cabdiraxman Maxamed Xuseen (Odowaa) ayaa iska casilay xilkii xoghayaha guud ee xisbiga uu hoggaamiyo madaxweyne Xasan Sheekh ee Caddaaladda iyo Wadajirka (JSP). Odowaa ayaa war-saxaafadeed uu soo saaray ku sheegay in go’aankiisa iscasilaadeed uu salka ku hayo khilaaf siyaasadeed oo muddo soo jiitamayay oo kala dhaxeeyay guddoomiyaha xisbiga ee madaxweyne Xasan Sheekh Maxamuud. Xildhibaan Odayaa ayaa madaxweyne Xasan Sheekh ku eedeeyay in uu talada dalka iyo tan xisbiga JSP ka dhigay mid isaga ka billaabata kuna dhammaata. Odowaa ayaa si adag uga horyimid habka wax-ka-beddelka dastuurka dalka, isagoo ku tilmaamay mid sii kala fogeynaya bulshada Soomaaliyeed, isla markaana wax u dhimaya mabaadi’da federaalka. Sidoo kale wuxuu sheegay in uu madaxweynuhu kaga ra’yi duwanaa hannaanka doorashada ee dowladdu doonayso iyo qaabka loo wajahay dowlad goboleedyada. Iscasilaada Odawaa waxay ku soo aaday, xilli uu dalka ka jiro khilaaf siyaasadeed oo adag, islamarkaana saameeyay xisbiga Caddaaladda iyo Wadajirka ee hoggaamiyo madaxweyne Xasan Sheekh. Hoos ka akhri war-saxaafadeedka Odowaa WAR-SAXAAFADEED: Is-Casilaadda Xisbiga Caddaaladda iyo Wadajirka (JSP) Waxaan maanta oo ay taariikhdu tahay 25 March 2026 aan si rasmi ah isaga casilay xilka Xoghayaha Guud iyo waliba xubinnimadii xisbiga Caddaaladda iyo Wadajirka (JSP). Iscasilaadan waxaa sabab u ah kala aragti duwanaansho qotodheer oo in muddo ah igala dhaxeysay Guddoomiyaha Xisbiga JSP, ahna Madaxweynaha Jamhuuriyadda, Mudane Xasan Sheekh Maxamud. Kala ra’ayi duwanaantaasi waxa ay salka ku haysaa qodobada soo socda: 1. In madaxweynuhu talada dalka iyo tan xisbiga ka dhigay mid isaga ka billaabata kuna dhammaata, isaga oo diiday inuu tixgeliyo ra’yiga ka duwan midkiisa isla markaana uu la tashado kooxdiisa siyaasadeed, guud ahaanna diiday talada dhammaan hay’adaha dowladda 2. Wax-ka-beddelka dastuurka dalka: waxaan isku dayay inaan madaxweynaha ka qabto hannaanka loo maray wax-ka-beddelka dastuurka oo ahaa mid kala fogeynayay ummadda Soomaaliyeed iyo in la saxo qaar ka mid ah qodobbada taabanaya midnimada, wadajirka iyo mabaadi’ida federaaliga ah ee uu dastuurku ku qotomo. 3. Hannaanka doorashada: waxaan madaxweynaha ku kala ra’ayi duwanaannay nidaamka doorashooyinka dalka. Madaxweynuhu wuxuu ku adkeystay inuu sameeyo nidaam doorasho oo uu natiijadiisa isagu xakameyn karo, aniguna waxaan qabaa in doorashadu noqoto mid ay heshiis ku yihiin saamileyda siyaaasadda dalka, maadaama uu dalkeennu yahay mid u nugul colaad siyaasadeed iyo burbur bulsho oo soo noqnoqda. 4. Burburinta dowlad goboleedyada: waxaan aad uga diiday Madaxweyne Xasan Sheekh siyaasadiisa burburinta dowlad-goboleedyada dalka, maxaa yeelay dowlad-goboleedyadu waa astaanta iyo heerka labaad ee aasaaska u ah dhismaha nidaamka federaalka dalka iyo weliba wadajirka bulshada Soomaaliyeed. 5. Xannibaadda xildhibaannada: waxaan aad uga dhiidhiyey xannibaadda soo noqnoqotay ee loo geysanayo muwaadiniinta Soomaaliyeed ee dalka gudihiisa iyo dibadda u socdaalaya. Si gaar ah, waxaan kasoo horjeestay in xildhibaan qaran oo xasaanad leh laga hor istaago safar, arrintaas oo ah gaboodfal sharci oo aan qiil loo heli karin, ku xadgudub madaxbannaanida baarlamaanka dalka iyo karaamada bani’aadamka ee Alle ilaaliyey. Qodobbadaas, iyo kuwa kale oo aanan halkan ku soo koobi karin oo aan ku kala aragti duwanaanay, ayaan maanta go’aansaday inaan siyaasadda ku kala baxno aniga iyo Madaxweyne Xasan Sheekh oo aan siyaasad wadaag soo aheyn muddo dheer. Hadaba, maanta wixii ka dambeeya, waxaan abbaari doonaa jiho siyaadadeed oo ka duwan tii aan muddada dheer ku soo jiray, aniga oo guntiga u xiran doona inaan bahwadaag noqonno cid kasta oo aan ka midoobi karno mabaadi’ida Soomaalinnimada iyo ilaalinta midnimada ummadda Soomaaliyeed. Soomaaliya waxaan u rajeynayaa mustaqbal ummadeed oo ifaya. DHAMMAAD PUNTLAND POST

Socdaalka markabka casriga ah ee Turkiga ee lagu magacaabo Cagri Bay ayaa noqday mid si weyn indhaha loogu hayo, maadaama uu astaan u yahay wejiga cusub ee Soomaaliya u galay raadinta iyo ka faa’iidaysiga kheyraadka shidaalka. Markabkan oo ah jiilka toddobaad ee ugu horumarsan ee qodista shidaalka badda hoosteeda, ayaa ka soo shiraacday dekadda Walvis Bay ee dalka Namibia, halkaas oo uu ku sugnaa maalmihii la soo dhaafay. Safarkiisa dheer wuxuu ka bilaabay dalka Turkey, isaga oo soo maray dalal badan oo ku yaalla Yurubta Koonfureed sida Greece, Italy iyo Spain, ka hor inta uusan u sii gudbin xeebaha galbeedka Afrika. Intii uu ku jiray socdaalkaas, Cagri Bay wuxuu soo maray waddamo ay ka mid yihiin Morocco, Mauritania, Senegal, Ghana iyo Nigeria, isagoo sii maray xeebaha ilaa uu ka gaaray koonfurta qaaradda Afrika. Hadda wuxuu ku sii jeedaa inuu ka gudbo agagaarka South Africa, kadibna u soo tallaabo dhinaca bari ee Afrika. Marka uu ka soo gudbo Koonfur Afrika, markabkan waxaa la filayaa inuu soo maro waddamada Mozambique, Tanzania iyo Kenya, ka hor inta uusan soo gaarin xeebaha Somalia. Ujeeddada ugu weyn ee socdaalka Cagri Bay waa inuu bilaabo qodista ceelkii ugu horreeyay ee shidaal laga baaro Soomaaliya, kaas oo loogu magac daray “Curadka 1aad”. Dowladda Soomaaliya ayaa hore u sheegtay in markabkan uu dalka ku imaan karo muddo ku dhow 45 maalmood, balse marka la eego masaafadda dheer iyo waddada uu marayo, waxaa muuqata in safarka uu qaadan karo waqti ka badan intii la qorsheeyay. Go’aanka uu markabkan ku doortay inuu ku wareego qaaradda Afrika halkii uu ka mari lahaa Suez Canal ayaa la rumeysan yahay inuu la xiriiri karo arrimo amni iyo istiraatiiji ah, maadaama marinnada qaar ee Badda Cas ay noqdeen kuwo khataro cusub ka jiraan. Imaatinka Cagri Bay ee Soomaaliya wuxuu noqon karaa tallaabo taariikhi ah oo dalka u horseedi karta inuu si rasmi ah u galo safka dalalka soo saara shidaalka, haddii natiijooyinka qodista ay noqdaan kuwo rajo leh. Sidoo kale, wuxuu muujinayaa xoojinta iskaashiga u dhexeeya Soomaaliya iyo Turkiga, gaar ahaan dhinacyada tamarta iyo horumarinta kheyraadka dabiiciga ah. Haddii howlaha qodista ay guuleystaan, Soomaaliya waxay fursad u heli kartaa koboc dhaqaale, shaqo abuur iyo in ay ka faa’iidaysato kheyraad muddo dheer la sugayay. Source: goobjoog.com

Maalmihii u dambeeyay waxaa la soo sheegayay dhaqdhaqaaqyo iyo weeraro ay sameeyeen kooxda Daacish ee ku sugan buuraha Calmiskaad ee gobolka Bari. Dhowr tallaabo oo ay qaaday Puntland ayaa loo sababaynayaa in ay Daacish u fududaysay in ay buuraha Calmiskaad ka sameeyaan dhaqdhaqaaqyo iyo weeraro cusub. Puntland waxay buuraha Calmiskaad iyo goobaha lagu tuhunsan yahay in ay kooxda Daacish saldhigyo ku leeyihiin u fasaxday dadka reer guuraaga ah, taas oo sababtay in kooxdaas ay fursad u helaan in ay ku dhex-dhuuntaan reer miyiga iyo in ay helaan adeegyada ay u baahan yihiin. Fursada kale ee Daacish heshay waa in Puntland ay buuraha Calmiskaad ka soo dejisay ciidamadii ugu adkaa ee ka dagaalamay Calmiskaad, kuwaas oo hadda qaarkood ku sugan yihiin magaalooyinka Garowe iyo Boosaaso. Puntland waxay bilo ka hor ciidan cusub geysay buuraha Calmiskaad, iyada oo joojisay dagaalkii ka fool ka fool ka ahaa, taas oo keentay in wejiga dagaalka uu is baddelo, islamarkaana kooxda Daacish hesho nefis iyo fursado ay ku dhaqdhaqaaqi karaan. Kooxda Daacish ee ku sugan buuraha Calmiskaad oo awooddii la wiiqay sanadkii la soo dhaafay ee 2025 ayaa dhaqdhaqaaqyo cusub ee ay wadaan loo arkaa mid ay ku doonayaan in ay dib isugu soo abaabulaan. PUNTLAND POST

​Taliyaha Ciidanka Xoogga Dalka Soomaaliyeed ayaa xilkii ka qaaday Taliyihii Ururka 154-aad ee Guutada 8-aad, Qaybta 60-aad ee Ciidanka Xoogga Dalka, Mudane Aadan Maxamed Nuur (Afeey). Isbeddelkan ayaa qayb ka ah qorsheyaasha kor loogu qaadayo hufnaanta iyo hoggaanka ciidanka ee ka howlgala deegaannada Koonfur Galbeed. ​Sidoo kale, Dowladda Federaalka Soomaaliya ayaa isla xilkaas u magacowday Taliyaha cusub ee Ururka 154-aad, Mudane Mursal Cali Maxamed. Taliyaha cusub ayaa horay ugu soo shaqeeyay isla ururkan isagoo ahaa Abaanduulihii ururka, taas oo la filayo inay sahasho sii socoshada howlgalada ammaan ee ka socda gobolka. ​Ururka 154-aad ayaa fariisin rasmi ah ku leh degmada Diinsoor ee Gobolka Baay. Source: goobjoog.com

​Suuqa Bakaaraha ee magaalada Muqdisho waxaa maanta ka taagan buuq iyo dibadbaxyo xooggan oo ay samaynayaan ganacsatada iyo qeybaha kala duwan ee bulshada. Xiisaddan ayaa ka dhalatay ka dib markii ganacsatada lagu amray inay ka guuraan goobihii ay ku ganacsanayeen, taas oo keentay in dadku ay isugu soo baxaan waddooyinka iyagoo muujinaya caradooda. ​Ganacsatada ayaa ku doodaya in dhulkaas uu yahay hanti ay iyagu leeyihiin, balse hadda loo adeegsanayo magac dowladeed si looga barakiciyo. Waxay sheegeen in cabashooyin dhowr ah ay u gudbiyeen hay’adaha ay khuseyso, balse aan ilaa hadda waxba laga qaban dhibaatada ay tirsanayaan. ​Inkastoo ay ganacsatadu shalay ka hadleen arrintan, haddana dhanka dowladda Soomaaliya weli wax jawaab ah kama soo bixin oo ku aadan amarka bixitaanka iyo cabashada dadka. Xaaladda ayaa weli ah mid kacsan, iyadoo saameyn weyn ay ku yeelatay dhaqdhaqaaqii ganacsi ee suuqa ugu weyn dalka. ​ Source: goobjoog.com

Madaxda dalalka Turkey, Masar iyo Pakistan ayaa wada dadaallo diblomaasiyadeed oo xooggan si loo qabto kulan degdeg ah oo ay yeeshaan madaxda Mareykanka iyo Iran, sida ay sheegayaan ilo diblomaasiyadeed oo lagu kalsoon yahay. Kulankan oo la qorsheeyay in lagu qabto magaalada Islamabad ee caasimadda Pakistan ayaa la filayaa inuu dhaco 48 saacadood gudahood, haddii ay guuleystaan dadaallada socda. Ujeeddada ugu weyn ee shirka ayaa ah in xal nabadeed looga gaaro xiisadaha sii kordhaya ee Bariga Dhexe, gaar ahaan arrimaha la xiriira colaadaha gobolka iyo saameynta ay ku leeyihiin amniga caalamka. Mas’uuliyiinta Turkey, Masar iyo Pakistan ayaa la sheegay inay door firfircoon ka qaadanayaan dhexdhexaadinta, iyagoo doonaya in la abuuro madal wada-hadal oo toos ah oo dhex marta labada dhinac. Wararka ayaa sidoo kale tilmaamaya in ajandaha kulanka uu diiradda saari doono joojinta xiisadaha militari, dib u soo celinta wadahadallada diblomaasiyadeed, iyo raadinta hannaan waara oo lagu xalliyo khilaafaadka taagan. Ilaa hadda, ma jiro war rasmi ah oo ka soo baxay Mareykanka ama Iran oo xaqiijinaya ka qeybgalka kulanka, balse dhaq-dhaqaaqyada diblomaasiyadeed ayaa si xawli ah u socda. Source: goobjoog.com

Ahmed M. Salebaan For more than three and a half decades, a quiet success story has been unfolding in the Horn of Africa — one that the world has largely chosen to ignore, until last it gained its first diplomatic recognition from Israel. While much of the region has been plagued by conflict, corruption, and collapsing governance, the Republic of Somaliland has built something remarkable: a functioning democracy, relative peace, and steady development — all without a single dollar of foreign aid or a shred of international recognition. Since reclaiming its independence in 1991, Somaliland has held multiple credible elections, established modern institutions, strengthened the rule of law, and expanded basic services to its people. Its streets are safer, its politics more stable, and its economy more vibrant than many of its neighbors. And it has done all this on its own. Now, that story is gaining new attention. As diplomatic winds shift and global powers grow weary of pouring resources into Mogadishu’s dysfunctional and increasingly unstable regime, more eyes are turning toward Somaliland. Countries that once dismissed its quest for recognition are beginning to ask a simple but powerful question: Why continue backing failure when a proven success is standing right next door? Somaliland’s leaders and people have never wavered in their peaceful campaign for recognition. Their message is straightforward: We have earned our place at the table through hard work, sacrifice, and results — not through violence or international handouts. In a region where instability, extremism, and weak governance continue to threaten global security, Somaliland stands out as a rare example of what is possible. It has held free and fair elections, built accountable institutions, and maintained peace among its diverse clans — achievements that many internationally recognized states in the Horn can only envy. Recognition would be more than a symbolic gesture. It would be a strategic masterstroke. For the international community, it offers a chance to invest in stability rather than endlessly subsidize chaos. It would open the floodgates for legitimate trade, investment, and security partnerships with a reliable partner that shares democratic values. Most importantly, it would reward good governance and send a clear message across Africa: building a functioning state matters more than colonial-era borders drawn on old maps. For the Horn of Africa, formal acknowledgment of Somaliland could mark the beginning of a new era — one where peace and prosperity have a real chance to take root. It would encourage regional cooperation, reduce the space for terrorist networks, and create a positive model that others might finally be inspired to follow. The people of Somaliland have already done the hardest part. They have built a nation from the ashes of war through sheer willpower and determination. Now, the ball is in the international community’s court. The question is no longer whether Somaliland deserves a full recognition. The real question is how much longer the world can afford to ignore a success story that could help transform an entire troubled region.The time to recognize Somaliland is now — not just for justice, but for the future of peace and progress in the Horn of Africa. Qaran News

Cabdisalaam Maxamed Xasan, Cabdullahi Cusmaan Maxamed, Cabdinaasir Cumar Axmed Subeyr, Faadumo Cismaan Subeyr Cali iyo Leylo Seef Faarax Axmed, Ayaa lagu Eedeeyay in ay siyaabo kala duwan ugu lug yeesheen Howlo Basaasnimo iyo Gabaadsiinta Xubno ka tirsan Argagixisada. Eedeysane Cabdisalaam Maxamed Xasan (Aamusane) ayaa si gaar ah loogu Eedeeyay Tan iyo 2014 Inuu Ka tirsanaa Qeybta Dhagaraha Argagaxisada, Gaar ahaan Basaasida Dilalka gaadmada iyo qeybta Qaraxyada. Waxa uu qabtay Shaqooyin ay ka mid yihiin Sahminta guryo Saraakiil daganaayen, Indho indheynta xarumaha Degmooyinka Xamar jajab iyo Xamarwayne, Gudbinta Xogo ku saabsan xarumaha lagu bixiyo ID ga NIRA Iyo Bixinta Macluumaadyo lagu beegsan lahaa Feeryahanada Soomaaliyeed ee Caanka ah Ramla Cali oo Dalkeeda soo booqatay. Eedaysane Cabdulahi Cusmaan Maxamed, ayaa isna Lagu eedeeyay in uu dib ugu Laabtay aragaxisada oo horay uu uga tirsanaa, Islamarkaana Suuqa Bakaaro uu ku lahaa Ganacsi Qudaar oo gabbaad u aheyd, ayna ku kala warqaadan jireen isaga iyo Eedeysane Cabdisalaam. Cabdullahi Cusmaan ayaa horay usoo dhameystay Xukun ay ku riday Maxkamadda Ciidamada Puntland. Eedaysane Cabdinaasir Cumar Axmed Subeyr oo Argagixisada kaga biiray Degmadda Qoryooleey 2015, ayaa Muqdisho yimid isagoo aan marin habraaca isa-soo dhiibista ee kuwa ka haray afkaarta Xagjirka. Eedeysane Faadumo Cismaan Subeyr Cali ayaa loo heystay in Gabaadsiisay Eedeysaneyaasha kala ah Cabdisalaam iyo Cabdinaasir oo labaduba ay Waalid u tahay, ayeeyo korana ugu aadaneyd eedeysane Cabdisalaan, iyadoona maalmo kadib u wareejisay Guri kiro ah oo ay leedahay Saxiibadeed Eedeysane Leylo Seef Faarax Axmed oo ay daris ahaayeen, kuna yaala Degmada Xamar jajab. Faadumo ayaa iyadana Gurigeeda ka kireysay Eedeysane Cabdisalaam, iyaddoo aan la marin habraaca Kireynta Guryaha ee Hay’adaha amaanka iyo maamulka Gobolka Banadir. Baaris dheer ka dib xafiiska Xeer ilaalinta Ciidamada, ayaa codsaday Mudeynta Kiiskaan, waana laga aqbalay. Garsoorka Maxkamadda Ciidamada Qalabka sida oo waqti ku filan siiyey dhinacyadda dacwadda ayaa ugu dambeyn maanta ku kala Xukumay. 1- Cabdisalaam Maxamed Xasan (Aamusane) Toban sano oo Xabsi Argagaxiso ah. 2- Cabdinaasir Cumar Axmed Subeyr Labo sano oo Xabsi Argagaxiso ah. 3- Faadumo Cismaan Subeyr Cali iyo 4- Leylo Seef Faarax Axmed, ayaa Iyagana lagu xukumay Min Hal sano oo Ilku hayn Amni ah. Halka 5- Cabdulahi Cusmaan Maxamed ay Maxkamadu siisay Xorriyadiisa ka dib markii ay tix galisay Dooda Qareenkiisa oo aheyd in uu soo dhamaystay xukun horay ugu dhacay, Maxkamadduna ay u cadeen u weysay in uu dib ugu laabtay Argagaxisada. Source: goobjoog.com

Wasiirka arrimaha dibadda Shiinaha Wang Yi ayaa la hadlay dhiggiisa Iran Cabbaas Aragchi. Qoraal laga soo turjumay warbaahinta dawladda Shiinaha, Aragchi ayaa lagu soo warramayaa inuu u sheegay Yi: “Iran waxa ka go’an xabbad-joojin dhammaystiran, ma aha oo keliya mid ku meel gaar ah”. Waxa uu sidoo kale sharraxay in “Hormuz ay u furan tahay dadka oo dhan, maraakiibtuna ay si nabad ah u mari karaan, laakiin waddamada hadda dagaalku ka socdo aan laga fiirsan”. Warbaahinta dowladda oo akhrineysa wada hadalka ayaa yiri Yi waxa uu ku nuuxnuuxsaday: “Hadalku mar walba waa ka fiican yahay dagaalka” wuxuuna ku boorriyay dhammaan dhinacyada inay “ka faa’iideystaan ​​fursad kasta iyo daaqadda fursadda nabadda oo ay bilaabaan geeddi-socodka nabadda sida ugu dhaqsaha badan”. Qaran News

Office of the Spokesperson The below is attributable to Principal Deputy Spokesperson Tommy Pigott: Secretary of State Marco Rubio spoke today with Canadian Minister of Foreign Affairs Anita Anand to discuss international security and the decisive actions taken by President Trump to dismantle Iran’s nuclear program and increase pressure on the Iranian regime. Secretary Rubio also addressed our efforts to promote security and stability in Haiti, including support for the UN-authorized Gang Suppression Force. Qaran News

Dalalka khaliijka ee aad maqashay dadka wadaniga ee Carabta ah waxaa kaga badan ajaanibka, waakan tirakoobkii ugu dambeeyay ee dadweynaha dalalka Khaliijka iyo tirada ay ajaanibku ka yihiin. 1) SUCUUDIGA waa 37 milyan. 20.5 milyan waa wadani. 16.4 Milyan waa ajaanib. 2) IMAARAADKA waa 11 milyan. 1.31 milyan waa wadani. 10.04 Milyan waa ajaanib. 3) CUMAAN waa 4.7 milyan. 2.5 milyan waa wadani. 2.05 milyan waa ajaanib. 4) QATAR waa 3.2 milyan. 330,000 waa waddani. 2.87 milyan waa ajaanib. 5) KUWEYT waa 4.5 milyan. 1.56 milyan waa waddani. 2.16 milyan waa ajaanib. 6) BAXREYN waa 1.5 milyan. 739.736 waa waddani. 848.934 waa ajaanib. Wadamada ugu badan ee ay kasoo jeedaan ajaanibka Khaliijka Carabta jooga waa kuwan. Hindiya waxaa Khaliijka ka jooga dad gaadhaya 9.1 milyan. Bangladesh 5.04 milyan. Pakistan 4.9 milyan. Masaari 3.3 milyan Iyo Philippines 2.2 milyan ah.. Vos Qaran News

Qaran News