Taliska Ciidanka Asluubta Puntland ayaa beeniyay in maxaabiis Daacish ah ay ka baxsatay xabsiga weyn ee magaalada Boosaaso iyo guud ahaa xabsiyada Puntland. Taliyey ku-xigeenka Ciidanka Asluubta Puntland Gen. Cabdiqaadir Axmed Khayre oo maanta shir jaraa’id ku qabtay gudaha xabsiga magaalada Qardho ayaa sheegay in ay waxba kama jiraan aan sal iyo raad la hayn yihiin warar lagu faafiyay baraha bulshada oo sheegaya in maxaabiis Daacish ah ka baxsatay xabsigga magaalada Boosaaso. Wuxuu taas baddelkeeda tilmaamay in shalay xabsigga magaalada Boosaaso la keenay maxaabiis cusub oo ajaaniib ah oo laga qabtay kooxda Daacish ee lagu dagaalamayo buuraha Calmiskaad. Taliyaha wuxuu arrintan ku eedeeyay in ay ka dambeyso dowladda Federaaalka Soomaaliya oo uu sheegay in ay diidan tahay la dagaalanka Daacish iyo horumarka Puntland, sida uu hadalka u dhigay. Puntland waxay maalmo ka hor soo bandhigtay maxaabiista ajaanibta ah ee argagixisada Daacish looga qabtay howlgalka Calmiskaad, kuwaas oo u kala dhashay dalala Turkiga, Sacuudiga, Itoobiya, Morooko, Yemen, Siiriya iyo Tansaaniya. Hoos ka daawo hadalka Taliyaha PUNTLAND POST

Muqdisho – Beesha Caalamka, oo ay hormuud ka tahay UNTMIS, ayaa soo dhoweysay ku dhawaaqista Dowladda Federaalka Soomaaliya ee ku aaddan madasha wadatashiga qaran iyo martiqaadka ay u fidisay Golaha Mustaqbalka Soomaaliyeed (Somali Future Council). Bayaan ka soo baxay UNTMIS ayaa lagu sheegay in madashan ay tahay fursad muhiim ah oo lagu xoojinayo wada-hadal loo dhan yahay, laguna gaari karo is-afgarad ballaaran oo ku saabsan doorashooyin laga wada qayb-galo, daahfuran oo loo dhan yahay, ka hor inta uusan dhammaan waajibaadka dastuuriga ah ee dalka bilaha soo socda. Beesha Caalamka ayaa dib u xaqiijisay taageeradeeda joogtada ah ee ku aaddan geeddi-socod siyaasadeed oo loo dhan yahay, waxayna ku dhiirrigelisay Golaha Mustaqbalka Soomaaliyeed inay si wanaagsan uga jawaabaan martiqaadka dowladda, kana qeyb qaataan wadahadallada qaran. Sidoo kale, Beesha Caalamka waxay ku boorrisay dhammaan dhinacyada siyaasadda Soomaaliya inay si wax ku ool ah, masuuliyad lehna uga qeyb qaataan wadahadallada soo socda, si loo gaaro heshiis qaran oo ku saleysan wada-tashi, kaas oo horseeda xasillooni, horumar iyo barwaaqo waarta. Source: goobjoog.com

Jigjiga (Caasimada Online) – Ururka Jabhadda Waddaniga Xoraynta Ogaadeeniya (ONLF) ayaa magaalada Jigjiga uga dhawaaqay dhismaha isbahaysi siyaasadeed cusub oo loo bixiyay Isbahaysiga Shacabka Soomaaliyeed ee Aayo-ka-tashiga (SPAS). Isbaheysigan cusub ayey sheegtay inuu ujeedkiisu yahay mideynta dadaallada siyaasadeed, diblomaasiyadeed iyo kuwa bulsho ee Soomaalida ku nool dalka Itoobiya. Bayaan wadajir ah oo ay soo saareen ONLF, Congress for Somali Cause (CSC) iyo Somali Regional Democratic Alliance (SRDA) ayaa lagu caddeeyay in isbahaysigan cusub uu doonayo in la xoojiyo codka siyaasadeed, karaamada iyo mustaqbalka shacabka Soomaaliyeed. Ururradaasi waxay mar kale carrabka ku adkeeyeen in ku biirinta dhulalka Soomaaliyeed ee Itoobiya ay ahayd mid taariikh ahaan ku timid, iyadoo aan raalli ka ahayn shacabka Soomaaliyeed. Waxayna eedeeyeen dowladihii Itoobiya ee kala dambeeyay inay ku dhaqmeen takoorka, cabburinta siyaasadeed iyo ku tumashada xuquuqda aas-aasiga ah. Bayaanka ayaa sidoo kale xusay heshiiskii nabadeed ee la gaaray sanadkii 2018, xilligii uu bilowday hoggaanka Ra’iisul Wasaare Abiy Ahmed, markaas oo ONLF ay joojisay halgankii hubeysnaa kana mid noqotay geeddi-socodka nabadda. Si kastaba ha ahaatee, ururku wuxuu sheegay in rajadii laga qabay heshiiskaasi ay fashilantay, isla markaana ay sii socdeen eedeymo ku saabsan barakicin, la wareegid dhul iyo cadaadis siyaasadeed. “Waqtigii dulqaadka wuu dhammaaday,” ayaa lagu yiri bayaanka, iyadoo xukuumadda Addis Ababa lagu eedeeyay inay diidday wadahadal, isla markaana ay qaaday tallaabooyin lagu tilmaamay kuwo khatar ku ah jiritaanka shacabka Soomaaliyeed. Isbahaysiga SPAS ayaa ugu baaqay dhammaan Soomaalida inay mideeyaan mowqifkooda, isla markaana ay muujiyaan go’aan wadajir ah oo ku dhisan halgan xaq ah iyo aayo-ka-tashi. Dhanka kale, Dowladda Federaalka Itoobiya weli kaka hadal bayaankan, mana jiro wax jawaab rasmi ah oo ilaa hadda ka soo baxay Addis Ababa. Arrintan ayaa kusoo beegmaysa xilli ay jiraan walaacyo caalami ah oo ku saabsan xasilloonida iyo xuquuqda aadanaha ee qaybo ka mid ah Itoobiya, gaar ahaan meelaha ay saameeyeen colaadaha iyo murannada siyaasadeed. The post ONLF oo ku dhawaaqday isbahaysi cusub, eedeymo culusna u jeedisay xukuumadda Abiy appeared first on Caasimada Online.

Israeli President Isaac Herzog held talks with Somaliland’s president at the World Economic Forum, welcoming the establishment of diplomatic relations despite regional backlash over Israel’s recognition of the breakaway region. Israeli President Isaac Herzog met with the leader of Somalia’s breakaway Somaliland region on Thursday on the sidelines of the World Economic Forum in Davos, Switzerland. In a post on X, Herzog stated he was “pleased” to meet Somaliland President Abdirahman Mohamed Abdullahi and welcomed the establishment of diplomatic relations between the two sides, expressing hope for expanded bilateral cooperation. Background of Controversial Recognition On December 26, Israel became the first and only country to formally recognize Somaliland as an independent and sovereign state, a move that drew sharp criticism across the Horn of Africa and the Arab world. Somalia immediately rejected the decision, reaffirming its “firm and non-negotiable” commitment to its sovereignty and territorial integrity. Somaliland has functioned as a de facto independent entity since declaring independence from Somalia in 1991 but has not gained broad international recognition. Regional and Diplomatic Implications Israel’s recognition of Somaliland is viewed as a strategic maneuver to gain a diplomatic and potentially security foothold in the Horn of Africa, a region of growing geopolitical importance near key maritime routes. The move further complicates Somalia’s fragile statehood and could incentivize other secessionist movements while alienating Mogadishu and its allies. The Davos meeting signals Israel’s intent to deepen engagement with Somaliland despite regional opposition. Broader Context of Israel’s Foreign Policy Under the current government, Israel has pursued closer ties with nations and entities on the periphery of the Arab and Muslim world, often leveraging technology, security cooperation, and diplomatic recognition as tools of influence. Engagement with Somaliland aligns with this pattern, though it risks escalating tensions in an already volatile region and may provoke counteractions from Somalia and its partners, including Turkey and several Arab states. Source en.yenisafak Qaran News

Qaar ka mid ah xildhibaanada Somaliland ku matala baarlamaanka federaalka Soomaaliya ayaa maanta ku dhawaaqay in ay dhisayaan maamul la magac-baxay Guban State oo ay sheegeen in caasimaddiisu noqon doonto magaalada taariikhiga ah ee Seylac. Xildhibaanadan oo ka soo jeeda beesha Ciise ayaa maamulka Somaliland ku eedeeyay in uu xasuuq ka geystay gobolka Awdal oo ay xuseen in dadkiisu taageersan yihiin midnimada iyo wadajirka Soomaaliya. Arrintan waxaa ku soo aadaysaa, iyadoo hore dowladda federaalka Soomaaliya uga dhawaajisay in ay gobolka Awdal ka dhisayso maamul loogu magac-daray Awdal State, kaas oo caasimaddiisa lagu sheegay in ay noqon doonto magaalada Boorama. Gobolka Awdal waxaaa ka taagan xiisad uu abuuray buuga xeer Ciise, taas oo u dhaxeysa beelaha Ciise iyo Gadabuursi oo isku haya lahaanshiyaha degmada taariikhiga ah ee Seylac, waxayna taasi sababtay in ay gobolkaas ku soo qulqulaan maleeshiyo beeleedyo hubaysan oo ka soo talaabay xadadka Itoobiya iyo Jabuuti. PUNTLAND POST

Dhuusamareeb (Caasimada Online) – Madaxweyne Ku-xigeenka Dowlad-goboleedka Galmudug, Cali Daahir Ciid ayaa si adag uga jawaabay hadallada gafka ah ee kasoo yeeray Madaxweynaha Mareykanka, Donald Trump, kaasi oo uu ku baaqay in xilka laga qaado. Cali Ciid ayaa Trump ku eedeeyay inuu noqday burcad-badeedka ugu weyn ee waayahan casriga ah, kadib markii uu xoog ku qaatay khayraadka Venezuela. “Waa inaad is casishaa ama aad wajahdaa xil-ka-qaadis,” ayuu yiri Madaxweyne Ku-xigeenka Galmudug oo bartiisa X (ex-Twitter) ku baahiyay qoraal uu ugu jawaabayo Madaxweyne Trump. Sidoo kale waxa uu caddeeyay in Soomaaliya leedahay dowlad sharci ah oo la aqoonsan yahay, lagana xushmeeyo fagaareyaasha caalamka, haatana haysa guddoonka golaha ammaanka ee Qaramada Midoobay. “Soomaaliya maanta waxaa ka talisa dowlad si caalami ah loo aqoonsan yahay, taas oo hadda hoggaamineysa Golaha Ammaanka ee Qaramada Midoobay, isla markaana maamusha hay’ado amni oo badan kuwaas oo si guul leh u soo afjaray burcad-badeednimadii mar ka jirtay baddeeda,” ayuu yiri. Trump oo marar kala duwan weerar afka ah ku qaaday Soomaaliya ayaa ku tilmaama dal fashilmay oo dowlad laheyn, in dadkiisu is-dilaan, isla markaana ay ku badan yihiin burcad-badeedda. “Soomaaliya ma aha dal iyo wax u eg, Mareykan ayey yimaaddaan Soomaalidu, si ay u taajiraan, mana shaqaystaan,” ayuu Trump ku yiri weerarkii u dambeeyay ee ku qaado Soomaaliya. Hadallada Trump oo dhaliyay fal-celin xooggan ayaa si muuqata u xambaarsan cunsuriyad wayn iyo jees-jees, isaga oo aan lahayn isku xirka hadal siyaasadeed oo rasmi ah. Madaxweynaha dowladda Mareykanka oo caan ku ah hadallo soo noq-noqda iyo jees-jees, ayaa weli kusii cel-celinayo weeraro dhanka ah afka ah oo uu ku qaadayo Xildhibaan Ilhan Omar iyo dalka ay kasoo jeedo ee Soomaaliya. The post Galmudug oo ku baaqday in xilka laga qaado madaxweynaha dalka… appeared first on Caasimada Online.

Magaalada Davos ee dalka Switzerland, Madaxweynaha maamulka Somaliland, Cabdiraxmaan Maxamed Cabdillaahi (Cirro), ayaa ku faanay kulan casho-sharaf ah oo uu la qaatay Madaxweynaha Israel, Isaac Herzog, iyo xubno kale oo caalami ah. Kulankan oo ka dhacay meel ka baxsan shirka Dhaqaalaha Adduunka, ayaa Cirro waxa uu ku tilmaamay mid guul u ah xidhiidhka uu maamulkiisu la leeyahay dowladda Israel iyo xoojinta iskaashiga u dhexeeya labada dhinac. ​Waxa kale oo uu Madaxweynaha maamulka Somaliland si gaar ah u xusay in kulankaas uu qayb ka ahaa Eric Trump, oo ah wiilka Madaxweynaha Maraykanka. Inkasta oo Eric Trump uu yahay shakhsi inta badan gacanta ku haya maamulka hantida iyo ganacsiga ballaadhan ee qoyskiisa, halkii uu xil rasmi ah ka hayn lahaa dowladda Maraykanka, haddana Cirro ayaa u muuqda mid muhiimad gaar ah siinaya joogitaanka wiilka Madaxweynaha Maraykanka ee kulankaas. Sidoo kale, waxa uu sheegay inay goobta joogeen siyaasiyiin iyo hoggaamiyeyaal kale oo caalami ah, taas oo uu u arko fursad kor u qaadaysa sumcadda maamulkiisa ee fagaarayaasha caalamiga ah. Source: goobjoog.com

Muqdisho (Caasimada Online) – Golaha Wasiirrada Xukuumadda Soomaaliya oo maanta shirkoodii caadiga ahaa ku yeeshay magaalada Muqdisho ayaa ka hadlay arrimo ku aadan xaaladda guud ee dalka iyo amniga, iyada oo sidoo kale shirka lagu ansixiyay heshiis is-afgarad oo muhiim ah. Shirka oo uu guddoomiyay Ra’iisul wasaare ku-xigeenka labaad ee Xukuumadda Soomaaliya, Mudane Jibriil Cabdirashiid Xaaji Cabdi ayaa lagu meelmariyay heshiis is-afgarad oo u dhexeeya maamullada dekadaha (PSC) ee gobolka Badweynta Hindiya, oo ay soo gudbisay Wasaaradda Dekadaha iyo Gaadiidka Badda ee JFS, iyo Siyaasadda Boostada Soomaaliyeed ee 2025–2030, oo ay soo diyaarisay Wasaaradda Isgaarsiinta iyo Teknolojiyadda. Heshiiskan ayaa gacan ka geysanaya hubinta badbaadada, ilaalinta deegaanka, iyo kordhinta kalsoonida dekedaha. Sidoo kale shirka Golaha Wasiirrada waxaa lagu soo bandhigay warbixinno ku saabsan Siyaasadda Maareynta Wax-qabadka Isku-dhafan ee hey’adaha dowladda iyo Shirka Wadatashiga Siyaasadda ee ay Xukuumadda DanQaran ku dhawaaqday. Dhinaca kale, Wasiirka Dekadaha iyo Gaadiidka Badda Xukuumadda Soomaaliya, Cabdulqadir Maxamed Nuur (Jaamac) oo qoraal soo saaray ayaa u mahad-celiyay Golaha Wasiirada ee meel-mariyay heshiiska cusub ee u dhexeeya maamullada dekadaha (PSC) ee gobolka Badweynta Hindiya. “Waxaan mahad ballaaran u jeedinayaa Golaha Wasiirrada oo maanta meel-mariyey Is-afgaradka ka dhexeeya Maamullada Dekadaha (PSC) ee gobolka Badweynta Hindiya. Is-afgaradkani wuxuu xoojinayaa iskaashiga iyo xog-wadaagga dalalka gobolka, wuxuuna gacan ka geysanayaa hubinta badbaadada, ilaalinta deegaanka, iyo kordhinta kalsoonida dekedaha”. ayuu yiri Wasiirku. Sidoo kale, wuxuu intaas kusii daray in ku dadaali doonaan horumarinta dekadaha iyo danaha qaranka, si Soomaaliya ay u gaarto isku filnaan buxuda. “Waxaa naga go’an hirgelinta shuruucda muhiimka u ah danaha qaranka, si loo helo bad ammaan ah oo lagu kalsoonaan karo” ayuu mar kale yiri Jaamac. The post Muxuu yahay heshiiska ay maanta meel-mariyeen Golaha Wasiirrada? appeared first on Caasimada Online.

a09794b30a3e06f3c2208a77f670db7c Qaran News

Riyadh (Caasimada Online) — Boqortooyada Sacuudi Carabiya ayaa hadda u dhaqaaqday inay wiiqdo, soona xirto saameynta ay Imaaraadka Carabta ku leeyihiin Badda Cas iyo Geeska Afrika kadib markii khilaaf culus oo ka dhashay dalka Yemen uu bannaanka soo dhigay loolan hoose oo u dhexeeya labadan dal ee Khaliijka ee xulafada ahaa, sida lagu sheegay warbixin uu daabacay wargeyska Washington Post. Kala-aragti duwanaanshaha ayaa soo shaac-baxay toddobaadyadii la soo dhaafay, gaar ahaan Koonfurta Yemen, halkaas oo ciidamo gooni-u-goosad ah oo Imaaraadku taageero ay qabsadeen dhul, taas oo keentay in Sacuudigu soo farageliyo si uu u taageero dowladda Yemen ee caalamku aqoonsan yahay. Riyadh ayaa duqeysay xoogagga gooni-u-goosadka, waxayna sheegtay inay beegsatay shixnad Imaaraadku leeyahay oo lagu eedeeyay inay siday hub loo waday kooxdaas. Dhacdadaas kadib, Imaaraadku wuxuu si degdeg ah ula baxay ciidamadiisii, waxaana burburay golihii hoggaanka ee gooni-u-goosadka. Falanqeeyayaasha ayaa tallaabadan degdegga ah ku tilmaamay mid dib u qaabeysay miisaanka awoodda ee marinka istiraatiijiga ah ee Baab al-Mandab — oo ah marin-biyood muhiim ah oo isku xira Badda Cas iyo Gacanka Cadmeed. Diblomaasi Sacuudi ah oo la hadlay Washington Post ayaa sheegay in fiditaanka Abu Dhabi ee hareeraha Badda Cas uu ka hor imanayo aragtida Riyadh ee ku aaddan in aaggaasi yahay “Suunka Amniga” ee Boqortooyada. Wuxuuna intaas ku daray in Sacuudigu uu hadda doonayo inuu muujiyo “Khadadka Cas” ee aan la ogolaan karin. Muddo sanado ah, Sacuudiga iyo Imaaraadku waxay u shaqeynayeen si wadajir ah, iyagoo taageerayay hoggaamiyeyaal xulafo la ah kadib kacdoonkii Carabta, islamarkaana dhistay isbaheysi ka dhan ah Xuutiyiinta Yemen ee Iran taageerto. Si kastaba ha ahaatee, warbixintu waxay tilmaantay in danahoodu ay kala leexdeen; Sacuudiga oo xoogga saaraya ilaalinta awoodda dowladnimada, halka Imaaraadku uu ku tiirsanaaday kooxo hubeysan oo maxalli ah iyo saldhigyo ganacsi si uu u ballaariyo saameyntiisa. Wargeyska ayaa weriyey in Sacuudigu uu dhowaan xoojiyey isbaheysiyo kale oo gobolka ah, isagoo wadahadallo la furay Masar iyo Soomaaliya oo ku aaddan iskaashi dhanka amniga ah. Dowladda Federaalka ay joojijsay heshiisyada milatari ee ay la gashay Imaaraadka, dalkaas oo dano dekedo iyo saldhigyo milatari ku leh Somaliland, Puntland, iyo Jubaland — deegaanno ay awoodda Muqdisho ku xaddidan tahay. Sidoo kale, xogta duulimaadyada ee uu soo xigtay Washington Post ayaa muujisay in diyaaradaha ka imanaya Imaaraadka qaarkood ay beddeleen jidkooda si ay uga fogaadaan hawada Masar, Sacuudiga, iyo Soomaaliya. Falanqeeyayaasha ayaa aaminsan in duulimaadyadan ay xiriir la leeyihiin taageerada kooxaha Imaaraadku xulafada la yahay ee colaadaha ka jira Afrika, sida Chad, Libya, iyo Sudan. “Isbeddelka halkan ka dhacay waa mid weyn,” waxaa sidaas yiri Liam Karr oo ka tirsan machadka American Enterprise Institute. Wuxuuna xusay in xoogagga Imaaraadku taageero ay u muuqdeen kuwo qarka u saaran inay la wareegaan gacan ku heynta labada dhinac ee marinka Baab al-Mandab, ka hor inta uusan Sacuudigu soo faragelin. Warbixintu waxay intaas ku dartay in walwalka Sacuudigu uusan ku koobnayn Yemen oo keliya, balse uu gaarsiisan yahay Geeska Afrika, halkaas oo Imaaraadku uu maalgashi culus ku sameeyay dekedo iyo kaabayaal milatari. Waxaa si gaar ah loo xusay xarumaha Berbera ee Somaliland iyo saldhig ku yaalla Boosaaso, Puntland, oo khubaradu sheegeen inuu taageero u fidiyo howlgalada diyaaradaha aan duuliyaha lahayn (Drones) iyo saadka gobolka. Ugu dambeyntii, Washington Post waxay sheegtay in Sacuudigu uu hadda miisaamayo tallaabooyin ballaaran oo uu kaga hortagayo awoodda Imaaraadka — ma aha oo kaliya Yemen, laakiin waa guud ahaan wadamada nugul ee gobolka, halkaas oo labada quwadood ee Khaliijku ay ku tartamayaan saameynta amniga, dekedaha, iyo siyaasadda. The post Kadib Yemen, Sacuudiga oo ballan-qaaday in Imaaraadka Carabta uu ka sifeyn doono… appeared first on Caasimada Online.

Muqdisho (Caasimada Online) – Golaha Wasiirrada Soomaaliya oo maanta shirkoodii caadiga ahaa ku yeeshay magaalada Muqdisho ayaa ka hadlay arrimo xasaasi oo ku aadan xaaladda guud ee dalka, amniga iyo wadada-hadallada la filayo inay u bilowdaan Xukuumadda iyo Golaha Mustaqbalka. Sidoo kale kulanka oo uu guddoomiyay Ra’iisul wasaare ku-xigeenka labaad ee Xukuumadda Soomaaliya, Mudane Jibriil Cabdirashiid Xaaji Cabdi ayaa lagu soo qaaday howlgallada ciidamada, iyada oo lagu bogaadiyey Ciidamada Qalabka Sida ee naftooda u huraya difaaca iyo ilaalinta shacabka Soomaaliyeed, kuwaas oo shalay khawaarijta ku jabiyey deegaanka Kudhaa, oo ay argagixisadu isku dayeen in ay ku dhibaateeyaan shacabka deegaannadaasi, balse Ciidamada Qaranka ay ka difaaceen weerarkii naf la caariga ahaa ee ay soo qaadeen. Sidoo kale, intii uu socday kulanka ayaa waxaa lagu ansixiyey heshiis is-afgarad oo u dhexeeya maamullada dekadaha (PSC) ee gobolka Badweynta Hindiya, oo ay soo gudbisay Wasaaradda Dekadaha iyo Gaadiidka Badda ee JFS, iyo Siyaasadda Boostada Soomaaliyeed ee 2025–2030, oo ay soo diyaarisay Wasaaradda Isgaarsiinta iyo Teknolojiyadda. Dhanka kale, Golaha waxaa lagu soo bandhigay warbixinno ku saabsan Siyaasadda Maareynta Wax-qabadka Isku-dhafan ee hey’adaha dowladda iyo Shirka Wadatashiga Siyaasadda ee ay Xukuumadda DanQaran ku dhawaaqday. Madaxweynaha Soomaaliya Mudane Xasan Sheekh Maxamuud ayaa horay ugu dhawaaqay gogol wadatashi qaran, iyadoo casuumaad loo diray madaxda ku bahoobay Golaha Mustaqbalka Soomaaliyeed oo ay ku mideysan yihiin mucaaradka, Jubaland iyo Puntland. Xukuumadda DanQaran ee uu hoggaamiyo Ra’iisul Wasaare Xamza ayaa casuumad rasmi ah u fidisay Madaxweynayaasha Jubaland iyo Puntland, iyo siyaasiyiinta mucaaradka ee ku midoobay Golaha Mustaqbalka Soomaaliyeed, iyada oo bayaanka kasoo baxay xafiiska Ra’iisul Wasaaraha Soomaaliya lagu shaaciyay in shirweynahaas uu Muqdisho ka furmi doono 1-da bisha soo aadan ee Febraayo 2026. “Xukuumadda Jamhuuriyadda Federaalka Soomaaliya, iyadoo ka duuleysa talo soo-jeedinta Madaxweynaha Jamhuuriyadda Mudane Xasan Sheekh Maxamuud, waxay casuumaad rasmi ah u fidinaysaa Golaha Mustaqbalka Soomaaliyeed,” ayaa lagu yiri bayaanka xafiiska Ra’iisul Wasaaraha Soomaaliya. Soomaaliya ayaa haatan ku jirta marxalad siyaasadeed oo aad u cakiran, isla markaana ka dhalatay isfaham-waaga ka taagan hannaanka doorashooyinka, waxaana sidoo kale usii dheer arrinta midnimada iyo abaaro ka jira waddanka. The post Sawirro: Maxaa kasoo baxay shirka golaha wasiirrada? appeared first on Caasimada Online.

Dowladda Federaalka Soomaaliya ayaa si rasmi ah ugu biirtay Isafgaradka Badweynta Hindiya (Indian Ocean Memorandum of Understanding – IOMOU), oo ah heshiis caalami ah oo diiradda saara kormeerka maraakiibta, badqabka gaadiidka badda, iyo ilaalinta deegaanka badaha. Tallaabadan ayaa ah mid istiraatiiji ah oo kor u qaadaysa awoodda Soomaaliya ee ilaalinta biyahaheeda iyo dekedaheeda, ayadoo sidoo kale Soomaaliya ay fursad u heli doonto hubinta badqabka gaadiidka badda. War-saxaafadeed ka soo baxay Wasaaradda Dekedaha iyo Gaadiidka Badda ayaa lagu sheegay in ku biirista isafgaradkan ay Soomaaliya u suuragelinayso inay si buuxda uga qayb qaadato nidaamka Port State Control, kaas oo ujeeddadiisu tahay hubinta in maraakiibta shisheeye ee dekedaha soo gasha ay u hoggaansamaan shuruucda caalamiga ah ee badqabka, shaqaalaha badda iyo ilaalinta deegaanka. Wasaaraddu waxay sheegtay in heshiiskani uu si gaar ah muhiim ugu yahay yareynta khataraha shilalka badda, ka hortagga wasakhowga, iyo xoojinta badbaadada maraakiibta taya-darran. Sidoo kale, wuxuu gacan ka geysanayaa ilaalinta xeebaheeda, khayraadka badda iyo kalluumeysiga, kuwaas oo ah laf-dhabarta nolosha iyo dhaqaalaha bulshooyin badan oo Soomaaliyeed. Iyadoo la raacayo isafgaradkan, Soomaaliya waxay xaqiijin doontaa u hoggaansanaanta heshiisyada caalamiga ah ee ay ka mid yihiin SOLAS, MARPOL, STCW iyo MLC 2006, kuwaas oo damaanad qaadaya badqabka maraakiibta, ka hortagga wasakhowga, tayada tababarka badmaaxyada, iyo ilaalinta xuquuqda shaqaalaha badda. Sidoo kale, ku biirista IOMOU waxay Soomaaliya u fureysaa fursado ay ku heli karto tababarro, khibrad iyo iskaashi caalami ah, taas oo sare u qaadaysa awoodda hay’adaha dalka ee kormeerka iyo maareynta gaadiidka badda. Dowladda ayaa sheegtay in natiijada laga filayo ay tahay bad ammaan ah, dekedo lagu kalsoonaan karo, iyo koboc dhaqaale oo ka dhasha horumarinta gaadiidka badda. Si kasta ha ha ahaatee ku biirista Soomaaliya ee Isafgaradka Badweynta Hindiya ayaa loo arkaa tallaabo muhiim ah oo xoojinaysa doorka dalka ee ganacsiga badda gobolka, isla markaana ka tarjumaysa dadaallada dowladda ee ku aaddan ilaalinta mas’uuliyadda caalamiga ah ee badaha iyo horumarinta kaabeyaasha dhaqaalaha dalka. Source: goobjoog.com

Davos (Caasimada Online) – Madaxweynaha Somaliland Cabdiraxmaan Maxamed Cabdullahi (Cirro) oo haatan ku sugan magaalada Davos ee dalka Switzerland ayaa kulan gaar ah la yeeshay madaxweynaha Israa’iil Isaac Herzog iyo wiilka madaxweynaha Mareykanka Eric Trump, oo ay ka wada-hadleen arrimo xasaasi ah. Kulanka Cirro iyo Isaac Herzog ayaa waxaa diiradda lagu saaray sidii loo xoojin lahaa xiriirka u bilaabmay Tel Aviv iyo Hargeysa iyo sidii loo dhameysitiri lahaa heshiisyada ay gaareen labada dhinac. Cabdiraxmaan Cirro oo qoraal soo dhigay bartiisa Facebook-ga ayaa ka hadlay kulanka, wuxuuna sheegay in diiradda lagu saaray arrimo ku aadan xoojinta xiriirka labada dhinac iyo aqoonsiga Somaliland, kaas oo Israa’iil ay ku dhawaaqday dhammaadka sanadkii hore. “Waxa aan xalay kulan casho-sharaf ah ku wada-qaadannay Davos- Shirka Dhaqaalaha Adduunka (World Economic Forum), Madaxweynaha Dawladda Israel, Mudane Isaac Herzog. Kulanka waxa aan diiradda ku saarnay xoojinta iyo horumarinta xidhiidhka labada dawladood ee Jamhuuriyadda Somaliland iyo Dawladda Israel” ayuu qoraalkiisa ku yiri madaxweynaha Somaliland. Sidoo kale wuxuu intaas ku daray in kulankan ay goobjoog ahaayeen hoggaamiyeyaal caalami ah oo ka socda dalalka caalamka, isla markaana uu ka mid yahay wiilka madaxweynaha Mareykanka, Eric Trump “Kulanka waxa sida oo kale ka soo qayb-galay siyaasiyiin culus iyo hoggaamiyeyaal caalami ah oo ka kala socday dhammaan daafaha dunida, iyo shakhsiyaad saameyn ballaadhan ku leh masraxa caalamiga ah, oo uu ka mid ahaa Eric Trump, wiilka Madaxweynaha Maraykanka” ayuu mar kale yiri. Dhankiisa Madaxweynaha Israa’iil Isaac Herzog ayaa bartiisa Twitter (X) ku baahiyey sawirrada kulanka dhex-maray isaga iyo Cabdiraxmaan Cirro, wuxuuna sheegay inuu ku faraxsan yahay la kulanka madaxweynaha Somaliland, isaga oo rajeeyay in ay sii socon doonto wada shaqeyntooda, si looga mira dhaliyo dadaallada socda ee labada dhinac. “Waan ku faraxsanahay in aan Davos kula kulmo Madaxweynaha Jamhuuriyadda Somaliland, Cabdiraxmaan Cirro. Aad ayaan ugu faraxsanahay xidhiidhka labada dal, waxaana rajaynayaa in aanu ka wada shaqayn doono sidii loo sii adkayn lahaa,” ayuu yiri madaxweyne Isaac Herzog. Si kastaba, Kulankan ayaa noqonaya kii ugu horreeyay ee madaxweyne Cirro la yeesho madaxweynaha Israa’iil, tan iyo markii lagu dhawaaqay aqoonsiga oo ay wada saxiixeen isaga iyo Ra’iisul wasaare Benjamin Netanyahu. The post Cabdiraxmaan Cirro oo la kulmay madaxweynaha Israel iyo wiilka Trump + Sawirro appeared first on Caasimada Online.

Madaxweynaha maamulka Somaliland Cabdiraxmaan Maxamed Cabdilaahi (Cirro) ayaa magaalada Davos ee dalka Switzerland kulan kula yeeshay madaxweynaha Israa’iil Isaac Herzog iyo Eric Trump oo ah wiilka uu dhalay madaxweynaha Maraykanka. Hadal qoraal ah oo uu bartiisa Facebook-ga soo dhigay madaxweyne Cirro ayuu ku yiri “waxa aan xalay kulan casho-sharaf ah ku wada-qaadannay Davos- Shirka Dhaqaalaha Adduunka (World Economic Forum), Madaxweynaha dawladda Israa’iil, Mudane Isaac Herzog. Kulanka waxa aan diiradda ku saarnay xoojinta iyo horumarinta xidhiidhka labada dawladood ee Jamhuuriyadda Somaliland iyo dawladda Israa’iil”. “Kulanka waxa sida oo kale ka soo qayb-galay siyaasiyiin culus iyo hoggaamiyeyaal caalami ah oo ka kala socday dhammaan daafaha dunida, iyo shakhsiyaad saameyn ballaadhan ku leh masraxa caalamiga ah, oo uu ka mid ahaa Eric Trump, wiilka Madaxweynaha Maraykanka” ayuu raaciyay. Madaxweynaha Somaliland ayaa tan iyo shalay la hadal hayay halka uu ku sugan yahay, iyadoo sawir uu soo dhigay bartiisa Facebook-ga uu hadal hayn badan dhaliyay. PUNTLAND POST

Golaha Wasiirrada Xukuumadda Jamhuuriyadda Federaalka Soomaaliya, oo maanta yeeshay kulankoodii caadiga ahaa, ayaa looga hadlay amniga dalka, howlgallada socda ee ay wadaan Ciidamada Qaranka, iyo gogosha wadahadal ee ay u fidisay Xukuumadda DanQaran dhinacyada siyaasadda. Kulanka oo uu shir-guddoomiyey Ra’iisul Wasaare Ku-xigeenka Labaad ee Xukuumadda JFS, Mudane Jibriil Cabdirashiid Xaaji Cabdi, ayaa lagu bogaadiyey Ciidamada Qalabka Sida ee naftooda u huraya difaaca iyo ilaalinta shacabka Soomaaliyeed, kuwaas oo shalay Shabaab ku jabiyey deegaanka Kudhaa, oo ay argagixisadu isku dayeen in ay ku dhibaateeyaan shacabka deegaannadaasi, balse Ciidamada Qaranka ay ka difaaceen weerarkii naf la caariga ahaa ee ay soo qaadeen. Kulanka Golaha ayaa intii uu socday, waxaa lagu ansixiyey heshiis is-afgarad oo u dhexeeya maamullada dekadaha (PSC) ee gobolka Badweynta Hindiya, oo ay soo gudbisay Wasaaradda Dekadaha iyo Gaadiidka Badda ee JFS, iyo Siyaasadda Boostada Soomaaliyeed ee 2025–2030, oo ay soo diyaarisay Wasaaradda Isgaarsiinta iyo Teknolojiyadda. Sidoo kale, Golaha waxaa lagu soo bandhigay warbixinno ku saabsan Siyaasadda Maareynta Wax-qabadka Isku-dhafan ee hey’adaha dowladda iyo Shirka Wadatashiga Siyaasadda ee ay Xukuumadda DanQaran ku dhawaaqday. Source: goobjoog.com

Madaxweynaha Somaliland ayaa dhiggiisa Israel kula kulmay magaalada Davos ee waddanka Switzerland halkaas oo uu ka socdo shirka dhaqaalaha Adduunku. Labada madaxweyne ayaa ka wadahadlay arrimaha xidhiidhka labada waddan iyo hawlaha socda. Madaxweynaha Israa’iil oo kulanka warbixin kooban ka bixiyay ayaa sheegay in uu ku faraxsan yahay kulanka madaxweyne Cirro, isagoo intaasi sii raaciyay in labada shacaba ka faa’iidaysan doonaan xidhiidhka labada waddan. Source

Kismaayo (Caasimada Online) – Wararka naga soo gaaraya Jubbada Hoose ayaa sheegaya in saaka mar kale uu dagaal qaraar ka dhacay deegaanka Kudhaa, halkaas oo ay shalay soo galeen maleeshiyaad ka tirsan Al-Shabaab. Ciidanka Jubbaland iyo kuwa Danab ayaa dib u weeraray deegaanka, waxaana saacado kadib ay ka saareen maleeshiyaadka argagixisada ee shalay qabsaday halkaasi. Warsaxaafadeed kasoo baxay Jubbaland ayaa lagu xaqiijiyay in ciidamada ay dib u qabsadeen deegaanka, ayna ka xoreeyeen kooxda Al-Shabaab. “Ciidamadama Jubbaland iyo Ciidan Danab oo si rasmi ah hadda gacanta ugu dhigay magaalo xeebeedka Kudhaa ee degmada Badhaadhe. Ciidanka ayaa saaka magalada dhowr jiho ka weeraray halkaas oo maleshiyada Khawaarijta ku sugnaayeen 24 sac wax kayar” ayaa lagu yiri warsaxaafadeedka. Waxaa kale oo ay ciidanka nolosha ku qabteen xubno Shabaab ahoo dagaalka qayb ka ahaa, kuwaas oo waayey meel u baxsadaan, sida lagu sheegay qoraalka. “Waxay ciidanka gacanta ku dhigeen qaybo kamid ah maleeshiyada oo waayey meel ka baxsadaan, kadibna ciidamada isku dhiibay” ayaa lasii raaciyay. Dhanka kale, Ra’iisul wasaaraha Soomaaliya, Xamza Cabdi Barre oo qoraal soo saaray ayaa ka hadlay guusha Ciidanka Jubbaland iyo kuwa Danab ay kasoo hooyeen dagaalka adag ee ay Al-Shabaab kula galeen deegaanka Kudhaa, isaga oo hambalyo iyo boggaadin u diray ciidanka geesiyeyaasha ee jilibka u dhigay maleeshiyaadka weeraray magaaladaasi oo istaraatiiji ah, muddo dheerna laga difaacayay argagixisada. “Waxaan boggaadinayaa sida aad weli baacsiga iyo sifeynta uga wadaan deegaannadii dirirtu ka dhacday” ayuu qoraalka ku yiri Ra’iisul wasaaruhu. Sidoo kale wuxuu tilmaamay in iska caabinta ay muujisay geesinimada ciidanka iyo inay ka feejignaayeen khatarta cadowga, sidaasna looga hortegay. Xaaladda Kudhaa ayaa maanta deggan, waxaana ka socda howlgallo amni xaqiijin ah oo lagu baacsanayo firxadka maleeshiyaadka kooxda Al-Shabaab. The post Ciidanka Jubaland iyo kuwa Danab oo dib u qabsaday deegaanka Kudhaa + Sawirro appeared first on Caasimada Online.

Jubaland ayaa goordhaweyd sheegtay in iyada oo kaashanaysa ciidamada Danab ay dib u qabsatay jasiirada Kudhaa oo 24 saac ee lasoo dhaafay gacanteeda ka maqnayd. Jubaland waxay tilmaantay in ay hayso xubno ka tirsan Al-shabaab oo isu soo dhiibay, kadib markii ay waayeen meel ay ka baxaan, sida ay hadalka u dhigtay. Ma jiraan warar madax bannaan oo xaqiijin kara sheegashada maamulka Jubaland, iyadoo ay yar tahay wararka madax bannaan ee laga heli karo deegaankaas. Kudhaa oo koonfur ka xigta magaalada Kismaayo, waa deegaan muhiim ah oo wixii ka horreeyay 2014-kii ay Al-shabaab u isticmaali jireen in ay ku gabadaan madaxda sarsare ee kooxda. PUNTLAND POST

https://qarannews.com/wp-content/uploads/2026/01/1c525432568af0dd964386914258c797.mp4 Qaran News

https://qarannews.com/wp-content/uploads/2026/01/90bcab0227ad25dfa246421e1af976f4.mp4 Qaran News

Soomaaliya iyo Qatar ayaa ka wada-hadlay xoojinta xiriirka labada dal iyo sare u qaadidda iskaashiga hay’adaha amniga ee dowladahan walaalaha ah, islamarkaana ka wada tirsan ururka Jaamacadda Carabta. Wasiirka Wasaaradda Amniga Gudaha ee Jamhuuriyadda Federaalka Soomaaliya, Mudane Cabdullaahi Sheekh Ismaaciil, oo booqasho rasmi ah ku jooga dalka Qatar, ayaa kulan la yeeshay Wasiiru Dowlaha Wasaaradda Arrimaha Gudaha ee Dowladda Qatar, Mudane Sheekh Cabdulcasiis bin Faysal bin Maxamed Aal-Thaani. Kulanka labada Wasiir ayaa looga hadlay xoojinta iskaashiga amniga ee u dhexeeya labada dal, iyo horumarinta hababka wada shaqayneed ee dhinacyada la xiriira. Kulankan ayaa qeyb ka ah dadaallada lagu xoojinayo xiriirka walaaltinimo iyo iskaashiga joogtada ah ee u dhexeeya dowladdaha Qatar iyo Jamhuuriyadda Federaalka Soomaaliya Source: goobjoog.com

Booliska Kenya ayaa xiray koox dhalinyaro Soomaali ah oo caan ka ah barta TikTok, kuwaas oo lagu eedeeyay inay dhibaato iyo cagajugleyn u geysteen dadka isticmaala waddooyinka magaalada Nairobi. Dhalinyaradan ayaa la sheegay inay dadka lugaynaya iyo kuwa baabuurta wata ku dhibayeen waddada General Wariungi ee xaafadda Kariokor, iyagoo ka duubayay muuqaallo ay u isticmaali jireen baraha bulshada. Booliska saldhigga Pangani oo fuliyay xarigga ayaa tilmaamay in tallaabadan ay qaadeen ka dib markii ay soo bateen cabashooyinka dadweynaha ee ku aaddan hab-dhaqanka kooxdan. Dhalinyaradan ayaa la sheegay inay sameyn jireen ficillo ay ka mid yihiin inay dadka si lama filaan ah ugu soo boodaan, iyagoo mararka qaar dumar iska dhigaya ama xiran dhar layaab leh, si ay uga naxiyaan dadweynaha. Muuqaalladaas ayay markii dambe u isticmaali jireen inay ku raadsadaan caannimo iyo “likes” barta TikTok, balse taasi waxay dhalisay cadho weyn iyo walaac xagga amniga ah oo ka dhashay dadweynaha ku nool Nairobi oo dareemay in kooxdan ay halis ku yihiin nabadgelyada guud. ​Saraakiisha booliska ayaa sheegay in dhalinyaradan hadda lagu hayo xarunta baaritaanka, iyadoo la baarayo ujeeddada dhabta ah ee ka dambeysay ficilladooda iyo haddii ay jiraan kooxo kale oo ku lug leh. Booliska ayaa sidoo kale uga digay dhalinyarada kale ee isticmaala baraha bulshada inay iska ilaaliyaan falalka liddiga ku ah sharciga iyo anshaxa guud, iyadoo la filayo in kooxdan la horgeeyo cadaaladda marka uu baaritaanku soo dhammaado. Source: goobjoog.com

Kismaayo (Caasimadda Online) – Ra’iisul wasaaraha Soomaaliya, Mudane Xamza Cabdi Barre oo qoraal soo saaray ayaa ka hadlay guushii shalay Ciidanka Jubbaland iyo kuwa Danab ay kasoo hooyeen dagaal ay Al-Shabaab kula galeen magaalada xeebeedka Kudhaa ee gobolka Jubbada Hoose. Xamza ayaa hambalyo iyo boggaadin u diray ciidanka geesiyeyaasha ee jilibka uu dhigay maleeshiyaadka soo weeraray magaaladaasi oo istaraatiiji ah, muddo dheerna laga difaacayay argagixisada. “Waxaan boggaadinayaa sida aad weli baacsiga iyo sifeynta uga wadaan deegaannadii dirirtu ka dhacday” ayuu qoraalka ku yiri Ra’iisul wasaaruhu. Sidoo kale wuxuu tilmaamay in iska caabinta ay muujisay geesinimada ciidanka iyo inay ka feejignaayeen khatarta cadowga, sidaasna looga hortegay. Waxaa kale oo uu tacsi u diray askartii ku geeriyootay dagaalka, isaga oo kuwa dhaawac ah u rajeeyay caafimaad deg-deg ah, loona fidin doono gurmad deg-deg ah. Weerarka fashilmay ayay Al-Shabaab u adeegsadeen qaraxyo, waxaase fashiliyay Danab iyo Daraawiishta Jubbaland oo xitaa gubay gaadiid ay lahayd kooxda, sida lagu sheegay qoraal kasoo baxay Jubaland. “Saddex gaari oo labo kamid ah ay saarnaayeen qoryaha suuga loo yaqaano ayay ciidamadu ka gubeen Khawaariijta, iyadoo sidoo kale khasaare baaxad leh oo isugu jira dhimasho iyo dhaawac uu cadowga kasoo gaaray dagaalka” ayaa lagu yiri war-saxaafadeedka Jubbaland. Xaaladda Kudhaa ayaa maanta deggan, waxaana ka socda howlgallo amni xaqiijin ah oo lagu baacsanayo firxadka maleeshiyaadka kooxda Al-Shabaab. The post Muxuu Xamza ka yiri guusha ciidanka Jubbaland iyo kuwa Danab? appeared first on Caasimada Online.

Hargeysa (Caasimada Online) — Madaxweynaha Somaliland ayaa sheegay inaanu fileyn in go’aanka ay Israa’iil ku aqoonsatay gobolkan gooni u goosadk ah uu si degdeg ah u dhalin doono guulo diblomaasiyadeed oo is-daba-joog ah, isagoo qoray: “Waan ognahay in aqoonsi caalami ah oo baahsan aanu habeen qura ku imaanayn.” Maqaal aragtiyeed uu ku daabacay wargeyska The Wall Street Journal, ayuu Madaxweyne Cabdiraxmaan Maxamed Cabdullaahi ku soo dhaweeyey aqoonsiga ay Israa’iil siisay Somaliland 26-kii December. Wuxuuna ku dooday in tallaabadani ay noqon karto “Dhiirrigeliye” ama tallaabadii koowaad ee ay qaadaan dalal kale oo uu sheegay inay muddo dheer u dabacsanaayeen qadiyadda Somaliland. Israa’iil ayaa noqotay dalkii ugu horreeyey ee si rasmi ah Somaliland ugu aqoonsada dal madax-bannaan 26-kii December, 2025. Go’aankaas waxaa si kulul u cambaareysay Soomaaliya oo ku tilmaantay xadgudub ka dhan ah madax-bannaanideeda, iyadoo sheegtay inay kaga hortagi doonto waddo kasta oo diblomaasiyadeed, siyaasadeed iyo sharci ah. Maqaalkiisa, Madaxweyne Cabdullaahi wuxuu ku sifeeyey aqoonsiga Israa’iil mid ku qotoma taariikh la wadaago iyo dano amni. Wuxuu dib u xasuusiyey wixii uu ku tilmaamay xasuuqii uu geystay kaligii-taliyihii hore ee Soomaaliya, Maxamed Siyaad Barre, dhammaadkii 1980-yadii, isagoo soo qaatay odhaah uu sheegay in ciidamada dhexdooda lagu faafin jiray oo ahayd: “Wada dila tuke mooyee.” Hoggaamiyaha Somaliland ayaa qoray in in ka badan 200,000 oo shacab ah la dilay, inta badan magaalada Hargeysana la burburiyey, taas oo boqolaal kun oo qof ku qasabtay inay u qaxaan Itoobiya. Cirro ayaa sheegay in Israa’iil ay ahayd cidda “Qeylo-dhaanta dirtay” ee Qaramada Midoobay ku wargelisay arrintan sanadkii 1990-kii. Wuxuu intaas ku daray in labada dhinac ay wadaagaan fahamka “Aayo-ka-tashiga iyo sharciyadda caalamiga ah.” Sidoo kale, wuxuu daliishaday xilligii ay Somaliland qaadatay madax-bannaanida 1960-kii ka hor intii aysan la midoobin Koonfurta Soomaaliya, taas oo uu u adeegsaday qayb ka mid ah dooddiisa dowladnimo. Wuxuu Somaliland — oo ah maamul aan la aqoonsaneyn oo ku dhawaaqay inuu ka go’ay Soomaaliya 1991 — ku tilmaamay saaxiib degan oo ku yaalla marin istiraatiiji ah oo isku xira Gacanka Cadmeed iyo Badda Cas, isagoo xusay xeebteeda iyo u dhowaanshaha marinnada maraakiibta muhiimka ah. Wuxuu xaaladdaas barbardhigay dagaalka dheer ee Soomaaliya ay kula jirto kooxda Al-Shabaab ee xiriirka la leh Al-Qaacida, halka uu iftiimiyey xasilloonida Somaliland iyo ciidankeeda ilaalada xeebaha oo ay tababartay UK, kuwaas oo uu sheegay inay biyahooda ka ilaaliyaan burcad-badeedda. Hoggaamiyaha Somaliland wuxuu sidoo kale xoogga saaray doodo dhaqaale oo lagu xoojinayo xiriirka, isagoo tusaale u soo qaatay maalgashiga $442 milyan ah ee shirkadda DP World ee fadhigeedu yahay Dubai ay ku casriyeynayso Dekedda Berbera. Wuxuuna sheegay in iskaashiga ganacsi iyo khibradda farsamo ee Israa’iil ay sare u qaadi karaan horumarka beeraha, tiknoolajiyadda, iyo adeegyada badda. Cirro wuxuu qoray in tallaabada Israa’iil ay xoojinayso dadaalka Somaliland ee ku aaddan helitaanka aqbalaad caalami ah oo ballaaran. Wuxuu farta ku fiiqay xiriirka ay la leeyihiin Taiwan iyo warbixintii xaqiiqo-raadinta ee Midowga Afrika sanadkii 2005, taas oo sheegtay in kiiska Somaliland lagu qiimeeyo asal taariikhi ah iyo mid damiir, halkii laga cabsan lahaa inuu tusaale u noqdo gobollo kale oo qaaradda ah. Isagoo ka hadlayay mustaqbalka, Cirro wuxuu sheegay in mid ka mid ah “daqiiqadaha ugu sharafta badan” ee madaxtinimadiisa ay noqon doonto furitaanka safaaraddii ugu horreysay ee rasmi ah oo Somaliland ku yeelato Israa’iil, inkastoo uu ku celiyey in aqoonsi ballaaran uu waqti qaadan doono. “Hase yeeshee, dalal badan oo Afrikaan ah iyo kuwa kaleba way la tiiraanyoonayeen qadiyadda… waxayna sugayeen cidda tallaabada qaadda,” ayuu qoray, isagoo raaciyey: “Hadda, Israa’iil ayaa qaaday tallaabadaas geesinimada leh. Waan ku kalsoonahay in kuwa kalena ay soo raaci doonaan.” The post Kadib Israa’iil, Cabdiraxmaan Cirro oo shaaciyey in uusan fileyn aqoonsi baahsan appeared first on Caasimada Online.

Dagaal xoogan ayaa saaka ka socda deegaanka jasiirada Kudhaa ee gobolka Jubbada Hoose, kaas oo u dhexeeya ciidamad Jubaland oo ay weheliyaan Danab iyo kooxdii Al-shabaab ee shalay qabsatay deegaankaas. Ciidamada Jubaland iyo kuwa Danab ayaa doonaya in ay dib ula wareegaan Kudhaa, waxayna ilaa shalay dagaal kula jireen kooxda Al-shabaab, iyaga oo taageeero dhanka cirka ah ka helaya ciidamada dowladda Kenya. Ma jiraan warar madax bannaan oo xaqiijin kara khasaaraha dhabta ah ee ka dhacay halkaas, iyadoo ay yar tahay wararka madax bannaan ee laga heli karo deegaankaas. Kudhaa oo koonfur ka xigta magaalada Kismaayo qiyaastiina u jirta 100 km, waxaa Al-shabaab lagala wareegay sanadkii 2014, halkaas oo ay markii hore u isticmaali jireen in ay ku gabadaan madaxda sarsare ee kooxda. PUNTLAND POST